АСТАНА, 23 сәуір — Sputnik. Хоккейден Қазақстан құрамасы әлем чемпионатындағы алғашқы матчында Венгрия құрамасын ойсырата жеңді.
Турнир Будапеште 22 сәуір күні басталды. А тобына түскен Қазақстан құрамасы турнир қожайындарын 3:0 есебімен ұтты.
Екі кезеңде шайба соғылған жоқ. Үшінші кезеңде қазақстандықтар тамаша ойын көрсетті: Валерий Орехов есеп ашқаны сол еді, артынша Евгений Рымарев дубль жасады. Сөйтіп біздің команда үш ұпай еншіледі.
Қазақстан құрамасы келесі матчын 24 сәуірде Ұлыбританияға қарсы өткізеді.