Әуежай, архивтегі фото

Депутаттар заңға бағынбайтын шетелдіктерді 30 күнге қамау бастамасын қолдады

58
2018 жылдан биылғы жылдың қыркүйегіне дейін 25,5 мың шетел азаматы Қазақстаннан шығарылды. Олардың 2,5 мыңы сот үкімін орындамаған

НҰР-СҰЛТАН, 9 қыркүйек – Sputnik. Парламент мәжілісінің депутаттары сот үкіміне бағынбайтын шетелдіктерді қамауға алу бастамасын қолдады, деп хабарлайды Sputnik Қазақстан тілшісі.

Депутат Василий Олейниктің айтуынша, қазіргі заңнамада Қазақстан аумағынан шығару кезінде шетелдіктерді қамауға алу мерзімі реттелмеген. Соның салдарынан тәртіп бұзған шетел азаматтарына қатысты сот үкімі шықса да, олар заңға бағынбай, ел аумағынан шықпай жүре береді. Тіпті, қылмыстық әрекеттер де жасайды.

Ресми мәліметке сәйкес, 2018 жылдан биылғы жылдың қыркүйегіне дейін 25,5 мың шетел азаматы Қазақстаннан шығарылды. Олардың 2,5 мыңы сот үкімін орындаған жоқ.

"Осы адамдардың арасында әкімшілік және қылмыстық тәртіп бұзушылық жасағандар да бар. Қазіргі кезде 1 300-ден астам шетелдік түзеу мекемелерінде жазасын өтеп жүр. Пробациялық бақылауда жүргендер бар. Олар да Қазақстан аумағынан шығарылуы тиіс", - дейді Олейник.   

Оның сөзіне қарағанда, бір топ депутаттың бастамасымен бірқатар заңға өзгеріс енгізіліп отыр. Оған сәйкес, Қазақстан аумағынан шықпаған шетелдіктер 30 күнге дейін арнайы мекемеге қамалады. Осы уақыттың ішінде сот үкімі орындалады. Ал тәртіп бұзған адамды елден шығару үшін біраз шаруа атқару қажет.

Ішкі істер министрінің орынбасары Алексей Калайчидидің айтуынша, Қазақстаннан шығарып жіберу шарасы кезінде көбінесе шетелдіктің жеке құжаттарын жасауға уақыт кетеді. Ол үшін сыртқы министрлігі арқылы тиісті елшілікпен хабарласу керек. Одан кейін арнайы куәлік алу қажет.

Оқи отырыңыз: Қазақстан шекарасын кесіп өту тәртібі өзгерді 

"Содан соң виза мен жол жүру билеттерін рәсімдеу керек. Оған қоса тәртіп бұзған шетелдікті Қазақстан арқылы тасымалдау шаралары бар. Біз бәрін есептеп шықтық. 30 күннің ішінде кез келген елдің азаматын Қазақстан аумағынан шығара аламыз", - дейді Калайчиди. 

Мәжіліс депутаттары тиісті заң жобасын бірінші оқылымда бірауыздан мақұлдады.

58
Кілт сөздер:
шетелдіктер, депутаттар
Тақырып бойынша
Президент сырттағы біреулердің арандатуына еретін қазақстандықтарды сынады
Пандемия кезіндегі демалыс: қай елдер туристерді қабылдауға дайын
Қазақстан Қытай азаматтары үшін 72 сағаттық визасыз режимді алып тастады
Қазақстанда "оралман" сөзі ауыстырылды
Қырғызстан Қазақстан азаматтары үшін шекарасын ашты
Аурухана палатасы, архивтегі сурет

Қазақстанда бір апта ішінде коронавирустан 26 адам қайтыс болды

172
Өткен аптада коронавирустан қайтыс болған науқастардың ең үлкені – 89 жаста, ал ең жасы – қырық төртте

НҰР-СҰЛТАН, 29 қыркүйек – Sputnik. Денсаулық сақтау министрлігі бір апта ішінде COVID-19 инфекциясынан қайтыс болғандардың статистикасын жариялады.

Осы жылдың 21-27 қыркүйегі аралығында Қазақстанда індеттен 26 науқас көз жұмды.

Бір апта ішінде қайтыс болғандар

Атырау облысында – 4 адам:

  • 1960, 1956 жылғы ер адамдар,
  • 1976, 1952 жылғы әйелдер.

Батыс Қазақстан облысында – 3 науқас:

  • 1957, 1969, 1958 жылғы әйелдер.

Шығыс Қазақстан облысында – 5 адам:

  • 1948, 1958 жылғы ер адамдар,
  • 1938, 1956, 1948 жылғы әйелдер.

Солтүстік Қазақстан облысында – 1:

  • 1949 жылғы ер адам.

Қостанай облысында – 2:

  • 1966, 1969 жылғы ер адамдар.

Маңғыстау облысында – 1:

  • 1965 жылғы әйел.

Қарағанды облысында – 2:

  • 1962 жылғы ер адам,
  • 1946 жылғы әйел.

Жамбыл облысында – 2:

  • 1975, 1972 жылғы әйелдер.

Нұр-Сұлтан қаласында – 2:

  • 1969, 1953 жылғы ер адамдар.

Алматы қаласында – 3:

  • 1966, 1941 жылғы ер адамдар,
  • 1931 жылғы әйел.

Шымкент қаласында – 1:

  • 1948 жылғы әйел.

13 наурыздан бері республикада COVID-19 инфекциясынан барлығы 1 725 адам қайтыс болды.

172
Кілт сөздер:
науқастар, статистика, коронавирус
Тақырып:
Коронавирус эпидемиясы
Тақырып бойынша
Нұр-Сұлтанда мектепке барып жүрген оқушыдан коронавирус табылды
Бір тәулікте коронавирус пен пневмониядан 4 адам қайтыс болды
Қазақстанда өткен тәулікте 58 адам коронавирус жұқтырды
Коронавирустың екінші толқынына дайын болайық – Тоқаев
Бала

Нұр-Сұлтанда бұрынғы әйелінен қашып жүрген ер адамға іздеу жарияланды

314
Психолог кәмелетке толмаған балалардың әкесінен қысым көріп жүргенін және оларға ананың қамқорлығы қажет екенін анықтады

НҰР-СҰЛТАН, 29 қыркүйек – Sputnik. Астаналық әйел туған балаларын бір жылдан астам уақыт көре алмай жүр. Прокуратура органдары балаларды анасынан жасырған әкеге іздеу жариялады, деп хабарлайды Нұр-Сұлтанның жеке сот орындаушылары өңірлік палатасының баспасөз қызметі.

"Ж.есімді азамат бұрынғы күйеуінен 10 және 11 жастағы балаларын ала алмай жүр. Әйел балаларын өзі тәрбиелегісі келеді, бірақ ер адам бұған көнбей, қарсылық көрсетуде", - деп мәлімдеді сот орындаушылар.

Әйел шарасыздықтан сотқа жүгінеді, бірақ алғашқыда қамқорлық ер адамға берілгендіктен, еш нәтиже шықпайды. Кейін апелляциялық инстанция сот-психологиялық сараптама негізінде шешімді өзгерткен.

Психолог кәмелетке толмаған екі бала әкесінен қысым көріп жүргенін және оларға ананың қамқорлығы қажет екенін анықтады.

"Соңғы үш жыл бойы балалар әкесімен тұрады. Бірақ соттың соңғы шешімімен бүлдіршіндердің тұратын жері өзгерді, енді олар анасымен тұруы керек. Прокуратура органдары ер адамға іздеу жариялады", - деді Нұр-Сұлтанның жеке сот орындаушылары өңірлік палатасы басшысының орынбасары.

Балалардың әкесі сот шешімімен келіспейді. Бір пәтерден екінші пәтерге көшіп, бұрынғы әйелі мен сот орындаушылардан жасырынып жүр.

Ер адам іздестірілуде.

314
Кілт сөздер:
балалар, Нұр-Сұлтан
Архивтегі фото

Өзбекстанда тұратын қазақ көмек сұрады

197
Жорықбаев қазақ мәдени орталығының құрылысын екі жыл бұрын бастаған. Ол үшін бизнесін сатып, банктен кредит алған

НҰР-СҰЛТАН, 29 қыркүйек – Sputnik. Өзбекстанда қазақ мәдени орталығын салып жатқан азамат Қазақстандағы қандастарынан көмек сұрады, деп хабарлайды "Хабар 24".

Жақсылық Жорықбаев қазақ жастары арасында ұлттық мәдениет пен салт-дәстүрді дәріптеу үшін орталық ғимаратын өз есебінен тұрғызбақшы еді. Алайда қазір құрылыс тұралап қалған көрінеді.

Ташкенттен 40 шақырым жерде орналасқан Шыршық шаһарында 25 мыңдай қазақ түтін түтетіп отыр.  

"Бұл – біздің орталықтың екінші қабаты. Бұл жерде домбыра, би, жайдарман үйірмелерін өткізбекшіміз. Өзіміздің фольклорлық ансамбліміз болады", - дейді Шыршық қаласы қазақ мәдени орталығының төрағасы Жақсылық Жорықбаев.

Бұл жерді Жақсылық Жорықбаев жергілікті қазақ жастары жиі бас сұғатын орынға айналдырмақшы. Оның мақсаты – балаларды бауырмалдыққа һәм қазақылыққа тәрбиелеу. Қандас бауырымыз Өзбекстанда ұлтымыздың ұлыларын жиі ұлықтайды. Мысалы, биыл Абайдың 175 жылдығына арнап ауқымды ісшара өткізген.

"Ата дәстүрді үйретуіміз керек. Осы құрылысты сол үшін қолға алдық. Жастарды бір жерге жинап үйретпесек, түсінбейді. Әркім өз тіршілігін істеп жүр", - дейді орталық басшысы.

"Бір мәселеміз бар еді, оны да Мирзиеев шешіп берді": Өзбекстандағы қазақтардың өмірі

Жорықбаев қазақ мәдени орталығының құрылысын екі жыл бұрын бастаған. Ол үшін бизнесін сатып, банктен кредит алған. Ғимаратты былтыр өткен Өзбекстандағы Қазақстан жылы қарсаңында салып бітіруді көздеген еді. Қазір қаржы мәселесі қос бүйірден қысып отыр дейді ол.  

"Мен 120 мың доллардан артық қаржы жұмсадым. Енді 30 мың доллар болса, жұмыс бітеді. Қазақстан халқы жәрдем беріп жатса, Алла разы болады деп ойлаймын", - деп түйіндеді Жақсылық Жорықбаев.

197
Тақырып бойынша
XXI ғасырдың қазағына оғаш көрінетін салт-дәстүрлер
Өзбекстаннан келген оралман отбасында жантүршігерлік қылмыс жасалды
Қаны сирек кездеседі: қазақ жігіті қытайларға қалай көмектесіп жүр
Моңғолияның парламентіне үш қазақ депутат болып сайланды
"Қиыншылық көресің": Түркиядағы қазақ елге неге оралғысы келмейтінін айтты