Тағайындау, архивтегі сурет

Тоқаев Ильинді төтенше жағдайлар министрі қызметіне тағайындады

1913
(Жаңартылды 12:23 11.09.2020)
Мемлекет басшысының өкімімен Юрий Ильин төтенше жағдайлар министрі қызметіне тағайындалды. Ол ішкі істер министрінің орынбасары қызметінен босатылды

НҰР-СҰЛТАН, 11 қыркүйек – Sputnik. Президент Қасым-Жомарт Тоқаев төтенше жағдайлар министрін тағайындады, деп хабарлайды Ақорда.

"Юрий Ильин Қазақстан Республикасының Төтенше жағдайлар министрі болып тағайындалсын", - деп жазылған жарлық мәтінінде.

Ильин бұған дейін ішкі істер министрінің орынбасары болған. Ол төтенше жағдайлар жөніндегі қызметтер мәселесімен айналысты.

Юрий Ильин туралы не білеміз

Юрий Ильин 1968 жылы Куйбышев қаласында туған. 

1989 жылы Алматы жоғары жалпы әскери училищесін, ал 2006 жылы Қырғыз мемлекеттік заң академиясын тәмамдады. 

Әртүрлі жылдары Алматы облыстық төтенше жағдайлар басқармасы оқу дайындығы орталығының аға офицері, Алматы қалалық төтенше жағдайлар басқармасының азаматтық қорғаныс бөлімінің бастығы, басшының орынбасары қызметтерін атқарды. 

2005-2011 жылдары Алматы қаласы төтенше жағдайлар департаменті басшысының орынбасары болды. 

2011-2013 жылдары Алматы қаласы мобилизациялық дайындық, азаматтық қорғаныс, апаттар мен табиғи апаттарды жою басқармасын басқарды. 

Учения ОДКБ ЧС
© Sputnik / Анатолий Устиненко
Төтенше жағдайлар министрі Юрий Ильин

2013-2015 жылдары Алматы қаласы әкімінің орынбасары қызметін атқарды. 

2015-2016 жылдары – президент әкімшілігі мемлекеттік бақылау және ұйымдастырушылық-аумақтық жұмыс бөлімінің мемлекеттік инспекторы. 

2016 жылдың сәуірінен бүгінге дейін ішкі істер министрінің орынбасары болды. 

"Құрмет" орденімен, медальдармен марапатталған. 2020 жылдың мамырынан бері генерал-майор атағы бар. 

Үйленген, екі ұл мен бір қыздың әкесі.

Төтенше жағдайлар министрлігі құрылды

Еске сала кетсек, мемлекет басшысы Қасым-Жомарт Тоқаев жыл сайынғы халыққа жолдауында төтенше жағдайлар министрлігін қайта құру қажеттігін айтқан болатын. Оған сәйкес, мемлекет басшысының жарлығымен төтенше жағдайлар министрлігі құрылды. Жаңа ведомствоға Ішкі істер министрлігінің табиғи және техногендік сипаттағы төтенше жағдайлардың алдын алу және оларды жою, азаматтық қорғаныс, өрт қауіпсіздігі, төтенше жағдайлардың алдын алу мен оларды жоюдың мемлекеттік жүйесінің жұмыс істеуін және одан әрі дамуын қамтамасыз ету, өрттердің алдын алуды және сөндіруді ұйымдастыру саласындағы қызметі берілді.

Үкіметке президент әкімшілігімен келісу бойынша қайта ұйымдастырылатын мемлекеттік органдар мен жаңадан құрылған төтенше жағдайлар министрлігі, сондай-ақ оларға ведомстволық бағынысты ұйымдардың арасында штат санын қайта бөлу тапсырылды.

1913
Тақырып бойынша
Қазақстанда төтенше жағдайлардан 246 адам көз жұмды
Президент екі жаңа агенттік құру жөніндегі жарлыққа қол қойды
Спорттағы карьерасын аяқтаған Ильин қандай қызметке тағайындалды
Илья Ильин жаңа қызметке тағайындалды
Қазақстанда төтенше жағдайлар министрлігі құрылды
Бала

Нұр-Сұлтанда бұрынғы әйелінен қашып жүрген ер адамға іздеу жарияланды

98
Психолог кәмелетке толмаған балалардың әкесінен қысым көріп жүргенін және оларға ананың қамқорлығы қажет екенін анықтады

НҰР-СҰЛТАН, 29 қыркүйек – Sputnik. Астаналық әйел туған балаларын бір жылдан астам уақыт көре алмай жүр. Прокуратура органдары балаларды анасынан жасырған әкеге іздеу жариялады, деп хабарлайды Нұр-Сұлтанның жеке сот орындаушылары өңірлік палатасының баспасөз қызметі.

"Ж.есімді азамат бұрынғы күйеуінен 10 және 11 жастағы балаларын ала алмай жүр. Әйел балаларын өзі тәрбиелегісі келеді, бірақ ер адам бұған көнбей, қарсылық көрсетуде", - деп мәлімдеді сот орындаушылар.

Әйел шарасыздықтан сотқа жүгінеді, бірақ алғашқыда қамқорлық ер адамға берілгендіктен, еш нәтиже шықпайды. Кейін апелляциялық инстанция сот-психологиялық сараптама негізінде шешімді өзгерткен.

Психолог кәмелетке толмаған екі бала әкесінен қысым көріп жүргенін және оларға ананың қамқорлығы қажет екенін анықтады.

"Соңғы үш жыл бойы балалар әкесімен тұрады. Бірақ соттың соңғы шешімімен бүлдіршіндердің тұратын жері өзгерді, енді олар анасымен тұруы керек. Прокуратура органдары ер адамға іздеу жариялады", - деді Нұр-Сұлтанның жеке сот орындаушылары өңірлік палатасы басшысының орынбасары.

Балалардың әкесі сот шешімімен келіспейді. Бір пәтерден екінші пәтерге көшіп, бұрынғы әйелі мен сот орындаушылардан жасырынып жүр.

Ер адам іздестірілуде.

98
Кілт сөздер:
балалар, Нұр-Сұлтан
Мемлекет басшысы Қасым-Жомарт Тоқаев Батыс Қазақстан облысының әкімі Ғали Есқалиевті қабылдады

Тоқаев БҚО әкімінің алдына бірқатар міндет қойды

17
(Жаңартылды 15:46 29.09.2020)
Президент етті мал шаруашылығын дамыту, мұнай мен газ өндіруге қатысы жоқ салаға тартылатын инвестицияны ұлғайту, өнеркәсіпті әртараптандыру бойынша облыс әкіміне бірқатар тапсырма берді

НҰР-СҰЛТАН, 29 қыркүйек – Sputnik. Мемлекет басшысы Қасым-Жомарт Тоқаев Батыс Қазақстан облысының әкімі Ғали Есқалиевті қабылдады, деп хабарлайды Ақорда.

Есқалиев Тоқаевқа өңірдің әлеуметтік-экономикалық дамуының негізгі көрсеткіштері, сондай-ақ, бұған дейін берілген тапсырмалардың орындалуы жөнінде баяндады.

Кездесу барысында Жайық өзеніндегі су деңгейінің төмендеуі, өңірдің энергияға тәуелділігі және жергілікті жолдардың жағдайы сияқты облыстағы негізгі мәселелер туралы мәлімет берілді. Президент Батыс Қазақстан облысының әкіміне үкіметпен бірлесе отырып, аталған проблемаларды шешуді тапсырды.

Сондай-ақ, Тоқаев етті мал шаруашылығын дамыту және осы бағытқа ғылыми тұрғыдан баса мән беру, мұнай мен газ өндіруге қатысы жоқ салаға тартылатын инвестицияны ұлғайту, өнеркәсіпті әртараптандыру, өңдеу секторының өндірісін арттыру жөнінде Есқалиевтің алдына бірқатар міндет қойды.

Тағы оқыңыз: Коронавирустың екінші толқынына дайын болайық – Тоқаев

Бұдан бөлек, мемлекет басшысы жұмыссыз және өзін-өзі жұмыспен қамтыған азаматтарды экономикалық қызметке тартуды жалғастыруды, сонымен қатар, аймақтағы үш ауысымды және апатты жағдайдағы мектептерге қатысты мәселелерді түбегейлі шешуді тапсырды.

17
Кілт сөздер:
әкім, Батыс Қазақстан облысы, Қасым-Жомарт Тоқаев
Тақырып бойынша
Тоқаев Алматыда автокөліктің капотына не жазды
Тоқаев жұмыс сапарымен Алматыға барды