Смартфон, архивтегі фото

"Бәрі сатылып жатыр": Нұр-Сұлтан тұрғыны сенаторларды көріп шу шығарды

4607
Дәрі-дәрмек алу үшін ұзын-сонар кезекке тұрған елордалықтар ұлардай шулап, мәртебелі меймандарды қатты састырды

НҰР-СҰЛТАН, 16 қыркүйек – Sputnik. Сенаторлар жазда дәрі іздеп сабылған жұрттың ашуын тудырған "СҚ Фармацияның" дәрі-дәрмек қорын тексерді.  

Депутаттарға  түрлі препараттар, медициналық қажетті құралдар толы қораптар көрсетілді. Ал дәрі алу үшін ұзын-сонар кезекке тұрғандар мәртебелі меймандарды көріп ұлардай шулады, деп хабарлады КТК.

Тегін препарат тұрмақ, жеңілдіктен айырылдық, дейді олар.

"СҚ Фармация" компаниясы "барлық дәріні емханаларға бердік, емханадан алыңдар" дейді. Ал емхана сатып алыңыз деп жібереді. Құрметті депутаттар, әлеуметтік қорғау министрлігі халықтың мұң-мұқтажына құлақ асыңыздар. Барлық жағынан мүгедектерге қашан жеңілдік, жағдай жасалады? Шынын айтқанда, мүгедектер арбасының өзі сатылады. Бәрі сатылып жатыр. Неге олай? Бұған кім жауап береді?", - деді Нұр-Сұлтан қаласының тұрғыны Бақытжан Нұрғозова. 

Ешкімге ескертпей дәріханаларға бас сұққан сенаторлар қала тұрғыны мұндай шу шығарады деп ойламаған болар. Бір жағынан, жаздағы дәрі-дәрмек дүрбелеңі олардың есінде қалғанға ұқсайды. Дәріханаларда дәрі әзірге жеткілікті. Шенеуніктер алда болжанып отырған коронавирустың екінші толқынында да тапшылық болмайды деп сендіреді.

Оқи отырыңыз: "СК-Фармацияның" бұрынғы басшысы ұсталды 

Қазір елімізде екі айлық дәрінің қоры бар екен. Дәрі мәселесінен бөлек, халық жаппай ауырғанда жасанды тыныс алдыру аппараты жетпеді. Енді Қазақстан өзінің қондырғысын шығаруға көшті. Түріктердің құралдарын жинайтын біздің мамандар қазан айына дейін 1500 аппаратты 300-дей ауруханаға жібермек.

"Бізге 1500 дана аппарат шығаруға тапсырыс берілді. Бүгінгі күні 750 комплект аппарат дайындалып, ертеңнен бастап ауруханаларға жеткізіледі. Бір аппараттың құны – 8 миллион 900 мың теңге. Зауытымыз осы аптадан бастап үш ауысымдық жұмысқа көшті", - деп атап өтті индустрия және инфрақұрылымдық даму вице-министрі Талғат Жанжүменов. 

4607
Кілт сөздер:
сенатор, дәрі-дәрмек
Тақырып:
Коронавирус эпидемиясы (1520)
Тақырып бойынша
150 теңгелік анальгин: ауыл дәріханасының иесі 360 мың теңге айыппұлдан босатылды
Қазақстандық депутаттар дәрігер мәртебесі туралы заң қабылдауды ұсынды
Дәрігерлер коронавирустан емдеу үшін жылқының антиденелерін пайдаланбақ
Денсаулық министрі Қазақстан қандай жағдайда қатаң карантинге оралатынын айтты
Министр алдағы бес жылда фармацевтика саласы қалай өзгеретінін айтты
Маска мен дәрі-дәрмек тапшылығы болмайды – Мамин
Медицина құралдары, архивтегі фото

Дәрігерлер трактордың астына түскен қызды аман алып қалды

1
Қыз жедел хирургия бөліміне ес-түссіз күйде түскен. Дәрігерлер оны бірден аппаратқа қосып, жамбасына шұғыл ота жасаған

НҰР-СҰЛТАН, 21 қыркүйек – Sputnik. Астаналық дәрігерлер абайсызда трактордың астына түскен бес жасар қызға ота сәтті жасалғанын мәлімдеді, деп хабарлайды Sputnik Қазақстан тілшісі.

Айта кетейік, 6 қыркүйек күні Қорғалжын ауылында екі бала шөп тиелген трактордың тіркемесіне шыққан. Алайда екеуі де құлап, доңғалақтың астына түскен. Салдарынан 8 жасар ұл оқиға орнында жан тапсырды. Ал бес жасар қыз Нұр-Сұлтан қаласының №2 көпбейінді балалар ауруханасына жеткізілді.

Ақмола облысында екі бала шөп тиелген трактордың астына түсті 

Аурухананың травматолог дәрігері Мұхтар Ахмұрзаевтың айтуынша, қыз жедел хирургия бөліміне ес-түссіз күйде түскен. Оны бірден аппаратқа қосып, жамбасына шұғыл ота жасаған. Бала 10 күн бойы жансақтау бөлімінде жатты.

"Бала өте ауыр жағдайда түсті, жарақаттан қатты шок алып қалған.  Бірақ аурухана мамандары – хирургтар, нейрохирургтар, травматолог пен реаниматологтар жедел көмек көрсетіп, отаны сәтті жасап шықты", - дейді Ахмұрзаев.

Қазіргі кезде бала ауруханадан шығуға дайындалып жатыр. Ата-анасы дәрігерлерге шексіз ризашылығын жеткізді.

"Қазір қызымның жағдайы жақсы. Көңіл-күйі де жақсарған. Әкесімен видео байланыс арқылы сөйлесіп тұрады. Отбасымызбен дәрігерлерге алғыс айтамыз. Бірінші Құдайдың қалауымен, екінші дәрігерлердің арқасында қызымыз аман қалды", - дейді қыздың анасы.

Полиция осы оқиға бойынша Қылмыстық кодекстің 345-бабы 3-тармағы "Көлiк басқаратын адамдардың жол жүрісі немесе көлiкті пайдалану қағидаларын бұзуы" бойынша сотқа дейінгі тергеуді бастаған болатын.

 

1
Тақырып бойынша
"Рөлді ұстамай-ақ айдаймын": мас жүргізушінің оқиғаға дейінгі әрекеті белгілі болды
Алматылық әйел бір уақытта екі көліктің астына түсті - фото
Алматыда ер адам автобустың астына жатып алды – видео
Нұр-Сұлтанда әйел адам көлік астына түсіп қаза болды
Жүк көлігі самокат мінген жігітті басып кете жаздады – видео
Айзат Молдағасымова

Сынақ мерзімінен өтпеді: Молдағасымова тағы да жұмыссыз қалды

959
Молдағасымова Гигиена және эпидемиология ғылыми орталығының басшысы қызметінен төрт айдан кейін босатылды

НҰР-СҰЛТАН, 21 қыркүйек – Sputnik. Жұматов атындағы Гигиена және эпидемиология ғылыми орталығын басқарған Айзат Молдағасымова тағайындалғаннан кейін төрт ай өткен соң жұмыстан босатылды.

Денсаулық сақтау министрлігі ол осы уақыттың басым бөлігінде жұмыста болмағанын хабарлады.

Сынақ мерзімінен өтпеуіне байланысты оны жұмыстан босату туралы бұйрыққа 14 қыркүйекте қол қойылды, деп түсіндірді денсаулық сақтау министрлігі.

"Айзат Молдағасымова 2020 жылдың 3 маусымында қойылған міндеттерді тиімді орындау мақсатында Жұматов атындағы гигиена ғылыми орталығының директоры қызметіне қабылданды. Алайда ол уақытша еңбекке жарамсыздық парағын алып, 1 шілде мен 14 қыркүйек аралығында жұмыста болмады. 14 қыркүйектен бастап сынақ мерзімінен өте алмауына байланысты онымен еңбек шарты тоқтатылды", - деп  түсіндірді ұлттық денсаулық сақтау орталығының директоры Дамир Көпжасаров.

Оның айтуынша, онымен еңбек шарты сынақ мерзімі кезінде нашар жұмыс істеуіне байланысты бұзылған.

Оқи отырыңыз: Алматының бас санитары дәрігерлердің қалай ауру жұқтырғанын айтты 

Айзат Молдағасымова бұған дейін Алматының бас санитар дәрігері қызметін атқарды. Оның кезінде Орталық қалалық клиникалық аурухананың қызметкерлері жаппай коронавирус жұқтырды. Қаланың бас санитары бұған дәрігерлердің  қауіпсіздік шараларын сақтамауы себеп болуы мүмкін деп мәлімдеген болатын. Алайда ақхалаттылар Молдағасымованы жала жапты деп айыптап, президенттің атына хат жазды.

Осы жағдайдан кейін, 18 сәуірде Айзат Молдағасымова қызметінен кетті, оның орнына Жандарбек Бекшин тағайындалды.  

959
Тақырып бойынша
Жаппай індет жұқтыру оқиғасы: Алматыда аурухананың бас дәрігері қызметінен кетті
Алматының бас санитары 12 дәрігерден коронавирус табылғаннан кейін мәлімдеме жасады
Алматыда коронавирус табылған дәрігерлер 300-ден аса адаммен байланыста болған
Жандарбек Бекшин жаңа қызметке тағайындалды