Архивтегі фото

Күзде карантин тағы күшеюі мүмкін бе министрлік жауабы

4971
(Жаңартылды 18:45 04.09.2020)
Карантиндік шаралардың күшеюі немесе әлсіреуі қоғамның тәртібі мен жүріс-тұрысына тікелей байланысты, деп атап өтті Бағдат Қожахметов  

НҰР-СҰЛТАН, 4 қыркүйек – Sputnik. Денсаулық сақтау министрлігі "Күзде карантин тағы қатаңдатылуы мүмкін бе?" деген сұраққа жауап берді, деп хабарлайды Sputnik Қазақстан тілшісі.  

"Қазір денсаулық сақтау министрлігі мен үкімет бәрібір де жағымсыз болжамға сүйеніп отыр. Болжам ұзақмерзімді және қысқа мерзімді болады. Ұзақмерзімді болжамның кемшілігі көп, сондықтан министрлік қысқамерзімді апталық, 15 күндік немесе 10 күндік болжамдарға сүйенеді", - деді денсаулық сақтау министрлігінің ресми өкілі Бағдат Қожахметов онлайн брифингте.

Ол карантиннің жеңілдеуі немесе күшейтілуі адамдардың жауапкершілігі мен тәртібіне байланысты екенін айтты.

"Карантиндік шаралардың қандай болатыны, күшеюі немесе әлсіреуі біздің қоғамның тәртібі мен жүріс-тұрысына тікелей байланысты екенін ерекше атап өткім келеді. Біз санитар дәрігерлердің талабын бұлжытпай орындауымыз керек. Ең алдымен, маска тағып, арақашықтықты сақтаған жөн. Карантиннің қатаңдатылуы немесе мүлде алынып тасталуы сіз бен біздің жауапкершілігімізге байланысты", - деді министрлік өкілі.

Оқи отырыңыз: Қазақстанда тұмауға қарсы вакциналау науқаны 15 қыркүйекте басталады 

Сонымен қатар, брифинг барысында журналистер Қожахметовтен балабақшалардың екі аптадан кейін жабылатыны туралы ақпараттың рас-өтірігін сұрады.

"Екі аптадан кейін балабақшалар жабылады деген ақпаратқа қатысты ешқандай шешім жоқ. Құдайға шүкір, науқастардың саны азайып жатыр", - деді ол.

Ол коронавирустың жаңа толқыны жыл сайынғы маусымдық тұмаумен тұспа-тұс келуі мүмкін деген қауіп барын жасырмады. Сол себепті денсаулық сақтау министрлігі тұмауға қарсы вакциналауды биыл 15 қыркүйекте, әдеттегіден екі аптаға ерте бастайды.

4971
Кілт сөздер:
коронавирус, күз, карантин
Тақырып бойынша
"Тағы карантин жарияланады": Тоғжанов ел арасында тараған сыбысқа жауап берді
Індеттен қайтыс болғандар бөлек жерленбейтін болды – ол несімен қауіпті
Қазақстанда коронавирустық пневмонияға шалдыққандар саны күрт өсті
Қашықтан оқыту баланың оқу үлгерімін төмендете ме – министрдің жауабы
Алматыда 5-6 қыркүйекте карантин күшейтіледі
сүзбе

Сүзбенің ешкім күтпеген пайдасы анықталды

3031
Сүзбе айтарлықтай құнарлы тағам, сондықтан күніне 200 грамнан артық жемеген жөн, дейді дәрігерлер

НҰР-СҰЛТАН, 26 қыркүйек — Sputnik. Сүзбе күзгі депрессиямен күресуге көмектеседі және ер адамның қауқарын күшейтеді, деп жазады РИА Новости.

Гастроэнтеролог Алексей Буеверовтың айтуынша, сүзбе нәрлі заттарға, ақуыз бен майларға бай, ал көмірсулар керісінше аз.

"Сонымен қатар зерттеулерге сәйкес, сүзбені жиі жеген кезде көңіл-күй көтеріледі, бұдан бөлек, күзгі депрессиямен күресуге көмектеседі", - дейді дәрігер.

Ол бұл тағамның құрамында кальций, магний, цинк секілді микроэлементтер көп екенін атап өтті. Бұл тек сүйек тінін нығайтып қана қоймай, ер адамдардың қауқарын күшейтеді.

Дәрігер дүкенге барған уақытта "сүзбе" жазуына мән беруге кеңес берді. "Сүзбеше" және "сүзбе массасы" деген өнімдердің құрамында ароматизаторлар мен өсімдік майы болуы мүмкін.

Маманның айтуынша, сүзбе айтарлықтай құнарлы тағам, сондықтан күніне 200 грамнан артық жемеген жөн.

Оқи отырыңыз: Ғалымдар өлім алдында адамның қандай күйде болатынын анықтады

"Көп жемеген дұрыс, бірақ майлылығы жоғары – бес немесе тоғыз болғаны абзал. Майсыздандырылған сүт өнімдерінің пайдасынан зияны зор", - деді Буеверов.

Біріншіден, ағзаға қажетті мөлшерде май түспегендіктен, оны өзі жинай бастайды. Екіншіден, майсыздандырылған өнімдер дәмсіз болғандықтан, оның құрамына қант қосады. 

3031
Кілт сөздер:
сүзбе
Тақырып бойынша
Ғалымдар шайдың ешкім күтпеген пайдасын анықтады
Ғалымдар адамның қай жаста өзін мейлінше бақытсыз сезінетінін анықтады
Сүтті шайдың ешкім күтпеген зияны анықталды
Ғалымдар мезгілсіз өлімнің белгілерін атады
Нұр-Сұлтанда отбасылық мерекеден кейін ешкім күтпеген оқиға болды
шекара бекеті, архив

ҰҚК 35 түрікмен әйелінің шекараны кесіп өтуіне қатысты түсініктеме берді

1296
Түрікменстан азаматтары консулдықтың ресми өтінішіне сәйкес елден шығарылды, деп хабарлады Ұлттық қауіпсіздік комитеті

НҰР-СҰЛТАН, 26 қыркүйек — Sputnik. Ұлттық қауіпсіздік комитеті Түрікменстанның 35 азаматы отанына жасырын оралды деген ақпаратты жоққа шығарды, деп хабарлайды Sputnik Қазақстан.

"Centralasia.media" порталында "Қазақстанда қалып қойған 35 түрікмен әйелі отанына жасырын оралды" деген ақпарат жарияланды. Мақала авторы шекара жабық екенін және ол арқылы ешкімді өткізбегенін жазған. Бұл ақпарат шындыққа жанаспайды, деп хабарлады Ұлттық қауіпсіздік комитетінің баспасөз қызметі.

"Ақтау қаласындағы Түрікменстан консулдығының ресми өтінішіне сәйкес 22 қыркүйекте "Темір баба" өткізу пунктінде сағат 10.05-тен 12.00-ге дейін Түрікменстанның 42 азаматы елден шығарылды. Олардың ішінде 12 ер адам, 28 әйел және 2 бала бар", - деп нақтылады комитет.

ҰҚК баспасөз қызметінің хабарлауынша, 2020 жылдың наурызынан бастап түрікмен тарапы коронавируске байланысты мемлекеттік шекара арқылы адамдар мен көліктерді өткізуді біржақты тәртіпте тоқтатқан. Қазақстан тарапынан өткізу пункті жабылған жоқ.

1296
Кілт сөздер:
шекара, Түрікменстан
Алматы, күз

Еліміздің сегіз өңірі мен Нұр-Сұлтан қаласында дабылды ескерту жарияланды

0
Республиканың шығысы мен оңтүстік-шығысында жаңбыр жауады, оңтүстікте шаңды дауыл соғады, дейді синоптиктер

НҰР-СҰЛТАН, 26 қыркүйек — Sputnik. Қазгидромет еліміздің жеті өңірі мен Нұр-Сұлтан қаласында дабылды ескерту жариялады.

Синоптиктердің хабарлауынша, ертең Қазақстанның басым бөлігінде антициклонның ықпалынан күн ашық болады. Тек республиканың шығысы мен оңтүстік-шығысында жаңбыр жауады. Кей жерлерде тұман түсіп, жел күшейеді. Оңтүстікте шаңды дауыл соғады деп болжанып отыр.

Дабылды ескертулер

27 қыркүйекте Маңғыстау облысының кей жерінде шығыстан жел соғады, күші 15-20 м/с болады.

Атырау облысының кей жерінде шығыстан жел соғады, күші - 15-20 м/с.

Ертең түнде Түркістан облысының таулы аудандарында топырақ бетінде 2 градус үсік жүреді.

Қостанай облысында кей жерінде тұман түседі. Түнде 2 градус үсік жүреді.

Қарағанды облысында түман түседі. Солтүстік-шығыстан жел соғады, күндіз кей жерде күші 15-20 м/с-ке жетеді. Түнде  кей жерде 2 градус үсік болады деп болжанып отыр.

27-28 қыркүйекте Солтүстік Қазақстан мен Ақмола облыстарында кей жерде тұман түседі.

27-29 қыркүйекте Жамбыл облысында тұман, солтүстік-шығыстан жел соғады, күші 15-20 м/с болады. Түнде және таңертең кей жерде 1-3 градусқа дейін үсік сақталады.

27 қыркүйекте Нұр-Сұлтан қаласында түнде және таңертең тұман түседі.

0