РФ-ның Қазақстандағы төтенше әрі өкілетті елшісі Алексей Бородавкин

Ресей елшісі: Байқоңыр қаласы мен ғарыш айлағының болашағы зор

291
(Жаңартылды 15:38 13.06.2018)
РФ-ның Қазақстандағы төтенше әрі өкілетті елшісі Алексей Бородавкин "Байқоңыр" ғарыш айлағында алғаш рет болды

АСТАНА, 12 маусым — Sputnik. Жуырда "Союз МС-09" зымыраны ұшырылуына қатысқан Ресейдің Қазақстандағы төтенше әрі өкілетті елшісі Алексей Бородавкин "Байқоңыр" ғарыш айлағында алғаш рет болып, алған әсерімен бөлісті.

Елші атап өткендей, "Байқоңыр" әлемдегі ең белсенді ғарыш айлақтарының бірі. Бұл жерден әртүрлі ресейлік зымырандар ғарышқа ұшырылады. Соның арқасында Халықаралық ғарыш станциясының жұмысы алға ілгерілеуде.

"Әрі қала, әрі ғарыш айлағы болып табылатын "Байқоңырдың" болашағы зор деп ойлаймын. Экономикалық және әлеуметтік дамуы бойынша идеялар бар, оларды әлі қарастырып, талқылап жатырмыз. Меніңше, бұл өте әлеуетті бастамалар", — деп ойымен бөлісті Алексей Бородавкин Sputnik агенттігіне берген сұхбатында.

РФ елшісі сапары барысында Байқоңыр қаласының мэрі Константин Бусыгинмен кездесіпті. Қала басшысының айтуынша, Қазақстанның арқасында Байқоңыр тұрғындары үшін барлық жағдай жасалып жатыр, газдандыру жұмысы жолға қойылып, қалаға газ тартылмақ. 

Сонымен бірге, Ресей бюджетінен бөлінген қаражатқа Сырдария жағалауында демалыс орны ашылған.

Бородавкин сұхбат барысында Байқоңырдан Ресей әскери қызметкерлерін шығару және ғарыш айлағында коммерциялық ұшыруларды жүзеге асыру туралы пікір білдірді.

"Ғарыш айлағында болғанымда Ресейдің де, Қазақстанның да әскерилерін көрген жоқпын. Бірақ министрдің айтқан сөзімен келісемін. Байқоңыр алдағы уақытта Ресейдің зымырандарын ұшыру, жаңа ғарыш бағдарламаларын іске асыру мақсатында пайдаланылып қана қоймай, Ресей, Қазақстан және халықаралық серіктестеріміздің мүдделері үшін коммерциялық спутник ұшырумен де айналысатын болады деп сенемін", — дейді елші.

Айта кетсек, жақында Біріккен Араб Әмірлігі Қазақстан мен Ресей бірнеше жылдан бері жүзеге асыруды жоспарлап келген "Бәйтерек" жобасына қатысуға ниет білдірді. РФ-ның тұрақты әрі өкілетті елшісі осы орайда өз ойымен бөлісті.

"Біз шетелдік инвесторларды тартуды құптаймыз. БАӘ ғарыш айлағының инфрақұрылымына қаражат құйғысы келеді. Бұл дұрыс, өйткені Байқоңырдың айтарлықтай инвестиция салуға әлеуеті бар. Ресей де, Қазақстан да Біріккен Араб Әмірлігімен инвестициялық ынтымақтастық жасасып келеді. Байқоңырдағы жобаларды дамытуға Парсы шығанағы елдерінен инвесторлар тартуға еш кедергі көріп тұрған жоқпын", — деп пікір білдірді Бородавкин.

Естеріңізге сала кетсек, 6 маусым күні "Байқоңыр" ғарыш айлағынан халықаралық экипаж мінген "Союз МС-09" көліктік кемесі бар "Союз-ФГ" зымыраны ұшырылған болатын.

291
Кілт сөздер:
ғарыш, Алексей Бородавкин, БАӘ, Қазақстан, Ресей, Байқоңыр
Ғарыш айлағы

"Байқоңыр" мерейтойы - ғарыш айлағын дамыту жоспары туралы айтылды

47
(Жаңартылды 09:23 02.06.2020)
Роскосмостың бас директоры Дмитрий Рогозин Байқоңырдың мерейтойымен құттықтап, даму жоспарын бөлісті

НҰР-СҰЛТАН, 2 маусым – Sputnik. Байқоңыр ғарыш айлағындағы "Союз-2" және "Союз-5" ракеталарын ұшыруға арналған старттық кешендер жаңғыртылады, деп хабарлады Роскосмостың бас директоры Дмитрий Рогозин.

"Ғарыш бағдарламасында мақсатты ақты айқындау маңызды. Гагарин стартын ("Союз-2" ракетасы үшін) қалпына келтіруді жоспарлап отырмыз. Қазіргі уақытта келіссөздер жүргізіліп жатыр. Жақында аяқталады", - деді ол.

Роскосмос өкілі "Байтерек" немесе "Назарбаев старты" жобасы маңызды екенін атап өтті. Бұл - "Зенит" ракетасына арналған кешенді қалпына келтіру жұмысы.

Сондай-ақ, "Зениттен" де қуатты "Союз-5" ракетасын жасау жоспарланып отыр. Ол орбитаға 17 тонна жүктеме шығара алады. Оның мақсаты - коммерциялық іске қосу қызметтерін қамту.

"Алдағы жылдары бұл кешендер жұмыс істей бастаған кезде Байқоңыр екі ел байланысын одан әрі нығайта түсетін факторға айналады", - деді Рогозин.

2 маусымда "Байқоңыр" ғарыш айлағының құрылғанына 65 жыл толып отыр.

47
Кілт сөздер:
мерейтой, Байқоңыр
Тақырып бойынша
Қазақстан Байқоңыр маңындағы жерді қайтарады – президент заңға қол қойды
Байқоңыр толық тазартылады – ғарыш айлағынан не шығарылады
"Байқоңыр" кешенінде туристік ойын-сауық аймағы құрылады
Байқоңыр айлағынан ғарышқа робот ұшырылады
"Байқоңыр" арнайы экономикалық аймағы құрылады
Ғарыш айлағы

"Союз МС-15" кемесі Қазақстанға қонды

96
Роскосмос ғарышкері Олег Скрипочка мен NASA астронавтары Эндрю Морган мен Джессика Меир Жерге оралды. Ғарышкерлердегі қарсы алғандардың бәрі медициналық бетпердемен болды

НҰР-СҰЛТАН, 17 сәуір — Sputnik. "Союз МС-15" кемесі Қазақстанға қонды. Экипаж құрамында ресейлік Олег Скрипочка мен америкалық  Эндрю Морган мен Джессика Меир болған.

Экипаж станцияда қалған ресейлік ғарышкерлер Анатолий Иванишин және Иван Вагнер, америкалық астронавт Крис Кэссидимен қоштасып, кеме люгін жапты. Астаналық уақыт бойынша сағат 7.53 "Союз" МКС-тен бөлінді. Негізгі парашют ашылып, жерге қонды.

Бұған дейін Қарағанды облысы әкімдігінің баспасөз қызметі хабарлағандай, карантинге байланысты ғарышкерлерді дәстүрлі қарсы алу рәсімі болмайды.

Медицина қызметкерлері оларды тікұшақта тексереді. Ал бұған дейін оралған ғарышкерлер арнайы шатырға жеткізілетін. 

96
Дәрігер, коронавирус

Мен көрген қиындықты ешкімнің басына салмасын Түркістан әкімі 

0
Коронавирус жұқтырған Түркістан қаласының әкімі желіде жазба жариялап, дәрігерлердің арқасында аман қалғанын айтты

АЛМАТЫ, 8 шілде – Sputnik. Түркістан әкімі Рашид Аюпов коронавирус инфекциясын жұқтырған соң бірнеше ішкі ағзасының зақымданғанын хабарлады. Бұл жайында қала әкімі Facebook парақшасында жазды.  

"Осы екі апта ішінде дұғада болған әр адамның арқасында, Алланың қалауымен ел қатарына қайта оралу мүмкіндігі бұйырып отыр. Тез арада асқынып кеткен аурудан қолынан келгенше қолдап, аман алып қалған дәрігерлерге алғысымды сөзбен жеткізу қиын. Бұл ауру, өкінішке қарай, салдарсыз өтпеді. Бірнеше ішкі ағза жұмысын тоқтатты, енді қайта қалпына келтіру қажет болып тұр. Әлі де ұзақ уақыт оңалу шараларын жасаймын",- деп жазды қала әкімі.

Айтуынша, коронавирусқа тапсырған кейінгі тест әлі де инфекцияның ағзадан кете қоймағанын көрсеткен. Соған қарамастан қала әкімі қызметіне кіріспек.

"Елге қызмет етуге қайта ораламын. Әрине, барлық сақтық шарасын орындаймын. Дәл қазір жағдай ешкімге де оңай болып тұрған жоқ. Біртіндеп, бірігіп, жағдайды қайта жақсартып аламыз деп сенемін", - деп жазды Аюпов.

Сонымен қатар қала басшысы барлық сақтық шарасын орындау қажет екенін тағы да еске салды.

"Мен көрген қиындықты ешкімнің басына салмасын деп тілеймін. Ең маңыздысы – бетперде тағып жүру. Жасы үлкендерді барынша қорғап қалуға тырысайық", - деп толықтырды Аюпов.

Сондай-ақ, жағдайға байланысты көмек қолын созуға мүмкіндігі бар кәсіпкерлерден байланысқа шығуын сұрады.

"Еліміздегі жағдайды бәріміз көріп отырмыз. Жоққа шығаруға тырысудың, көз жұма қараудың еш мәнісі болмаған, қазір де жоқ. Қиын қыстау заманда елімізге бірігіп қол ұшын созайық",- деді Аюпов.

Оқи отырыңыз: Коронавируспен ауырған Алматы облысының әкімі Нұр-Сұлтанға жеткізілді 

Айта кетейік, 22 маусымда Түркістан қаласының әкімі Рашид Аюповтың коронавирус жұқтырғаны белгілі болды.

Одан бөлек Қазақстанның тұңғыш президенті Нұрсұлтан Назарбаев, мәжіліс төрағасы Нұрлан Нығматулин, бұрынғы денсаулық сақтау министрі Елжан Біртанов, депутат Бекболат Тілеухан, премьер-министрдің орынбасары Ералы Тоғжанов коронавирус жұқтырды.

8 шілдеде коронавирус табылған Алматы облысының әкімі Амандық Баталов жүрек жеткіліксіздігіне байланысты Нұр-Сұлтан қаласындағы кардиология орталығына жатқызылды.

0
Кілт сөздер:
коронавирус, әкім, Түркістан
Тақырып:
Коронавирус эпидемиясы
Тақырып бойынша
"Кім емдейді?": Көлгінов астаналықтарға үндеу жасады
Қостанай облысының әкімі коронавирус жұқтырды
Павлодар облысының әкімі өңірде дәрігер жетпей жатқанын айтты
Шымкент әкімі желіде тарап кеткен видео туралы айтты