Астана тұрғындары

Қазақстанда демалыстағы шектеуді алып тастау мәселесі көтерілді

726
(Жаңартылды 12:51 14.09.2020)
Сенбі-жексенбі күндері сауда орталықтары, жабық базарлар сияқты адам көп жиналатын жерлер ғана жабық болады. Бұдан бөлек, сұлулық салондары, фитнес пен SPA-орталықтары жұмыс істемейді

НҰР-СҰЛТАН, 14 қыркүйек – Sputnik. Қазақстанның бас мемлекеттік санитар дәрігері Айжан Есмағамбетова демалыстағы шектеулерді алып тастауға қатысты пікір білдірді, деп хабарлайды Sputnik Қазақстан тілшісі.

"Демалыстағы шектеулерді алып тастау мәселесі әзірше қаралып жатқан жоқ", - деді Есмағамбетова журналистерге берген сұқбатында.

Оның айтуынша, қазірдің өзінде демалыстағы шектеулер көп емес. Сенбі-жексенбі күндері сауда орталықтары, жабық базарлар сияқты адам көп жиналатын жерлер ғана жабылып тұрады. Бұдан бөлек, сұлулық салондары, фитнес пен SPA-орталықтары жұмыс істемейді.  

"Бүгінде демалыстағы шектеулердің саны аз қалды. Ал біздің негізгі міндетіміз – санитарлық-эпидемиологиялық жағдайдың тұрақтылығын сақтау, одан кейін науқастардың санын біртіндеп азайту", - деп атап көрсетті Есмағамбетова. 

Айта кетейік, соңғы бір тәуліктің ішінде республика бойынша COVID-19 инфекциясынан және коронавирус белгілері бар пневмониядан 11 науқас қайтыс болды. Бір күнде пневмониямен ауыратын тағы 77 науқас тіркелді. Ал 52 адамнан коронавирус инфекциясы табылды. 

Жалпы, 13 наурыздан бері Қазақстанда коронавирусты жұқтырғандардың саны 106 855 адамға жетті, 1 671 адам қайтыс болды. Ал 1 тамыздан бастап коронавирусқа ұқсас пневмониялар тіркеліп келеді. Содан бері 29 658 науқас анықталды. Соның ішінде 328 адам қайтыс болды.

726
Кілт сөздер:
демалыс, шектеу, Қазақстан
Тақырып бойынша
Қыркүйек соңында карантин күшейе ме – бас санитар дәрігер жауабы
Министр Цой: коронавирустың екінші толқынына дайындалып жатырмыз
Білім министрі де бар – желіде тараған суретке қатысты қандай шара қолданылады
Өткен тәулікте елімізде коронавирус пен пневмониядан 11 адам қайтыс болды
Денсаулық министрі өзіне вакцина салдырды
Бала

Нұр-Сұлтанда бұрынғы әйелінен қашып жүрген ер адамға іздеу жарияланды

21
Психолог кәмелетке толмаған балалардың әкесінен қысым көріп жүргенін және оларға ананың қамқорлығы қажет екенін анықтады

НҰР-СҰЛТАН, 29 қыркүйек – Sputnik. Астаналық әйел туған балаларын бір жылдан астам уақыт көре алмай жүр. Прокуратура органдары балаларды анасынан жасырған әкеге іздеу жариялады, деп хабарлайды Нұр-Сұлтанның жеке сот орындаушылары өңірлік палатасының баспасөз қызметі.

"Ж.есімді азамат бұрынғы күйеуінен 10 және 11 жастағы балаларын ала алмай жүр. Әйел балаларын өзі тәрбиелегісі келеді, бірақ ер адам бұған көнбей, қарсылық көрсетуде", - деп мәлімдеді сот орындаушылар.

Әйел шарасыздықтан сотқа жүгінеді, бірақ алғашқыда қамқорлық ер адамға берілгендіктен, еш нәтиже шықпайды. Кейін апелляциялық инстанция сот-психологиялық сараптама негізінде шешімді өзгерткен.

Психолог кәмелетке толмаған екі бала әкесінен қысым көріп жүргенін және оларға ананың қамқорлығы қажет екенін анықтады.

"Соңғы үш жыл бойы балалар әкесімен тұрады. Бірақ соттың соңғы шешімімен бүлдіршіндердің тұратын жері өзгерді, енді олар анасымен тұруы керек. Прокуратура органдары ер адамға іздеу жариялады", - деді Нұр-Сұлтанның жеке сот орындаушылары өңірлік палатасы басшысының орынбасары.

Балалардың әкесі сот шешімімен келіспейді. Бір пәтерден екінші пәтерге көшіп, бұрынғы әйелі мен сот орындаушылардан жасырынып жүр.

Ер адам іздестірілуде.

21
Кілт сөздер:
балалар, Нұр-Сұлтан
Мемлекет басшысы Қасым-Жомарт Тоқаев Батыс Қазақстан облысының әкімі Ғали Есқалиевті қабылдады

Тоқаев БҚО әкімінің алдына бірқатар міндет қойды

16
(Жаңартылды 15:46 29.09.2020)
Президент етті мал шаруашылығын дамыту, мұнай мен газ өндіруге қатысы жоқ салаға тартылатын инвестицияны ұлғайту, өнеркәсіпті әртараптандыру бойынша облыс әкіміне бірқатар тапсырма берді

НҰР-СҰЛТАН, 29 қыркүйек – Sputnik. Мемлекет басшысы Қасым-Жомарт Тоқаев Батыс Қазақстан облысының әкімі Ғали Есқалиевті қабылдады, деп хабарлайды Ақорда.

Есқалиев Тоқаевқа өңірдің әлеуметтік-экономикалық дамуының негізгі көрсеткіштері, сондай-ақ, бұған дейін берілген тапсырмалардың орындалуы жөнінде баяндады.

Кездесу барысында Жайық өзеніндегі су деңгейінің төмендеуі, өңірдің энергияға тәуелділігі және жергілікті жолдардың жағдайы сияқты облыстағы негізгі мәселелер туралы мәлімет берілді. Президент Батыс Қазақстан облысының әкіміне үкіметпен бірлесе отырып, аталған проблемаларды шешуді тапсырды.

Сондай-ақ, Тоқаев етті мал шаруашылығын дамыту және осы бағытқа ғылыми тұрғыдан баса мән беру, мұнай мен газ өндіруге қатысы жоқ салаға тартылатын инвестицияны ұлғайту, өнеркәсіпті әртараптандыру, өңдеу секторының өндірісін арттыру жөнінде Есқалиевтің алдына бірқатар міндет қойды.

Тағы оқыңыз: Коронавирустың екінші толқынына дайын болайық – Тоқаев

Бұдан бөлек, мемлекет басшысы жұмыссыз және өзін-өзі жұмыспен қамтыған азаматтарды экономикалық қызметке тартуды жалғастыруды, сонымен қатар, аймақтағы үш ауысымды және апатты жағдайдағы мектептерге қатысты мәселелерді түбегейлі шешуді тапсырды.

16
Кілт сөздер:
әкім, Батыс Қазақстан облысы, Қасым-Жомарт Тоқаев
Тақырып бойынша
Тоқаев Алматыда автокөліктің капотына не жазды
Тоқаев жұмыс сапарымен Алматыға барды