Әйнектегі алақан

"Зорлаған жігітке ұлын көрсеткісі келеді": қазақстандық ток-шоу төңірегінде жанжал шықты

1452
Он төрт жасында зорлаушылардың құрбанына айналған бойжеткен баланың әкесінен алимент өндіргісі келеді

АЛМАТЫ, 11 қыркүйек – Sputnik. Республикалық арналардың бірінде дау туды. Мақсаты екі тарапты татауластыру болып саналатын ток-шоу барысында зорлық-зомбылық құрбанын кінәлі деп айыптай бастаған.

31 арнадан бірнеше айдан бері көрсетіліп келе жатқан "Кел, татуласайық!" бағдарламасына 18 жастағы Қызғалдақ Талғат есімді бойжеткен келді. Оны 14 жасында үш жігіт зорлаған. Оларды соттаған, алайда түрмеге қамамаған. Ал жәбірленуші бойжеткен сол оқиғадан кейін жүкті болып, ұл туды. Қызғалдақ бағдарламаға баланың болжалды әкесімен кездесіп тұрғанын қалайтынын және одан алимент алғысы келетінін айтты.

"Баламның өз әкесімен көрісіп тұрғанын қалаймын және алимент алғым келеді. Себебі, алименттің өзі екеуінің кездесуіне бір себеп болады деп ойлаймын... Баланы айына бір рет болсын әкесіне көрсеткім келеді", – деді бойжеткен.

Қызғалдақ тоғыз жасында анасынан айырылған, әкесі және ағасы бар.

Бағдарлама жүргізушісі эфир барысында Райымбек ауданының прократурасына, сотына қажетті іс қағаздарды жіберіп, осы мәселені қайта көтеріп отырғанын айтты. Олар тіпті, баланың Дидар есімді болжалды әкесін іздеп ауылға барған. Алайда, онымен танысу, сөйлесу мүмкін болмады.

Бағдарламалардың бірінде әкесі эфир кезінде қоңырау шалып, қызының зорланғанына бойжеткеннің өзі кінәлі екенін айтқан. Себебі, ол ауыл ішінде көп жүре берген, ал зорлаушылардың саны үш адамнан әлдеқайда көп болғанын көрінеді.

Сондай-ақ, келесі бір шығарылымда эфирге Қызғалдақтың туысқан әпкесі хабарласты. Ол жәбірленушінің әкесі зорлаушыларды кешіріп немесе олармен келісе отырып, сол кездегі кәмелетке толмаған қызының тағдырын шешкенін айтты. Оның айтуынша, туыстарының барлығы қыздың әкесімен сол оқиғадан кейін араласпайды.

Телеарна түсініктемесі

31 арна өкілдері осы жағдайға байланысты өзінің пікірін білдірді. Олар да бұл жобаның мақсаты – қызды зорлағандарды жауапқа тартуға және баланың биологиялық әкесінен алимент төлеуге қол жеткізу екенін айтты.

"Жоба барысында бір кездері зорлаушылармен мәмілеге келген және оларды кешірген қыздың әкесін Қызғалдақпен татуластырдық. Ал енді редакция күдіктілерді жазалау және алимент өндіріп, әділеттік орнатуға бар күшін салып жатыр. "Кел, татуласайық" бағдарламасының араласуынан кейін Алматы облыстық прокуратурасы 3 жыл бұрын жабылған қылмыстық істі қайта қозғады", – деді арнаның баспасөз қызметі.

Сонымен қатар, алимент тағайындау туралы іс Алматы қаласының кәмелетке толмағандар ісі жөніндегі мамандандырылған ауданаралық сотта қаралып жатыр.

Арнаның хабарлауынша, Қызғалдақ Талғат осы істі қолға алу үшін арнаға келіп көмек сұраған.

"31 арна мен бағдарламаның түсірілім тобы Қызғалдақтың кінәлілерді жазалау туралы ойын қолдады. Біз оған заңгер жалдадық. Телеарна мен білікті заңгерлердің көмегі және осы бағдарлама тарапынан назар аударылуы нәтижесінде, Қызғалдақты зорлау ісі бойынша тергеу 3 жылдан кейін қайта басталды. Қазір сотта әкесі ретінде тану және алимент төлеу туралы іс жатыр", – делінген хабарламада.

Sulpak істі сот арқылы шешетінін мәлімдеді

Телеарна мен бағдарлама өкілдері зорлық-зомбылықты ақтау мүмкін емес деген пікірді ұстанады. Зорлаушылар жазаға тартылатынын білуі тиіс деп санайды. Жәбірленуші қашан да жәбірленуші болып қалады, қандай жағдай болса да, оның кінәсі жоқ.

Қызғалдақтың жағдайында біз тек бір ғана мақсатты көздейміз – кінәлілерді жазалау, оған әділеттілікке қол жеткізуіне көмектесу, деп толықтырды арнаның баспасөз қызметі.

Бір қызығы, осы оқиғадан кейін зорлаушымен татуласу туралы бағдарлама жасаған ток-шоуды жабу туралы петиция басталды.

Сонымен қатар ток-шоу төңірегінде болған жанжалға байланысты аты аталған Sulpak сауда желісі телеарнамен екі жылдан бері бірлесіп жұмыс істемейтінін хабарлады. Компания өкілдері Sulpak сауда желісін демеуші ретінде көрсеткені жала екенін, сол себепті сот арқылы шешілетінін мәлімдеді.

Оқи отырыңыз: 12 жастағы қызбен жыныстық қатынасқа түскен Орал тұрғыны неліктен қатаң жазаланбады?

1452
Кілт сөздер:
қызды зорлау, зорлау
Тақырып бойынша
"Тальгода" әйелді зорлау оқиғасы: жолсеріктің әкесі жауапқа тартылды
Малшылар ауылында келіншекті зорлау ісін прокуратура бақылауына алды
Сәтбаевтағы бүлдіршінді зорлау оқиғасына қатысты тың дерек шықты
Баланы зорлау бойынша бір адамның үстінен 60 қылмыстық іс қозғалған – бас прокуратура
Алматылық қыз мас болып төбелескеннен кейін "зорлау" оқиғасын ойлап тапқан
Операторлар, иллюстративті фото

Журналистердің кәсіподағы құрылды

14
Жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды

НҰР-СҰЛТАН, 22 қыркүйек – Sputnik. Қазақстанда бұқаралық ақпарат құралдары мен телерадио хабарларын тарату қызметкерлерінің "BAQ KASIPODAQ" салалық кәсіподағы құрылды. Бұл туралы бүгін ZOOM платформасында өткен бейнеконференцияда белгілі болды, деп хабарлайды Sputnik Қазақстан тілшісі.

Бейнеконференцияға танымал журналистер мен медиаменеджерлер қатысты. Сол жерде жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды. Осыдан кейін кәсіподақ басшысы құрылымның жоспары мен алдағы бағыттары туралы жан-жақты баяндап берді.

Оқи отырыңыз: Қазақстанда митингтен хабар тарататын журналистер нені білуі тиіс 

"Алда журналистердің әлеуметтік-құқықтық жағдайын жақсартуды көздейтін көптеген шаруа, игі бастамалар тұр. Әсіресе, журналистердің шеберлігін шыңдап, кәсіби өсуіне бағытталған және қазақстандық БАҚ-тың әлеуетін күшейтуге арналған ілкімді жобалар бар. Оны тек қана кәсіподақ атқарады деуге болмайды. Оның барлығына сіздермен, құрметті әріптестер, бірлесе отырып қана қол жеткізе аламыз", - деді Әліпбек.

Айта кетейік, 2020 жылдың 10 қаңтарындағы мәлімет бойынша Қазақстанда 3669 БАҚ тіркелген. Республикада 2964 мерзімді басылым, 161 телеарна, 73 радио, 471 ақпарат агенттігі және желілік басылым бар.

14
Кілт сөздер:
журналистика
Шикі ет

Желіні шулатқан видео: полиция шикі ет жеп отырған баланың ата-анасын іздеп жатыр

125
Бүлдіршіннің заңды өкілдері табылғаннан кейін, олармен түсіндіру жұмысы жүргізіледі, қажет болған жағдайда балаға медициналық көмек көрсетіледі

НҰР-СҰЛТАН, 22 қыркүйек – Sputnik. Қазақстанның ішкі істер министрлігі Қазнетте тараған видеода шикі ет жеп отырған баланың әке-шешесін іздестіріп жатыр.

Бұл туралы білім және ғылым министрлігі балалар құқығын қорғау комитеті төрағасының орынбасары Юлия Овечкина хабарлады.

"Біз ақпаратты ішкі істер министрлігіне жолдадық. Баланың заңды өкілдері табылғаннан кейін, олармен түсіндіру жұмысы жүргізіледі. Қажет болған жағдайда балаға медициналық көмек көрсетіледі. Ата-аналар балаларының денсаулығына, физикалық, психикалық, рухани және моральдық дамуына қамқорлық жасау керек екенін ұмытпауы керек", - деді ол.

Овечкина ата-аналарға балалардың өмірі, денсаулығы мен қауіпсіздігі үшін әкімшілік және қылмыстық жауапкершілік қарастырылғанын ескертті.

Желіні шулатқан ролик 21 қыркүйекте жарияланды. Видеода бала шикі ет жеп отыр, кадр сыртынан әйелдің күлген даусы естіледі.

"Кәдімгідей тістеп отыр, жұлып алды әне. Бола берсін бе", - деп сұрайды бір әйел.  

"Не болады, жей берсін", - деп жауап береді екіншісі.  

Желі қолданушылары видеоны қызу талқылады. Бірі "мұнда тұрған ештеңе жоқ" десе, енді бірі баланың ішіне инфекция түседі деп алаңдаған.

125
Кілт сөздер:
ет, видео, бала
Омбыда Абай мәдени-іскерлік үйі ашылды

Омбыда "Абай" мәдени-іскерлік үйі ашылды

0
(Жаңартылды 17:17 22.09.2020)
"Абай" мәдени-іскерлік үйінің ғимараты қаланың орталығындағы Шоқан Уәлиханов көшесінде және ағартушы ғалым оқыған Омбы кадет корпусының жанында орналасқан

НҰР-СҰЛТАН, 22 қыркүйек – Sputnik. Бүгін Ресейдің Омбы қаласында "Абай" мәдени-іскерлік үйі ашылды, деп хабарлайды Sputnik Қазақстан Отандастар қорының баспасөз қызметіне сілтеме жасап.

Омбыдағы "Абай" мәдени-іскерлік үйінің ғимараты қаланың орталығындағы Шоқан Уәлиханов көшесінде және ағартушы ғалым оқыған Омбы кадет корпусының жанында орналасқан.

Оқи отырыңыз: Абайдың 175 жылдығына арналған монеталар қыркүйектен бастап сатылады 

Орталықтың ашылу рәсімі онлайн форматта өтті. Оған ақпарат және қоғамдық даму вице-министрі Марат Әзілханов, сыртқы істер министрлігі, Қазақстанның Омбыдағы консулдығы, "Отандастар қоры" КЕАҚ, "Омбы қазақтары" қоғамдық бірлестігінің өкілдері қатысты.

Орталық нақты төрт бағытта жұмыс істейді. Олар:

  • мәдени-гуманитарлық және қазақ тілін үйрету жобаларын іске асыру;
  • "Атамекен" іскерлік  бағыты бойынша қандастардың екі жақты тиімді бизнес жобаларына қолдау көрсету;
  • "Жас қазақ" бағыты арқылы әлемдегі жас қандастарды елге тарту және бірлескен жобаларды жүзеге асыру;
  • "Атажұрт" бағыты арқылы шетелдегі қазақтілді БАҚ-тың қауымдастығын құрып, өзара ақпараттық ынтымақтастықты арттыру.

"Жыл соңына дейін  "Абай" мәдени-іскерлік үйлері Өзбекстанның Тәшкент, Түркияның Стамбұл, Қырғызстанның Бішкек, Германияның Берлин қалаларында да ашылады. Бұның барлығы - ақпарат және қоғамдық даму министрлігі, Дүниежүзі қазақтары қауымдастығы және "Отандастар қорының"  бірлескен жобасы", - делінген ресми хабарламада.

0
Кілт сөздер:
Омбы, Абай
Тақырып бойынша
Петропавл түрмесінде Абайдың алып суреті салынды – фото
Тоқаев жаңа оқулық әзірлеуді тапсырды
"Абай айт­қан жал­қаулық жиі кездесетіні қынжылтады": Тоқаев мақала жариялады
"Сондай керемет!": Америкалықтар Абайдың өлеңін қазақ тілінде оқыды – видео
Тоқаев Абай мұрасын зерттеушілерді марапаттады