Геннадий Головкин

Санчес: GGG қарсыласын нокаутқа түсіріп атағын қорғаудан Хопкинс рекордын жаңартады

6
(Жаңартылды 10:39 11.11.2016)
Орташа салмақ бойынша бесінші чемпиондық белдікке қол жеткізумен қатар, Головкин атағын қорғаудан америкалық Бернард Хопкинстің рекордын жаңартпақшы.

АСТАНА, 10 қар — Sputnik. Қазақстан боксшысының бапкері Абель Санчес Головкиннің чемпиондық белдіктерді қорғаудан америкалық Хопкинс рекордын недәуір жаңартатынына сенім білдіріп отыр. 

Головкин қазіргі уақытта бес негізгі кәсіби бокс ұйымдарының ішінде төртеуінің белдігін иеленген: WBA, IBF, IBO және WBC. Орташа салмақта қол жеткізбеген жалғыз атақ – Әлемдік бокс ұйымының (WBO) белдігі Билли Джо Сондерске тиесілі.

Boxing Scene басылымына берген сұхбатында Санчестің айтуынша, Головкин "белдікті иеленуге ынталы, бірақ сол атаққа табынып жүрген жоқ". Сондай-ақ, қазақстандық боксшының алдына қойған тағы бір мақсаты бар: ол – дүние жүзінде алғаш рет жартылай ауыр салмақ бойынша төрт чемпиондық белдікке иелен, сол белдіктерді 20 рет қорғап қалған америкалық боксшы Бернард Хопкинстің рекордын жаңарту.

Еске сала кетейік, Головкин кәсіби рингте 36 рет жекпе-жекке шығып, 36 рет жеңіске жетті, оның 33-інде қарсыласын нокаутқа түсірді. Және WBA белдігін 16 рет қорғап шықты.  

6