Қазақстан футзал құрамасы

Қазақстандық футболшылар Еуропа чемпионатында ағылшындарды ойсырата ұтты

770
(Жаңартылды 12:08 30.08.2018)
Қазақстанның футзал құрамасы Англия командасын 2:0 есебімен жеңді

АСТАНА, 29 тамыз – Sputnik. Қазақстан Республикасының құрамасы әуесқойлар арасындағы мини-футболдан Еуропа чемпионатында 3-орын алды, деп хабарлайды Ақмола облысы спорт басқармасының баспасөз қызметі.

Киевте әуесқойлар арасындағы мини-футболдан Еуропа чемпионаты өз мәресіне жетті, жарысқа Ескі құрлықтың 16 мықты құрамасы қатысқан. Қазақстан ұлттық құрама командасы қатарында Ақмола облысы Астрахань балалар мен жасөспірімдер спорттық мектебінің футбол бапкері Мейрам Тигумбаев қатысты.

Топтық кезеңде Қазақстан құрамасы Албания (1:0) мен Ирландияны (3:0) ұтып, Болгария мен Босния және Герцеговина командаларымен тең түсті (қос матч та 1:1 есебімен аяқталған). Ширек финалда отандастарымыз сербтерді 2:1 есебімен ұтып, жартылай финалда Румыния құрамасына қарсы шықты. Ойынның негізгі уақыты 2:2 есебімен аяқталғанымен, пенальти бойынша қарсыластар басым түсті — 1:3.

Үшінші орын үшін болған матчта Қазақстан құрамасы ағылшындарды 2:0 есебімен ұтты. Командаға жеңіс голын сыйлағандар: Дидар Сыдықбек пен Ержан Жарылқағанов.

Сонымен, жарыс қорытындысы бойынша Қазақстан құрамасы қола медаль иеленді. Турнир жеңімпазы – ақтық сында Румыния командасын ұтқан Чехия құрамасы.

Данияр Елеусінов өзіне тіл тигізген боксшыға не деп жауап берді?

770
Кілт сөздер:
қола жүлдегер, ұлттық құрама, футболшылар, Еуропа чемпионаты, футзал, Англия, Қазақстан
Тақырып бойынша
Қазақстандық гимнасшы Азиада ойындарының сегізінші алтынын жеңіп алды
Азиада-2018: Апалы-сіңлілі синхронды жүзушілер қола жүлдеге ие болды
Бокстан әлем чемпионы Головкин енді футболшы болғысы келеді
Қазақстандық боксшы жекпе-жексіз әлем чемпионатының финалына шықты
Зілтемір

400 килограмдық зілтемірді көтермек болған спортшы екі аяғын сындырды видео

1839
(Жаңартылды 14:39 13.08.2020)
Спортшы алдағы екі ай бойы ешбір қозғалыссыз жатып, содан кейін жүруді қайта үйренетінін айтады

НҰР-СҰЛТАН, 13 тамыз – Sputnik. Ресейлік спортшы Александр Седых Мәскеуде өткен Дүниежүзілік пауэрлифтинг федерациясының Еуропа чемпионатында өнер көрсетіп жатып, қос тізесін бірдей жарақаттап алды, деп хабарлайды Lad Bible.

Спортшы зілтемірді иығына қойып отырып-тұру тапсырмасын орындау керек болған. Қалақшаларымен қоса есептегенде зілтемірдің салмағы 400 келіні құрады. Бастапқы кезде Седых тепе-теңдікті сақтап, өзіне ыңғайлы кезде сәтті отырды.

Алайда, орнынан тұрып жатқанда, спортшының қос тізесі салмақты көтеруде шыдас бермеді. 

Жан дауысы шығып, алға ұмтыла құлаған атлетке дәрігерлер бірден көмекке келді.

Кейіннен ауруханаға жеткізілген спортшыға қос тізесінің буыны тайып, аяқ бұлшық етінің екі тұсы жарылған деп диагноз қойылған.

Алты сағатқа созылған операциядан кейін Седых өзіне тағайындалған емдеу процесі туралы айтты.

"Енді екі ай бойы ешбір қозғалыссыз жатып, содан кейін қайта жүруді үйренетін боламын", – деді ол.

Ауыр атлет мансабын қайта жалғастыра ма, ол жағы әлі белгісіз.

1839
Кілт сөздер:
зілтемірші, спортшы
Тақырып бойынша
Ауруханаға түсіп қалған Илья Ильин видео жариялады
"Қазасы қабырғама батты": президент желіде жазба жариялады
Спорттағы карьерасын аяқтаған Ильин қандай қызметке тағайындалды
Атыраулық чемпионның өліміне қатысты тың дерек шықты
Бекман Сойлыбаев: Ломаченкомен жұдырықтасатын күн алыс емес
Архивтегі фото

Қазақстан ескекшілері "Үлкен Мәскеу регатасына" қатысады

42
Ресей ескек есу федерациясы Қазақстан спортшыларының қандай талаптарды орындауы тиіс екенін хабарлады

НҰР-СҰЛТАН, 5 тамыз – Sputnik. Қазақстан спортшылары "Үлкен Мәскеу регатасы-2020" сайысына қатысатынын растады. Ресей ескек есу федерациясының президенті Алексей Свирин Sputnik Қазақстанға ұлттық құраманың ескекшілері өз елінде коронавирусқа тест тапсыратынын айтты.

Жарыс 7-9 тамыз аралығында Крылатское есу каналында өтеді. Үлкен Мәскеу регатасына ресейліктерден бөлек, Қазақстан, Молдова және Беларусь спортшылары қатысады.

"Біз барлық талапты жібердік, жарысқа қатысатындар оны орындауы тиіс. Олар өз елінде тест тапсырады", - деп мәлімдеді Свирин.

Ол шетелдік құрамалардың мүшелері тест тапсырғаннан кейін көп ұзамай Мәскеуге жететініне сенім білдірді.

"Бұл туралы ешқандай сұрақ туындамайды. Барлық құрама Есу каналында, бір жерде тұрады", - деп атап өтті Свирин.  

Сайыстар кезінде ұйымдастырушылар спортшылар мен делегация мүшелерінің денсаулығына күнделікті мониторинг жүргізіп, дене қызуын өлшеп тұрады. Егер күдік болса, шара қолданады.

42
Нұр-Сұлтан, қала келбеті

Қазақстанда 16 тамызда қандай маңызды оқиғалар болады

0
Sputnik Қазақстан 16-20 тамыз аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

16 ТАМЫЗҒА ЖОСПАРЛАНҒАН ШАРАЛАР

12.00 – "Классика детям" - "Музыка рисует и показывает" концерті, "Астана Опера" театры (Трансляция tengri.tv-да).

19.00 – "Салтанат" мемлекеттік би ансамблі ұжымының жазып алынған қойылымдары көрсетіледі (Мәдениет және спорт министрлігінің Youtube каналында трансляцияланады).

17 ТАМЫЗҒА ЖОСПАРЛАНҒАН ШАРАЛАР

15.00 - экологиялық білім беру тақырыбында тікелей эфирде пікірталас өтеді. Іс-шараға Қазақстанның экология, геология және табиғи ресурстар министрі Мағзұм Мырзағалиев; ақпарат және қоғамдық даму министрі Аида Балаева; білім және ғылым министрі Асхат Аймағамбетов, сондай-ақ білім беру және экология саласындағы сарапшылар мен халықаралық ұйымдардың өкілдері қатысады.  

20 ТАМЫЗҒА ЖОСПАРЛАНҒАН ШАРАЛАР
19.00 - "Тоска" операсы, "Астана Опера" театры (трансляция tengri.tv-да)

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0