жазу

Психолог адамның жазуы арқылы оның мінез-құлқын қалай білуге болатынын айтты

2511
(Жаңартылды 11:43 06.09.2020)
Психологтың айтуынша, майда әріптермен жазатындар үнемшіл әрі тұйық келеді. Дөңгелетіп жазатындар қарым-қатынасқа тез түседі. Кез келген әріптен қыр шығарып жазатындар өзімшіл келеді, домалақ әріптер пайдаланатындар мейірімді болады

АЛМАТЫ, 6 қыркүйек – Sputnik, Айгерім Таубай. Графология – адамның жазуы арқылы оның мінез-құлқын, ерекшеліктерін анықтайтын психологияның бір саласы. Сонымен қатар адамның көңіл-күйі мен ойын салған суреті арқылы да білуге болады. Бұл сала кейде жазу арқылы танып білу деп те аталады. Қолтаңба адамның ішкі көңіл-күйінің өзгеруін көрсетеді, дейді графология мәселесін 24 жылдан бері зерттеп келе жатқан психолог Айгүл Лиясова. Маман Sputnik  Қазақстан тілшісіне берген сұхбатында адамның жазуына, құжатқа қоятын қолына қарап мінезін білудің қыр-сырын айтып берді.

"Психология – адамның жан дүниесін зерттейтін ғылым. Оның ішінде графология – жазба мен мінез-құлықтың байланысын зерттейді, алайда бұл ғылыми тұрғыда дәлелденбеген сала. Графологияны зерттеу үшін бір күндік қана жазу жарамайды, ол үшін адамның толық бір дәптерін қарап шығу керек. Адамның мінез-құлқы да әртүрлі. Мұны тек жазуы арқылы ғана емес, сондай-ақ, жүріс-тұрысы, сөйлеген мәнерінен де байқауға болады", - дейді психолог.

Айтуынша, бұл сала әлі күнге дейін зерттеліп келеді, дей тұрғанмен адамның мінезін білу үшін, психикасына үңілу үшін әрбір психолог маман интуицияны пайдалануы керек. Кез келген психолог графолог бола алмайды.

"Адамдардың мінезі әртүрлі болатыны секілді, жазуы да бір-біріне ұқсамайды. Жазуларды қарап отырсақ, бір адамның екі күнде жазғанынан айырмашылық байқауға болады. Себебі бұл адамның көңіл-күйіне де байланысты. Соған қарамастан, бірқалыпты өмір сүретін адамдардың жазуы өзгермейді. Майда әріптермен жазатындар үнемшіл әрі тұйық келеді. Дөңгелетіп жазатындар қарым-қатынасқа тез түседі", - дейді Лиясова.

Әріпті үлкен етіп жазатындар кез келген жағдайға үстіртін қарайды, адамдармен тез тіл табыса алады. Өмірде ештеңені уайымдамайтын адамдардың жазуы да ірі болады.

"Кез келген әріптен қыр шығарып жазатындар өзімшіл келеді, домалақ әріптер пайдаланатындар мейірімді болады. Әріпті басып жазу – жігердің, шыдамдылықтың белгісі. Ондай адамдар көп жағдайда бастаған ісін аяғына дейін жеткізеді. Ал салмақ түсірмей, көзге көрінбейтін етіп жазатын адамдар жігерсіз, ынжық болады. Олардың өзінің жеке пікірі болмайды, бойында бар қасиетін, талантын көрсете алмайды", - деп түсіндірді психолог.

Сонымен қатар қол қою адамның интеллект деңгейіне тікелей байланысты. Сол арқылы адамның қаншалықты білімді екенін, дүниетанымының қандай екенін білуге болады.

"Қолды қиындатып қоятын адамдар ешкіммен тіл табыса алмайды, көпшілік ортасына қосылмай, жалғыз жүретіндердің қолы ерекше болады. Қолды қысқа қою майда дүниелерді байқамайтын, көп сөйлемейтін адамдарға тән", - дейді ол.

Балалар жазуындағы ерекшелік

Психологтың айтуынша, бірінші не екінші сыныпта оқитын баланың жазуы әдеттегіден қисайып жазылатын болса, онда оған ата-анасының көбірек көңіл бөлгені қажет дегенді білдіреді. Ал өсе келе тұрақсыздық салдарынан адамның жазуы өзгеруі мүмкін. Жазуы тез өзгеретіндер үнемі ізденісте жүреді.

"Қазақ отбасының психологиясына тән дүние – белгілі бір шеңбер ішінде тәрбиелену. Бұрын бастауыш сыныпта баланың әдемі жазуы қатты қадағаланатын. Ал қазір балалар отбасыда еркін өседі, ол жас баланың жазуына да әсер етеді. Тағы бір айта кететіні, жас баланың жазуына қарап мінезін айта алмаймыз, себебі мінез де тұрақсыз, үнемі өзгеріп отырады", - дейді психолог.

Маманның айтуынша, ересек адамның мінезі 25 жасқа келгенде толық қалыптасып болады.

Суретке қарап, не білуге болады

Әл-Фараби атындағы Қазақ ұлттық университетінде жұмыс істейтін психолог Айгүл Лиясова сабақ барысында студенттердің барлығына ойына бірінші келген суретті салдырады. Айтуынша, салған суреті адамның дәл сол сәттегі немесе кейінгі бір айдағы көңіл-күйін көрсетуі мүмкін.

"Қиын суреттер болды. Бір студентті салған суретіне қарап, әрі қарай психиатриялық клиникаға жібергенім есімде. Ол студентте шизофрения бар деп ойладым, кейіннен алдын ала қойған диагнозым анықталып шықты. Психологтардың этикасына сай, ол студенттің ненің суретін салғаны айтылмайды", - дейді ол.

Айтуынша, студенттердің басым бөлігі адамның басын, көзін салады. Қорқыныш-үрей, артынан бір адамның қалмай аңдып жүргені, зорлық-зомбылық көрген қыздар салған суреті арқылы білініп қалады.

"Көп жағдайда адамның ойына ең алдымен гүлдің суретін салу келеді. Күн мен тауды да салатындар жиі кездеседі. Бізде ата мен әженің баласы деген ұғым бар, және ата-анасы жұмыста болып, үйде көп көңіл бөлінбесе, жалғыздықты білдіретін сурет салады", - дейді маман.

Ал ер азаматтар ең алдымен геометриялық фигуралар, шексіздікті салады. Сол арқылы оның қандай мақсаты бар екенін байқауға болады.

2511
Қорғаныс министрі Нұрлан Ермекбаев Сарыөзек гарнизонын тексерді

Қорғаныс министрі Сарыөзек гарнизонының қысқы дайындығын қатаң сынға алды

2
(Жаңартылды 21:03 24.09.2020)
Әскери қалашық, казарма ғимараттарын жөндеуге тартылған мердігер компаниялар жұмысты аяқтау мерзімін сақтамаған

НҰР-СҰЛТАН, 24 қыркүйек – Sputnik. Қорғаныс министрі Нұрлан Ермекбаев Сарыөзек гарнизоны нысандарының қысқы дайындығын қатаң сынға алды, деп хабарлады ведомствоның баспасөз қызметі.

Оның айтуынша, Сарыөзек гарнизонындағы жылу желілері жылыту маусымына толық дайын емес. Ал қараша айына жоспарланған әскери қалашық, казарма ғимараттарын жөндеуге тартылған мердігерлер жұмысты аяқтау мерзімін сақтап отырған жоқ.

Суық күндер келе жатыр, бұған жол беруге болмайды, деп атап өтті қорғаныс ведомствосының басшысы.

  • Сарыөзек гарнизоны нысандарының қысқа дайындығына қорғаныс министрінің көңілі толмады
    Сарыөзек гарнизоны нысандарының қысқа дайындығына қорғаныс министрінің көңілі толмады
    © Photo : Минобороны Казахстана
  • Сарыөзек гарнизоны нысандарының қысқа дайындығына қорғаныс министрінің көңілі толмады
    Сарыөзек гарнизоны нысандарының қысқа дайындығына қорғаныс министрінің көңілі толмады
    © Photo : Минобороны Казахстана
  • Сарыөзек гарнизоны нысандарының қысқа дайындығына қорғаныс министрінің көңілі толмады
    Сарыөзек гарнизоны нысандарының қысқа дайындығына қорғаныс министрінің көңілі толмады
    © Photo : Минобороны Казахстана
1 / 3
© Photo : Минобороны Казахстана
Сарыөзек гарнизоны нысандарының қысқа дайындығына қорғаныс министрінің көңілі толмады

Генерал-лейтенант Нұрлан Ермекбаев қорғаныс министрлігінің мердігерлері тек қана үлгілі ұйым болуы керек екенін атап өтіп, мердігер ұйым басшыларынан нысандарды тапсыру мерзімін сақтауды талап етті.

Оқи отырыңыз: Қорғаныс министрлігі арнайы жиынға кімдерді шақырмайды 

Ал мердігерлер әскери нысандарға кіруге рұқсат алу мерзімі созылып кететінін айтып шағымданды.

Қалыптасқан жағдайға байланысты министр байқауларды өткізу тәртібі мен шарттарын жетілдіруді, командирлер, ҚР Қарулы күштері әскерлерін пәтерлерге орналастыру бас басқармасы, аудандық пайдалану бөлімдері мен мердігерлер арасында міндеттерді бөлу бойынша кешенді жүйелі ұсыныстар әзірлеуді тапсырды.  

2
Кілт сөздер:
қыс, Ермекбаев
Тақырып бойынша
Тоқаев Ақордадағы кеңесте алдағы өзгерістердің басты мақсатын айтты
Тоқаев былтыр жарылыс болған Арыс қаласына барды
Қыркүйекте әскерге шақырудың күзгі науқаны басталады
Маңғыстау облысында ірі ауқымды әскери оқу-жаттығу өтті
Людмила Бюрабекова

Депутат бұрынғы вице-министрдің отставкасы жайлы: бұған жауап беруі керек

276
Людмила Бюрабекова 23 қыркүйекте өз өтінішімен денсаулық сақтау министрінің орынбасары қызметінен кетті

НҰР-СҰЛТАН, 24 қыркүйек – Sputnik. Мәжіліс депутаты Ирина Смирнова бұрынғы денсаулық сақтау вице-министрі Людмила Бюрабекова өз әрекетіне жауап беруі керек деп санайды.

Бұл туралы мәжілісмен Facebook-тегі парақшасында жазды.

Депутат экс-шенеунікті фармацевтика өнеркәсібінің дамуына мүмкіндік бермей, отандық ғалымдардың препараттары мен құрылғыларын клиникалық сынақтан өткізуге кедергі келтірді деп айыптады.

Смирнованың айтуынша, Бюрабекова шетелдік дәрі-дәрмектің, көрші елдермен салыстырғанда, бірнеше есе қымбатқа сатылуына, зертханалардың бірінде коронавирусқа қарсы ПТР анализінің 20 000 теңге тұруына ықпал еткен.

"Бетперде 110 теңгеден арзан болуы мүмкін емес деп мәлімдеді. Осы жылдың қорқынышты жазында дәрі-дәрмектің жоқтығына бей-жай қарады. Адамдар мен пациенттердің тағдырына алаңдамайтынын көрсетті. Айта берсе, толып жатыр. Ақыр соңында қызметтен босатты-ау. Жай алып тастамаған шығар деген үміттемін. Бұған жауап беруі керек", - деп жазды Смирнова.

Людмила Бюрабекова 23 қыркүйекте өз өтінішімен қызметтен кетті. Ол денсаулық сақтау министрінің орынбасары болып 2020 жылдың сәуірінде тағайындалған еді.

Денсаулық сақтау министрлігін ол уақытта Елжан Біртанов басқарды.

276
Кілт сөздер:
Ирина Смирнова, вице-министр, Денсаулық сақтау министрлігі, коронавирус