Зертхана, архивтегі фото

Шетелде оқыған екі мың қазақстандық отандық университетке ауысты

94
Тамыздың басында білім және ғылым министрлігі оқуын жалғастыру үшін елден шыға алмаған студенттерге көмек көрсете бастаған

АЛМАТЫ, 11 қыркүйек – Sputnik. Шетелде оқыған екі мыңнан астам студент қазақстандық жоғары оқу орындарына ауысты. Бұл туралы білім және ғылым министрлігі хабарлады.

Қазақстанның білім министрлігі шетелдік жоғары оқу орындарында өз бетінше оқыған қазақстандық студенттерге отандық университеттерге ауысуға көмектесті. Студенттерге құжаттарды рәсімдеу барысында жоғары оқу орындарына виртуалды қабылдау комиссиялары арқылы жеңілдетілген формат ұсынылды.

Оқи отырыңыз: Студенттер шағымынан кейін "Астана" университетінде тексеріс басталды 

Министрліктің хабарлауынша, шетелдік жоғары оқу орындары да жаңа оқу жылын қашықтан оқыту форматында бастады. Алайда кей шетелдік оқу орны студенттеріне қашықтан оқуды жалғастыру үшін платформалар ұсына алмаған.

"Тамыздың басында білім және ғылым министрлігі оқуын жалғастыру үшін өзіне байланысты емес себептер бойынша елден шыға алмаған студенттерге көмек көрсете бастады. Алдын ала қабылданған шешімдердің арқасында 2 мыңнан астам қазақстандық студент отандық жоғары оқу орындарына ауысуға ниет білдірді", - делінген министрлік таратқан ресми ақпаратта.

Айта кетейік, тамыздың ортасында шетелде оқитын азаматтарды қолдау үшін арнайы жедел желі іске қосылған болатын.

94
Кілт сөздер:
шетел, студенттер
Тақырып бойынша
Магистратура бойынша грант иегерлерінің тізімі жарияланды
Нұр-Сұлтан әкімі студенттер мен магистранттарға грант бөлді
Томирис Байсафаның өлімі: экс-шенеуніктің ұлы ұсталды
Білім министрлігі шетелде оқитын студенттерге арнайы жеңілдік ұсынды
Енді қазақстандық студенттер үйден шықпай-ақ оқу орнын ауыстыра алады
Операторлар, иллюстративті фото

Журналистердің кәсіподағы құрылды

2
Жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды

НҰР-СҰЛТАН, 22 қыркүйек – Sputnik. Қазақстанда бұқаралық ақпарат құралдары мен телерадио хабарларын тарату қызметкерлерінің "BAQ KASIPODAQ" салалық кәсіподағы құрылды. Бұл туралы бүгін ZOOM платформасында өткен бейнеконференцияда белгілі болды, деп хабарлайды Sputnik Қазақстан тілшісі.

Бейнеконференцияға танымал журналистер мен медиаменеджерлер қатысты. Сол жерде жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды. Осыдан кейін кәсіподақ басшысы құрылымның жоспары мен алдағы бағыттары туралы жан-жақты баяндап берді.

Оқи отырыңыз: Қазақстанда митингтен хабар тарататын журналистер нені білуі тиіс 

"Алда журналистердің әлеуметтік-құқықтық жағдайын жақсартуды көздейтін көптеген шаруа, игі бастамалар тұр. Әсіресе, журналистердің шеберлігін шыңдап, кәсіби өсуіне бағытталған және қазақстандық БАҚ-тың әлеуетін күшейтуге арналған ілкімді жобалар бар. Оны тек қана кәсіподақ атқарады деуге болмайды. Оның барлығына сіздермен, құрметті әріптестер, бірлесе отырып қана қол жеткізе аламыз", - деді Әліпбек.

Айта кетейік, 2020 жылдың 10 қаңтарындағы мәлімет бойынша Қазақстанда 3669 БАҚ тіркелген. Республикада 2964 мерзімді басылым, 161 телеарна, 73 радио, 471 ақпарат агенттігі және желілік басылым бар.

2
Кілт сөздер:
журналистика
Шикі ет

Желіні шулатқан видео: полиция шикі ет жеп отырған баланың ата-анасын іздеп жатыр

40
Бүлдіршіннің заңды өкілдері табылғаннан кейін, олармен түсіндіру жұмысы жүргізіледі, қажет болған жағдайда балаға медициналық көмек көрсетіледі

НҰР-СҰЛТАН, 22 қыркүйек – Sputnik. Қазақстанның ішкі істер министрлігі Қазнетте тараған видеода шикі ет жеп отырған баланың әке-шешесін іздестіріп жатыр.

Бұл туралы білім және ғылым министрлігі балалар құқығын қорғау комитеті төрағасының орынбасары Юлия Овечкина хабарлады.

"Біз ақпаратты ішкі істер министрлігіне жолдадық. Баланың заңды өкілдері табылғаннан кейін, олармен түсіндіру жұмысы жүргізіледі. Қажет болған жағдайда балаға медициналық көмек көрсетіледі. Ата-аналар балаларының денсаулығына, физикалық, психикалық, рухани және моральдық дамуына қамқорлық жасау керек екенін ұмытпауы керек", - деді ол.

Овечкина ата-аналарға балалардың өмірі, денсаулығы мен қауіпсіздігі үшін әкімшілік және қылмыстық жауапкершілік қарастырылғанын ескертті.

Желіні шулатқан ролик 21 қыркүйекте жарияланды. Видеода бала шикі ет жеп отыр, кадр сыртынан әйелдің күлген даусы естіледі.

"Кәдімгідей тістеп отыр, жұлып алды әне. Бола берсін бе", - деп сұрайды бір әйел.  

"Не болады, жей берсін", - деп жауап береді екіншісі.  

Желі қолданушылары видеоны қызу талқылады. Бірі "мұнда тұрған ештеңе жоқ" десе, енді бірі баланың ішіне инфекция түседі деп алаңдаған.

40
Кілт сөздер:
ет, видео, бала