Ержан Сәлімгереев

Аяқ-қолынан айырылған чемпион өміріндегі адам шошырлық жайттарды әңгімеледі

2113
Әлемді мойындатқан параспортшы Ержан Сәлімгереев 2020 жылы Токиода өтетін Паралимпада ойындарында жеңімпаз атануды көздеп отыр

НҰР-СҰЛТАН, 30 сәуір – Sputnik. Суда жүзуден Қазақстан чемпионы, әлем кубогының төрт дүркін иегері, екі дүркін Азия Пара ойындарынының жеңімпазы Ержан Сәлімгереевпен Sputnik Қазақстан тілшісі сұқбаттасты. Ержан басына түскен қиындықтарға мойымай, жетістікке қалай жеткенін, алдағы жоспары мен мүмкіндігі шектеулі жандарға қалай көмектесіп жүргенін айтты.

Өмір соққысы

Ержан 1989 жылы 8 желтоқсанда Атырау қаласынан 12 шақырым жердегі Еркінқала ауылында дүниеге келген. Үйдің ортаншысы. Ағасы мен інісі бар. Ол 9 жасында ауылда достарымен ойнап жүріп, тоққа түскен. 

Параспортсмен-пловец Ержан Салимгереев
© Sputnik / Владислав Воднев
Параспортшы-жүзуші Ержан Сәлімгереев

"3-сыныпта мектептің жанында достарыммен ойнап жүрдім. Байқамай ашық тұрған трансформатордың ішіне кірдік. Сол кезде тоққа түстім. Достарым менен төрт жас үлкен еді. Мен ең кішкентайы болдым. 9 жасымда аяқ-қолымнан айырылып, арбаға таңылдым. Қиын болды", - дейді параспортшы.

Алғашқы кәсіп

Ол 2007 жылы орта мектепті бітіреді. Кейін такси жүргізушісі болып жұмыс істейді.

"Мен біреуге масыл болғанды ұнатпаймын. Жұмысымды біреудің мойнына артып қоя алмаймын. Бұл менің табиғатыма жат. Сондықтан мектепті бітіргеннен кейін "не істеймін, бұл тығырықтан қалай шығамын"деп ойладым. Сөйтіп, туыстарым маған көлік алып берді. Маған бұл жұмысым ұнайтын. Шамамен екі жылдай жолаушы тасымалдадым", - дейді Ержан Сәлімгереев.

Жаңа мүмкіндік

Қазақстанның Ресейдегі елшісі Иманғали Тасмағамбетовтың інісі Құрманғали Тасмағамбетов параспортшыға қолдау көрсетіп, қазіргі Атырау мұнай және газ университетіне оқуға түсіреді. Өміріндегі бұл мүмкіндікті Ержан қалт жібермейді.

"Құрманғали аға "Ержан саған білім керек" деді. Ол кісі маған демеу болды. Сөйтіп, жоғары оқу орнында автоматтандыру және басқару мамандығы бойынша тегін білім алдым. Оқытушыларымның кеңесімен суға жүзу спортына жазылдым. Өмірім 360 градусқа өзгерді", - дейді параспортшы.

Спорттағы жетістіктері

Атыраулық жігіт 24 жасында кәсіби спортқа келіп, аянбай тер төгеді.

"Өзімнің суда жүзу техникамды қалыптастыруға тура келді. Көп іздендім, жаттықтым, армандадым. Бапкеріммен ақылдасып, жақсы техника жасадық. Қазір мені атыраулық Нұрлан Жұмағазиев жаттықтырады", - дейді Ержан Сәлімгереев.

Ол алғашында спорттағы жетістіктері туралы ата-анасына айтпапты.

Тағы оқыңыз: Қазақстандық спортшы әлем чемпионы атағын жеңіп алды

"Суға жүзу спортымен шұғылданып жүргенімді, жарысқа қатысқанымды ата-анама айтқан жоқпын. Кейін олар жетістіктерімді естіп қуанды. 2015 жылы республикалық спартакиада ойындарында суға жүзуден алғаш рет алтын медаль жеңіп алдым. 2016 жылы Қазақстан чемпионатына қатыстым. 3 түрлі қашықтықта 3 алтын медаль еншілеп, 3 рет Қазақстан рекордын жаңарттым. Сөйтіп, суға жүзуден Қазақстан ұлттық паралимпиада құрамасының мүшесі атандым", - дейді спортшы.

Ержан Салимгереев во время III Азиатских Пара Игр
ІІІ Азия Пара ойындарының жеңімпазы Ержан Сәлімгереев

Ержан бұл жетістіктерімен шектеліп қалмайды. Көп жаттығып, жаңа белестірді бағындарады. 9 рет суда жүзуден Қазақстан чемпионы, 4 рет әлем кубогының иегері, 2 дүркін Азия Пара ойындарынының жеңімпазы атанады.

Атыраулық жігіттің ендігі мақсаты – Олимпиада ойындарында топ жару.

"Әрбір спортшының арманы – Олимпиада чемпионы атану. Құдай қаласа, 2020 жылы Жапонияның Токио қаласында өтетін Паралимпада ойындарында алтын медаль жеңіп алғым келеді", - дейді параспортшы.

"Өзімді ешкімнен кем санамаймын"

Сұқбат барысында Ержан басына түскен қиындықтарды қалай жеңгенін айтып берді.

"Жолыңдағы барлық қиындықты тек еңбекпен ғана еңсересің. Басыма түскен қиындықты Алланың сынағы деп қабылдадым. Еңсемді түсірмей, осы өмірде жақсы ғұмыр кешемін деп өз-өзіме серт бердім. Сабырлы, шыдамды болдым. Сонда ғана жетістікке жете алатынымды түсіндім. Мен тек бір Аллаға тәуекел еттім. Қиындықтарымды еңсере алатынымды алдымен өзіме дәлелдегім келді. Көп армандадым, еңбектендім", - дейді әлемді мойындатқан спортшы.

Медали Ержана Салимгереева
© Sputnik / Владислав Воднев
Параспортшы-жүзуші Ержан Сәлімгереевтің медальдері

Сондай-ақ, ол үнемі ата-анасын ойлап жүретінін атап өтті.

"Әкем мен шешемді үнемі ойлап жүремін. Олардың жағдайы жақсы болғанын қалаймын. Бұл – менің парызым. Нешінші топтағы мүгедек болсам да, өзімді ешкімнен кем санамаймын. Сыртқы келбетім осындай болғанымен, еңсемді түсірмеймін. Бұл – Алланың сынағы", - дейді Ержан Сәлімгереев.

Чемпион кеңесі

Қазір Ержан "Азаматтарға арналған үкімет" мемлекеттік корпорациясының Атырау облысындағы филиалында бас маман болып жұмыс істейді. Сондай-ақ, ол мүмкіндігі шектеулі жандарға көмектесіп тұратынын айтты. Олармен өзінің ақыл-кеңесімен бөлісті. 

"Бала кезімде қиыншылық көрдім. Мүмкіндігі шектеулі азаматтардың ішкі жан дүниесін түсінемін. Оларға ақыл-кеңесімді беріп тұрамын. Бұл өмір қайғы мен қуанышқа толы. Қиындықты жеңу керек. Ең бастысы, мүмкіндігі шектеулі жандар қоғаммен байланыста болуы керек. Терең ойдың тұңғиығына батып, қайғыға берілудің қажеті жоқ. Қоғамның дамуына өз үлесіңді қос, белсенді бол", - дейді спортшы.

2113
Кілт сөздер:
өмір, чемпион, аяқ
Тақырып бойынша
"Артаевқа жол берген..." Геннадий Головкин туралы қызықты деректер
"Қорықсаң, шаршы алаңға шығып керегі не?" Данияр Елеусінов туралы қызықты деректер
Ильиннің жаттығудан жариялаған суреті жанкүйерлерін алаңдатып қойды - фото
Тасмағамбетовтың інісі өмірімді өзгертті – аяқ-қолынан айырылған чемпион
"Мәңгі сақталады" Аяқ-қолынан айырылған чемпион Назарбаевқа арманын жеткізді
Сабина Алтынбекова

Желідегі танымалдығы да сеп болған: Сабина Алтынбекова басқа клубқа ауысты

85
(Жаңартылды 10:34 08.07.2020)
Италия құрамасының баспасөз қызметі спортшының әлеуметтік желілердегі танымалдығын атап өтіп, Сабина клубтың "бет-бейнесі" болатынын айтады

НУР-СУЛТАН, 8 шілде – Sputnik. Қазақстандық волейболшы Сабина Алтынбекова италиялық "Волалто Казерта" командасымен келісімшартқа отырды.

Енді Алтынбекова келесі маусымда италиялық әйелдер бас лигасының А сериясында ойнайды. Оның келісімшарты екі маусымға жасалды.

"Алтынбековамен келісімшартқа қол қоюға спорт компонентінен басқа оның әлеуметтік желілердегі үлкен аудиториясы да себеп болды. Соның арқасында Сабина команданың "бет-бейнесіне" айналып, имиджін қалыптастырады", – деп хабарлады Италия құрамасының баспасөз қызметі.

Айта кетейік, Алтынбекова 2019 жылдың желтоқсан айында арабиялық "Аль-Васл" командасына ауысқан, бірақ жарақатына байланысты өнер көрсеткен жоқ. Ал оған дейін қазақстандық волейболшы "Алматы" командасы мен жапондық GSS Sunbeams клубында ойнаған.

Сабина Алтынбекова – 23 жасар қазақстандық волейболшы. Ол 2014 жылғы жастар арасындағы Азия чемпионатынан кейін танымал болды. Қытайлық БАҚ-тың волейболшы қызға назары ауып, бірнеше күнде оның фотосы әлеуметтік желілерде кеңінен таралды. Бұл жағдай Сабинаға мыңдаған жанкүйерлер тобын қалыптастыруға мүмкіндік берді.

Оқи отырыңыз: Сәбина Алтынбекова "Отанын сатып кетті" дегендерге жауап берді - видео

Қазіргі уақытта Сабина Алтынбекованың Instagram парақшасында миллионға жуық жазылушысы бар.

85
Кілт сөздер:
спортшы, волейбол
Тақырып бойынша
Нұр-Сұлтанда спортшы 4 жасар қызды соққыға жықты - видео
Қазақстан волейбол бойынша Азия кубогінің 5-6 орындарына таласады
Атақты қазақстандық спортшы қайтыс болды
Сабина Алтынбекова: бар уақытымды волейболға арнап жүрмін
Сабина Алтынбекова Қазақстаннан кетті: қазір ол немен шұғылданып жүр
Гүл шоқтары

Белгілі қазақстандық комментатор өмірден өтті

4678
(Жаңартылды 12:18 05.07.2020)
Диас Омаров сексен жасқа қараған шағында қайтыс болды, ақпарат және қоғамдық даму министрі марқұмның жақындарына көңіл айтты

НҰР-СҰЛТАН, 5 шілде – Sputnik. Елге әйгілі спорт журналисі әрі комментатор, алматылық "Қайраттың" ардагері Диас Омаров сексен жасқа қараған шағында дүниеден озды. Бұл туралы Sputnik Қазақстанға Спорт баспасөзі қауымдастығының президенті Ілияс Омаров хабарлады.

"Спорт журналистикасының мэтрі арамыздан кетті. Бүгін таңертең Диас Омаров дүниеден озды", - деді Ілияс Омаров.

Диас Омаров
Белгілі спортшы әрі комментатор Диас Омаров

Ақпарат және қоғамдық даму министрі Аида Балаева марқұмның отбасына көңіл айтты.

"Бүгін қазақ журналистикасы тағы бір жарық жұлдызынан айырылды. Сексенге қараған шағында елге әйгілі спортшы, атақты футбол комментаторы Омаров Диас Ілиясұлы дүниеден өтті. Бүкіл саналы ғұмырын спортқа арнап, спорт журналистикасының өркендеуіне өлшеусіз үлес қосқан Диас Ілиясұлының өнегелі өмірі барша журналистер қауымына үлгі болып қалады", - деп жазды министр желіде.

Тағы оқыңыз: Атақты қазақстандық спортшы қайтыс болды

Қазақстанның футбол федерациясы да Омаровтың жақындарына қайғырып көңіл айтты.

Диас Омаров 1940 жылы 20 қазанда дүниеге келген.

1959-1964 жылдар аралығында алматылық "Қайрат" командасында ойнады.

1966 жылдан Қазтелерадионың спорт коментаторы болған. Ал 1998 жылдан "Хабар" арнасында спорт комментаторы ретінде жұмыс істеді.

4678
Кілт сөздер:
спорт комментаторы, футбол, спортшы
Дәрігерлер, архивтегі сурет

Айнұр Тұрсынбаева желіде жазба жариялады - басы дауға қалған компания жауабы

282
(Жаңартылды 22:10 10.07.2020)
Бүгін Тұрсынбаева өзінің әлеуметтік желідегі парақшасында халықтан жиналған ақшаға Түркияда 125 жасанды тыныс алу аппараты сатып алынғанын жариялады. Алайда оны жеткізу мен таратуда қиындық туындағанын айтты

НҰР-СҰЛТАН, 10 шілде – Sputnik. "СК-Фармация" компаниясы айтыскер ақын Айнұр Тұрсынбаеваның үндеуіне жауап берді, деп хабарлайды Sputnik Қазақстан тілшісі. 

"СК-Фармацияның" баспасөз қызметі компания гуманитарлық көмекті қабылдаудың бірыңғай операторы болып саналатынын жеткізді. Алайда қайырымдылық көмек тек компания арқылы жасалуы керек деген шарт жоқ. Қайырымдылық жасайтын адамдар оны өздігімен де жасай алады. 

"СК-Фармацияны" гуманитарлық көмекті қабылдаудың бірыңғай операторы ретінде белгілеудің негізгі мақсаты – медициналық препараттар мен бұйымдарды тарату және дер кезінде жеткізу. Ондайда дәрі-дәрмектерді сақтау мен тасымалдаудың өзіндік талаптары болады. Ол үшін компанияда логистикалық желі бар. Бұдан бөлек, "СК-Фармацияның" құрылымдық бөлімшелері медициналық препараттарды кедендік рәсімдеу мен рұқсат құжаттарын алуға көмектеседі. Алайда бұның барлығы басқа адамдардың біреуге көмек көрсетуіне шектеу бола алмайды", - дейді мамандар. 

Айта кетсек, бүгін Айнұр Тұрсынбаева өзінің әлеуметтік желідегі парақшасында халықтан жиналған ақшаға Түркияда 125 жасанды тыныс алу аппараты сатып алынғанын жариялады. Алайда оны жеткізу мен таратуда қиындық туындағанын айтты. 2 тонна жүкті тұтас жеткізетін мүмкіндік болмаған. Осыған орай, айтыскер президенттен, денсаулық министрі мен қорғаныс министрінен көмек сұрады. Ол тыныс алу аппараттарын Қазақстанға жеткізгеннен кейін тарату жұмысын өздеріне тапсыруды сұрады. Себебі СК "Фармация" компаниясына сенім жоқ екенін айтты.

"Біз алған аппаратты Қазақстанға барған соң СК "Фармация" деген мекеме қабылдап алады. Ол мекемеге халық та, халықтан ақша жинаған белсенділер де сенбей отыр. Осы аппараттарды таратудың билігін өзімізге берсеңіздер екен. Қорғаныс министрлігі арнайы ұшақ жіберсе, тұтас апаруға болады", -дейді Тұрсынбаева.

Посмотреть эту публикацию в Instagram

Публикация от Айнұр Тұрсынбаева (@aidyn_nury)

Оның сөзіне қарағанда, Түркиядағы зауытпен екі аптада арзан бағаға 500 аппарат сатып алуға келісім жасалған. Оның ақшасын да жинауға мүмкіндік бар. 

Тыныс алу аппаратарына ақша жинауға көмектесіп жүрген блогер Дәулет Төлеутайұлы да өз парақшасы арқылы бейнеүндеу жолдады. Оның айтуынша, 125 аппараттың ақшасы бір күнде жиналды. Ал вице-министр Людмила Бюрабекова ондай көмекті жеткізудің тәртібін түсіндірген.  

"Маған вице-министр Людмила Витальевна хабарласты. Ол маған елдегі заңды түсіндірді, яғни, заң аясында сол "СК-Фармация" қабылдайды екен немесе әрбір елдімекеннің әкімшілігімен біз келісімшартқа отыруымыз керек екен. Бұның барлығы уақыт алады, бюрократия. Бүгінде "СК-Фармация" халықтың сенімінен айырылып отыр. Біз 125 аппаратты 125 елдімекенге таратқанда 125 әкіммен келісімшарт жасасақ, уақыт жоғалтамыз", - дейді Төлеутайұлы.  

282
Кілт сөздер:
медицина, компания, желі, Айнұр Тұрсынбаева
Тақырып бойынша
"Халық сенбей отыр": Айнұр Тұрсынбаева Тоқаевқа үндеу жолдады
Тоқаев үкіметтің бастамасы туралы: жағдайды қиындатып жіберуі мүмкін
Дәрігер дене қызуы көтеріле бастағанда не істеу керектігін айтты
Қазақстандағы "белгісіз пневмония": министр Тоқаевтың сауалына жауап берді
Пневмониясы барларға қалай дұрыс жату керек – пульмонолог кеңесі