Набережная. Нур-Султан.

Заңгер бас санитар дәрігердің қаулысын неге заңсыз деп есептейтінін түсіндірді

1338
(Жаңартылды 18:35 16.09.2020)
Конституция бойынша азаматтардың құқығы заңмен ғана шектеледі, деп есептейді заңгер Жангелді Сүлейманов

НҰР-СҰЛТАН, 16 қыркүйек — Sputnik, Айгюзел Қадыр. Қазақстандықтар санитарлық дәрігерлердің шектеу шаралары туралы қаулысының заңдылығын талқылап жатыр. Саясаттанушы Марат Шибұтов мұндай құжат нормативтік-құқықтық актілер болып саналмайтынын мәлімдеді. Sputnik Қазақстан тілшісі осы туралы заңгердің пікірін білу үшін Жангелді Сүлеймановқа хабарласты, ол алты ай бойы санитарлық дәрігерлер шығарған қаулылардың заңсыздығы туралы айтып келеді.

Шибұтов өзінің Facebook әлеуметтік желісіндегі парақшасында тауарлар мен қызмет түрлерінің сапасы мен қауіпсіздігін бақылау жөніндегі комитеттің бұл мәселе төңірегінде берген жауабын жариялаған, онда санитарлық дәрігердің қаулысы әділет органдарында мемлекеттік тіркеуден өтпегені атап көрсетілген.

"Біз осы уақыт ішінде не нәрсеге бағындық? Бізге айыпұлдар қандай негізде салынды? Бұл мәселені одан әрі зерттейтін боламын, тағы да Бас прокуратураға жүгінемін, Әділет министрлігінен 28 қыркүйекте жауап келуі тиіс", - деп жазды Шибұтов.

Санитар дәрігерлер нормативтік-құқықтық актіні бекіте алмайды

Санитар дәрігерлер нормативтік-құқықтық актілерге қол қоя алмайды, себебі заң бойынша оларда ондай өкілеттілік жоқ, дейді заңгер Жангелді Сүлейманов.

"Ең қызығы, мұны санитар дәрігерлердің өзі де мойындайды. Олар әу бастан өздері шығарған қаулылардың нормативтік-құқықтық акті болып саналмайтынын айтты", - деді Сүлейманов.

Халықтың денсаулығы туралы кодекс бойынша санитарлық дәргерлер белгілі бір тексеріс субъектісіне қатысты ғана қаулыға қол қоя алады, деп толықтырды ол.

"Асханаға қатысты қаулыны алайық. Болмаса мектеп, сауна, монша тексеріледі. Мұндай қаулыда нақты жүргізілетін шаралар көрсетіледі. Мәселен, кәріз жүйесін тазарту, санитайзер қою. Болды, бұдан басқа санитар дәрігерлерде ешқандай құқық жоқ. Заң оларға өзге қаулы шығаруға құқық бермейді", - деді заңгер.

"Конституция бойынша құқық тек заңмен шектеледі"

Санитар дәрігер заң бойынша бетперде тағуға немесе белгілі бір қызмет түріне, көлік жүргізуге шектеу қоюға қатысты құқықтар мен міндеттемелерді айқындай алмайды, деді Жангелді Сүлейманов.

"Біз бұл туралы алты ай бойы айтып келеміз. Бұл сөзсіз, заңсыз қаулы. Ең алғашқы қаулы наурыз айында болды, оны сол кездегі бас санитар дәрігер Жандарбек Бекшин шығарды. Одан кейін сәуір айында қаулы шығарылды. Мен бұл жөнінде көп рет жаздым, сотқа арыздандым, кейін, қателеспесем, 6 мамырда денсаулық сақтау министрінің бұйрығы шықты. Бұйрық қаулыға қарағанда заңды. Бірақ мен бұл бұйрыққа да қарсы болдым, себебі азаматтардың құқығы Конституция бойынша заңмен ғана шектеледі.  Ал заңды парламент қабылдайды және оған президент қол қояды", - деп түсіндірді ол.

Тек жақында ғана денсаулық сақтау министрлігі карантин және шектеу шараларының көңілге қонымды ережелерін әзірлеу қажеттігі туралы ойлана бастады, деді бұл орайда Сүлейманов.

"Демек, бұл денсаулық сақтау министрлігі құқықтық шеңберден тыс әрекет етіп жатқанын мойындап отыр деген сөз", -  деді заңгер.

425-бап бойынша жазалау заңды ма

Санитар дәрігердің шығарған қаулысына сүйене отырып, Әкімшілік құқық бұзушылықтар туралы Кодекстің 425-бабы бойынша жазалау да заңсыз, деп есептейді Сүлейманов.

 "425-бап қандай бап? Ол Әкімшілік құқықбұзушылықтар туралы кодекстің бабы. Онда "санитарлық ережелерді бұзу" жөнінде жазылмаған. Яғни, ӘҚБтК 425-бабында қандай да бір заңбұзушылықтар туралы көрсетілмеген. Баптың өзі бетперде киюді реттемейді. Сондықтан басқа құжаттарға сілтеме жасау керек. Барлығы заңсыздыққа келіп тіреліп тұр",  - деп жалғастырды сөзін ол.                                        

Айтуынша, алғашқы төрт айда бетперде киюге қатысты дұрыс рәсімделген ешқандай талап болмаған.

"Бірақ соттар айыппұл салып жатты. Одан кейін жаңа министр Цой (Алексей Цой - Денсаулық сақтау министрі) бұйрық шығарды. Ол бұйрықты да мен  заңсыз деп есептеймін. Бірақ, айыппұлды "заңды" түрде сала бастады",  - деп атап өтті заңгер.

Қазақстандықтар сотқа бере алады, бірақ өз сөзінің дұрыстығын дәлелдей алмауы мүмкін, деп есептейді ол.

"Мен санитар дәрігерлердің шығарған қаулысын жоюға қатысты сотқа төрт рет арыз жаздым. Бірақ сот менің құқығым бұзылмаған немесе санитар дәрігердің тұрғылықты мекенжайы көрсетілмеген деген желеумен шағымдарды кері қайтарды. Яғни, соттар мұндай арыздарды қабылдамайды және қарастырмайды",  - деді өз тәжірибесімен бөліскен Сүлейманов.

Оның пікірінше, нормативтік-құқықтық актілерді бекіту өкілеттілігі санитар дәрігерлерде төтенше жағдай режимі кезінде де болмаған.

"Төтенше жағдай режимі заңның қолданылуын жоққа шығармайды. Президент санитар дәрігерлерге ерекше өкілеттік беретінін айтты, бірақ ешқандай өзгерістер енгізілмеді. Заң, өкінішке қарай, ұмытылды. Мен әрдайым санитарл дәрігерлер вирусқа қарсы күресте өздерінің біліксіздігін заңсыз шектеулермен өтеуге тырысқанын айтып келемін", - деп қорытындылады заңгер. 

Sputnik Қазақстан санитар дәрігерлер шығарған қаулылардың мәртебесі туралы түсініктеме алу үшін әділет министрлігіне жүгінді.

Карантинде салынған айыппұл

Еске сала кетейік, коронавирустық инфекцияның таралуына байланысты Қазақстанда шектеу шаралары енгізілді. Санитар дәрігерлер әлеуметтік арақашықтық, бетперде кию режимін сақтау, бизнес нысандарында тұрақты түрде дезинфекция жүргізу туралы ұйғарымға келді. 

Бетперде кию режимі мен карантин шараларын сақтамағаны үшін қазақстандықтарға Әкімшілік құқықбұзушылық туралы кодекстің 425-бабы бойынша айыппұл салынады. Жеке тұлғаларға салынатын айыппұл 30 айлық есептік көрсеткішті (83 мың теңгеден астам), ал заңды тұлғалар үшін 230 АЕК (шамамен 640 мың теңге) құрайды.

Бұған дейін "Атамекен" ҰКП мұндай айыппұлдар қазақстандықтар және бизнес үшін тым көп екенін мәлімедеген болатын.

Санитар дәрігерлердің өкілеттіктері

Мамыр айының басында денсаулық сақтау министрлігі Қазақстанның бас санитар дәрігеріне қосымша өкілеттіктердің берілетінін мәлімдеген еді.

"Бас санитар дәрігер өзінің қаулысымен елдің барлық аумағына шектеу шараларын енгізіп, оны сәйкесінше алып тастай алады", - деген болатын ведомствода.

Бұл ретте, нормативтік-құқықтық акт мемлекеттік тіркеуден өтпейді.

"Бүгінгі таңда өзгерістер аптасына бір рет енгізілетіндіктен, ал тіркеу рәсімі өте ұзақ уақыт алатын процесс болғандықтан, бұл белгілі бір деңгейде қиындық туғызып отыр", - деп нақтылады денсаулық сақтау министрлігі.

1338
Операторлар, иллюстративті фото

Журналистердің кәсіподағы құрылды

11
Жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды

НҰР-СҰЛТАН, 22 қыркүйек – Sputnik. Қазақстанда бұқаралық ақпарат құралдары мен телерадио хабарларын тарату қызметкерлерінің "BAQ KASIPODAQ" салалық кәсіподағы құрылды. Бұл туралы бүгін ZOOM платформасында өткен бейнеконференцияда белгілі болды, деп хабарлайды Sputnik Қазақстан тілшісі.

Бейнеконференцияға танымал журналистер мен медиаменеджерлер қатысты. Сол жерде жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды. Осыдан кейін кәсіподақ басшысы құрылымның жоспары мен алдағы бағыттары туралы жан-жақты баяндап берді.

Оқи отырыңыз: Қазақстанда митингтен хабар тарататын журналистер нені білуі тиіс 

"Алда журналистердің әлеуметтік-құқықтық жағдайын жақсартуды көздейтін көптеген шаруа, игі бастамалар тұр. Әсіресе, журналистердің шеберлігін шыңдап, кәсіби өсуіне бағытталған және қазақстандық БАҚ-тың әлеуетін күшейтуге арналған ілкімді жобалар бар. Оны тек қана кәсіподақ атқарады деуге болмайды. Оның барлығына сіздермен, құрметті әріптестер, бірлесе отырып қана қол жеткізе аламыз", - деді Әліпбек.

Айта кетейік, 2020 жылдың 10 қаңтарындағы мәлімет бойынша Қазақстанда 3669 БАҚ тіркелген. Республикада 2964 мерзімді басылым, 161 телеарна, 73 радио, 471 ақпарат агенттігі және желілік басылым бар.

11
Кілт сөздер:
журналистика
Шикі ет

Желіні шулатқан видео: полиция шикі ет жеп отырған баланың ата-анасын іздеп жатыр

108
Бүлдіршіннің заңды өкілдері табылғаннан кейін, олармен түсіндіру жұмысы жүргізіледі, қажет болған жағдайда балаға медициналық көмек көрсетіледі

НҰР-СҰЛТАН, 22 қыркүйек – Sputnik. Қазақстанның ішкі істер министрлігі Қазнетте тараған видеода шикі ет жеп отырған баланың әке-шешесін іздестіріп жатыр.

Бұл туралы білім және ғылым министрлігі балалар құқығын қорғау комитеті төрағасының орынбасары Юлия Овечкина хабарлады.

"Біз ақпаратты ішкі істер министрлігіне жолдадық. Баланың заңды өкілдері табылғаннан кейін, олармен түсіндіру жұмысы жүргізіледі. Қажет болған жағдайда балаға медициналық көмек көрсетіледі. Ата-аналар балаларының денсаулығына, физикалық, психикалық, рухани және моральдық дамуына қамқорлық жасау керек екенін ұмытпауы керек", - деді ол.

Овечкина ата-аналарға балалардың өмірі, денсаулығы мен қауіпсіздігі үшін әкімшілік және қылмыстық жауапкершілік қарастырылғанын ескертті.

Желіні шулатқан ролик 21 қыркүйекте жарияланды. Видеода бала шикі ет жеп отыр, кадр сыртынан әйелдің күлген даусы естіледі.

"Кәдімгідей тістеп отыр, жұлып алды әне. Бола берсін бе", - деп сұрайды бір әйел.  

"Не болады, жей берсін", - деп жауап береді екіншісі.  

Желі қолданушылары видеоны қызу талқылады. Бірі "мұнда тұрған ештеңе жоқ" десе, енді бірі баланың ішіне инфекция түседі деп алаңдаған.

108
Кілт сөздер:
ет, видео, бала
Омбыда Абай мәдени-іскерлік үйі ашылды

Омбыда "Абай" мәдени-іскерлік үйі ашылды

0
(Жаңартылды 17:17 22.09.2020)
"Абай" мәдени-іскерлік үйінің ғимараты қаланың орталығындағы Шоқан Уәлиханов көшесінде және ағартушы ғалым оқыған Омбы кадет корпусының жанында орналасқан

НҰР-СҰЛТАН, 22 қыркүйек – Sputnik. Бүгін Ресейдің Омбы қаласында "Абай" мәдени-іскерлік үйі ашылды, деп хабарлайды Sputnik Қазақстан Отандастар қорының баспасөз қызметіне сілтеме жасап.

Омбыдағы "Абай" мәдени-іскерлік үйінің ғимараты қаланың орталығындағы Шоқан Уәлиханов көшесінде және ағартушы ғалым оқыған Омбы кадет корпусының жанында орналасқан.

Оқи отырыңыз: Абайдың 175 жылдығына арналған монеталар қыркүйектен бастап сатылады 

Орталықтың ашылу рәсімі онлайн форматта өтті. Оған ақпарат және қоғамдық даму вице-министрі Марат Әзілханов, сыртқы істер министрлігі, Қазақстанның Омбыдағы консулдығы, "Отандастар қоры" КЕАҚ, "Омбы қазақтары" қоғамдық бірлестігінің өкілдері қатысты.

Орталық нақты төрт бағытта жұмыс істейді. Олар:

  • мәдени-гуманитарлық және қазақ тілін үйрету жобаларын іске асыру;
  • "Атамекен" іскерлік  бағыты бойынша қандастардың екі жақты тиімді бизнес жобаларына қолдау көрсету;
  • "Жас қазақ" бағыты арқылы әлемдегі жас қандастарды елге тарту және бірлескен жобаларды жүзеге асыру;
  • "Атажұрт" бағыты арқылы шетелдегі қазақтілді БАҚ-тың қауымдастығын құрып, өзара ақпараттық ынтымақтастықты арттыру.

"Жыл соңына дейін  "Абай" мәдени-іскерлік үйлері Өзбекстанның Тәшкент, Түркияның Стамбұл, Қырғызстанның Бішкек, Германияның Берлин қалаларында да ашылады. Бұның барлығы - ақпарат және қоғамдық даму министрлігі, Дүниежүзі қазақтары қауымдастығы және "Отандастар қорының"  бірлескен жобасы", - делінген ресми хабарламада.

0
Кілт сөздер:
Омбы, Абай
Тақырып бойынша
Петропавл түрмесінде Абайдың алып суреті салынды – фото
Тоқаев жаңа оқулық әзірлеуді тапсырды
"Абай айт­қан жал­қаулық жиі кездесетіні қынжылтады": Тоқаев мақала жариялады
"Сондай керемет!": Америкалықтар Абайдың өлеңін қазақ тілінде оқыды – видео
Тоқаев Абай мұрасын зерттеушілерді марапаттады