Архивтегі фото

Бір балл жетпей қалған: ҰБТ-да жоғары ұпай алған 5 түлектің аты-жөні жарияланды

7731
(Жаңартылды 15:51 05.09.2020)
Ұлттық тестілеу орталығының директоры Дидар Смағұлов жоғары ұпай жинаған түлектерге ноутбук сыйға тартылатынын айтты

НҰР-СҰЛТАН, 5 қыркүйек – Sputnik. Ұлттық тестілеу орталығы барлық бейнежазбаны талдаудан өткізгеннен кейін ҰБТ-да жоғары ұпай алған түлектердің аты-жөнін жариялады, деп хабарлайды Sputnik Қазақстан тілшісі.

Бейнежазба тексерілді

Орталық директоры Дидар Смағұловтың айтуынша, жоғары ұпай алған түлектердің аты-жөні бірден жарияланбады. Себебі тест тапсыру пунктерінде орналасқан бейнежазбалардың барлығы талдаудан өткізілген. Бұл жұмыс тамыздың соңында аяқталды.

Оқи отырыңыз: Нұр-Сұлтан әкімі студенттер мен магистранттарға грант бөлді 

"2020 жылдың маусым айындағы ұлттық бірыңғай тестілеудің нәтижелері бойынша ең жоғары балл алған бес мектеп түлегін атап өтуге болады. Соның ішінде 138 балды төрт түлек және 139 балды бір түлек жинады. Қолданыстағы ережеге сәйкес, ҰБТ-дағы барлық бейнежазба 25 тамызға дейін талдаудан өтіп, тыйым салынған заттардың қолданылмағанына көз жеткізген соң олардың есімдерін енді жария етіп отырмыз", - деді Смағұлов Sputnik Қазақстан тілшісіне берген сұхбатында.

140-қа бір ұпай жетпей қалды 

Сонымен, биылғы ҰБТ-да бес түлек ең жоғары ұпай жинады. Олар:

  • Шәмші Ақберен Серғалиқызы – 139 ұпай;
  • Әбдіманап Абзал Бауыржанұлы – 138 ұпай;
  • Қуаныш Гүлнұр Ердіханқызы – 138 ұпай;
  • Бекжігіт Сымбат Амангелдіқызы – 138 ұпай;
  • Күлжанова Салтанат Асқарқызы – 138 ұпай.

ҰБТ-да жоғары ұпай алған талапкердің үшеуі – Түркістан облысының түлегі.

Ақберен Шәмші Ордабасы ауданындағы Шоқан Уәлиханов атындағы мектеп-гимназиясын бітірсе, Абзал Әбдіманап Теспе ауылдық мектебін тәмамдаған. Ал Гүлнұр Қуаныш Арыс қаласының Мұхтар Әуезов атындағы мектеп-гимназиясында білім алды.

Сымбат Бекжігіт Шымкент қаласындағы қыздарға арналған №2 "Білім-инновация" лицей-интернатта оқыған. Салтанат Күлжанова болса, Маңғыстау облысының тумасы. Мұнайлы ауданындағы Қызылтөбе ауылының мектебін бітірді.  

Бесеуіне ноутбук беріледі

Ұлттық тестілеу орталығының директоры Дидар Смағұлов ең жоғары ұпай жинаған бес түлекке ноутбук сыйға тартылатынын да айтты. Оның айтуынша, орталықта құрылған арнайы комиссияда жоғары балл жинаған түлектерді марапаттау мәселесі талқыланып, жоғары жаққа ұсыныс жасалды.

"Күні кеше республикалық комиссияның шешімімен осы ұсыныс қолдау тапты. Соның негізінде осы бір айдың ішінде оқуда пайдасы мол, оған қоса қазіргі қашықтықтан оқыту кезінде таптырмас көмекші құрал болатын ноутбуктерді сыйға тартпақпыз", - деп атап өтті Смағұлов.

138 ұпай алған бір түлек гранттан айырылды

Бұған дейін орталық бейнежазбаларды талдаудың нәтижесін жариялаған болатын. Соның қорытындысы бойынша 158 тест тапсырушының нәтижесі жойылды. Олардың ішінде 97 грант иегері, тіпті, 138 балл жинаған бір түлек те бар. Енді осы гранттардың бәрі тесті әділ тапсырған түлектер арасында таратылады.

7731
Кілт сөздер:
ҰБТ
Тақырып бойынша
Білім грантына қатысты жағымды жаңалық жарияланды
ҰБТ-2020: министрлік тестілеу қорытындысын жариялады
ҰБТ-да 138 балл жинаған түлек грантынан айырылып қалды
Архивтегі фото

Қазақстанның 6 облысында дабылды ескерту жарияланды

1745
Синоптиктер Жамбыл, Алматы, Қарағанды ​​облыстарында кей жерлерде 1-3 градус үсік жүреді деп болжады, сондай-ақ бірқатар өңірде тұман түсіп, жел күшейеді

НҰР-СҰЛТАН, 29 қыркүйек – Sputnik. Қазгидромет 30 қыркүйек пен 2 қазан аралығында алты облыста дабылды ескерту жариялады.  

30 қыркүйекте, 1-2 қазанда Жамбыл облысында кей жерлерде тұман түсіп, шаңды дауыл тұрады, солтүстік-шығыстан жел соғады, күші 15-20 м/с, 30 қыркүйекте екпіні 23 м/с жетеді деп болжанып отыр. 30 қыркүйекте, 1-2 қазанда түнде және таңертең кей жерлерде 1-3 градус үсік жүреді.

30 қыркүйекте Қарағанды облысының кей жерлерінде солтүстік-шығыстан, шығыстан жел соғады, күші – 15-20 м/с. Қарағанды қаласында 30 қыркүйекте түнде тұман түседі.

Оқи отырыңыз: Үсік жүреді – қыркүйекте ауа райы қандай болады  

30 қыркүйекте Қостанай облысының кей жерлерінде тұман түседі деп болжануда.

30 қыркүйекте түнде және таңертең Ақмола облысында кей жерлерде тұман түседі.

30 қыркүйекте Түркістан облысының кей жерлерінде шығыстан соғатын желдің күші 15-20 м/с жетеді.

30 қыркүйекте күндіз Қызылорда облысының кей жерлерінде шаңды дауыл тұрады. Солтүстік-шығыстан, шығыстан жел соғады, күші кей жерлерде – 15-20, күндіз екпіні 23 м/с болады. Күндіз төтенше өрт қаупі сақталады.

1745
Кілт сөздер:
дабылды ескерту, үсік, ауа райы
Праймериз

700-ге тарта адам Nur Otan праймеризіне қатысудан бас тартты

92
Қазіргі уақытта 11 249 адам партияның праймеризіне қатысуға өтініш берді, оның ішінде 10 235 кандидат тіркелді

АЛМАТЫ, 29 қыркүйек – Sputnik. Nur Otan праймеризіне қатысып жатқан 734 кандидат тіркеуден шығарылды, оның ішінде 668 адам өз еркімен шықты. Бұл туралы партия хатшысы Әлібек Әлденей мәлімдеді.

Оның айтуынша, праймериз өткізу ережелері мен партияның басқа да ішкі нормаларына қайшы келетін әрекет үшін қатаң шара қолданылып, келеңсіздікке жол берген үміткерлер партияішілік іріктеуден шығарылып жатыр.

"29 қыркүйекке дейін 734 үміткер тіркеуден шығарылды. Оның ішінде 668 адам өз еркімен шықты. Аймақтық ұйымдастыру комитеттерінің шешімімен 64 үміткердің өтініші күшін жойды. Олардың 27-сі дебатқа қатысудан бас тартқан. Төртеуі партия жарғысы мен әділ саяси бәсекенің талаптарына қайшы келетін әрекеттері үшін шығарылса, тағы 33 кандидат бойынша бастауыш партия ұйымдары өтініштерін кері қайтарып алды", – деп жазды ол Facebook парақшасында.

Қазіргі уақытта 11 249 адам өтініш берді, оның ішінде 10 235 кандидат тіркелді.

Әлденей барлық арыз-шағымға және заң бұзушылықтарға мониторинг жасап, оларға жедел түрде тиісті шара қолданылып жатқанын айтты.

Оқи отырыңыз: Nur Otan праймериз қарсаңында өрескел тәртіп бұзушылықтарды анықтады 

Nur Otan хатшысы қандай да бір тәртіп бұзу фактісіне куә болған жағдайда "Nur Otan" партиялық бақылау органдарына хабарлауды сұрады. Сондай-ақ, 8 (800) 080 4441 телефонына хабарласып (хабарласу тегін) немесе komek@nurotan.kz электронды поштасына хат жолдауға болады.

Nur Otan праймеризі

1 қазаннан (00.00) және 3 қазанға (14.00) дейін мобильді қосымша және арнайы веб-портал арқылы электронды түрде дауыс беруді өткізу жоспарланып отыр.

Дауыс берудің соңғы күні (3 қазан) бастауыш партия ұйымдарының базасында сайлау учаскелері ашылды. Интернет жоқ елді мекендерде қағаз бюллетеньдер бойынша дауыс бере алады.

Праймериз қорытындысы 5 қазанда жарияланады.

Nur Otan праймеризі партия көшбасшысы, Елбасы Нұрсұлтан Назарбаевтың тапсырмасы бойынша еліміздің партиялық-саяси даму тарихында тұңғыш рет жалпыреспубликалық партияішілік сайлау ауқымында өтеді.

92
Тақырып бойынша
Назарбаев қазақстандықтарға үндеу жасады
Елбасының баспасөз хатшысы праймеризге қатысты ақпарат жариялады
Назарбаев: партия қазақстандықтарды біріктіруі тиіс
Nur Otan партиясына адам қабылдау тоқтатылды – Байбек себебін түсіндірді
Nur Otan праймеризі: Байбек қауіпсіздік шаралары туралы хабарлады
Архивтегі фото

Қытайда тәрбиеші өлім жазасына кесілді

0
Балабақша қызметкері Ван Юнь әріптесінен өш алу мақсатында оның тобына барып жүрген балаларды улағаны анықталды

НҰР-СҰЛТАН, 29 қыркүйек – Sputnik. Қытайдың Цзяоцзо қаласында халық соты балабақша қызметкерін өлім жазасына кесті, деп хабарлады РИА Новости.

Сот материалдарына сәйкес, "Мэнмэн" балабақшасында жұмыс істеген Ван Юнь деген келіншек орта топқа жауапты тәрбиешімен жанжалдасып қалған. Артынан әріптесінен өш алу мақсатында оның тобына барып жүрген балаларды улауға шешім қабылдайды. Сөйтіп, 2019 жылы 27 наурызда таңертең Сунь есімді тәрбиешінің балалары жейтін ботқаға натрий нитритін салып жіберген. Сол күні 25 бала уланып, ауруханаға түсті. Бір бала көз жұмды.

Оқи отырыңыз: Балабақшадағы балалар есек етін жеп келгені әшкере болды 

Тергеу шаралары барысында Ван Юньн осы іспетті тағы бір қылмыс жасағаны анықталды. Осыдан үш жыл бұрын үйдегі жанжалдан кейін ол күйеуін улаған. 2017 жылы ақпан айында алдымен интернет арқылы натрий нитритіне тапсырыс берген. Ал химиялық затты алғаннан кейін суға қосып, күйеуіне берген. Ол кезде ер адам уланғанмен қатты зардап шекпеген.    

Цзяоцзо қаласының орта санаттағы халық сотының шешімімен Ван Юнь өлім жазасына кесілді.

0
Кілт сөздер:
Қытай, балабақша
Тақырып бойынша
Шымкентте балабақшада төрт бала мен тәрбиеші уланып қалды
Алматы облысында балабақшадағы видеодан кейін тәрбиеші хабарсыз кетті
Алматыда балабақшадан сәби ұрламақ болған әйелге қатысты тың дерек шықты
Бүлдіршінді сорпамен күйдірген балабақша қызметкері жазадан құтылды
Шипажайда баланы сүлгімен ұрған тәрбиеші қылмыстық жазаға тартылмайтын болды