Геннадий Головкин

Сәпиевті жеңген боксшы Головкинмен жекпе-жек өткізетінін мәлімдеді

1140
Ал Головкиннің өзі поляк боксшысымен жекпе-жек өткізетіні туралы ештеңе айтқан жоқ. Оның промоутері жапондық боксшы Муратомен келіссөз жүргізіп жатқанын жеткізген еді

НҰР-СҰЛТАН, 11 қазан – Sputnik. Поляк боксшысы Камил Шеремета (21-0, 5 КО) келесі жекпе-жекте IBF және IBO титулдары бойынша әлем чемпионы Геннадий Головкинмен (40-1-1, 35 КО) кездесетінін мәлімдеді.

Польшаның TVP телеарнасына берген сұхбатында Шеремета қараша айында дайындыққа кірісетінін айтты. Бұған дейін АҚШ-тың бұқаралық ақпарат құралдары Головкин мен Шеремета арасындағы келісімнің дайын екенін хабарлаған болатын. Шереметаның промоутері Анджей Василевский де келіссөздердің аяқталғанын растады.

"Біз WhatsApp арқылы сөйлесіп жатырмыз. Дегенмен, сәл күте тұрайық, бәрін анықтап алу қажет. Негізі, келіссөздер, шынымен де, аяқталды. Келісім бар. Бірақ толығымен аяқталған жоқ. Ашығын айту керек, барлығы Головкинмен жұдырықтасқысы келеді. Біз, шынымен де, келістік. Бірақ бірнеше шарт бар. Сәл күте тұрайық, біз де осы жекпе-жектің болғанын қалаймыз", - дейді Василевский.

Ал Геннадий Головкиннің өзі поляк боксшысына қарсы шығатыны жайында ештеңе айтқан жоқ. Осыдан екі күн бұрын оның промоутері Том Леффлер жапондық боксшы Риото Муратомен (15-2, 12 КО) келіссөз жүргізіп жатқанын жеткізген.

Шереметаның жетістіктері қандай?

Өткен айда Камил Шеремета IBF рейтінгісінде үшінші орында тұрған. Осы жолы ол Головкин-Деревянченко жекпе-жегінің андеркартында мексикалық боксшы Оскар Кортесты (27-5, 14 КО) нокаутпен жеңді.

Қазан айында оның рейтингісі көтеріледі деген болжам бар. Сөйтіп, Шеремета IBF титулы бойынша басты үміткерлердің бірі болады. Өткен айда поляк боксшысы промоутер Эдди Хирнмен келісімшартқа отырды. Хирн Головкинмен де жұмыс істейді.

Кәсіби рингте Шеремета 21 жекпе-жек өткізіп, бірде-бір рет жеңілген жоқ. Бес қарсыласын нокаутпен ұтты. Ал әуесқой бокста 192 жекпе-жекте 22 рет жеңіліп, екі рет тең түскен. 2010 жылы Қазақстанның Олимпиада чемпионы Серік Сәпиевтен басым түскен болатын.

GGG-дің поляк боксшыларына қарсы жекпе-жектері 

Геннадий Головкин кәсіби рингте поляк боксшыларымен екі рет кездескен. 2006 жылы ол Германияда өткізген үшінші жекпе-жегінде поляк Даниэль Урбаньскийге қарсы жұдырықтасты. Үшінші раунда қарсыластың қабағы қатты жарылып кетті. Поляк боксшысы төртінші раундқа шыққан жоқ. Осылайша, GGG техникалық нокаутпен жеңіске жетті.

2012 жылы Головкин тағы бір поляк боксшысымен кездесті. Бұл оның Америкадағы алғашқы жекпе-жегі болды. GGG-ге қарсы Еуропа чемпионы Гжегож Прокса шықты. Геннадий өз қарсыласын бірінші раундта бірден нокдаунға түсірді. Төртінші раунда Прокса тағы бір нокдаун алып қалды. Ал бесінші раунда кезекті нокдауннан кейін рефери жекпе-жекті тоқтатуға мәжбүр болды.

1140
Кілт сөздер:
жекпе-жек, Серік Сәпиев, Геннадий Головкин
Тақырып бойынша
Зал шулап кетті: Головкин жекпе-жектен кейін мәлімдеме жасады
Серік Сәпиев жаңа қызметке тағайындалды
"Мұндайды алғаш рет көрдім": екі боксшы бір уақытта нокдаунға түсті - видео
Серік Сәпиев неліктен Головкиннің көмегінен бас тартқанын айтты   
Күтпеген жағдай болды: қазақстандық боксшы алғаш рет жеңіліс тапты – видео
Әлемге әйгілі боксшы қаза болды
Головкин мен Деревянченко жекпе-жектен кейін ауруханаға жеткізілді
Ауыр атлетикадан Қазақстан ұлттық құрамасының бас бапкері Бақыт Ахметов

Бақыт Ахметов ауыр атлетикадан ұлттық құраманың бас бапкері болды

53
(Жаңартылды 15:13 27.05.2020)
Ол бұған дейін ауыр атлетикадан олимпиадалық даярлау орталығында аға жаттықтырушы қызметін атқарған болатын

НҰР-СҰЛТАН, 27 мамыр – Sputnik. Ауыр атлетикадан Қазақстан ұлттық құрама командасының бас бапкері ауысты, деп хабарлады Olympic.kz.

Оқи отырыңыз: Спорттағы карьерасын аяқтаған Ильин қызметке тағайындалды 

Қазақстан ауыр атлетика федерациясы баспасөз қызметінің мәліметінше, ұлттық құраманы 2016 жылдан бері басқарып келген Юрий Мельниковтың орнына Бақыт Ахметов келді. Ол осыған дейін ауыр атлетикадан олимпиадалық даярлау орталығында аға жаттықтырушы қызметін атқарған.

Бақыт Ахметов туралы не білеміз?

Бақыт Ахметов 1979 жылы Шымкент қаласында туған. Азия чемпионы және қола жүлдегері (2004, 2007), Азия ойындарында алтын және қола жүлде (2002, 2006) жеңіп алған.

2009 жылдан бері жастар командасын баптаған білікті бапкердің шәкірттері Олимпиада ойындары мен әлем чемпионаты, құрлықтық біріншілік пен халықаралық додаларда ел намысын абыроймен қорғап жүр. Атап айтқанда, Жазира Жаппарқұл, Александр Зайчиков, Карина Горичева, Альберт Линдер және Игорь Сон сынды спортшыларды ұлттық құрама сапына қосқан.

53
Кілт сөздер:
бас бапкер, ауыр атлетика
Тақырып бойынша
Қазақстандық ауыр атлет әлем чемпионы атағынан айырылды  
Чиншанло Беларусь турнирінде қола медаль жеңіп алды  
Қазақстандық ауыр атлет халықаралық турнирде алтын медаль ұтты
Зілтемірші Майя Манеза істі болды
Ауыр атлетикадан олимпиадалық даярлау орталығының басшысы ұсталды – видео
Архивтегі фото

Бокстан Ресей құрамасы Қазақстанда оқу-жаттығу жиынын өткізеді

28
Ресей ерлер командасы келесі айдың соңында Қазақстан құрамасымен бірлесіп оқу-жаттығу жиынын өткізуді жоспарлап отыр

НҰР-СҰЛТАН, 26 мамыр – Sputnik. Ресейдің бокстан ерлер құрамасы маусымның соңы мен шілденің басында Қазақстанда оқу-жаттығу жиынын өткізеді.

"Біз Қазақстандағы оқу-жаттығу жиынына ұшуды жоспарлап отырмыз, онда біз Қазақстан, Өзбекстан және Украинаның боксшыларымен бірлескен оқу-жаттығу жиынын өткізгіміз келеді", - деді бокстан ерлер құрамасының бас бапкері Виктор Фархутдинов.

Оқи отырыңыз: Қазақстандық төрт боксшы Венгрияда өтіп жатқан турнирдің финалына шықты  

Сондай-ақ, жаттықтырушының айтуынша, жиын 22 маусым мен 5 шілде аралығында өтеді. Жаттығудың соңғы бес күні жоғарыда аталған қарсыластармен ұрыс жаттығуы түрінде өтеді.

"Одан әрі 3-12 тамызда Сочиде оқу-жаттығу жиынын өткізіп, арнайы жұмыс жүргіземіз. Біз оған Қазақстан, Өзбекстан, Украина, Куба, Франция құрамаларын шақырғымыз келеді", - деп өз жоспарын жариялады Фархутдинов.

Естеріңізге сала кетейік, бұған дейін Қазақстан бокс федерациясының ресми сайтында ұлттық құраманың карантиннен кейінгі алғашқы оқу-жаттығу жиынын өткізу жоспарлағаны туралы жазылған болатын – ол мамырдың соңында басталуы керек.

28
Кілт сөздер:
оқу-жаттығулар, бокс
Тақырып бойынша
Спортшылар мен жаттықтырушылар онлайн сабақ өткізеді
2019 жылғы Қазақстанның ең үздік спортшысы әскер қатарына алынды
Карьерасын аяқтаған танымал қазақстандық спортшылар қазір қайда жүр?
Қазақстандық боксшылар Азия чемпионатында 6 алтын медаль жеңіп алды
Белгілі спорт қайраткері өмірден озды
Мысық балық жеп жатыр

Коронавирус Уханьдағы базардан тараған жоқ Қытай ғалымдары

0
Сарапшылар Қытайда коронавирус жұқтырған алғашқы он үш адамның базарға еш қатысы жоқ екенін дәлелдеді

НҰР-СҰЛТАН, 31 мамыр – Sputnik. Коронавирус ең алғаш Уханьдағы базардан тараған жоқ. Бұл туралы Қытайдың ауруларды бақылау және алдын алу орталығының ғалымдары мәлімдеді.

Мамандар Ухань базарындағы өнімдерден COVID-19 табылмағанын айтты.  Ғалымдар инфекция адамға жарқанаттан жұқты деген болжамды растап, вирус теңіз өнімдері базарында болған науқастан тарала бастады деген пайымға келді.

Алайда сарапшылар вирус алғашқы адамға базарда емес, басқа жерде жұқты деп отыр.

Ғалымдар Қытайда ең алғаш тіркелген 13 адамның Уханьдағы базарға еш қатысы жоқ екенін дәлелдеді, деп жазады The Sun.

0
Кілт сөздер:
Қытай, коронавирус
Тақырып:
Коронавирус эпидемиясы