Хоккей

Тарихта алғаш рет: АҚШ-та 20 жастағы қазақ баласы команда капитаны болды

1512
(Жаңартылды 10:23 18.11.2018)
Құрама Штаттағы Шығыс Лигасы жартылай мемлекеттік, сондықтан онда капитан болу былай тұрсын, екінің бірі ойнай алмайды

АСТАНА, 17 қараша — Sputnik. Азат Тұрсынханов АҚШ-тың Филодельфия қаласындағы "Lehigh Valley" хоккей командасының капитаны болды. 

Азат Тұрсынханов 1998 жылы 14 қыркүйекте Алматы қаласында дүниеге келген. 2003 жылдан 2015 жылға дейін астаналық хоккей құрамасында шабуылшы болды. 3 жыл бұрын жас ойыншы бақытты шетелден іздей бастады. Анығында Канадаға аттанды, деп жазды prosports.kz. 

Канадада Азат GMHL лигасында ойнады, ал қазір қазақстандық спортшы Пенсильвания штатының Филадельфия қаласында EHL лигасына кіретін Lehigh Valley командасының капитаны. 

Айтпақшы, Құрама Штаттағы Шығыс Лигасы жартылай мемлекеттік мәртебеге ие. Сондықтан ол шетелдік ойыншыларға шектеу қойылған. Екінің бірі ойнай алмайды. Ал, Азат сол жақта ойнап, 20 жасында капитандыққа қол жеткізді.

"Бала күнімде хоккейге әкем қатыстырды. Мен қаннан қорқатын едім. Хоккейшілердің тартысып, бірін-бірі ұрып, төбелесіп ойнайтынын теледидардан көріп, бұл спортты мүлде ұнатпадым. Қарсылығыма қарамастан мені хоккейге қатыстырды. Бірақ кейін үйреніп кеттім. Тіпті ұнап кетті. Филадельфияға да тек хоккей ойнау мақсатында келдім. Бапкеріммен, ойыншылармен жақсы қатынастамын", – дейді хоккейші.

Азат Тұрсынханов 3 жыл жастар құрамасында ойнаған. 

"Тәжірибем болған соң мені капитан қылған шығар. Мұны өзім де күтпеген едім. Мен мұнда жастарға үлгі көрсетуім керек. Қазақстан атынан шығамын. Көбісі Қазақстанды Пәкістан не Ауғанстан деп ойлайды. Бірақ Геннадий Головкинді біледі", — деп түйіндеді жас ойыншы. 


1512
Кілт сөздер:
капитан, қазақ, хоккей, АҚШ, Қазақстан
Тақырып бойынша
Ресейдің сұлулық байқауында жеңімпаз атанған қазақ қызы үндеу жасады
Қазақ қызы Ресейдегі сұлулық байқауында бірінші орынды жеңіп алды
Қазақ боксшы Азия ойындарында Қытайдың намысын қорғайды
Моңғолиядағы қазақ қызы бейнеленген сурет халықаралық байқауда бірінші орын алды
Қазақ қызы әлемдегі ең биік шыңды бағындырады
Әлемді тамсандырған қазақ. Әміре Қашаубаев туралы фильм таныстырылды
Зілтемір

400 килограмдық зілтемірді көтермек болған спортшы екі аяғын сындырды видео

1837
(Жаңартылды 14:39 13.08.2020)
Спортшы алдағы екі ай бойы ешбір қозғалыссыз жатып, содан кейін жүруді қайта үйренетінін айтады

НҰР-СҰЛТАН, 13 тамыз – Sputnik. Ресейлік спортшы Александр Седых Мәскеуде өткен Дүниежүзілік пауэрлифтинг федерациясының Еуропа чемпионатында өнер көрсетіп жатып, қос тізесін бірдей жарақаттап алды, деп хабарлайды Lad Bible.

Спортшы зілтемірді иығына қойып отырып-тұру тапсырмасын орындау керек болған. Қалақшаларымен қоса есептегенде зілтемірдің салмағы 400 келіні құрады. Бастапқы кезде Седых тепе-теңдікті сақтап, өзіне ыңғайлы кезде сәтті отырды.

Алайда, орнынан тұрып жатқанда, спортшының қос тізесі салмақты көтеруде шыдас бермеді. 

Жан дауысы шығып, алға ұмтыла құлаған атлетке дәрігерлер бірден көмекке келді.

Кейіннен ауруханаға жеткізілген спортшыға қос тізесінің буыны тайып, аяқ бұлшық етінің екі тұсы жарылған деп диагноз қойылған.

Алты сағатқа созылған операциядан кейін Седых өзіне тағайындалған емдеу процесі туралы айтты.

"Енді екі ай бойы ешбір қозғалыссыз жатып, содан кейін қайта жүруді үйренетін боламын", – деді ол.

Ауыр атлет мансабын қайта жалғастыра ма, ол жағы әлі белгісіз.

1837
Кілт сөздер:
зілтемірші, спортшы
Тақырып бойынша
Ауруханаға түсіп қалған Илья Ильин видео жариялады
"Қазасы қабырғама батты": президент желіде жазба жариялады
Спорттағы карьерасын аяқтаған Ильин қандай қызметке тағайындалды
Атыраулық чемпионның өліміне қатысты тың дерек шықты
Бекман Сойлыбаев: Ломаченкомен жұдырықтасатын күн алыс емес
Архивтегі фото

Қазақстан ескекшілері "Үлкен Мәскеу регатасына" қатысады

42
Ресей ескек есу федерациясы Қазақстан спортшыларының қандай талаптарды орындауы тиіс екенін хабарлады

НҰР-СҰЛТАН, 5 тамыз – Sputnik. Қазақстан спортшылары "Үлкен Мәскеу регатасы-2020" сайысына қатысатынын растады. Ресей ескек есу федерациясының президенті Алексей Свирин Sputnik Қазақстанға ұлттық құраманың ескекшілері өз елінде коронавирусқа тест тапсыратынын айтты.

Жарыс 7-9 тамыз аралығында Крылатское есу каналында өтеді. Үлкен Мәскеу регатасына ресейліктерден бөлек, Қазақстан, Молдова және Беларусь спортшылары қатысады.

"Біз барлық талапты жібердік, жарысқа қатысатындар оны орындауы тиіс. Олар өз елінде тест тапсырады", - деп мәлімдеді Свирин.

Ол шетелдік құрамалардың мүшелері тест тапсырғаннан кейін көп ұзамай Мәскеуге жететініне сенім білдірді.

"Бұл туралы ешқандай сұрақ туындамайды. Барлық құрама Есу каналында, бір жерде тұрады", - деп атап өтті Свирин.  

Сайыстар кезінде ұйымдастырушылар спортшылар мен делегация мүшелерінің денсаулығына күнделікті мониторинг жүргізіп, дене қызуын өлшеп тұрады. Егер күдік болса, шара қолданады.

42
Иллюстративті фото

Қытаймен шекарада түсірілген видео жарияланды

0
"Нұр жолы" кеден бекетінде 30 шақырымға дейінгі кептеліс пайда болғаннан кейін арнайы тексеріс жүргізіліп, заңсыз ақша алғандар ұсталды

НҰР-СҰЛТАН, 15 тамыз – Sputnik. Сыбайлас жемқорлыққа қарсы іс-қимыл агенттігі "Нұр жолы" кеден бекетінің 8 лауазымды қызметкері ұсталған сәттің видеосын жариялады, деп хабарлайды Sputnik Қазақстан.

Ресми мәліметке сәйкес, ұлттық қауіпсіздік комитеті мен бас көлік прокуратурасы бірлесіп өткізген операция барысында "Нұр жолы" кеден бекетінде жұмыс істеген 8 лауазымды тұлға ұсталды. 30 шақырымға дейінгі кептеліс пайда болғаннан кейін арнайы тексеріс жүргізуге шешім қабылданған. Сол кезде Қытай Халық Республикасына көлік өткізгені үшін заңсыз ақша алынғаны анықталды.   

"Кеден бекетінің 6 лауазымды тұлғасы ұсталып, Талдықорған қалалық полиция басқармасының уақытша ұстау изоляторына қамалды. Ал 2 қызметкер өз кінәсін толық мойындауына байланысты ұсталған жоқ", - дейді тергеушілер.

Айта кетейік, бұған дейін бас көлік прокуратурасы "Нұр жолы" кеден бекетінде сыбайлас жемқорлыққа қатысы бар деген күдікпен мемлекеттік кірістер, сондай-ақ ветеринарлық және фитосанитарлық бақылау органдары қызметкерлерінің ұсталғанын хабарлаған болатын.

Істі тергеу барысын бас көлік прокуратурасы бақылауға алды. Тергеу мүддесі үшін басқа ақпарат жария етілмейді, делінген ведомство хабарламасында.

"Адам басына 3 мыңнан алған": Шекарада орналасқан үйлердің тұрғындары ұсталды

0
Кілт сөздер:
видео, шекара, Қытай
Тақырып бойынша
Қазақстан мемлекеттік шекараны дронмен күзетуі мүмкін
Қазақстан транзиттік жүк көліктерін қадағалап отыратын болды
Шетелде емделетіндер шекарада қандай құжат көрсетеді
Қытаймен шекарадағы әскери техниканың не үшін шығарылғаны белгілі болды – видео