Прокурор погоны

Жолдау 2020: прокурорларға жаңа міндет жүктейтін заң жобасы әзірленіп жатыр

89
Заң қабылданғаннан кейін прокурорлардың адам құқықтары мен бостандықтары үшін жауапкершілігі күшейеді

НҰР-СҰЛТАН, 8 қыркүйек – Sputnik. Қазақстанда прокурорларға жаңа міндет жүктейтін заң жобасы әзірленіп жатыр. Бұл туралы Бас прокурордың орынбасары Марат Ахметжанов мәлімдеді, деп хабарлады Sputnik Қазақстан тілшісі.

"Мемлекет басшысының жолдауын іске асыру мақсатында прокурорларға маңызды міндет жүктейтін заң жобасын әзірлеу жұмысы басталды. Олар адам құқықтары мен бостандықтарына қатысты барлық процессуалды шешімдерді қарап, өз келісімін беретін болады. Ондай келісім жасалмаса, кез келген әрекеттің заңды күші болмайды", - деді Ахметжанов орталық коммуникациялар қызметінде өткен онлайн брифингте.

Оның айтуынша, осы міндетті енгізгеннен кейін прокурорлардың адам құқықтары мен бостандықтары үшін жауапкершілігі күшейеді. Олар істі сотқа жолдаған уақытта емес, адамның осы іске қатысы бар екені анықталған кезден бастап барлық құқығын қорғауға міндетті.

Тоқаев Ақордадағы кеңесте алдағы өзгерістердің басты мақсатын айтты

Осыған орай, 1 қазаннан бастап сотқа дейінгі тергеумен айналысатын құқық қорғау органдары азаматтардың конституциялық құқықтарына қатысты негізгі процессуалдық шешімдерді электронды форматта шығарады. 

"Кез келген негізгі процессуалдық шешім бірден сотқа дейінгі тергеудің бірыңғай реестріне түседі де, қылмыстық іске қатысушы тараптарға көрініп тұрады. Прокурор ондай шешімдерді шұғыл қарап, қаншалықты заңды екенін тексереді. Егер тәртіп бұзушылықтар анықталса, ондай шешімді бірден электронды форматта кері қайтара алады", - деп түсіндірді Ахметжанов.

89
Кілт сөздер:
прокурорлар, Жолдау 2020
Тақырып:
Президент жолдауы - 2020 (51)
Тақырып бойынша
Үкіметте жеке тұрғын үй мәселесін шешу жайы талқыланды
Кәсіпкерлер жыл соңына дейін аренда ақысын төлемеу үшін не істеуі керек
Зейнетақы жинағын пайдалану: әр жас үшін жеткіліктілік шегінің мөлшері жарияланды
Мемлекет аренда ақысының 70-80 процентін субсидиялайды – министр 
Президент жолдауының толық мәтіні жарияланды
Қорғаныс министрі Нұрлан Ермекбаев Сарыөзек гарнизонын тексерді

Қорғаныс министрі Сарыөзек гарнизонының қысқы дайындығын қатаң сынға алды

5
(Жаңартылды 21:03 24.09.2020)
Әскери қалашық, казарма ғимараттарын жөндеуге тартылған мердігер компаниялар жұмысты аяқтау мерзімін сақтамаған

НҰР-СҰЛТАН, 24 қыркүйек – Sputnik. Қорғаныс министрі Нұрлан Ермекбаев Сарыөзек гарнизоны нысандарының қысқы дайындығын қатаң сынға алды, деп хабарлады ведомствоның баспасөз қызметі.

Оның айтуынша, Сарыөзек гарнизонындағы жылу желілері жылыту маусымына толық дайын емес. Ал қараша айына жоспарланған әскери қалашық, казарма ғимараттарын жөндеуге тартылған мердігерлер жұмысты аяқтау мерзімін сақтап отырған жоқ.

Суық күндер келе жатыр, бұған жол беруге болмайды, деп атап өтті қорғаныс ведомствосының басшысы.

  • Сарыөзек гарнизоны нысандарының қысқа дайындығына қорғаныс министрінің көңілі толмады
    Сарыөзек гарнизоны нысандарының қысқа дайындығына қорғаныс министрінің көңілі толмады
    © Photo : Минобороны Казахстана
  • Сарыөзек гарнизоны нысандарының қысқа дайындығына қорғаныс министрінің көңілі толмады
    Сарыөзек гарнизоны нысандарының қысқа дайындығына қорғаныс министрінің көңілі толмады
    © Photo : Минобороны Казахстана
  • Сарыөзек гарнизоны нысандарының қысқа дайындығына қорғаныс министрінің көңілі толмады
    Сарыөзек гарнизоны нысандарының қысқа дайындығына қорғаныс министрінің көңілі толмады
    © Photo : Минобороны Казахстана
1 / 3
© Photo : Минобороны Казахстана
Сарыөзек гарнизоны нысандарының қысқа дайындығына қорғаныс министрінің көңілі толмады

Генерал-лейтенант Нұрлан Ермекбаев қорғаныс министрлігінің мердігерлері тек қана үлгілі ұйым болуы керек екенін атап өтіп, мердігер ұйым басшыларынан нысандарды тапсыру мерзімін сақтауды талап етті.

Оқи отырыңыз: Қорғаныс министрлігі арнайы жиынға кімдерді шақырмайды 

Ал мердігерлер әскери нысандарға кіруге рұқсат алу мерзімі созылып кететінін айтып шағымданды.

Қалыптасқан жағдайға байланысты министр байқауларды өткізу тәртібі мен шарттарын жетілдіруді, командирлер, ҚР Қарулы күштері әскерлерін пәтерлерге орналастыру бас басқармасы, аудандық пайдалану бөлімдері мен мердігерлер арасында міндеттерді бөлу бойынша кешенді жүйелі ұсыныстар әзірлеуді тапсырды.  

5
Кілт сөздер:
қыс, Ермекбаев
Тақырып бойынша
Тоқаев Ақордадағы кеңесте алдағы өзгерістердің басты мақсатын айтты
Тоқаев былтыр жарылыс болған Арыс қаласына барды
Қыркүйекте әскерге шақырудың күзгі науқаны басталады
Маңғыстау облысында ірі ауқымды әскери оқу-жаттығу өтті
Людмила Бюрабекова

Депутат бұрынғы вице-министрдің отставкасы жайлы: бұған жауап беруі керек

286
Людмила Бюрабекова 23 қыркүйекте өз өтінішімен денсаулық сақтау министрінің орынбасары қызметінен кетті

НҰР-СҰЛТАН, 24 қыркүйек – Sputnik. Мәжіліс депутаты Ирина Смирнова бұрынғы денсаулық сақтау вице-министрі Людмила Бюрабекова өз әрекетіне жауап беруі керек деп санайды.

Бұл туралы мәжілісмен Facebook-тегі парақшасында жазды.

Депутат экс-шенеунікті фармацевтика өнеркәсібінің дамуына мүмкіндік бермей, отандық ғалымдардың препараттары мен құрылғыларын клиникалық сынақтан өткізуге кедергі келтірді деп айыптады.

Смирнованың айтуынша, Бюрабекова шетелдік дәрі-дәрмектің, көрші елдермен салыстырғанда, бірнеше есе қымбатқа сатылуына, зертханалардың бірінде коронавирусқа қарсы ПТР анализінің 20 000 теңге тұруына ықпал еткен.

"Бетперде 110 теңгеден арзан болуы мүмкін емес деп мәлімдеді. Осы жылдың қорқынышты жазында дәрі-дәрмектің жоқтығына бей-жай қарады. Адамдар мен пациенттердің тағдырына алаңдамайтынын көрсетті. Айта берсе, толып жатыр. Ақыр соңында қызметтен босатты-ау. Жай алып тастамаған шығар деген үміттемін. Бұған жауап беруі керек", - деп жазды Смирнова.

Людмила Бюрабекова 23 қыркүйекте өз өтінішімен қызметтен кетті. Ол денсаулық сақтау министрінің орынбасары болып 2020 жылдың сәуірінде тағайындалған еді.

Денсаулық сақтау министрлігін ол уақытта Елжан Біртанов басқарды.

286
Кілт сөздер:
Ирина Смирнова, вице-министр, Денсаулық сақтау министрлігі, коронавирус