Мырзағали Айтжанов

Мырзағали Айтжанов Данияр Елеусінов туралы ойын ашық айтты

14677
(Жаңартылды 13:41 12.07.2019)
Айтжанов спортшылардың кәсіпқой боксқа ауысуына бірнеше жағдай әсер етуі мүмкін екенін жеткізді

НҰР-СҰЛТАН, 11 шілде – Sputnik, Дәурен Ерболат. Бокстан Қазақстан ұлттық құрамасы бас бапкерінің кеңесшісі Мырзағали Айтжанов қазақстандық спортшылардың кәсіпқой боксқа кетуінің себебін айтты, деп хабарлайды Sputnik Қазақстан тілшісі.

Кәсіпқой бокс

Қазақстан құрамасын шамамен 10 жылдай жаттықтырған бұрынғы бас бапкердің айтуынша, спортшылардың кәсіпқой боксқа ауысуының өз себебі бар.

"Біз барлығын ұстап тұра алмаймыз. Неге? Себебі, бокшылардың басым бөлігі отбасылы. Ал ұлттық құрамада барлығына орын табыла бермейді. Сондықтан кейбір спортшылар "кәсіпқойда бағымды сынайын, ертерек чемпион белбеулерін ұтып алайын, әлем чемпионы атанайын" деп сол жаққа ауысып жатыр", - дейді ол.

Осы орайда Мырзағали Айтжанов кәсіпқой боксқа ауысып, сәтті өнер көрсетіп жүрген Данияр Елеусіновке жеке тоқталды.

"Данияр әуесқой бокста, яғни Азия чемпионаты, Азия ойындары, әлем чемпионаты, Олимпиада ойындарында топ жарып, бірінші орын алды. Сондықтан ол кәсіпқойда Геннадий Головкин ағасы сияқты "өзімді сол жерде сынаймын, кәсіпқой бокстың рингін бағындырамын" деп сол жаққа ауысты. Біз оған сәттілік тілейміз. Хабарласып тұрамыз", - деді Айтжанов.

Токио Олимпиадасы

Мырзағали Айтжанов қазір бокстан Қазақстан ұлттық құрамасы бас бапкерінің кеңесшісі қызметін атқаратынын атап өтті. Ол 2020 жылы Токиода өтетін жазғы Олимпиада ойындарына боксшылардың қалай дайындалып жатқанын айтты.

"Рио Олимпиадасынан кейін мықты деген боксшыларымыз кәсіпқой боксқа ауысты, ал кейбірі спорттық карьерасын аяқтады. Бірақ соған қарамастан Қазақстан боксы дами береді. Бүгінде резерв жағы жақсы жолға қойылған. Соның арқасында бокстан Қазақстан құрамасы жас боксшылармен толығып жатыр", - деді бас бапкердің кеңесшісі.

Дүбірлі додада кім топ жаруы мүмкін

Мырзағали Айтжанов алдағы жылы өтетін Олимпиада ойындарында қай боксшының топ жарып, кім алтыннан алқа тағынатынын нақты айта алмайтынын жеткізді. Алайда бас бапкердің кеңесшісі болашағынан зор үміт күттіретін спортшылар бар екенін атап өтті.

"Олимпиадада осы салмақта мына жігіт олимпиада чемпионы болады" деп біз еш уақытта айта алмаймыз. Бұл дүбірлі додада болжам жасау қиын. Алайда келешегінен үміт күттіретін боксшылар бар. Мысалы, ұлттық құрамада 5 боксшымыз Олимпиада медаліне лайық. Ондай жігіттер бар", - деді ол.

Мырзағали Айтжанов
© Sputnik / Дәурен Ерболат
Бокстан Қазақстан ұлттық құрамасы бас бапкерінің кеңесшісі Мырзағали Айтжанов

Оның айтуынша, Рио Олимпиадасынан кейін ұлттық құрамада бұрыннан дайындалып жүрген 2 боксшы қалыпты. Ол - Қайрат Ералиев пен Василий Левит.

"Олар Токио Олимпиадасына баруға үмітті. Сол үшін дайындалып жатыр. Үміт артатын басқа да жас боксшыларымыз бар. Мысалы, бокстан әлем чемпионатында екінші орын алған Қамшыбек Қоңқабаев бар. Ол – Қазақстан құрамасының капитаны. Ол жігіттен де зор үміт күтуге болады. Мен жігіттердің ешқайсысын бөлмеймін", - деді Мырзағали Айтжанов.

Сонымен қатар ол бүгінде бокстан Қазақстан ұлттық құрамасы елордадағы ҚР президент кубогы қарсаңында оқу-жаттығу жиындарын өткізіп жатқанын жеткізді. Оның пікірінше, бұл жарыс спортшылардың дайындығын көрсетеді.

Тағы оқыңыз: Данияр Елеусінов дауға нүкте қойды

"Бұл сайыс боксшылардың мүмкіндігі мен кемшілігін көрсетеді. Сондай-ақ, мұнда әлем чемпионатына кім баратыны анықталады", - деп түйіндеді сөзін бас бапкердің кеңесшісі.

Айта кетейік, "Қазақстан президенті кубогы" VII халықаралық турнирі 16-20 шілде аралығында астанада өтеді. Бұл сайысқа Алжир, Болгария, Грузия, Үндістан, Қазақстан, Қытай, Қырғызстан, Моңғолия, Ресей, Сирия, Филиппин, Өзбекстан, Тәжікстан елдерінің боксшылары қатысады. Жекпе-жектер ерлер арасында 8 салмақ дәрежесінде және әйелдер арасында 5 салмақ дәрежесінде өтеді.

Жарыста бірінші орын алған боксшылар 2000 доллар, екінші орын – 1000 доллар, үшінші орын – 500 доллар көлемінде сыйақы алады.

14677
Кілт сөздер:
бокс, Данияр Елеусінов
Тақырып бойынша
"Оның бәрі - сатқындық" Әділбек Ниязымбетов кімді кешіре алмайтынын айтты
Қазақстандық боксшы қарсыласын нокаутпен жеңді – видео
Әлем чемпионы Қазақстанға келіп, Головкинді жекпе-жекке шақырды
Бұрынғы әлем чемпионы Жанқош Тұраров туралы не ойлайтынын айтты
Алматыда Қанат Ислам қарсыласын 10 секундта есінен тандырды – видео
Геннадий Головкин

Головкиннің келесі жекпе-жегі қашан өтетіні белгілі болды

100
(Жаңартылды 12:28 24.09.2020)
Сәуір айында Головкиннің бапкері спортшының 12 қыркүйекте WBA орта салмақтағы чемпионы Сауль Альвареспен жекпе-жек өткізбейтінін хабарлаған

АЛМАТЫ, 24 қыркүйек – Sputnik. Орта салмақтағы IBF және IBO тұжырымдамасы бойынша әлем чемпионы қазақстандық Геннадий Головкин келесі жекпе-жегін 21 қарашада өткізеді. Бұл туралы The Athletic тілшісі Майк Коппинджер Twitter-дегі парақшасында хабарлады.

GGG-дің қарсыласы IBF тұжырымдамасы бойынша міндетті үміткер поляк спортшысы Камил Шеремета (21-0, 5 КО) болады. Жекпе-жекті DAZN спорттық стриминг қызметі көрсетеді.

Sports.kz сайтының хабарлауынша, Майк Коппинджердің әріптесі Лэнс Пагмайр жекпе-жектің Калифорния штатында Dignity Health Sports Park аренасында өтетінін хабарлады. Сондай-ақ, қазір GGG сол штатта дайындық жүргізіп жатыр.

Оқи отырыңыз: Танымал промоутер Головкин мен Альваресті Жапонияға шақырды

Айта кетейік, сәуір айында Головкиннің бапкері спортшының 12 қыркүйекте WBA орта салмақтағы чемпионы Сауль Альвареспен жекпе-жек өткізбейтінін хабарлаған еді.

"Канелоның командасы қыркүйек айында жекпе-жек өткізуге шақырды, бірақ мен бас тарттым. Біздің жоспарымыз – Камил Шереметаға қарсы айқас, содан кейін тағы бір жекпе-жек бар", – деді Бэнкс.

100
Кілт сөздер:
Геннадий Головкин, кәсіпқой бокс, спорт
Тақырып бойынша
Геннадий Головкин қазақстандық боксшыларға үндеу жасады
Зал шулап кетті: Головкин жекпе-жектен кейін мәлімдеме жасады
Головкин мен Деревянченконың жекпе-жектен кейінгі жағдайы туралы ақпарат шықты
Геннадий Головкин ұлымен түскен суретін бөлісті
Қазақстан халқы өз жерінде мұндай кешті тамашалауға лайық – Головкин
Яцек Гуральски

Қазақстан чемпионатындағы ең қымбат футболшы кім

62
(Жаңартылды 18:30 21.09.2020)
Өткен бірнеше маусымның көшбасшысы Марин Томасовтың "құны" соңғы бір жылда бұл көрсеткіш бойынша екі есеге дейін төмендеген

НҰР-СҰЛТАН, 21 қыркүйек — Sputnik. Transfermarkt мәліметіне сәйкес, Қазақстандағы ең бағалы футболшы белгілі болды. Ол – "Қайрат" футбол командасының жартылай қорғаушысы Яцек Гуральски.

Поляк футболшысының трансферттік "құны" қазіргі таңда 2,5 миллион еуроға дейін бағаланып отыр.

Екінші орында "Қайрат"-тың тағы бір футболшысы – украиналық Адеринсола Эсеола тұр – 2,2 миллион еуро.

Үшінші орынға "Астана" сапында өнер көрсететін хорваттардың бұрынғы көшбасшы Марин Томасов жайғасты. Оның трансферттік "құны" бір жылдың ішінде 3,8-ден 2 миллион еуроға дейін "арзандаған".

Қазақстандық премьер-лиганың ең қымбат ондығына кірген футболшылар:

  • 1. Яцек Гуральски ("Қайрат", Польша) - 2,5 миллион еуро;
  • 2. Адеринсола Эсеола ("Қайрат", Украина) - 2,2 миллион еуро;
  • 3. Марин Томасов ("Астана", Хорватия) - 2 миллион еуро;
Полузащитник футбольного клуба Астана Марин Томасов
© Sputnik / Абзал Калиев.
"Астана" футбол клубының жартылай қорғаушысы Марин Томасов
  • 4-5. Раде Дугалич ("Қайрат", Сербия) - 1,8 миллион еуро;
  • 4-5. Дмитрий Шомко ("Астана", Қазақстан) - 1,8 миллион еуро;
Казахстанский футболист, защитник  клуба Астана Дмитрий Шомко
© Sputnik / Абзал Калиев.
Қазақстандық футболшы, "Астана" клубының қорғаушысы Дмитрий Шомко
  • 6-8. Дорин Ротариу ("Астана", Румыния) - 1,7 миллион еуро;
  • 6-8. Пиерос Сотириу ("Астана", Кипр) - 1,7 миллион еуро;
  • 6-8. Дино Миканович ("Қайрат", Хорватия) - 1,7 миллион еуро;
  • 9-12. Стас Покатилов ("Кайрат", Қазақстан) - 1,5 миллион еуро;
Стас Покатилов
Стас Покатилов
  • 9-12. Роман Мұртазаев ("Тобыл", Қазақстан) - 1,5 миллион еуро;
  • 9-12. Нұрәлі Әліп ("Қайрат", Қазақстан) - 1,5 миллион еуро;
  • 9-12. Тигран Барсегян ("Астана", Армения) - 1,5 миллион еуро.

Еске сала кетейік, Томасов бірнеше ауысым бойы рейтингтің көшбасында тұрды, қазір оның трансферттік "құны" 3,8 миллионнан 2 миллионға дейін түсіп кеткен.

62
Архивтегі фото

Ғалымдар шілдеде коронавирустың неліктен күшейіп кеткенін анықтады

0
(Жаңартылды 20:00 24.09.2020)
Ғалымдар шілде айында ыстық және климаты ылғалды елдерде COVID-19 індетінің күшею себебін түсіндірді 

НҰР-СҰЛТАН, 24 қыркүйек – Sputnik. Ауадағы ылғалдың булану жылдамдығы – коронавирустың таралуына себеп болған негізгі жағдайлардың бірі. Инфекция әдісін модельдеген ғалымдар осындай қорытындыға келді, деп хабарлайды EurekAlert!.  

Америкалық Физика институтының мамандары теориялық модельдеу мен гидродинамикалық тәжірибелерді қолдана отырып, ылғалдылықтың, қоршаған ортаның температурасы мен желдің жылдамдығының құрамында вирус бөлшектері бар сілекейдің ең кішкентай тамшыларының таралуына әсерін зерттеген.

Оқи отырыңыз: ДДҰ коронавирусқа қарсы екінші қазақстандық вакцинаны тізімге енгізді 

Мамандар булану процесі жұқпалы бөлшектердің таралуы үшін шешуші фактор болатынын анықтады.

Сонымен қатар, температура жоғарылап, жылдам булану есебінен ылғалдылық төмендеген жағдайда вирустың өміршеңдігі  айтарлықтай төмендейтіні айқындалды. Ал ыстық ауа райында ылғалдылық жоғарыласа, коронавирустың таралу ықтималдығы арта түседі.  

"Біз жоғары температура мен ылғалдылықтың төмендеуі сілекей тамшыларының булану жылдамдығын жоғарылататынын анықтадық. Ал бұл вирустың өміршеңдігін айтарлықтай азайтады", – дейді зерттеу авторларының бірі Талиб Дбоук.

Ғалымдардың айтуынша, зерттеу нәтижесі пандемияның климаты ыстық әрі ылғалды және халық тығыз орналасқан қалаларда күшею себебін айқындауға көмектескен.

Зерттеу COVID-19 індетінің таралуын болдырмау үшін әлеуметтік қашықтық пен маска киюдің маңыздылығын қолдайтын жұмыстар тізіміне қосылды.

0
Кілт сөздер:
ғалымдар, коронавирус
Тақырып:
Коронавирус эпидемиясы
Тақырып бойынша
Ғалымдар коронавирусқа қарсы дәрінің өлімге әкеп соғатын қаупін анықтады
COVID-19: Ғалымдар антидене ағзада бір ай ғана болатынын анықтады
Ғалымдар коронавирусты өлтіретін ақуыз ойлап тапты
Ғалымдар табиғи антибиотик ойлап тапты
Коронавирусқа қарсы вакцина қанша теңге тұруы мүмкін