Әлем қазақтары арасындағы турнир

Әлемнің әр елінен жиналған қазақтар шағын футболдан өзара сайысқа түсті

269
Нұр-Сұлтан қаласында әлем қазақтары арасында шағын футболдан жарыс өтіп жатыр

НҰР-СҰЛТАН, 27 сәуір – Sputnik. Елордада шағын футболдан халықаралық турнир өтіп жатыр, деп хабарлайды Sputnik Қазақстан тілшісі.

Турнирді Отандастар қоры мен дүниежүзілік қазақтар қауымдастығы ұйымдастырды.

Отандастар қорының вице-президенті Мағауия Сарбасов
© Sputnik / Дәурен Ерболат
Отандастар қорының вице-президенті Мағауия Сарбасов

Аталған қордың вице-президенті Мағауия Сарбасов ала доп бәсекесі тарихи отанына оралған, әрі шетелде тұрып жатқан қазақтар арасында өтіп жатқанын атап өтті.

Тағы оқыңыз: Түркиядағы қазақтар Назарбаевқа хат жазды

"Шараны жастар жылы аясында ұйымдастырдық. Жарысқа 24 команда қатысып жатыр. Оның арасында қазақтар жиі қоныстанған Ресей, Қытай, Моңғолия, Ираннан келген спортшы бауырларымыз бар. Сондай-ақ Нұр-Сұлтан, Алматы, Шымкент қалаларынан да командалар келді. Мақсатымыз – шетелдегі қазақ жастары арасындағы байланысты нығайту", - дейді ол.

Отандастар қорының қызметкері Талапбек Тынысбекұлы
© Sputnik / Дәурен Ерболат
Отандастар қорының қызметкері Талапбек Тынысбекұлы

Сонымен қатар Отандастар қорының қызметкері Талапбек Тынысбекұлы жарыстың жүлдеқоры 3 миллион теңге екенін, жеңіске жеткен команда ақшалай сыйақыға ие болатынын айтты.

"Халықаралық турнирді биыл бесінші рет өткізіп отырмыз. Биыл жарысқа шетелден 12 команда келді. Жалпы командалардың саны 24. Олар жас ерекшеліктеріне байланысты 30-ға дейін және 30-дан кейін деп бөлінеді. Жарыстың жүлдеқоры – 3 миллион теңге. Бұл демеушілердің қаржысы. Жеңіске жеткен командаға 500 мың теңге алады. Ал екінші орынға 300 мың теңге, үшінші орынға 200 мың теңге беріледі. Ал ынталандыру жүлдесі 100 мың теңге", - деді жарысты ұйымдастырушы.

Тағы оқыңыз: Канададағы қазақ: Қазақстанды Назарбаевсыз елестете алмаймын

Сондай-ақ ол "үздік қақпашы", "үздік шабуылшы", "үздік қорғаушы" атанған ойыншыларға да арнайы сыйлықтар берілетінін мәлім етті.

Жарысты ұйымдастырушының айтуынша, Отандастар қоры шетелден келген командалардың жататын орнын, тамағын, жолақысын өздері көтереді екен.

Моңғолиядан келкен қазақ спортшысы Айболат Жұлдызұлы
© Sputnik / Дәурен Ерболат
Моңғолиядан келкен қазақ спортшысы Айболат Жұлдызұлы

Моңғолияның Баян-Өлгий қаласынан келкен қазақ спортшысы Айболат Жұлдызұлы өз командасының үздік үштіктен көрінгенін қалайды.

"Бұл жарысқа осымен 4 рет қатысып отырмыз. Командамызда 12 адам. Үздік үштіктен көрінсек деген мақсатымыз бар. Тек Құдай нәсіп етсін!", - дейді футболшы.

Илгиз Хамитов
© Sputnik / Дәурен Ерболат
Илгиз Хамитов

Келесі спортшының есімі – Илгиз Хамитов. Ол Өзбекстанның Науаи облысы Заварбат елді-мекенінен келіпті.

"Нұр-Сұлтан қаласына алғаш рет келіп отырмын. Қала ұнады. Командамызда 8 адам бар. Мақсатымыз – жеңіске жету. Осы үшін қазақ еліне келдік. Бір топта 4 команда бар. Алдымен топтан шығу керек. Ертең финал өтеді. Мүмкіндікті жібермеу керек", - дейді спортшы.

Тағы оқыңыз: Омбы қазағы Назарбаевқа өтінішін айтты

Айта кетейік, шағын футболдан халықаралық турнир Нұр-Сұлтан қаласындағы Жас-Батыр спорт кешенінде өтіп жатыр. Ертең 27 сәуір күні жарыстың финалы өтеді.

269
Кілт сөздер:
футбол, шетелдегі қазақтар
Геннадий Головкин

Головкиннің келесі жекпе-жегі: Альвареспен өтетін трилогия мерзімі нақтыланды

364
(Жаңартылды 21:04 28.06.2020)
Қазақстандық боксшының поляк Камил Шереметаға қарсы жекпе-жегі жыл соңына дейін өтеді деп жоспарланған

НҰР-СҰЛТАН, 28 маусым – Sputnik. Геннадий Головкиннің (40-1-1, 35 КО) жыл соңына дейін рингке оралатыны белгілі болды. Ол келесі жекпе-жегін поляк Камил Шереметаға (21-0, 5 КО) қарсы өткізеді.

Шереметаның промоутері Анджей Василевскийдің айтуынша, олардың айқасы қазан немесе қараша айына жоспарланған.

"Біз қазірше қазан айының екінші немесе үшінші сенбісін (10 немесе 17 қазан) яки қарашаның алғашқы сенбісін (7 қараша) белгілеп отырмыз", - деді ол.

Бұл 2020 жылы Геннадий Головкин мен мексикалық Сауль "Канело" Альварестің (53-1-2, 36 КО) трилогиясы өтпейтінін білдіреді. Болжам бойынша, олардың жекпе-жегі 2021 жылдың алғашқы жартысында, дәстүрлі мексикалық "Синко де майо" мерекесіне орай өтеді.

Оқи отырыңыз: Қазақстан халқы өз жерінде мұндай кешті тамашалауға лайық – Головкин

364
Кілт сөздер:
Сауль "Канело" Альварес, Геннадий Головкин, кәсіпқой бокс
Тақырып бойынша
Танымал промоутер Головкин мен Альваресті Жапонияға шақырды
Головкин жарақат алып қалды
Геннадий Головкин ұлымен түскен суретін бөлісті
Головкин – "Канело" жекпе-жегі туралы тың ақпарат шықты
Головкин "Канеломен" қыркүйекте жекпе-жек өткізуден бас тартты
Суда жүзу, архивтегі сурет

ТМД елдерінің спорттық сайысы қашан өтеді?

45
(Жаңартылды 18:35 28.06.2020)
Спорттық ойындар жарысы алғаш рет тамыз айында өтеді деп жоспарланған. Алайда, коронавирус пандемиясына байланысты ол кейінге қалдырылды

НҰР-СҰЛТАН, 28 маусым – Sputnik. 23 жасқа дейінгі спортшылар арасындағы ТМД елдерінің спорттық ойындар жарысы 4-11 қыркүйек аралығында өтеді деп жоспарланған, деп хабарлайды Olympic.kz сайты.

23 жасқа дейінгі спортшылар 21 спорт түрі бойынша бақ сынайтын сайысты ұйымдастырушылар қыркүйек айының алғашқы онкүндігінде өткізуді жоспарлап отыр.  

"Қазіргі кезде жарыстың өтетін күнін нақты белгілеу үшін Ресей федерациясымен келіссөздер жүргізілуде", – делінген хабарламада.

ТМД елдерінің спорттық ойындарына Әзірбайжан, Армения, Беларусь, Молдова, Қазақстан, Қырғызстан, Тәжікстан, Түркіменстан, Өзбекстан, Украина, Ресей құрамалары қатысады.

Ал спортшылар армрестлинг, бадминтон, баскетбол (3х3), бокс, белбеу және кураш, су добы, жағажай волейболы, еркін және грек-рим күресі, гір тасын көтеру, дзюдо, каратэ, мас-рестлинг, үстел теннисі, жүзу, самбо, тай бокс, би спорты, семсерлесу, футзал, көркем гимнастика және шахмат бойынша өзара бақ сынайтын болады.

Оқи отырыңыз: Алматыдағы спорт кешендері инфекциялық госпиталь ретінде қолданылады

Айта кетейік, ұйымдастырушылар мәліметіне сүйенсек, коронавирус індетіне  байланысты жағдай тұрақсыз күйде қалса, сапорттық шараны өткізу мерзімі де өзгертілуі мүмкін.

45
Кілт сөздер:
ТМД елдері, спорт
Тақырып бойынша
Дәурен Абаев спорт саласына басшылық қызметке келді
Қазақстанда бұқаралық спорт шараларының барлығы тоқтатылды
Спорт министрлігі Қазақстандағы спорт шараларын тоқтатқан жоқ
Алматыда мемлекеттік спорт ұйымдарында оқу-жаттығу жұмысы тоқтатылды
Белгілі спорт қайраткері өмірден озды
Ирина Смирнова

Мәжіліс депутаты ерікті атанды: Смирнова жаңа қызметі туралы айтты

13
(Жаңартылды 14:32 04.07.2020)
Ерікті депутаттың атсалысуымен өткен келіссөзден кейін Қызыл жарты ай ұйымы "Халық Арена" медициналық орталығына 300-ге жуық қорғаныс костюмін бөлді

НҰР-СҰЛТАН, 4 шілде – Sputnik. Алматыда әскери далалық госпиталь құрылып, "Халық Аренада" жұмыс істеуге медицина қызметкерлерін қабылдауда. Бұл туралы парламент мәжілісінің депутаты Ирина Смирнова айтты, деп хабарлайды Sputnik Қазақстан.

Депутат ел парламенті демалысқа шыққан соң, Алматы қалалық денсаулық сақтау басқармасына ерікті ретінде тіркелген.

Алматыда жаңа ауруханалар құрылуда

Коронавируспен күреске Алматыдағы "Қазақстан", "Көктем" шипажайы мен теміржол ауруханасы да жұмылдырылды.

"Қазіргі кезде "Халық Аренада" 1 000 төсек-орын дайындалып жатыр. Бірақ медициналық қызметкерлер жоқ. Ал қалалық денсаулық сақтау басқармасына көмек сұраған 700 медициналық қызметкердің резюмесі түскен. Солардың ішінен жаңа медициналық мекеме ұжымы құрылады", - деді Смирнова.

Оның айтуынша, азаматтар науқастарды емдеп, оларға көмектескісі келеді.

Сонымен қатар жабдықтар сатып алынып, жаңа аурухана керек-жарақпен қамтамасыз етілуде.

"Жақын жерде әскери дала ауруханасы да болады. Денсаулық сақтау басқармасы жедел жәрдем машиналарын сатып алуда", - дейді Смирнова.

Дәріханадағы кезек пен дәрі-дәрмек тапшылығы туралы

Дәрілердің жетіспеушілігі туралы мәселе пысықталуда. Қоймаларда дәрі-дәрмектер бар екендігі белгілі болды, бірақ олар дәріханаларға уақытылы жіберілмейді.

"Мәселені сыбайлас жемқорлыққа қарсы іс-қимыл агенттігі зерттеп жатыр. Меніңше, егер осындай жағдайды пайдаланып байып қалғысы келгендер болса, азаматтардың өмірін аямайтын ондай кәсіпкерлерді айдап салу керек. Ондайлар сөзсіз жазалануы керек", - деді депутат.

Ерікті депутат Смирнова немен айналысады

Ирина Смирнова өзінің еріктілік қызметі туралы да айтты.

"Мен өзімнің достарым және құрбыларыммен бірге жұмысқа барғысы келетін еріктілердің тізіміне жауап беремін. Олардың бәріне қоңырау шалып, сөйлесіп, шақыру керек. Қай учаскеге баратынын түсіндіру қажет", - деп түсіндірді ол.

Оқи отырыңыз: "Тест нәтижесін көрсету керек": алматылық ерікті сұхбат берді

Демеушілер іздестіру жұмыстары да жалғасуда.

"Мәселен, кешегі келіссөздерден кейін Қызыл жарты ай ұйымы "Халық Арена" медициналық орталығына 300-ге жуық қорғаныс костюмін бөлді. Бұл денсаулық сақтауды қолдау үшін жасайтын жұмыстарының аз ғана бөлігі", - деп атап өтті Смирнова.

13
Кілт сөздер:
Ирина Смирнова, коронавирус
Тақырып:
Коронавирус эпидемиясы
Тақырып бойынша
Министрліктің індетке қарсы әрекетін сынға алған депутат ұсыныс білдірді
Смирнова: миллиондаған қазақстандық банктердің кесірінен зардап шекті
Ерікті әйел кәріз құдығына құлап кетіп, жоғалған баланы тауып алды
Қазақтың шахматшы қызы ЮНИСЕФ-тің ерікті елшісі болады
Министрлік ерікті студенттерге сағатына 1000 теңге төлеуді жоспарлап отыр