Данияр Елеусінов

Данияр Елеусінов "маймылсың" деген боксшының ит терісін басына қаптады

4363
Қазақстандық Олимпиада чемпионы өзін маймылға теңеп, тіл тигізген ирландиялық боксшы Рэй Мойлетке жауап берді

АСТАНА, 28 тамыз — Sputnik. Ирландиялық боксшы Рэй Мойлетт (11-0, 4 КО) қазақстандық Данияр Елеусіновке (3-0, 1 KO) тіл тигізді. 

Boxing News Twitter-де Елеусіновтің промоутері Эдди Хирннен Данияр Бостонда (АҚШ) Мойлетпен реванш өткізеді деген әңгіменің рас-өтірігін сұрады. 

 Хирн әлі жауап берген жоқ, есесіне ирландиялық пікір білдіріп үлгерді.

"Бұл [эмодзи маймылы] маған қарсы шығуға әлі дайын емес. # Борат", — деп жазды Мойлетт.

Данияр Елеусінов пен Рэй Мойлетт 2008 жылы Мексикада жастар арасындағы әлем чемпионатының финалында жұдырықтасты. Ол кезде Ирландия боксшысы жеңіске жеткен болатын. 

Sports.kz Данияр Елеусіновтен ирландиялықтың бұл сөзіне не деп жауап беретінін сұраған екен. 

"Шынымды айтсам, жете бағаланбаған және ешкімге қызық емес мұндай адамдарға назар аударғым келмейді. Аты шықпаған, талант та, стиль де жоқ. Ол Мексикада менен ұтылған болатын, оған жеңісті сыйға тартты. Бүкіл зал шулады, жеңісті берген кезде көрермендер "баклажка" лақтырғаны есімде қалыпты. Марапаттау рәсімін ең соңында, барлық жанкүйер кеткен кезде өткізді. Тек ирландиялықтар мен біздің жанкүйерлер қалған еді. Төрешілер қатаң сынға ілікті… 

Ол өзге салмақ дәрежесінде. Менің салмағыма көтерілсе, жекпе-жекке дайынмын.   

"Найман" Данияр Елеусіновтің карьерасы жайлы қандай ойда екенін айтты  

Алайда ол жай ғана менің танымалдылығымның арқасында өзіне пиар жасап жатыр деп ойлаймын. Оны Instagram-нан көрдіңіз бе? еш жерде жоқ, өзі маған жазылған. Мен оның парақшасына кірмеймін, оқымаймын. Бар-жоғы 3-4 мың жазылушысы болуы мүмкін. Сондықтан менің есебімнен танымал болғысы келеді. Ол рингке шығатын болса, ұтылады, оны өте жақсы біледі", — деп түсіндірді  Олимпиада чемпионы.


4363
Кілт сөздер:
тіл тигізді, кәсіби ринг, бокс, Данияр Елеусінов
Тақырып бойынша
Қазақстандық боксшы жекпе-жексіз әлем чемпионатының финалына шықты
Тайсонды жеңген аңыз боксшы Головкин — "Канело" рематчына болжам жасады
Қанат Исламнан нокаутпен жеңілген боксшы әлем чемпионы атануы мүмкін
Қазақстандық үш боксшы жекпе-жектерден шеттетілді
Тағы бір қазақстандық боксшы қарсыласын бірінші раундта нокаутқа түсірді
Яцек Гуральски

Қазақстан чемпионатындағы ең қымбат футболшы кім

60
(Жаңартылды 18:30 21.09.2020)
Өткен бірнеше маусымның көшбасшысы Марин Томасовтың "құны" соңғы бір жылда бұл көрсеткіш бойынша екі есеге дейін төмендеген

НҰР-СҰЛТАН, 21 қыркүйек — Sputnik. Transfermarkt мәліметіне сәйкес, Қазақстандағы ең бағалы футболшы белгілі болды. Ол – "Қайрат" футбол командасының жартылай қорғаушысы Яцек Гуральски.

Поляк футболшысының трансферттік "құны" қазіргі таңда 2,5 миллион еуроға дейін бағаланып отыр.

Екінші орында "Қайрат"-тың тағы бір футболшысы – украиналық Адеринсола Эсеола тұр – 2,2 миллион еуро.

Үшінші орынға "Астана" сапында өнер көрсететін хорваттардың бұрынғы көшбасшы Марин Томасов жайғасты. Оның трансферттік "құны" бір жылдың ішінде 3,8-ден 2 миллион еуроға дейін "арзандаған".

Қазақстандық премьер-лиганың ең қымбат ондығына кірген футболшылар:

  • 1. Яцек Гуральски ("Қайрат", Польша) - 2,5 миллион еуро;
  • 2. Адеринсола Эсеола ("Қайрат", Украина) - 2,2 миллион еуро;
  • 3. Марин Томасов ("Астана", Хорватия) - 2 миллион еуро;
Полузащитник футбольного клуба Астана Марин Томасов
© Sputnik / Абзал Калиев.
"Астана" футбол клубының жартылай қорғаушысы Марин Томасов
  • 4-5. Раде Дугалич ("Қайрат", Сербия) - 1,8 миллион еуро;
  • 4-5. Дмитрий Шомко ("Астана", Қазақстан) - 1,8 миллион еуро;
Казахстанский футболист, защитник  клуба Астана Дмитрий Шомко
© Sputnik / Абзал Калиев.
Қазақстандық футболшы, "Астана" клубының қорғаушысы Дмитрий Шомко
  • 6-8. Дорин Ротариу ("Астана", Румыния) - 1,7 миллион еуро;
  • 6-8. Пиерос Сотириу ("Астана", Кипр) - 1,7 миллион еуро;
  • 6-8. Дино Миканович ("Қайрат", Хорватия) - 1,7 миллион еуро;
  • 9-12. Стас Покатилов ("Кайрат", Қазақстан) - 1,5 миллион еуро;
Стас Покатилов
Стас Покатилов
  • 9-12. Роман Мұртазаев ("Тобыл", Қазақстан) - 1,5 миллион еуро;
  • 9-12. Нұрәлі Әліп ("Қайрат", Қазақстан) - 1,5 миллион еуро;
  • 9-12. Тигран Барсегян ("Астана", Армения) - 1,5 миллион еуро.

Еске сала кетейік, Томасов бірнеше ауысым бойы рейтингтің көшбасында тұрды, қазір оның трансферттік "құны" 3,8 миллионнан 2 миллионға дейін түсіп кеткен.

60
Батыр Жүкембаев

Жеңілмеген өзбек боксшысы нокаутшы Жүкембаевты жекпе-жекке шақырды

3619
(Жаңартылды 15:01 12.09.2020)
Өзбекстандық боксшы Шохжахон Эргашев 18 жекпе-жек өткізіп, оның 16-сын нокаутпен аяқтаған, ал Батыр Жүкембаев 14 кездесуді мерзімінен бұрын аяқтады

НҰР-СҰЛТАН, 12 қыркүйек – Sputnik. Жеңілмеген қазақстандық боксшы Батыр Жүкембаевқа (18-0, 14 КО) Өзбекстан өкілі Шохжахон Эргашевпен (18-0, 16 КО) жұдырықтасу туралы ұсыныс түсті, деп хабарлайды Sports.kz.

Le Journal de Montreal мәліметінше, қазіргі уақытта Батыр бұл ұсынысты қарастырып жатыр. Жекпе-жек 19 қарашада АҚШ-та өтуі мүмкін деп жоспарлануда.

Оқи отырыңыз: Батыр Жүкембаев екі чемпиондық белбеуді жеңіп алды – видео 

Бұған дейін Жүкембаев Америкадағы алғашқы жекпе-жегін өткізуді жоспарлап отырғанын мәлімдеді – қазақстандықтың осыған дейінгі барлық кездесуі Канадада өткен болатын.

Батыр Жүкембаев соңғы рет қаңтар айында Монреалда жекпе-жек өткізді – ол екінші раундта мексикалық Рикардо Лараны (22-8, 10 КО) нокаутқа жіберді. Қазір "Үш жетілік" (777)  Мәскеуде жаттығып жатыр.

3619
Кілт сөздер:
Өзбекстан, Батыр Жүкембаев, нокаут
Тақырып бойынша
Батыр Жүкембаев мексикалықты бірінші раундта-ақ нокаутқа түсірді – видео
Садриддин Ахмедов ұлтына қатысты сұрақтың нүктесін қойды
Канададағы бокс кешінде рингке шыққан Сабыров пен Жүкембаев айшықты жеңіске жетті
20 жастағы қазақстандық чемпион мексикалықты қалай нокаутқа түсірді – видео
Жойқын соққы: Батыр Жүкембаев қарсыласын қалай нокаутқа түсірді - видео
Архивтегі фото

Депутаттар азық-түлік сатып алу үшін арнайы купондар шығаруды ұсынды

2
(Жаңартылды 16:06 23.09.2020)
Мәжіліс депутаттары "Барша қазақстандыққа арналған қолжетімді және сапалы тамақтандыру" ұлттық жобасын әзірлеуді ұсынды

НҰР-СҰЛТАН, 23 қыркүйек – Sputnik. Мәжілістегі "Халық коммунистері" фракциясының депутаттары отандық азық-түлік өнімдерін сатып алу үшін арнайы купондар немесе төлем карталарын шығаруды ұсынды, деп хабарлайды Sputnik Қазақстан тілшісі.

Мәжіліс депутаттары "Барша қазақстандыққа арналған қолжетімді және сапалы тамақтандыру" ұлттық жобасын әзірлеуді ұсынды. Жобада отандық өнімдер үшін арнайы купондар шығаруды қарастыру қажет деп санайды "Халық коммунистері".

"Азаматтарға көмек ретінде отандық азық-түлікті сатып алуға арналған арнайы купондар немесе төлем карталарын шығару керек. Бұл бір мезгілде тамақ сапасын жақсартуға және қазақстандық өндірушілерді қолдауға мүмкіндік береді", - деді депутат Айқын Қоңыров.

Ол осы жылдың қаңтар-тамызында азық-түлік тауарлары, өткен жылдың сәйкес кезеңімен салыстырғанда, 10,4%-ке қымбаттағанын атап өтті.

Әсіресе, халық рационының негізгі бөлігін құрайтын және Қазақстанда өндірілетін өнімдердің бағасы қатты көтерілген.

"Нан-тоқаш өнімдерінің бағасы 14%-ке,  ұн – 22,9%-ке, жарма – 33%-ке, картоп – 26,6%-ке, жұмыртқа – 13,9%-ке, май – 15%-ке, ет және ет өнімдері 13,5%-ке өсті", - деді мәжілісмен.

Тоқаевтың тапсырмасы орындалмай жатыр: мәжіліс министрді есеп беруге шақырды

Айтуынша, екінші тоқсанда халықтың азық-түлікке жұмсайтын шығындары рекордтық көрсеткішке – 56,4%-ке жеткен. Бұл қазақстандықтардың көп тамақ жей бастағанын емес, азық-түліктің қымбаттағанын білдіреді, деп түсіндірді Қоңыров.

"Халық коммунистері" фракциясы ұлттың, әсіресе өскелең ұрпақтың денсаулығына тамақтың сапасына әсер ететінін атап өтті.  Бұл күзгі-қысқы маусымда және коронавирустың болжанып отырған екінші толқыны қарсаңында өте өзекті.

2
Кілт сөздер:
Айқын Қоңыров, азық-түлік, депутаттар
Тақырып бойынша
Қазақстанда ең қымбат және ең арзан нан қай қалада сатылатыны анықталды
Төтенше жағдай кезінде азық-түлік қаншаға қымбаттады
Азық-түлік бір айда 1,9 процентке қымбаттады – Ұлттық банк төрағасы  
"Екі есе қымбаттады": алматылықтар қандай өнімдерді жаппай сатып алып жатыр