Бокс қолғабы

Қазақстандық боксшы жеңілмеген ресейліктің чемпиондық атағын тартып алды

2624
(Жаңартылды 09:19 10.09.2018)
Фируза Шарипова ресейлік Юлия Куценконы төрешілер шешімімен жеңді

АСТАНА, 9 қыркүйек — Sputnik. Санкт-Петербург қаласында қазақстандық Фируза Шарипова (8-1, 4 КО) мен ресейлік Юлия Куценко (7-0-1, 3 КО) басты жекпе-жегінде жұдырықтасқан бокс кеші аяқталды.

WIBA, WBU, IBO Championship және WBC Silver белбеулерінің иегері қазақстандық боксшы қыз қарсыласы Куценконы кәсіби бокстағы алғашқы жеңілісіне ұшыратты. 10 раундқа созылған жекпе-жек төрешілердің шешімімен қазақстандықтың пайдасына шешілді.

Осылайша, отандасымыз өзінің титулдарын қорғап қана қоймай, жеңіл салмақта WIBA чемпионы атағына ие болды, деп жазады prosports.kz.

Тағы бір айта кетерлігі, бұл бокс кешінде Фирузадан бөлек тағы бірқатар қазақстандық боксшы кезекті жекпе-жектерін өткізді.

Атап айтар болсақ, алдымен Мұхит Амантаев кәсіби бокстағы дебюттік жекпе-жегінде жеңіске жетті. Одан кейін тағы бір отандасымыз Жантіл Өмірбай қарсыласын бірінші раундта нокаутқа түсірді. Қазақстандық белгілі нокаутшы Али Балоев бұл жолы да кездесуді мерзімінен бұрын аяқтады. Виктор Коточигов тайланд елінің тәжірибелі боксшысы Аеккаве Каевманиді (16-10, 6 КО) төртінші раундта нокаутқа түсірді. 


2624
Кілт сөздер:
чемпион, кәсіпқой бокс, Фируза Шарипова, Қазақстан
Тақырып бойынша
Қазақстандық үш боксшы жекпе-жектерден шеттетілді
Чемпион болған қазақстандық боксшы жеңісін Денис Тенге арнады
Тағы бір қазақстандық боксшы қарсыласын бірінші раундта нокаутқа түсірді
Алматыда танымал боксшы қатысқан төбелестің видеосы шықты
20 жастағы қазақстандық боксшы қарсыласын 84-секундта нокаутқа түсірді
"Ол – өзге ғаламшарлық боксшы". Пакьяо "Канелодан" қорқатынын айтты
Загрузка...