АСТАНА, 13 наурыз — Sputnik. Қазақстандық боксшы Данияр Елеусінов "Қазақтың найзағайы" деген лақап атты иеленгені белгілі болды, деп хабарлайды prosports.kz.
"Қазақтың найзағайы" бірнеше нұсқаның біреуі болған. Алайда қазақстандық боксшының промоутері Эдди Хирн дәл осы лақап атты ұнатып, қойған.
Айта кетейік, танымал британиялық промоутер Эдди Хирнмен келісімшартқа қол қойған Данияр Елеусіновтің алғашқы кездесуі 28 сәуір күні Дэниэл Джейкобс жекпе-жегінің андеркартында өтеді. Одан кейінгі кездесуі 2 маусымға жоспарланып отыр екен.
