Геннадий Головкин

"Мәселе тек жасында емес": Головкиннің денсаулығы алаңдаушылық тудырды

1134
Спорт журналисінің пікірінше, Геннадий Головкин жаттығуға көбірек мән беру керек. Себебі, ол соққыны жиі жіберетін болған

НҰР-СҰЛТАН, 14 қазан – Sputnik. FightNights.com сайтының журналисі Райан О’Хара орта салмақтағы IBF тұжырымы бойынша әлем чемпионы Геннадий Головкиннің денсаулығына алаңдаушылық білдірді, деп хабарлады Sports.kz.

Америкалық журналистің пікірінше, Головкиннің жасы келіп қалғандықтан, биіктіктегі жаттығу оның физикалық жағдайына кері әсерін тигізуі мүмкін.

Биыл қазақстандық спортшы Абель Санчеспен келісімшартын бұзып, Джонатон Бэнкспен жаттыға бастады. Алайда ол жаттығу орнын өзгертпей, бұрынғыдай Калифорния штатындағы Биг Бэар залында дайындалып жүр.

Тағы оқыңыз: Головкиннің жанкүйерлерінен не жасырғаны белгілі болды

"37 жастағы Головкин үшін жас шамасы жалғыз мәселе емес. GGG Калифорния штатындағы Биг Бэар залында жаттығады. Онда спортшылар биіктікте жаттығу үшін барады. Егер оның жасын ескерсек, қауіп-қатер бар.  Мысалы, бұлшықет массасының жойылуы және қызыл қан түйіршіктері деңгейінің жоғарылауы қанның қоюлануына әкеледі, ал ол жүрекке түсетін салмақты арттырады", - дейді Райан О’Хара.

Оның айтуынша, Абель Санчестен кеткеннен кейін Головкиннің жылдамдығы баяулап, нәтижелі соққы жасай алмай жүр.  

"Оның қорғанысы ешқашан мықты болмаған. Дегенмен таза соққыларды жиі жіберетін болды. Тіпті, Стив Роллс сынды қарсыластарынан соққы алды", - деп түйіндеді журналист.

1134
Кілт сөздер:
кәсіпқой бокс, Головкин
Тақырып бойынша
Головкин промоутерімен кездесті: негізгі мақсат жария етілді
"Өте жақсы дамыған": Макгрегор Қазақстан туралы сұраққа жауап берді
"Аузын жаптым": Альварес GGG-мен үшінші жекпе-жек жайлы әңгімеге нүкте қойды  
Канело Ковалевтен тартып алған белбеуінен бас тартады
Головкин мен "Канелоның" үшінші жекпе-жегі: DAZN кездесудің уақытын таңдады  
Архивтегі фото

Қазақстан ескекшілері "Үлкен Мәскеу регатасына" қатысады

26
Ресей ескек есу федерациясы Қазақстан спортшыларының қандай талаптарды орындауы тиіс екенін хабарлады

НҰР-СҰЛТАН, 5 тамыз – Sputnik. Қазақстан спортшылары "Үлкен Мәскеу регатасы-2020" сайысына қатысатынын растады. Ресей ескек есу федерациясының президенті Алексей Свирин Sputnik Қазақстанға ұлттық құраманың ескекшілері өз елінде коронавирусқа тест тапсыратынын айтты.

Жарыс 7-9 тамыз аралығында Крылатское есу каналында өтеді. Үлкен Мәскеу регатасына ресейліктерден бөлек, Қазақстан, Молдова және Беларусь спортшылары қатысады.

"Біз барлық талапты жібердік, жарысқа қатысатындар оны орындауы тиіс. Олар өз елінде тест тапсырады", - деп мәлімдеді Свирин.

Ол шетелдік құрамалардың мүшелері тест тапсырғаннан кейін көп ұзамай Мәскеуге жететініне сенім білдірді.

"Бұл туралы ешқандай сұрақ туындамайды. Барлық құрама Есу каналында, бір жерде тұрады", - деп атап өтті Свирин.  

Сайыстар кезінде ұйымдастырушылар спортшылар мен делегация мүшелерінің денсаулығына күнделікті мониторинг жүргізіп, дене қызуын өлшеп тұрады. Егер күдік болса, шара қолданады.

26
Боксшы қолғабы

Қазақстандық боксшы қарсыласын жойқын соққымен нокаутқа түсірді - видео

2248
(Жаңартылды 11:30 05.08.2020)
2017 жылдан бері кәсіби бокста өнер көрсетіп жүрген спортшы осы уақытқа дейін 14 жекпе-жек өткізіп, барлығында жеңіске жетті

НҰР-СҰЛТАН, 5 тамыз – Sputnik. Беларусь астанасы Минск қаласында өткен бокс кешінде қазақстандық боксшы Жан Кособуцкий қарсыласын нокаутпен жеңді, деп хабарлайды Sputnik Қазақстан тілшісі.

Аса ауыр салмақтағы жекпе-жекте Кособуцкий поляк боксшысы Камила Соколовскимен жұдырықтасты. Он раундқа созылған кездесуде қазақстандық спортшының басымдығы анық байқалды. Бесінші раундта қазақстандық Соколовскиді нокдаунға жіберді. Ал оныншы раундта тағы сұлап түсті. Бірақ бұл жолы аяққа тұра алмады.  

Осылайша, 31 жастағы Жан Кособуцкий кезекті жекпе-жегін нокаутпен аяқтады. 2017 жылдан бері кәсіби бокста өнер көрсетіп жүрген спортшы осы уақытқа дейін 14 жекпе-жек өткізіп, барлығында жеңіске жетті. Соның ішінде 13 жекпе-жекті нокаутпен аяқтады. Бұған дейін Кособуцкий ганалық Абрахам Табулды уақытынан бұрын жеңген болатын. 

 

2248
Кілт сөздер:
видео, нокаут, қазақстандық боксшы
Тақырып бойынша
"Суық хабар жетті": үш қазақстандық балуан жол апатынан қаза болды
Жеңілмеген қазақстандық боксшы журналистің бетіне су шашып жіберді – видео
Видео жарияланды – өзбек боксшы қазақстандықты нокдаунға жіберді
Бірде-бір рет жеңілмеген қазақстандық боксшы желіде видео жариялады
Атырау облысында болашағынан үміт күттірген үш боксшы қаза болды  
Кене

Дәрігер Қытайда анықталған жаңа вирус қаупіне қатысты пікір білдірді

0
Қытайда анықталған SFTS вирусын 60-тан астам адам жұқтырып, оның жетеуі қайтыс болды

НҰР-СҰЛТАН, 9 тамыз – Sputnik. Дәрігер-вирусолог Евгения Тарасова "Вечерная Москва" басылымына берген сұхбатында тромбоцитопениялық синдроммен байланысты безгектің таралу ықтималдығын болжады, деп хабарлайды Sputnik Қазақстан.

Бұған дейін Қытайда SFTS вирусын 60-тан астам адам жұқтырып, оның жетеуі қайтыс болғаны хабарлаған.

Оқи отырыңыз: Адам өміріне аса қауіпті: кене шаққанда не істеу керек?

Аталған инфекцияның қоздырғышы кене болып табылады. Ал адамдар арасында қан немесе шырышты қабық арқылы жұғады.

Ауру белгісі ретінде науқаста жөтел пайда болып, қызба және лейкоциттер мен тромбоциттер деңгейінің төмендеуі байқалады.

"Инфекция ошақтары бір ғана елдің ішінде болғандықтан, бұл вирустың таралуы екіталай", – деп түсіндірді Тарасова.

Виролог қолданыстағы карантиндік шаралар мен шекаралардың жабық болуы инфекцияның Қытай аумағынан тыс жерге таралу ықтималдығын төмендетеді, деп атап өтті.

0
Кілт сөздер:
Қытай, вирус
Тақырып бойынша
WhatsApp-тан хабарлама ұрлайтын жаңа вирус анықталды
Ғалымдар коронавирусты емдейтін жаңа қондырғы ойлап тапты
Қытайда тағы бір жаңа вирус шықты
Қытайда соңы өлімге әкелетін жаңа вирус тарала бастады
Оңтүстік Қазақстанда кене шаққан әйел мен бала көз жұмды