Бағдат Қожахметов

Денсаулық сақтау министрлігінде тегін жұмыс істеймін Бағдат Қожахметов

2870
Денсаулық сақтау министрлігінің ресми өкілі телеарнаға басшы болып тұрған кезде жағдайының жақсы болғанын, 10 мың доллар шамасында жалақы алғанын айтты

АЛМАТЫ, 4 қыркүйек – Sputnik. Денсаулық сақтау министрлігінің ресми өкілі Бағдат Қожахметов Talk Like бағдарламасына берген сұхбатында "31" арнадан не себепті кеткенін, коронавирус індеті өршіп тұрған кезде неліктен министрліктің ресми өкілі болуға шешім қабылдағанын, отбасы және президенттің қазақша сөйлеуіне, депутаттардың жұмысына деген пікірін айтты.

Қожахметов "31" арнадан неге кетті?

Айтуынша, медиа саласында жүргеніне 28 жыл болған, оның 20 жылын телевизияға арнаған.

"31" арнаға жеті жыл басшы болдым. Сол жерде жұмыс істеп отыра берсем болатын еді. Бір қарасам, мен басқарып отырған телеарна динозавр сияқты көрінді. Жартастан түсейін деп тұрған кезең екен. Алдағы 5-10 жылда жалпы телевизия құрып кетпесе де, аттың басын жоққа бұрған индустрия ғой, сондықтан әрі қарай динозаврды басқарғым келмей қалды. Содан көңілім қалды", - дейді Қожахметов.

Телеарнаға басшы болып тұрған кезде жағдайының жақсы болғанын, 10 мың доллар шамасында жалақы алғанын айтты.

"Жақсы төледі, себебі көрсеткіштер жақсы болды, арна екінші орында тұрды. Содан өмірімде бірдеңені өзгерту керек деген ойға келдім. Ол кезде жасым 45-те, бұл ер адамның ең соңғы мүмкіндігі шығар. Сол мүмкіндікті пайдаландым да, кетіп қалдым. Жақсы жұмыс істеп отырған адамды кім қуады?", - дейді ол.

Сұхбат барысында жары Салтанат Қалиеваның "31" арнада "Ұят емес" бағдарламасын жүргізгеніне қатысты пікір білдірді. Айтуынша, Қалиеваға бұл бағдарламаның тізгінін ұстату туралы ұсынысты аутсорсинг компания тастаған. Одан кейін телеарна құрылтайшылары сараптама жүргізіп, шешім шығарған.

"Көрермендер сұраған жоқ. Бұл хабарды аутсорсинг компания жасады, жүргізушіні де өздері таңдады. Мен басында қарсы болдым, себебі жарын эфирге отырғызып қойыпты деген әңгіме болады. Қызметін пайдаланып әйелін эфирге отырғызды деп әріптестерім де айтатын еді. Құрылтайшыларға хабарласып, менің әйелімді жүргізуші ретінде таңдап отырғанын айттым. "Иә" десеңіздер қалады, "жоқ" десеңіздер алып тастаймыз дедім. Олар қалсын деді. Өте озғыр, хабарды жақсы жүргізетінін, Қазақстанның ТОП-5 жүргізуші әйелінің қатарына кіретінін айтып, сондай шешім қабылдады", - дейді Қожахметов.

Оқи отырыңыз: Министрлік өкілі вакцинаны кімдер өз ақшасына салдыратынын мәлімдеді 

Айтуынша, басшы болған адамның көп уақыты жұмысқа арналады. Сол себепті басшы адамның жары болу әйелдің соры шығар дейді.

"Көпшіліктің алдында жүрген соң неше түрлі жағдай болады. Қай жерде шын, қай жердің өтірік екенін ажырата алмай қаласың. Досың қайсы, қасың қайсы білмейсің. Жарың, балаларың, ата-анаң сол саясаттың құрбаны болып кетуі мүмкін", - дейді ол.

"Abai" арнасы қаншалықты керек

Сонымен қатар Бағдат Қожахметов елде дағдарыс болып жатқанда бір телеарнаның жабылып, басқа екі телеарнаның ашылғанын әлі күнге дейін түсінбейтінін айтты. Тіпті экономикалық жағдайды ескеріп, арнаның ашылуына қарсы екенін де жасырмады.

"Экономиканың құлдырауынан "Tamasha" арнасы жабылып жатыр деген ойға келдім, содан біраз уақыт өткен соң екі телеарна ашылатыны айтылды. Елде ақша жоқ болса, телеарна жабылып жатса, қалай жаңа телеарна ашылады деп ойладым. Ол сұраққа әлі жауап таппадым. Қазақтың ұлы тұлғасының есімін пайдаланып, есімі беріліп құрылған кез келген нәрсеге қарсы емеспін. Бірақ қазіргі уақытта телеарна ашылғаны қаншалықты керек?", - дейді Қожахметов.

Тегін жұмыс істейді

Ал өзінің денсаулық сақтау министрлігінің ресми өкілі болуы өмірдегі ұстанымына байланысты қабылданған шешім екенін алға тартты.

"Министр Цой немесе ертең басқа кісі болуы мүмкін, әңгіме ол жайлы емес. Жалпы медицина саласы туралы болып отыр. Медицина саласындағы мамандар бұған дейін жақсы жұмыс істемесе, мен өліп қалатын едім. Дәрігерлер мені үш рет аман алып қалды. Соларға деген азаматтық-адами борышымды өтеуге бардым. Неге мемлекет пен қоғамның арасында қарым-қатынас, байланыс төмендеп кетті? Екеуін қосып тұратын көпір бұзылды ма, осыған жауап беру үшін бардым", - дейді ол.

Бұл мақсатына алдағы алты ай ішінде қол жеткізетініне сенімді. Айтуынша, ресми өкіл ретінде министрлікте ақысыз жұмыс істейді.

"Нұр-Сұлтан қаласында маған үй жалдап алатын қаражат пен сол жерде таксимен жүретін қаражатты министрліктің бір компаниялары өтеп береді", - деді ол.

Айтуынша, Қазақстанда денсаулық сақтау саласына басқа мемлекеттермен салыстырғанда ақша аз бөлінеді. Сол себепті коронавирус пандемиясы кезінде бұл салаға қомақты қаржы бөлінді. Ал оған дейін жүйе дайын болмаған, жеткілікті деңгейде қаражат салынбаған.

"Қазір қаражаттың бәрі бөлініп жатыр. Жағдай қиындаған кезде медицина саласына көңіл бөлу керек екенін түсінді", - дейді ол.

 "Депутат болғым келеді"

Сұхбат барысында Қожахметов президенттің қазақшасына, депутаттардың жұмысына көңілі толмайтынын жеткізді.

"Көңілім толмайды. Президентке қоса тағы да бірнеше мемлекеттік қызметкер бар. Олар ана тілінде дұрыс деңгейде сөйлемейді. Мен де тіл шебері, шешені емеспін. Бірақ акцентсіз сөйлеуге тырысамын, кітап оқимын", - дейді денсаулық сақтау министрлігінің ресми өкілі.

Сондай-ақ, Тоқаевтың қазақшасы орташа екенін айтып, үш пен төрттің ортасы деген баға қойды.

"Қазіргі депутаттарды айтар болсақ, бізде 100-ден астам мәжіліс депутаты бар, індеттің кезінде Смирнова деген депутаттың ғана аты шығып жүр. Ол алып жүрген 1 миллион теңге жалақысын ақтап отыр. Қалған 99% депуттар қайда, олар үңгірге кіріп, тыныш отыр. Бұл шешімді 50-ге жақындаған кезде, принциптерім қалыптасқан кезде қабылдадым. Депутат болғым келеді. Билікті өзгерту үшін барғым келеді. Жүйені өзгерту үшін өмірге деген көзқарсы бірдей бір топ керек", - деді Бағдат Қожахметов.

Айтуынша, праймериздің арқасында Nur Otan партиясына осындай бір топ жиналады.

2870
Кілт сөздер:
жалақы, денсаулық сақтау министрлігі
Тақырып бойынша
Бала сүйе алмай жүрген ерлі-зайыптылардың бірыңғай регистрі жасалады
Бекшин көп реттік маскаға айыппұл салу жайлы сұраққа жауап берді
Денсаулық сақтау министрі коронавирусқа қарсы вакцинаны салдыруға дайын
Қазақстанда тұмауға қарсы вакциналау науқаны 15 қыркүйекте басталады
Күзде карантин тағы күшеюі мүмкін бе – министрлік жауабы
Архивтегі фото

Қазақстанның 6 облысында дабылды ескерту жарияланды

1711
Синоптиктер Жамбыл, Алматы, Қарағанды ​​облыстарында кей жерлерде 1-3 градус үсік жүреді деп болжады, сондай-ақ бірқатар өңірде тұман түсіп, жел күшейеді

НҰР-СҰЛТАН, 29 қыркүйек – Sputnik. Қазгидромет 30 қыркүйек пен 2 қазан аралығында алты облыста дабылды ескерту жариялады.  

30 қыркүйекте, 1-2 қазанда Жамбыл облысында кей жерлерде тұман түсіп, шаңды дауыл тұрады, солтүстік-шығыстан жел соғады, күші 15-20 м/с, 30 қыркүйекте екпіні 23 м/с жетеді деп болжанып отыр. 30 қыркүйекте, 1-2 қазанда түнде және таңертең кей жерлерде 1-3 градус үсік жүреді.

30 қыркүйекте Қарағанды облысының кей жерлерінде солтүстік-шығыстан, шығыстан жел соғады, күші – 15-20 м/с. Қарағанды қаласында 30 қыркүйекте түнде тұман түседі.

Оқи отырыңыз: Үсік жүреді – қыркүйекте ауа райы қандай болады  

30 қыркүйекте Қостанай облысының кей жерлерінде тұман түседі деп болжануда.

30 қыркүйекте түнде және таңертең Ақмола облысында кей жерлерде тұман түседі.

30 қыркүйекте Түркістан облысының кей жерлерінде шығыстан соғатын желдің күші 15-20 м/с жетеді.

30 қыркүйекте күндіз Қызылорда облысының кей жерлерінде шаңды дауыл тұрады. Солтүстік-шығыстан, шығыстан жел соғады, күші кей жерлерде – 15-20, күндіз екпіні 23 м/с болады. Күндіз төтенше өрт қаупі сақталады.

1711
Кілт сөздер:
дабылды ескерту, үсік, ауа райы
Праймериз

700-ге тарта адам Nur Otan праймеризіне қатысудан бас тартты

91
Қазіргі уақытта 11 249 адам партияның праймеризіне қатысуға өтініш берді, оның ішінде 10 235 кандидат тіркелді

АЛМАТЫ, 29 қыркүйек – Sputnik. Nur Otan праймеризіне қатысып жатқан 734 кандидат тіркеуден шығарылды, оның ішінде 668 адам өз еркімен шықты. Бұл туралы партия хатшысы Әлібек Әлденей мәлімдеді.

Оның айтуынша, праймериз өткізу ережелері мен партияның басқа да ішкі нормаларына қайшы келетін әрекет үшін қатаң шара қолданылып, келеңсіздікке жол берген үміткерлер партияішілік іріктеуден шығарылып жатыр.

"29 қыркүйекке дейін 734 үміткер тіркеуден шығарылды. Оның ішінде 668 адам өз еркімен шықты. Аймақтық ұйымдастыру комитеттерінің шешімімен 64 үміткердің өтініші күшін жойды. Олардың 27-сі дебатқа қатысудан бас тартқан. Төртеуі партия жарғысы мен әділ саяси бәсекенің талаптарына қайшы келетін әрекеттері үшін шығарылса, тағы 33 кандидат бойынша бастауыш партия ұйымдары өтініштерін кері қайтарып алды", – деп жазды ол Facebook парақшасында.

Қазіргі уақытта 11 249 адам өтініш берді, оның ішінде 10 235 кандидат тіркелді.

Әлденей барлық арыз-шағымға және заң бұзушылықтарға мониторинг жасап, оларға жедел түрде тиісті шара қолданылып жатқанын айтты.

Оқи отырыңыз: Nur Otan праймериз қарсаңында өрескел тәртіп бұзушылықтарды анықтады 

Nur Otan хатшысы қандай да бір тәртіп бұзу фактісіне куә болған жағдайда "Nur Otan" партиялық бақылау органдарына хабарлауды сұрады. Сондай-ақ, 8 (800) 080 4441 телефонына хабарласып (хабарласу тегін) немесе komek@nurotan.kz электронды поштасына хат жолдауға болады.

Nur Otan праймеризі

1 қазаннан (00.00) және 3 қазанға (14.00) дейін мобильді қосымша және арнайы веб-портал арқылы электронды түрде дауыс беруді өткізу жоспарланып отыр.

Дауыс берудің соңғы күні (3 қазан) бастауыш партия ұйымдарының базасында сайлау учаскелері ашылды. Интернет жоқ елді мекендерде қағаз бюллетеньдер бойынша дауыс бере алады.

Праймериз қорытындысы 5 қазанда жарияланады.

Nur Otan праймеризі партия көшбасшысы, Елбасы Нұрсұлтан Назарбаевтың тапсырмасы бойынша еліміздің партиялық-саяси даму тарихында тұңғыш рет жалпыреспубликалық партияішілік сайлау ауқымында өтеді.

91
Тақырып бойынша
Назарбаев қазақстандықтарға үндеу жасады
Елбасының баспасөз хатшысы праймеризге қатысты ақпарат жариялады
Назарбаев: партия қазақстандықтарды біріктіруі тиіс
Nur Otan партиясына адам қабылдау тоқтатылды – Байбек себебін түсіндірді
Nur Otan праймеризі: Байбек қауіпсіздік шаралары туралы хабарлады
Архивтегі фото

Қытайда тәрбиеші өлім жазасына кесілді

0
Балабақша қызметкері Ван Юнь әріптесінен өш алу мақсатында оның тобына барып жүрген балаларды улағаны анықталды

НҰР-СҰЛТАН, 29 қыркүйек – Sputnik. Қытайдың Цзяоцзо қаласында халық соты балабақша қызметкерін өлім жазасына кесті, деп хабарлады РИА Новости.

Сот материалдарына сәйкес, "Мэнмэн" балабақшасында жұмыс істеген Ван Юнь деген келіншек орта топқа жауапты тәрбиешімен жанжалдасып қалған. Артынан әріптесінен өш алу мақсатында оның тобына барып жүрген балаларды улауға шешім қабылдайды. Сөйтіп, 2019 жылы 27 наурызда таңертең Сунь есімді тәрбиешінің балалары жейтін ботқаға натрий нитритін салып жіберген. Сол күні 25 бала уланып, ауруханаға түсті. Бір бала көз жұмды.

Оқи отырыңыз: Балабақшадағы балалар есек етін жеп келгені әшкере болды 

Тергеу шаралары барысында Ван Юньн осы іспетті тағы бір қылмыс жасағаны анықталды. Осыдан үш жыл бұрын үйдегі жанжалдан кейін ол күйеуін улаған. 2017 жылы ақпан айында алдымен интернет арқылы натрий нитритіне тапсырыс берген. Ал химиялық затты алғаннан кейін суға қосып, күйеуіне берген. Ол кезде ер адам уланғанмен қатты зардап шекпеген.    

Цзяоцзо қаласының орта санаттағы халық сотының шешімімен Ван Юнь өлім жазасына кесілді.

0
Кілт сөздер:
Қытай, балабақша
Тақырып бойынша
Шымкентте балабақшада төрт бала мен тәрбиеші уланып қалды
Алматы облысында балабақшадағы видеодан кейін тәрбиеші хабарсыз кетті
Алматыда балабақшадан сәби ұрламақ болған әйелге қатысты тың дерек шықты
Бүлдіршінді сорпамен күйдірген балабақша қызметкері жазадан құтылды
Шипажайда баланы сүлгімен ұрған тәрбиеші қылмыстық жазаға тартылмайтын болды