Терроризмге қарсы күрес оқу-жаттығулары, қазақстандық әскерилер

БҰҰ мен ҰҚШҰ терроризмге қарсы күресте өзара ынтымақтастықты нығайтып жатыр

1 / 2
33
БҰҰ мен ҰҚШҰ ынтымақтастықтың онжылдық мерейтойын атап өтіп жатыр. Бұл ұйымдар болашақтағы өзара ынтымақтастықтың маңызына мән беруде

НҰР-СҰЛТАН, 15 қыркүйек  — Sputnik. Біріккен ұлттар ұйымы мен Ұжымдық қауіпсіздік шарт ұйымының бас хатшылары Антониу Гутерреш пен Станислав Зась терроризм мен халықаралық қылмыспен күрес, текетірестердің алдын алу және олардың түйінін шешу бағытындағы ынтымақтастықты арттыру туралы келісімге келді.  Бұл туралы бірлескен мәлімдемеде айтылған.

Ынтымақтастықты нығайту

Халықаралық қауымдастық Біріккен Ұлттар Ұйымының 75-жылдығын атап өтіп жатқан кезде, бас хатшылар Бірлескен декларацияны әрі қарай іске асыруға дайын екенін байқатты.

 "Сондай-ақ,  барлық деңгейде, cоның ішінде текетірестердің алдын алу және түйінін тарқату, бітімгершілік, терроризмге қарсы күрес және оның алдын алу, халықаралық қылмыспен және заңсыз қару-жарақ сатумен күрес, апаттарға дайын болу және оларға  ден қою, ақпараттар алмасу сынды түйінді салалардағы ынтымақтастықтың ауқымын одан әрі кеңейтуге деген ынта-ниетін көрсетті" - , делінген Гуттериш пен Зась қол қойған құжатта.

БҰҰ мен ҰҚШҰ ынтымақтастығына 10 жыл

Мәлімдемеде хабарланғандай, бас хатшылар ынтымақтастық туралы бірлескен декларацияға қол қойған 10 жылдың ішінде екі ұйым хатшылықтарының әріптестігін нығайтуда оң қарқын мен тұрақты өсімге қол жеткізілді.

Олар БҰҰ жарғысы халықаралық құқықтың ұстанымдарына сәйкес,  жаhандық және өңірлік бейбітшілік пен қауіпсіздік ісін алға жылжыту бағытында ынтымақтастықтың маңызы орасан екеніне айрықша тоқталған.  

"2010 жылдың наурыз айында Бірлескен декларацияға қол қойылған сәттен бастап, екі ұйым арасындағы ынтымақтастықты Ұжымдық қауіпсіздік шарт ұйымы хатшылығы мен контртеррористік комитеттің атқарушы директораты, БҰҰ-ның есірткі мен қылмыс жөніндегі басқармасы, босқындар ісі жөніндегі БҰҰ-ның жоғарғы комиссарының басқармасы және бейбітшілікті қолдау жөніндегі операциялар департаменті сияқты БҰҰ құрылымдарының ынтымақтастық туралы хаттамалары мен өзара түсіністік туралы меморандумдары одан әрі нығайта түсті", - делінген құжатта.

ҰҚШҰ тарихы

1992 жылдың 15 мамырында Ташкентте (Өзбекстан) Ұжымдық қауіпсіздік туралы шартқа қол қойылды.

2002 жылға дейін бұл Шарт әскери-саяси саладағы тығыз ынтымақтастық пен өзара түсіністікті нығайтуда маңызды рөл атқарған өңірлік келісім ретінде белгілі болды.

2002 жылдың 14 мамырында  Мәскеуде Ұжымдық қауіпсіздік кеңесі  Ұжымдық қауіпсіздік туралы шартқа халықаралық өңірлік ұйым мәртебесін беру туралы шешімге келеді.  2002 жылдың 7 қазанында ҰҚШҰ жарғысы бекітілді. 2003 жылдың желтоқсан айында ҰҚШҰ жарғысы БҰҰ Хатшылығында тіркелді.  Ал 2004 жылы ұйым БҰҰ Бас Ассамблеясында байқаушы мәртебесіне ие болды.

ҰҚШҰ-ның жоғарғы органы ­- Ұжымдық қауіпсіздік кеңесі (ҰҚК) және ұйымға мүше мемлекеттердің басшыларынан тұрады.

ҰҚШҰ-ға Армения, Беларусь, Қазақстан, Қырғызстан және Тәжікстан кіреді.

33
Nur Otan партиясының ғимараты

Nur Otan праймериз қарсаңында өрескел тәртіп бұзушылықтарды анықтады

47
Ондаған партия мүшесі бір телефон нөмірімен тіркелгені белгілі болды. Ал басқа азаматтар белгіленген мерзімнен кейін партия қатарына кіруге тырысқан

НҰР-СҰЛТАН, 25 қыркүйек – Sputnik. "Nur Otan" партиясының орталық аппараты Нұр-Сұлтан қаласында жаңа мүшелерді қабылдау кезінде тәртіп бұзушылықтар болғанын анықтады. Бұл туралы партиялық бақылау комитетінің отырысы барысында белгілі болды, деп хабарлады ұйымның баспасөз қызметі.

"Nur Otan" орталық аппараты партияның жаңадан қабылданған мүшелері мен "Праймериз" ақпараттық жүйесінде тіркеуден өткендерге талдау жүргізеді.

Оқи отырыңыз: Nur Otan партиясына адам қабылдау тоқтатылды – Байбек себебін түсіндірді 

Осылайша, кезекті тексеру барысында елордада "Азия Орталық Снаб" ЖШС бастауыш партия ұйымы қабылдаған 2466 жаңа партия мүшесінің есептік мәліметтері расталмады. 11 қыркүйектен 4 қазанға дейін партияға қабылдау тоқтатылғанына қарамастан, 12-17 қыркүйек аралығында азаматтар партия қатарына қабылданған.

Партиялық бақылау комитетінің төрағасы Павел Казанцевтің пікірінше, бұл – өрескел тәртіп бұзушылық. Партияға кейбір "қажетті" кандидаттарға дауыс беруді ұйымдастыру үшін өздерінің бір сәттік мәселелерін шешетіндер, жай ғана қара көбейтетіндер қажет емес.

"Сондықтан дауыс беру кезінде бұрмалауды болдырмау үшін праймериз кезеңінде партияға қабылдау тоқтатылды. Осы фактілерді ескере отырып, партияның астаналық филиалы "Азия Орталық Снаб" ЖШС БПҰ-дағы барлық партия мүшелерінің деректерін салыстырып, тексеруі тиіс", – деп мәлімдеді Казанцев.

Баспасөз қызметінің мәліметінше, партиялық бақылау комитетінің тексерісі барысында партия мүшелерін бір телефон нөмірімен тіркеу деректері анықталды.

Мысалы, Ақмола облысының Бурабай ауданында "Білім Бурабай" және "Бірлік Бурабай" БПҰ-да партияның 105 мүшесінің бір телефон нөмірі бар. Ал Қарағанды облысының Балқаш қаласында "Ардагер", "Гүлдер", "Балқаш станциясы" және "Шипагер" БПҰ-да бір телефон нөмірінің иелері 279 адам болды.

Отырыс қорытындысы бойынша аймақтық және аумақтық партиялық бақылау комиссияларына барлық айқындалған фактіні анықтап, кінәлілерді жазалау тапсырылды.

Еске сала кетейік, бұған дейін партия төрағасының бірінші орынбасары Бауыржан Байбек праймеризде онлайн дауыс берудің ашықтығын қамтамасыз ету үшін арнайы растау (верификация) жүйесі (интернет-банкинг үлгісі бойынша жеке тұлғаны анықтау) қолданылатынын айтқан болатын.

Партияның баспасөз қызметі барлық тәртіп бұзушылық деректері бойынша 8 (800) 080 4441 "жедел желіге" (қоңырау шалу тегін) немесе komek@nurotan.kz электронды поштасына  хабарласуға болатынын атап өтті.

47
Тақырып бойынша
Nur Otan праймеризі: Байбек қауіпсіздік шаралары туралы хабарлады
Бауыржан Байбек Елбасының шешімін жария етті
Назарбаев қазақстандықтарға үндеу жасады
Елбасының баспасөз хатшысы праймеризге қатысты ақпарат жариялады
Қасым-Жомарт Тоқаев

Тоқаев Қазақстанның өлім жазасынан бас тартуына байланысты түсініктеме берді

745
(Жаңартылды 18:43 25.09.2020)
Мемлекет басшысы шын мәнінде өлім жазасы Қазақстанда болмағандықтан, елдің негізгі заңына өзгеріс енгізудің қажеті жоқ екенін баса айтты  

НҰР-СҰЛТАН, 25 қыркүйек – Sputnik. Президент Қасым-Жомарт Тоқаев Қазақстанның өлім жазасынан бас тартуға бағытталған азаматтық және саяси құқықтар туралы халықаралық пактінің екінші факультативті хаттамасына қол қоюына байланысты түсініктеме берді.  

Тоқаев өлім жазасынан бас тарту туралы екінші факультативті хаттамаға қосылу Конституцияға толық сәйкес келетіндігін атап өтті.

"Негізгі заңға ешқандай өзгерту енгізудің қажеті жоқ, өйткені өлім жазасы біздің тұңғыш президентіміз жариялаған мораторийде қарастырылған және шын мәнінде өлім жазасы біздің елде жоқ", - деді президент.  

Айта кетейік, 2020 жылдың 23 қыркүйегінде Біріккен ұлттар ұйымының штаб-пәтерінде Қазақстанның БҰҰ жанындағы тұрақты өкілі Қайрат Омаров өлім жазасынан бас тартуға бағытталған азаматтық және саяси құқықтар туралы халықаралық пактінің екінші факультативті хаттамасына қол қойды.

2003 жылы президент бұл жазаны қолдануға мерзімсіз мораторий енгізген болатын.   

745
Кілт сөздер:
өлім жазасы, Қасым-Жомарт Тоқаев
Тақырып бойынша
Абзал Құспан педофилдер үшін өлім жазасын енгізуге қарсы шықты
"Жала жабу" қылмыс қатарынан шығарылады – Тоқаев
Иранда қылмыскердің қолын шапты  
Он бір жыл бойы өлім жазасын күткен адам кінәсіз болып шықты
Қазақстан ресми түрде өлім жазасынан бас тартты
Диктофон

Релизден бас тарту керек кәсіби PR маманының лайфхактары

0
SputnikPro сарапшысы онлайнды дамыту, ерекшеленуден қорықпау, адамдарға сену – БАҚ-ты алға жылжытудың негізгі ерекшелігі екенін айтады  

НҰР-СҰЛТАН, 25 қыркүйек – Sputnik. "Россия сегодня" медиа тобы баспасөз қызметінің жетекшісі Анна Старкова көрші елдердің журналистеріне неліктен релиз жазудан бас тарту керектігін айтып берді.

Бұған дейін бұқаралық ақпарат құралдары іс-шараның ақпараттық серіктесі бола отырып, өзінің логотипін түрлі алаңдарда орналастыратын. Пандемия кезінде жағдай өзгерді. Өзін-өзі таныту үшін медиа топтың баспасөз қызметі ерекше кейстерді ойластыра бастаған.

Сарапшының бірінші ұсынысы: стандартты релиздерді жазу тәжірибесінен бас тарту.

"Адамдармен оларға түсінікті тілде сөйлесу керек. Кері байланыс орната бастасаңыз, ол нарықтың ойыншысы болсаңыз, сізді тыңдайды, сізге келіп, оқи бастайды", - деп санайды Старкова.

Сарапшының келесі кеңесі – бұқаралық ақпарат құралдары онлайнды ғана дамытпау керек.

"Мұны пандемия кезінде істей бастадық. Біз барлығы дерлік интернетті қолданатын әлемде өмір сүріп жатырмыз", - деп атап өтті маман.

Қазір, оның айтуынша, әлеуметтік желілердегі және мессенджерлердегі анонимділік танымал болудан қалып барады.

"Бізді ("РИА Новости" ХАА Телеграм каналы) оқи бастады, өйткені РИА Новости, мысалы, Лукашенконың инаугурациясында не болғанын айтты. Сол кезде ол жаңалыққа айналады, бұл тексерілген ақпарат. Шын мәнінде болған нәрсе, сыбыс емес", - деп атап өтті Старкова.  

Сарапшының тағы бір ұсынысы – ерекшеленуден қорықпау. Баспасөз қызметі пандемия жағдайында "трендтерді қарап, оларды батыл түрде пайдаланған".

"Сізбен бірге жұмыс істейтін адамдарға сенім арту керек, өйткені ең алдымен біреумен араласуың керек. Оларды алға жылжытуың керек, нәтижесінде сіздің брендіңіз алға жылжиды", - деп сендірді Старкова.

Кәсіби PR маманының бесінші кеңесі – дос болу.

"Бұл, шынын айтқанда, ең маңызды кеңес. Басқа ақпарат құралдарымен, баспасөз қызметтерімен, тіпті бәсекелестермен де достасу керек. Кофеге шақырыңыз, бранчи жасаңыз, лайфхактармен бөлісіңіз. Бұл бәріне қатысты", - деп есептейді ол.  

SputnikPro білім беру жобасының жиырма бірінші онлайн-сессиясына Қазақстан, Ресей, Әзербайжан, Армения, Беларусь, Қырғызстан, Молдова, Абхазия және Осетия БАҚ өкілдері қатысты.

SputnikPro – Sputnik халықаралық ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.

0