Аралас жекпе-жектен ҚР чемпионаты

Қазақстан чемпионы сирек кездесетін ауруға шалдықты

931
(Жаңартылды 15:29 06.11.2018)
Аралас жекпе-жек шеберіне ем жасату үшін қыруар қаржы керек – қажетті сома бірнеше сағат ішінде жиналды

АСТАНА, 2 қараша – Sputnik. Миастенияға шалдыққан аралас жекпе-жектен Қазақстан чемпионы Мақсат Өміртаевтың еміне қажетті сома небәрі бірнеше сағат ішінде жиналды.

Миастения кезінде адамның бойын әлсіздік билеп, баспалдақпен көтерілу қиындайды, адам қолын жоғары көтеріп, тұра алмайды. Бұл ауру 20-40 жас аралығында байқала бастайды. Дәрігерлер қазір аутоимунды жүйке-бұлшықет ауруына шалдығатындар саны көбейіп бара жатқанын атап өтті. 

Миастения туа біткен және жүре пайда болуы мүмкін. Жас спортшы сирек кездесетін аурумен ұзақ уақыт бойы өзі күрескен, алайда жақында денсаулығы нашарлап, аралас жекпе-жек федерациясынан көмек сұрауына тура келді. 

Чемпионға қымбат ем қажет – құны 900 мың теңгеге жуық (Ұлттық банктің бағамы бойынша 2 420 доллар).

Федерация президенті Асылбек Дүйсенов мәлімдегендей, емнің алғашқы кезеңіне қажеті сома санаулы сағаттың ішінде жиналған. 

"Алда әлі талай ем қабылдауы керек, сондықтан әзірге қанша ақша қажет болатынын білмейміз. Қол ұшын созып, қолдау білдірген барша жандарға ризашылығымызды айтамыз! Жасаған жақсылықтарыңыз өздеріңізге еселеніп қайтсын! Мақсаттың анасы да сіздерге алғысын айтып жатыр", - деп жазды федерацияның ресми парақшасында. 

Мақсат Өміртаев туралы не білеміз?

Мақсат Өміртаев Теміртау қаласында дүниеге келген. Аралас жекпе-жектен Қазақстан кубогының иегері. Қазір жасы 25-те, жартылай орта салмақта сынға түседі. Спорттық мансабын 2015 жылы бастаған. WEF және JFC турнирлеріне қатысқан.

Алматыда 2017 жылы өткен қысқа Универсиадада Қарағанды облысынан алғаш болып алауды ұстап жүру құрметіне ие болған.

931
Кілт сөздер:
шебер, ауру, спортшы, қазақстандық балуан, аралас жекпе-жек, емделу, ақша
Тақырып бойынша
Қыршынынан қиылған бес қазақстандық спортшы
Қазақстандық спортшы турнирдегі жеңісін Денис Тенге арнады
Бурабайда 125 метр биіктіктен секірген спортшы Назарбаевтың көз алдында құлады
Аралас жекпе-жек шебері өзін-өзі нокаутқа түсірді – видео
Қазақ көкпаршылардың өзбектерден әдейі жеңілгені рас па - федерация жауабы
Архивтегі фото

Қазақстан ескекшілері "Үлкен Мәскеу регатасына" қатысады

16
Ресей ескек есу федерациясы Қазақстан спортшыларының қандай талаптарды орындауы тиіс екенін хабарлады

НҰР-СҰЛТАН, 5 тамыз – Sputnik. Қазақстан спортшылары "Үлкен Мәскеу регатасы-2020" сайысына қатысатынын растады. Ресей ескек есу федерациясының президенті Алексей Свирин Sputnik Қазақстанға ұлттық құраманың ескекшілері өз елінде коронавирусқа тест тапсыратынын айтты.

Жарыс 7-9 тамыз аралығында Крылатское есу каналында өтеді. Үлкен Мәскеу регатасына ресейліктерден бөлек, Қазақстан, Молдова және Беларусь спортшылары қатысады.

"Біз барлық талапты жібердік, жарысқа қатысатындар оны орындауы тиіс. Олар өз елінде тест тапсырады", - деп мәлімдеді Свирин.

Ол шетелдік құрамалардың мүшелері тест тапсырғаннан кейін көп ұзамай Мәскеуге жететініне сенім білдірді.

"Бұл туралы ешқандай сұрақ туындамайды. Барлық құрама Есу каналында, бір жерде тұрады", - деп атап өтті Свирин.  

Сайыстар кезінде ұйымдастырушылар спортшылар мен делегация мүшелерінің денсаулығына күнделікті мониторинг жүргізіп, дене қызуын өлшеп тұрады. Егер күдік болса, шара қолданады.

16
Боксшы қолғабы

Қазақстандық боксшы қарсыласын жойқын соққымен нокаутқа түсірді - видео

1508
(Жаңартылды 11:30 05.08.2020)
2017 жылдан бері кәсіби бокста өнер көрсетіп жүрген спортшы осы уақытқа дейін 14 жекпе-жек өткізіп, барлығында жеңіске жетті

НҰР-СҰЛТАН, 5 тамыз – Sputnik. Беларусь астанасы Минск қаласында өткен бокс кешінде қазақстандық боксшы Жан Кособуцкий қарсыласын нокаутпен жеңді, деп хабарлайды Sputnik Қазақстан тілшісі.

Аса ауыр салмақтағы жекпе-жекте Кособуцкий поляк боксшысы Камила Соколовскимен жұдырықтасты. Он раундқа созылған кездесуде қазақстандық спортшының басымдығы анық байқалды. Бесінші раундта қазақстандық Соколовскиді нокдаунға жіберді. Ал оныншы раундта тағы сұлап түсті. Бірақ бұл жолы аяққа тұра алмады.  

Осылайша, 31 жастағы Жан Кособуцкий кезекті жекпе-жегін нокаутпен аяқтады. 2017 жылдан бері кәсіби бокста өнер көрсетіп жүрген спортшы осы уақытқа дейін 14 жекпе-жек өткізіп, барлығында жеңіске жетті. Соның ішінде 13 жекпе-жекті нокаутпен аяқтады. Бұған дейін Кособуцкий ганалық Абрахам Табулды уақытынан бұрын жеңген болатын. 

 

1508
Кілт сөздер:
видео, нокаут, қазақстандық боксшы
Тақырып бойынша
"Суық хабар жетті": үш қазақстандық балуан жол апатынан қаза болды
Жеңілмеген қазақстандық боксшы журналистің бетіне су шашып жіберді – видео
Видео жарияланды – өзбек боксшы қазақстандықты нокдаунға жіберді
Бірде-бір рет жеңілмеген қазақстандық боксшы желіде видео жариялады
Атырау облысында болашағынан үміт күттірген үш боксшы қаза болды  
Архивтегі фото

Ордабасы ауданында коронавирус жұқтырған соңғы науқас жазылып шықты

0
Ауданда коронавирус инфекциясын жұқтырған 158 науқас тіркелген. Оның екеуі қайтыс болды. Қалғаны ауруханадан шыққан

НҰР-СҰЛТАН, 5 тамыз – Sputnik. Түркістан облысында Ордабасы аудандық орталық ауруханасының коронавирус инфекциясын жұқтырғандарға арналған инфекциялық бөлімі қазір бос тұр. Мұнда емделген соңғы науқас ауруынан толық сауығып шыққан.

"Парламент мәжілісінің депутаты Нұржан Әлтаев бастаған республикалық "Қоғамдық бақылау" өкілдері аудандық ауруханада болып, жағымды жаңалыққа куә болды", - деп хабарлады облыс әкімінің баспасөз қызметі.

Ордабасы аудандық орталық ауруханасы 120 мың халыққа қызмет көрсетеді. Ауданда коронавирус инфекциясын жұқтырған 158 науқас тіркелген. Оның ішінде 2 азамат қайтыс болды. Емделушілер толық жазылып шыққан. Пневмония ауруы да азайып, провизорлық госпитальдың төсек-орын саны 40 орынға қысқарған. Қазір аталған індетпен 21 науқас ем қабылдап жатыр.

Оқи отырыңыз: Мамин коронавирус пандемиясының жаңа толқыны туралы айтты 

Аудандық аурухана 9 жасанды тыныс алдыру аппараты және 70-тен астам оттегімен қамту жабдығымен қамтамасыз етілген. Жеке оттегі жеткізу орталығы орнатылған. Дәрі-дәрмек қоры жеткілікті. Бір ай бұрын құрылған 17 мобильді топ мыңға жуық науқасқа үйлеріне барып, ем көрсеткен.

"Қоғамдық бақылау" өкілдері аурухананың инфекциялық және провизорлық бөлімдерін аралап, жедел-жәрдем көлігімен және зертхана жағдайымен танысып шықты.  

0
Кілт сөздер:
Ордабасы ауданы, коронавирус
Тақырып:
Коронавирус эпидемиясы
Тақырып бойынша
Маска тақпағандарға 79 мың теңге айыппұл салынады
Қазақстанда коронавирустан қанша адам қайтыс болғаны айтылды
Билік коронавирустан қайтыс болғандардың нақты санын жасырып отыр ма?
Денсаулық сақтау министрі бетперде тағуға қатысты соңғы өзгерісті жариялады
Ақорда бірнеше қылмыстық істің қозғалғаны туралы ақпарат таратты