Бокс рингі

Карьерасын аяқтаған танымал қазақстандық спортшылар қазір қайда жүр?

1613
(Жаңартылды 19:35 30.10.2019)
Олимп шыңын бағындырып, кәсіби спорттағы карьерасын аяқтаған танымал қазақстандық спортшылар туралы Sputnik Қазақстан материалынан оқыңыз

Владимир Смирнов

Тәуелсіз Қазақстан тарихындағы бірінші Олимпиада чемпионы.

1994 жылы Норвегияның Лиллехаммер қаласында өткен дүбірлі дода 50 шақырымға созылған шаңғы марафонында жеңіске жетіп, алтын медальге ие болды. Шаңғы тебуден 4 дүркін әлем чемпионы.

1998 жылғы қысқы Нагано Олимпиадасында қола медальді олжалады. Ал 1999 жылы қысқы Азия ойындарында 2 алтын мен күміс медальді еншіледі. Спортшы 35 жасында кәсіби мансабын аяқтап, халықаралық олимпиада комитетінің мүшесі атанды.

Кейін Владимир Смирнов жеке кәсіппен шұғылданды. 2014 жылы қазақстандық Kcell компаниясының тұрақты даму жөніндегі комитетінің төрағасы, директорлар кеңесінің мүшесі болды. Kcell Скандинавиядағы ірі телекоммуникациялық TeliaCompany холдингінің құрамына кіреді.

Қазақстандық танымал шаңғышы 1991 жылдан бері Швецияда тұрады. Бұл елдің азаматтығын алған. Үйленген, екі баласы бар.

"Балқаш жолбарысы"

Василий Жиров Тәуелсіз Қазақстанның бірінші жазғы Олимпиада чемпионы (1996, Атланта, 71 келіге дейін), Вэл Баркер кубогінің иегері. Бұл кубокты қазақстандық боксшыға табыстаған кезде залда аты аңызға айналған спортшы Мұхаммед Әли оған қомешет көрсеткен. Сондай-ақ, халық арасында "Балқаш жолбарысы" атанған ол кәсіби бокста бірінші қазақстандық боксшы ретінде әлем чемпионы атанды.

Тағы оқыңыз: Василий Жиров Головкинмен не үшін араласпайтынын айтты

4 жылда бір рет өтетін дүбірлі додада жеңімпаз атанған соң, бағын кәсіби бокста сынап көруді жөн санайды. 1997 жылы кәсіби бокста алғаш рет рингке шығады. 1999 жылы ол бірінші жоғары салмақта (91 келіге дейін) IBF нұсқасы бойынша әлем чемпионы атанады.

2003 жылы сәуірде спортшы ұпай саны бойынша америкалық Джеймс Тониға жеңіліп, әлем чемпионы титулынан айырылды.

Кейін қазақстандық боксшы супер ауыр салмаққа ауысқанымен одан еш нәтиже шыққан жоқ. 2009 жылдың қазанында Василий Жиров спорттағы карьерасын аяқтады.

Бүгінде аты аңызға айналған қазақстандық спортшы АҚШ-тың Аризона штатындағы Феникс қаласында тұрады. АҚШ азаматтығын алған. Ажырасқан, 2 баласы бар.

Сидней Олимпиадасының чемпионы

Ермахан Ибраимов Сидней Олимпиадасының чемпионы (71 келіге дейін), ҚР еңбек сіңірген спорт шебері, ҚР еңбек сіңірген жаттықтырушысы, халықаралық дәрежедегі спорт шебері.

Боксер Ермахан Ибраимов
© Sputnik / Айгюзель Кадир
Ермахан Ибраимов үйленген, 10 бала тәрбиелеп отыр

2002-2004 жылдары бокстан Қазақстан құрама командасының бас бапкері, 2004-2007 жылдары ҚР бокс федерациясының вице-президенті қызметін атқарды. 2007 жылдан бокстан республикалық Олимпиадаға даярлау орталығының директоры. Үйленген, 10 баланың әкесі.

Бахтияр Артаев

Бокстан Афины Олимпиадасының жеңімпазы (69 келіге дейін), Вэл Баркер кубогының иегері, 7 дүркін Қазақстан чемпионы. 2008 жылы Пекинде өткен Олимпиадада бұрынғы жетістігін қайталай алған жоқ. Ол дүбірлі доданың ширек финалында ұлыбританиялық Джеймс Ди Гейлден (8:3) жеңіліп қалды.

Спортты карьерасын аяқтаған соң, 2009 жылы ол Жамбыл облысы Жамбыл ауданы Айшабибі ауылдық округінің әкімі, қараша айында Жамбыл облысы туризм, дене шынықтыру және спорт басқармасының басшысы қызметіне тағайындалды.

Бахтияр Артаев на Олимпиаде-2004 в Афинах
Бахтияр Артаев рингте, Олимпиада-2004, Афина қаласы

2011 жылы Жамбыл облысы әкімі аппараты басшысының орынбасары, 2012 жылы 24 желтоқсанда "Астана" президенттік кәсіби спорт клубының президенті болды.

2014-2016 жылдары Лондонда білім алды. 2016 жылы "Тарлан батырлары" компаниясының директоры қызметін атқарды. Компания Қазақстанда спорттық кешен салумен айналасады.

2018 жылдың ақпанынан "Astana Arlans" кәсіпқой бокс клубының директоры болды. Үйленген, 4 баласы бар.

Бақыт Сәрсекбаев

2008 жылғы Пекин Олимпиадасының (69 келіге дейін) чемпионы, Азия ойындарының жеңімпазы (2006).

2009 жылы Қазақстанның бокс федерациясында тер төкті. Кейін "Astana Arlans" кәсіпқой бокс клубында бағын сынап көргенімен, жолы болмады.

Алайда қазақстандық БАҚ-та 2014 және 2015 жылдары боксшының есімі жиі аталды. Алдымен ол жаттықтырушысы әрі ағасымен сыйға берген пәтері үшін соттасты. Кейін Бақыт Сәрсекбаев әйелімен ажырасып, пәтерін және көлігін бөлісе алмай, бұрынғы сүйіктісін сотқа берді. Бүгінде боксшы жеке кәсіпкер. Ажырасқан, үш баласы бар.

Серік Сәпиев

Бокстан Лондон Олимпиадасының чемпионы (69 келіге дейін), Вэл Баркер кубогының иегері, екі дүркін әлем чемпионы (2005, 2007). Қазақстандық танымал боксшы 2012 жылы спорттағы жолын аяқтады.

Премьера фильма Томирис
© Sputnik / Владислав Воднев
Серік Сәпиев 2012 жылы спорттағы карьерасын аяқтады

"Болашақ" бағдарламасы бойынша Ұлыбританиядағы Брунель университетінде білімін шыңдады. "Astana Arlans" кәсіби бокс клубының бас директоры қызметін атқарды (2014-2017).

2017 жылдың 28 ақпанынан 2019 жылдың 30 қаңтарына дейін ҚР парламенті мәжілісінің депутаты болды.

Қазіргі таңда Серік Сәпиев ҚР мәдениет және спорт министрлігі спорт және дене шынықтыру істері комитетін басқарады. Үйленген, 3 баласы бар.

Әділбек Ниязымбетов

Олимпиаданың екі дүркін күміс жүлдегері (81 келіге дейін), әлем және Азия чемпионы, ҚР еңбек сіңірген спорт шебері, Қазақстанның құрметті азаматы.

2018 жылдың қазанында Әділбек Ниязымбетов денсаулығына байланысты қолғабын шегеге ілді. Қазір ол Нұр-Сұлтан қаласында Олимпиадаға даярлау орталығында методист болып еңбек етеді.

"Жұмысқа тұруға Серік Сәпиев пен Бахтияр Артаев көмектесті. Менің жұмысым қағазбен байланысты. Өзім мұндай жұмысқа жақын емеспін. Бірақ жұмыс болған соң, оны да істеп үйрену керек", - деді спортшы сұқбаттарының бірінде. Бойдақ.

Ольга Шишигина

2000 жылы Австралияда өткен Синдей Олимпиадасында 100 метрге кедергілермен жүгіру сайысында Қазақстанның намысын қорғап, дүбірлі додада алтыннан алқа тағынған. Ол 2001 жылы спорттағы мансабын аяқтады.

Ұзақ жылдары бойы жаттықтырушы және оқытушы қызметтерін атқарды. 2013 жылғы 22 қаңтарынан осы уақытқа дейін ҚР парламенті мәжілісінің депутаты, "Нұр Отан" партиясының мүшесі. Тұрмысқа шыққан, ұлы бар.

Юрий Мельниченко

Грек-рим күресінен Олимпиада чемпионы (1996, 57 келіге дейін), әлем чемпионы, 3 дүркін Азия чемпионы, Азия ойындарының чемпионы, Қазақстаннның жеті дүркін чемпионы, балуан.

Спорттық жолын аяқтаған соң, 2000 жылы грек-рим күресінен Қазақстан ұлттық құрамасын жаттықтырды. Кейін ҚР күрес қауымдастығы мен федерация вице-президенті, күрес түрлері бойынша олимпиадалық даярлау орталығының директоры, "Астана" президенттік кәсіби спорт клубында басшылық қызметтерін атқарды. Үйленген, 2 баланың әкесі.

Александр Винокуров

Лондон Олимпиадасының чемпионы, қазақстандық танымал велошабандоз.

2012 жылғы Ұлыбритания астанасында өткен дүбірлі додадан соң, спорттағы кәсіби карьерасын аяқтады. Кейін "Астана" велокомандасының спорттық директоры болды.

2013 жылдан осы уақытқа дейін бұл команданың бас менеджері қызметін атқарады.

2014 жылдың маусымында Александр Винокуров Алматыда Vino брендімен шығарылататын велосипедтердің таныстырылымын өткізді.

Қазақстандық спортшы екі кітаптың авторы, киноға да түскен. Үйленген, 3 баласы бар. Қазір Францияда тұрады.

Кәсіби карьерасын аяқтаса да, Винокуров спорттан алыстаған жоқ. Ол жақында АҚШ-та өткен Ironman әлем чемпионатында 45-49 жас аралығында жеңімпаз атанды.

1613
Кілт сөздер:
қазақстандықтар, спорт, карьера
Тақырып бойынша
Өткен жылы карьерасын аяқтаған қазақстандық танымал 10 спортшы
Сәпиевті жеңген боксшы Головкинмен жекпе-жек өткізетінін мәлімдеді
Бекзат Саттарханов туралы көркем фильмнің тұсаукесері өтті
Ермахан Ибрайымов: Головкин енді еш уақытта Альвареспен кездеспеу керек
"Қорықсаң, шаршы алаңға шығып керегі не?" Данияр Елеусінов туралы қызықты деректер
Боксшы қолғабы

Қазақстандық боксшы қарсыласын жойқын соққымен нокаутқа түсірді - видео

1113
(Жаңартылды 11:30 05.08.2020)
2017 жылдан бері кәсіби бокста өнер көрсетіп жүрген спортшы осы уақытқа дейін 14 жекпе-жек өткізіп, барлығында жеңіске жетті

НҰР-СҰЛТАН, 5 тамыз – Sputnik. Беларусь астанасы Минск қаласында өткен бокс кешінде қазақстандық боксшы Жан Кособуцкий қарсыласын нокаутпен жеңді, деп хабарлайды Sputnik Қазақстан тілшісі.

Аса ауыр салмақтағы жекпе-жекте Кособуцкий поляк боксшысы Камила Соколовскимен жұдырықтасты. Он раундқа созылған кездесуде қазақстандық спортшының басымдығы анық байқалды. Бесінші раундта қазақстандық Соколовскиді нокдаунға жіберді. Ал оныншы раундта тағы сұлап түсті. Бірақ бұл жолы аяққа тұра алмады.  

Осылайша, 31 жастағы Жан Кособуцкий кезекті жекпе-жегін нокаутпен аяқтады. 2017 жылдан бері кәсіби бокста өнер көрсетіп жүрген спортшы осы уақытқа дейін 14 жекпе-жек өткізіп, барлығында жеңіске жетті. Соның ішінде 13 жекпе-жекті нокаутпен аяқтады. Бұған дейін Кособуцкий ганалық Абрахам Табулды уақытынан бұрын жеңген болатын. 

 

1113
Кілт сөздер:
видео, нокаут, қазақстандық боксшы
Тақырып бойынша
"Суық хабар жетті": үш қазақстандық балуан жол апатынан қаза болды
Жеңілмеген қазақстандық боксшы журналистің бетіне су шашып жіберді – видео
Видео жарияланды – өзбек боксшы қазақстандықты нокдаунға жіберді
Бірде-бір рет жеңілмеген қазақстандық боксшы желіде видео жариялады
Атырау облысында болашағынан үміт күттірген үш боксшы қаза болды  
Архивтегі фото

Павлодар әкімдігі жаңа футбол клубының тек қағаз жүзінде бар екенін хабарлады

59
(Жаңартылды 18:58 03.08.2020)
Облыс әкімдігі жаңа футбол клубының құрылғаны туралы ақпаратқа түсінік беріп, қазір Павлодар футболының "Ақсу" ФК-ға баса назар аударып отырғанын атап өтті  

АЛМАТЫ, 3 тамыз – Sputnik. Павлодар облысының туризм және спортты дамыту басқармасы басшысының міндетін атқарушы Нұрлан Есембаев өңірде футболды дамыту жоспары туралы хабарлады. Оның айтуынша, өткен аптада әлеуметтік желіде талқыланған жаңа "Павлодар" футбол клубы тек қағаз жүзінде ғана бар. Қазір басты назар "Ақсу" футбол клубын дамытуға аударылып отыр.

Оның айтуынша, павлодарлық "Ертіс" ФК төңірегінде туындаған мәселелерден кейін Павлодар футболын дамытудың бірнеше нұсқасы қарастырылды, оның ішінде "Павлодар" футбол клубын құру да бар.

Алайда белгілі футболшылар Талғат Байсуфинов пен Юрий Ишутин өз жоспарын ұсынған, онымен облыс басшылығы келісті. Қос футболшының жоспарына сәйкес, "Ақсу" ФК-ның алдына келесі жылы екінші лигадан бірінші лигаға өту міндеті қойылды. Сонымен қатар легионерлер клубқа қабылданбайды, жергілікті кадрларға басымдық беріледі.

Оқи отырыңыз: "Астана" командасы "Манчестер Юнайтедті" жеңді – фото 

Қазірдің өзінде "Ақсу" ФК бюджеті белгілі болды. Футбол клубына 45 миллион теңге, сонымен қатар балалар футболын дамытуға қосымша 15 миллион бөлінді. Ойыншылардың жалақысы 60 мың теңгеден басталады, үздік футболшылар 300 мың теңгеге дейін жалақы алады.

"Ертістің" тағдыры не болады?   

"Ертіс"ФК-ға келетін болсақ, оны ешкім банкротқа ұшыратпайды, деп мәлімдеді спикер. Клуб орнында тұрады, егер оны дамыту үшін демеушілік қаражат болса, қайта іске қосылады. Алайда қазір басты міндет – клубтың қарызын өтеу. Әзірге клубтың барлық шоты бұғатқа алынған, сол себепті оның жұмысы туралы сөз қозғалмайды. Облыс басшылығы демеуші іздеп жатыр, алайда әзірге мақтанатындай жаңалық жоқ.

Сонымен қатар Нұрлан Есембаев "Ертіс" ФК-ның қомақты қарызы бойынша тергеу жалғасып жатқанын растады. Журналистердің сұрағына ол Павлодар облысының туризм және спортты дамыту басқармасының бұрынғы басшысы Марат Айдашевтың жұмыстан босатылуы "Ертіс" футбол клубының мүшкіл халіне еш қатысы жоқ екенін мәлімдеді.

"Оның атқармаған бірқатар міндеті болды, сондықтан жұмыстан кету туралы өтініш жазды", -деді спикер.

59
Кілт сөздер:
Павлодар облысы, футбол
WhatsApp мессенджері

Жеке бас араздығы үшін желіде жалған ақпарат таратқан әйел анықталды

0
(Жаңартылды 19:34 05.08.2020)
Полицейлердің айтуынша, өзара араздасқан тараптар медиация тәсілі арқылы татуласуға келіскен

АЛМАТЫ, 5 тамыз – Sputnik. Солтүстік Қазақстан облысының Мамлют ауданында әйел WhatsApp желісінде танысының фотосын жариялап, оның маньяк екенін айтқан. Polisia.kz порталының хабарлауынша, 27 жастағы тұрғын фотодағы азаматпен араздасып қалған соң, осындай әрекетке барған.

Автор желіде жариялаған фотосының жанына: "Сақ болыңыздар! Мамлют қаласындағы жұмысшы кентінде маньяк пайда болды. Кешкісін құрбандарын іздейді. 30 шілдеде ол жас қыздың соңынан жүгірді, қуанышқа қарай бойжеткен қашып үлгерді. Бұрын қылмыстық жауапкершілікке тартылған" деп жазып, хабарламаны мессенждерлерде таратқан.

Аудандық полиция бөлімінің қызметкерлері жалған ақпарат таратушыны мониторинг жүргізу арқылы тапты.

"Тәртіп сақшылары аудан орталығының 27 жастағы тұрғынын анықтады. Ол өзінің танысымен арада туындаған кикілжіңге байланысты жалған ақпарат таратқанын мойындады", - делінген ақпаратта.

3 тамызда Әкімшілік құқық бұзушылық туралы кодекстің 73-3-бабының 2-бөлігі "жала жабу" бойынша әкімшілік сот отырысы өтті. Медиация нәтижесінде жәбірленуші шағымдардан бас тартып, жерлесімен татуласуға келісті.

"Егер бұл жерде медиация тәсілі қолданылмағанда тәртіп бұзушыға 180 айлық есептік көрсеткішке дейін айыппұл салу (500 040 теңге) немесе 20 тәулікке әкімшілік қамауға алу түріндегі жауапкершілік жүктелетін еді. Заңда жеке тұлғаларға жала жапқаны үшін, яғни басқа адамның ар-намысы мен қадір-қасиетіне, беделіне нұқсан келтіретін көрінеу жалған ақпарат таратқаны үшін дәл осындай жаза қарастырылған", - деді Мамлют аудандық полиция бөлімінің бастығы Серік Әлжанов.

0