Спорт

Головкиннің салмағындағы чемпиондық белбеу бос қалды

© REUTERS / Matthew ChildsБилли Джо Сондерс
Билли Джо Сондерс - Sputnik Қазақстан
Жазылу
Сондерс допингпен ұсталуына байланысты WBO чемпионы титулын қайтарып беруге мәжбүр болды

АСТАНА, 12 қазан — Sputnik. Дүниежүзілік бокс ұйымының (WBO) президенті Пако Валькарсель орта салмақтағы әлем чемпионы Билли Джо Сондерске (26-0, 12 КО) қатысты қабылданған шешімді жария етті, деп хабарлады Sports.kz.

Головкин мен Альварес - Sputnik Қазақстан
Спорт
Головкин мен "Канелоның" үшінші жекпе-жегіне қатысты тың дерек шықты

Британиялық боксшының қанынан допинг (оксилофрин) табылып, оның Бостондағы (АҚШ, Массачусетс штаты) америкалық  Деметриус Андрадемен (25-0, 16 КО) жекпе-жегі тоқтатылды – штат комиссиясы Сондесрке бокс лицензиясын беруден бас тартты.

"Билли Джо Сондерс орта салмақтағы WBO тұжырымы бойынша әлем чемпионы титулын өз еркімен босатып, Массачусетс штаты комиссиясының допингке қарсы ережесін бұзғаны үшін жұрт алдында кешірім сұрады. Осылайша, 20 қазанда Деметриус Андраде мен Уолтер Каутондоква бос қалған "тәж" үшін айқасады. Сондай-ақ мен WBO атқарушы комитетіне Сондерсті заң бұзғаны үшін алты айға бокстан шеттетуге кеңес беремін", — деп жазды Валькарсель твиттердегі парақшасында.  

Көптеген шетелдік БАҚ Сондерс орта салмақтағы едәуір атақты боксшылар – қазақстандық Геннадий Головкин (38-1-1, 34 КО) мен мексикалық Сауль Альвареспен (50-1-2, 34 КО) жұдырықтасатын жалғыз мүмкіндігінен айырылғанын жазып жатыр.   


Жаңалықтар
0