Көкпардан Қазақстан құрамасының ойыншылары, архивтегі фото

Қазақ көкпаршылары бізбен ойнауға қорқып, өзбектерден әдейі жеңілді Бегалиев

1302
(Жаңартылды 15:52 10.09.2018)
Дүниежүзілік көшпенділер ойындарында Қазақстан құрамасы жартылай финалда Өзбекстан құрамасынан ұтылып, финалға шыға алмады

АСТАНА, 7 қыркүйек— Sputnik. Дүниежүзілік көшпенділер ойындарында көкпардан Қазақстан құрамасы жартылай финалда Өзбекстаннан әдейі жеңілді, деп мәлімдеді көкпардан Қырғызстан командасының бұрынғы басшысы Талас Бегалиев. 

Желіде Бегалиев Қазақстан ойыншылары отырған микроавтобусқа кіріп, олардың жартылай финалдағы ойынын сынға алғаны жайлы видео жарияланды. Ол қазақтар өзбекстандықтарға жеңісті қолдан бере салды деп есептейді. Бегалиев сондай-ақ өткен жылы Астанада өткен көкпардан әлем чемпионатында қырғыздар лайықты өнер көрсетіп, барлық ережеге келіскенін еске салып өткен.  

Бегалиев Sputnik Қырғызстанға берген сұхбатында қазақтар қырғыздармен финалда ойнағысы келмеді деген пікір білдірді.    

"Біз бұл салада көптен бері жүрміз, спортшылар турнирге қалай қарайтынын, ойынға қалай атсалысып жүргенін білеміз. Атқа қатысты оқиғаға бәрін жаба салуға болмайды. Қазақстандықтар бізбен финалда ойнауға қорықты, сондықтан өзбекстандықтардан жеңілді. Екі жыл бұрын біз финалда жеңгенбіз, олар қайта кездесуден қашты. Біз ренжіп отырмыз, Дүниежүзілік көшпенділер ойындарында да көрермендердің үмітін ақтау керек еді. Спортшылардың бірі Қазақстан федерациясы өз ойыншыларына "ойнамаңдар" дегенін айтты", — деді Бегалиев.

 

Ол финалға болжам жасай отырып, Қырғызстан ұлттық командасы финалда өзбекстандықтарды ойсырата ұтады деген пікірін білдірді.  

Қазақстан құрамасының бапкері Қанағат Сүйінбаев түсініктеме беруден бас тартты, алайда спортшылар қола үшін ойнайтынын атап өтті.  

Қазақстандық волейболшы Азия ойындарының көрермендерін әдемі күлкісімен баурап алды


1302
Кілт сөздер:
дүниежүзілік көшпенділер ойыны, көкпар, Қырғызстан, Қазақстан
Тақырып бойынша
Көшпенділер ойындарында қазақ күресінен шешуші белдесулер қалай өтті – видео
Көшпенділер ойынында қазақстандық бүркіт дүйім жұртты тәнті етті - видео
Қазақстан Дүниежүзілік көшпенділер ойындарында көш бастады
Нұрсұлтан Назарбаев Дүниежүзілік көшпенділер ойынына барады
Загрузка...