Зертхана қызметкері

ДДҰ коронавирусқа қарсы екінші қазақстандық вакцинаны тізімге енгізді

59
(Жаңартылды 16:58 16.09.2020)
Қазіргі кезде Қазақстанда әзірленген SARS-CoV-2 (COVID-19) вирусына қарсы вакцина клиникаға дейінгі зерттеуден өткізіліп жатыр

НҰР-СҰЛТАН, 16 қыркүйек – Sputnik. Коронавирус инфекциясына қарсы әзірленген екінші вакцинаны Дүниежүзілік денсаулық сақтау ұйымы вакциналар тізіміне қосты. Бұл туралы Қазақ ұлттық аграрлық университетінің (ҚазҰАУ) жанындағы халықаралық вакцинология орталығының директоры Қайсар Табынов мәлімдеді, деп хабарлайды Sputnik Қазақстан.

"Біздің наноэмульсивті майлы адъювант негізіндегі SARS-CoV-2 (COVID-19) вакцинамыз 2020 жылдың 9 қыркүйегінде Дүниежүзілік денсаулық сақтау ұйымы жарияланған вакциналар тізіміне енгізілгенін зор қуанышпен хабарлаймын", – деп жазды Табынов өзінің Facebook-тегі парақшасында.

Казақстандық екі вакцина да ДДҰ сайтында жарияланған вакциналардың тізіміне қосылған.

Бұл вакцинаны ҚазҰАУ халықаралық вакцинология орталығы мен Айқымбаев атындағы аса қауіпті инфекциялардың ұлттық ғылыми орталығы бірлесе әзірлеп шығарған. Қазір ол клиникаға дейінгі зерттеуден өтіп жатыр.

"Осы орайда, зерттеуге қатысушылардың барлығына осы кезге дейін және бұдан кейін де атқаратын жұмыстары үшін алғыс білдіремін. Баршаңызға сәттілік тілеймін", – деп жазды ол.

Бірінші қазақстандық вакцина туралы не білеміз?

Бұған дейін Дүниежүзілік денсаулық сақтау ұйымы 31 шілдеде коронавирусқа қарсы QazCovid-in️ вакцинасын клиникалық сынақтарға жіберілген вакциналардың тізіміне қосқан болатын.

Вакцинаның жеті әзірлеушісі вируспен тұрақты түрде жұмыс істегендіктен, өздерінің қауіпсіздігін сақтау мақсатында вакцина салдырады. Олардың арасында институт директоры да бар. Талдау нәтижелері бойынша, барлығының бойында вирусқа қарсы антидене қалыптасты. Қызметкерлердің денсаулығы жақсы, бүгінде олар ғылыми-техникалық бағдарлама аясында өздерінің жұмыстарын жалғастырып жатыр.

Оқи отырыңыз: Ғалымдар COVID-19 бен тұмауға қарсы аралас вакцина жасау жоспарын жария етті

Кейінірек, QazCovid-in қазақстандық вакцинасының клиникалық сынақтарына қатысуға өтінімдер жинау жарияланып, 627 адамнан өтінім түсті.

59
Кілт сөздер:
ДДҰ, коронавирус, вакцина
Тақырып:
Коронавирус эпидемиясы (1538)
Тақырып бойынша
Коронавирусқа қарсы ресейлік вакцина пандемиядан екі жыл бұрын жасала бастаған
Ресейлік ғалым коронавирусқа қарсы вакцина қалай әзірленгенін айтып берді
Иммунолог коронавирусқа қарсы вакцина туралы ойын айтты
Денсаулық министрі өзіне вакцина салдырды
Коронавирусқа қарсы вакцина қанша теңге тұруы мүмкін
сүзбе

Сүзбенің ешкім күтпеген пайдасы анықталды

2657
Сүзбе айтарлықтай құнарлы тағам, сондықтан күніне 200 грамнан артық жемеген жөн, дейді дәрігерлер

НҰР-СҰЛТАН, 26 қыркүйек — Sputnik. Сүзбе күзгі депрессиямен күресуге көмектеседі және ер адамның қауқарын күшейтеді, деп жазады РИА Новости.

Гастроэнтеролог Алексей Буеверовтың айтуынша, сүзбе нәрлі заттарға, ақуыз бен майларға бай, ал көмірсулар керісінше аз.

"Сонымен қатар зерттеулерге сәйкес, сүзбені жиі жеген кезде көңіл-күй көтеріледі, бұдан бөлек, күзгі депрессиямен күресуге көмектеседі", - дейді дәрігер.

Ол бұл тағамның құрамында кальций, магний, цинк секілді микроэлементтер көп екенін атап өтті. Бұл тек сүйек тінін нығайтып қана қоймай, ер адамдардың қауқарын күшейтеді.

Дәрігер дүкенге барған уақытта "сүзбе" жазуына мән беруге кеңес берді. "Сүзбеше" және "сүзбе массасы" деген өнімдердің құрамында ароматизаторлар мен өсімдік майы болуы мүмкін.

Маманның айтуынша, сүзбе айтарлықтай құнарлы тағам, сондықтан күніне 200 грамнан артық жемеген жөн.

Оқи отырыңыз: Ғалымдар өлім алдында адамның қандай күйде болатынын анықтады

"Көп жемеген дұрыс, бірақ майлылығы жоғары – бес немесе тоғыз болғаны абзал. Майсыздандырылған сүт өнімдерінің пайдасынан зияны зор", - деді Буеверов.

Біріншіден, ағзаға қажетті мөлшерде май түспегендіктен, оны өзі жинай бастайды. Екіншіден, майсыздандырылған өнімдер дәмсіз болғандықтан, оның құрамына қант қосады. 

2657
Кілт сөздер:
сүзбе
Тақырып бойынша
Ғалымдар шайдың ешкім күтпеген пайдасын анықтады
Ғалымдар адамның қай жаста өзін мейлінше бақытсыз сезінетінін анықтады
Сүтті шайдың ешкім күтпеген зияны анықталды
Ғалымдар мезгілсіз өлімнің белгілерін атады
Нұр-Сұлтанда отбасылық мерекеден кейін ешкім күтпеген оқиға болды
шекара бекеті, архив

ҰҚК 35 түрікмен әйелінің шекараны кесіп өтуіне қатысты түсініктеме берді

1177
Түрікменстан азаматтары консулдықтың ресми өтінішіне сәйкес елден шығарылды, деп хабарлады Ұлттық қауіпсіздік комитеті

НҰР-СҰЛТАН, 26 қыркүйек — Sputnik. Ұлттық қауіпсіздік комитеті Түрікменстанның 35 азаматы отанына жасырын оралды деген ақпаратты жоққа шығарды, деп хабарлайды Sputnik Қазақстан.

"Centralasia.media" порталында "Қазақстанда қалып қойған 35 түрікмен әйелі отанына жасырын оралды" деген ақпарат жарияланды. Мақала авторы шекара жабық екенін және ол арқылы ешкімді өткізбегенін жазған. Бұл ақпарат шындыққа жанаспайды, деп хабарлады Ұлттық қауіпсіздік комитетінің баспасөз қызметі.

"Ақтау қаласындағы Түрікменстан консулдығының ресми өтінішіне сәйкес 22 қыркүйекте "Темір баба" өткізу пунктінде сағат 10.05-тен 12.00-ге дейін Түрікменстанның 42 азаматы елден шығарылды. Олардың ішінде 12 ер адам, 28 әйел және 2 бала бар", - деп нақтылады комитет.

ҰҚК баспасөз қызметінің хабарлауынша, 2020 жылдың наурызынан бастап түрікмен тарапы коронавируске байланысты мемлекеттік шекара арқылы адамдар мен көліктерді өткізуді біржақты тәртіпте тоқтатқан. Қазақстан тарапынан өткізу пункті жабылған жоқ.

1177
Кілт сөздер:
шекара, Түрікменстан
Алматы, күз

Еліміздің сегіз өңірі мен Нұр-Сұлтан қаласында дабылды ескерту жарияланды

0
Республиканың шығысы мен оңтүстік-шығысында жаңбыр жауады, оңтүстікте шаңды дауыл соғады, дейді синоптиктер

НҰР-СҰЛТАН, 26 қыркүйек — Sputnik. Қазгидромет еліміздің жеті өңірі мен Нұр-Сұлтан қаласында дабылды ескерту жариялады.

Синоптиктердің хабарлауынша, ертең Қазақстанның басым бөлігінде антициклонның ықпалынан күн ашық болады. Тек республиканың шығысы мен оңтүстік-шығысында жаңбыр жауады. Кей жерлерде тұман түсіп, жел күшейеді. Оңтүстікте шаңды дауыл соғады деп болжанып отыр.

Дабылды ескертулер

27 қыркүйекте Маңғыстау облысының кей жерінде шығыстан жел соғады, күші 15-20 м/с болады.

Атырау облысының кей жерінде шығыстан жел соғады, күші - 15-20 м/с.

Ертең түнде Түркістан облысының таулы аудандарында топырақ бетінде 2 градус үсік жүреді.

Қостанай облысында кей жерінде тұман түседі. Түнде 2 градус үсік жүреді.

Қарағанды облысында түман түседі. Солтүстік-шығыстан жел соғады, күндіз кей жерде күші 15-20 м/с-ке жетеді. Түнде  кей жерде 2 градус үсік болады деп болжанып отыр.

27-28 қыркүйекте Солтүстік Қазақстан мен Ақмола облыстарында кей жерде тұман түседі.

27-29 қыркүйекте Жамбыл облысында тұман, солтүстік-шығыстан жел соғады, күші 15-20 м/с болады. Түнде және таңертең кей жерде 1-3 градусқа дейін үсік сақталады.

27 қыркүйекте Нұр-Сұлтан қаласында түнде және таңертең тұман түседі.

0