ШЫҰ-ның терроризмге қарсы оқу-жаттығуы, архив

ШЫҰ-ның терроризмге қарсы оқу-жаттығуы 2021 жылы өтеді қорғаныс министрлігі

37
ТМД, ҰҚШҰ және ШЫҰ форматындағы делегация басшылары көпжақты әскери ынтымақтастықты дамыту бойынша бірқатар құжаттарға қол қойды

НҰР-СҰЛТАН, 2 қыркүйек – Sputnik. Коронавирус инфекциясының таралуына байланысты ШЫҰ-ның "Бейбіт миссия" терроризмге қарсы бірлескен оқу-жаттығуы 2021 жылға ауыстырылды, деп хабарлады Қазақстанның қорғаныс министрлігі.

Министрліктің баспасөз қызметінің хабарлауынша, Мәскеу қаласында ШЫҰ, ТМД және ҰҚШҰ қорғаныс ведомстволары басшыларының бірлескен отырысы өтті.

Отырыс барысында халықаралық қауіпсіздікті нығайту мен өңірлік тұрақтылықты қолдау мақсатында осы ұйымдар шеңберіндегі өзара іс-қимыл мәселелері талқыланды. Қатысушылар әлемдегі шиеленіс ошақтары мен қақтығыс аймақтарының өсуіне, сенім тапшылығы мен халықаралық қауіпсіздікке байланысты алаңдаушылық білдірді.

Сондай-ақ әлемді алаңдатып отырған СОVID-19 коронавирустық инфекция пандемиясына байланысты бірлесіп әрекет ету мақсатында өңірлік ұйымдар шеңберінде өзара іс-қимыл жасау қажеттілігі ерекше атап өтілді.

Бірлескен отырыс қорытындысы бойынша Ұлы Отан соғысы мен Екінші дүниежүзілік соғыстағы Жеңістің 75 жылдығына арналған бірлескен мәлімдемеге қол қойылды.

Бұдан бөлек, ТМД, ҰҚШҰ және ШЫҰ форматындағы делегация басшылары көпжақты әскери ынтымақтастықты дамыту бойынша бірқатар құжаттарға қол қойды.

ТМД мен ҰҚШҰ шеңберінде әскери ынтымақтастықты нығайту жөніндегі 2021 жылға арналған жұмыс жоспарлары бекітілді. Атап айтқанда, бірлескен әскери оқу-жаттығулар, қару-жарақ пен әскери техника көрмелері, оқу-әдістемелік жиындар, әуе шабуылына қарсы қорғаныс күштерін тексеру, кемелердің өзара кіруі көзделген. Оған қоса ҰҚШҰ аясында радиоэлектрондық күрес мәселелері бойынша жұмыс тобы құрылды.

37
Бала

Нұр-Сұлтанда бұрынғы әйелінен қашып жүрген ер адамға іздеу жарияланды

3
Психолог кәмелетке толмаған балалардың әкесінен қысым көріп жүргенін және оларға ананың қамқорлығы қажет екенін анықтады

НҰР-СҰЛТАН, 29 қыркүйек – Sputnik. Астаналық әйел туған балаларын бір жылдан астам уақыт көре алмай жүр. Прокуратура органдары балаларды анасынан жасырған әкеге іздеу жариялады, деп хабарлайды Нұр-Сұлтанның жеке сот орындаушылары өңірлік палатасының баспасөз қызметі.

"Ж.есімді азамат бұрынғы күйеуінен 10 және 11 жастағы балаларын ала алмай жүр. Әйел балаларын өзі тәрбиелегісі келеді, бірақ ер адам бұған көнбей, қарсылық көрсетуде", - деп мәлімдеді сот орындаушылар.

Әйел шарасыздықтан сотқа жүгінеді, бірақ алғашқыда қамқорлық ер адамға берілгендіктен, еш нәтиже шықпайды. Кейін апелляциялық инстанция сот-психологиялық сараптама негізінде шешімді өзгерткен.

Психолог кәмелетке толмаған екі бала әкесінен қысым көріп жүргенін және оларға ананың қамқорлығы қажет екенін анықтады.

"Соңғы үш жыл бойы балалар әкесімен тұрады. Бірақ соттың соңғы шешімімен бүлдіршіндердің тұратын жері өзгерді, енді олар анасымен тұруы керек. Прокуратура органдары ер адамға іздеу жариялады", - деді Нұр-Сұлтанның жеке сот орындаушылары өңірлік палатасы басшысының орынбасары.

Балалардың әкесі сот шешімімен келіспейді. Бір пәтерден екінші пәтерге көшіп, бұрынғы әйелі мен сот орындаушылардан жасырынып жүр.

Ер адам іздестірілуде.

3
Кілт сөздер:
балалар, Нұр-Сұлтан
Мемлекет басшысы Қасым-Жомарт Тоқаев Батыс Қазақстан облысының әкімі Ғали Есқалиевті қабылдады

Тоқаев БҚО әкімінің алдына бірқатар міндет қойды

15
(Жаңартылды 15:46 29.09.2020)
Президент етті мал шаруашылығын дамыту, мұнай мен газ өндіруге қатысы жоқ салаға тартылатын инвестицияны ұлғайту, өнеркәсіпті әртараптандыру бойынша облыс әкіміне бірқатар тапсырма берді

НҰР-СҰЛТАН, 29 қыркүйек – Sputnik. Мемлекет басшысы Қасым-Жомарт Тоқаев Батыс Қазақстан облысының әкімі Ғали Есқалиевті қабылдады, деп хабарлайды Ақорда.

Есқалиев Тоқаевқа өңірдің әлеуметтік-экономикалық дамуының негізгі көрсеткіштері, сондай-ақ, бұған дейін берілген тапсырмалардың орындалуы жөнінде баяндады.

Кездесу барысында Жайық өзеніндегі су деңгейінің төмендеуі, өңірдің энергияға тәуелділігі және жергілікті жолдардың жағдайы сияқты облыстағы негізгі мәселелер туралы мәлімет берілді. Президент Батыс Қазақстан облысының әкіміне үкіметпен бірлесе отырып, аталған проблемаларды шешуді тапсырды.

Сондай-ақ, Тоқаев етті мал шаруашылығын дамыту және осы бағытқа ғылыми тұрғыдан баса мән беру, мұнай мен газ өндіруге қатысы жоқ салаға тартылатын инвестицияны ұлғайту, өнеркәсіпті әртараптандыру, өңдеу секторының өндірісін арттыру жөнінде Есқалиевтің алдына бірқатар міндет қойды.

Тағы оқыңыз: Коронавирустың екінші толқынына дайын болайық – Тоқаев

Бұдан бөлек, мемлекет басшысы жұмыссыз және өзін-өзі жұмыспен қамтыған азаматтарды экономикалық қызметке тартуды жалғастыруды, сонымен қатар, аймақтағы үш ауысымды және апатты жағдайдағы мектептерге қатысты мәселелерді түбегейлі шешуді тапсырды.

15
Кілт сөздер:
әкім, Батыс Қазақстан облысы, Қасым-Жомарт Тоқаев
Тақырып бойынша
Тоқаев Алматыда автокөліктің капотына не жазды
Тоқаев жұмыс сапарымен Алматыға барды