Қазақ күресінен әлем чемпионы атанған Дастан Ықыбаев

Қазақ балуаны әлем чемпионы атанды

759
Қазақ күресінен әлем біріншілігінің жалпы жүлде қоры 70 мың долларды құрады. Ақша жеңімпаздар мен жүлдегерлер арасында бөлінеді

НҰР-СҰЛТАН, 20 желтоқсан – Sputnik. Қазақ күресінен VIII әлем чемпионаты өз мәресіне жетті, деп хабарлайды Sputnik Қазақстан тілшісі.

Елордадағы "Дәулет" спорт кешенінде қазақ күресінен өткен VIII әлем біріншілігіне 28 елден 300-ге жуық спортшы қатысты.

Чемпионат мира по Қазақ күрес
© Sputnik / Абзал Калиев.
Қазақ күресінен әлем чемпионатының соңғы күні

Бүгін қыздар 70, 75, 75+ келі салмақ бойынша күш сынасса, ерлер 90, 100, 100+ келі салмақта өзара мықтыны анықтады. Бұл күні қазақтың балуан қыздары тек жүлделі орындардан көрінді. Ал ерлер құрамасында 90 келі салмақта сынға түскен Дастан Ықыбаев қарсылас шақ келтірмей, қазақ күресінен әлем чемпионы атанды. Ал 100 келіден жоғары салмақта қазақтың намысын қорғаған Талғат Әмренов қола жүлдені қанағат тұтты.

Кімдер жеңіске жетті

Қыздар арасында:

70 келі 

  • 1-орын Батцэцэг Цогт-Очир (Моңғолия)
  • 2-орын Гедутите Ренальда (Литва)
  • 3-орын Алтынай Хаби (Қазақстан)

75 келі 

  • 1-орын Нино Одзелашвили (Грузия)
  • 2-орын Туба Уна (Сербия)
  • 3-орын Перизат Жақыпбекова (Қазақстан)

75 келіден жоғары

  • 1-орын Елена Кебадзе (Грузия)
  • 2-орын Нямху Нямтуа (Моңғолия)
  • 3-орын Нагира Сарбашова (Қырғызстан)

Ерлер арасында:

90 келі 

  • 1-орын Дастан Ықыбаев (Қазақстан)
  • 2-орын Торнике Жугели (Грузия)
  • 3-орын Нұрислам Ыдырысов (Қырғызстан)

100 келі 

  • 1-орын Тілек Құралов (Қырғызстан)
  • 2-орын Георгий Кобаидзе (Грузия)
  • 3-орын Мансалмаа Мунхчулуун (Моңғолия)

100 келіден жоғары

  • 1-орын Дорж Анар (Моңғолия)
  • 2-орын Давити Размадзе (Грузия)
  • 3-орын Талғат Әмренов (Қазақстан)

Айта кетейік, елордадағы "Дәулет" спорт кешенінде қазақ күресінен өткен VIII әлем чемпионатында 28 елден 300-ге жуық спортшы қатысты. Жарыстың жалпы жүлдеқоры – 75 мың доллар, бұл шамамен 28 миллион теңге.

Чемпионат мира по Қазақ күрес
© Sputnik / Абзал Калиев.
Қазақ күресінен әлем чемпионаты

Кеше де ерлер мен қыздар үш-үш салмақ дәрежесінде өзара мықтыны анықтады. Алайда бұл күні тек 60 келіде белдескен қазақ балуаны Архат Қайырбеков алтыннан алқа тақты. Отандасымыз моңғолиялық балуаннан айласын асырып, әлем чемпионы атанды.

Әлем біріншілігі UWW ресми өкілдері мен халықаралық дәрежедегі төрешілерінің қатысуымен өтті.

Қазақ күресінен VIII әлем чемпионатын біріккен күрес әлемі, Нұр-Сұлтан қаласының әкімдігі, дүниежүзілік қазақ күресі федерациясы ұйымдастырды.

759
Кілт сөздер:
қазақстандық балуан, жеңімпаздар, әлем чемпионаты, қазақ күресі
Тақырып бойынша
Дәурен Абаев спорт саласына басшылық қызметке келді
Архивтегі фото

Қазақстан ескекшілері "Үлкен Мәскеу регатасына" қатысады

16
Ресей ескек есу федерациясы Қазақстан спортшыларының қандай талаптарды орындауы тиіс екенін хабарлады

НҰР-СҰЛТАН, 5 тамыз – Sputnik. Қазақстан спортшылары "Үлкен Мәскеу регатасы-2020" сайысына қатысатынын растады. Ресей ескек есу федерациясының президенті Алексей Свирин Sputnik Қазақстанға ұлттық құраманың ескекшілері өз елінде коронавирусқа тест тапсыратынын айтты.

Жарыс 7-9 тамыз аралығында Крылатское есу каналында өтеді. Үлкен Мәскеу регатасына ресейліктерден бөлек, Қазақстан, Молдова және Беларусь спортшылары қатысады.

"Біз барлық талапты жібердік, жарысқа қатысатындар оны орындауы тиіс. Олар өз елінде тест тапсырады", - деп мәлімдеді Свирин.

Ол шетелдік құрамалардың мүшелері тест тапсырғаннан кейін көп ұзамай Мәскеуге жететініне сенім білдірді.

"Бұл туралы ешқандай сұрақ туындамайды. Барлық құрама Есу каналында, бір жерде тұрады", - деп атап өтті Свирин.  

Сайыстар кезінде ұйымдастырушылар спортшылар мен делегация мүшелерінің денсаулығына күнделікті мониторинг жүргізіп, дене қызуын өлшеп тұрады. Егер күдік болса, шара қолданады.

16
Боксшы қолғабы

Қазақстандық боксшы қарсыласын жойқын соққымен нокаутқа түсірді - видео

1500
(Жаңартылды 11:30 05.08.2020)
2017 жылдан бері кәсіби бокста өнер көрсетіп жүрген спортшы осы уақытқа дейін 14 жекпе-жек өткізіп, барлығында жеңіске жетті

НҰР-СҰЛТАН, 5 тамыз – Sputnik. Беларусь астанасы Минск қаласында өткен бокс кешінде қазақстандық боксшы Жан Кособуцкий қарсыласын нокаутпен жеңді, деп хабарлайды Sputnik Қазақстан тілшісі.

Аса ауыр салмақтағы жекпе-жекте Кособуцкий поляк боксшысы Камила Соколовскимен жұдырықтасты. Он раундқа созылған кездесуде қазақстандық спортшының басымдығы анық байқалды. Бесінші раундта қазақстандық Соколовскиді нокдаунға жіберді. Ал оныншы раундта тағы сұлап түсті. Бірақ бұл жолы аяққа тұра алмады.  

Осылайша, 31 жастағы Жан Кособуцкий кезекті жекпе-жегін нокаутпен аяқтады. 2017 жылдан бері кәсіби бокста өнер көрсетіп жүрген спортшы осы уақытқа дейін 14 жекпе-жек өткізіп, барлығында жеңіске жетті. Соның ішінде 13 жекпе-жекті нокаутпен аяқтады. Бұған дейін Кособуцкий ганалық Абрахам Табулды уақытынан бұрын жеңген болатын. 

 

1500
Кілт сөздер:
видео, нокаут, қазақстандық боксшы
Тақырып бойынша
"Суық хабар жетті": үш қазақстандық балуан жол апатынан қаза болды
Жеңілмеген қазақстандық боксшы журналистің бетіне су шашып жіберді – видео
Видео жарияланды – өзбек боксшы қазақстандықты нокдаунға жіберді
Бірде-бір рет жеңілмеген қазақстандық боксшы желіде видео жариялады
Атырау облысында болашағынан үміт күттірген үш боксшы қаза болды  
Архивтегі фото

Ордабасы ауданында коронавирус жұқтырған соңғы науқас жазылып шықты

0
Ауданда коронавирус инфекциясын жұқтырған 158 науқас тіркелген. Оның екеуі қайтыс болды. Қалғаны ауруханадан шыққан

НҰР-СҰЛТАН, 5 тамыз – Sputnik. Түркістан облысында Ордабасы аудандық орталық ауруханасының коронавирус инфекциясын жұқтырғандарға арналған инфекциялық бөлімі қазір бос тұр. Мұнда емделген соңғы науқас ауруынан толық сауығып шыққан.

"Парламент мәжілісінің депутаты Нұржан Әлтаев бастаған республикалық "Қоғамдық бақылау" өкілдері аудандық ауруханада болып, жағымды жаңалыққа куә болды", - деп хабарлады облыс әкімінің баспасөз қызметі.

Ордабасы аудандық орталық ауруханасы 120 мың халыққа қызмет көрсетеді. Ауданда коронавирус инфекциясын жұқтырған 158 науқас тіркелген. Оның ішінде 2 азамат қайтыс болды. Емделушілер толық жазылып шыққан. Пневмония ауруы да азайып, провизорлық госпитальдың төсек-орын саны 40 орынға қысқарған. Қазір аталған індетпен 21 науқас ем қабылдап жатыр.

Оқи отырыңыз: Мамин коронавирус пандемиясының жаңа толқыны туралы айтты 

Аудандық аурухана 9 жасанды тыныс алдыру аппараты және 70-тен астам оттегімен қамту жабдығымен қамтамасыз етілген. Жеке оттегі жеткізу орталығы орнатылған. Дәрі-дәрмек қоры жеткілікті. Бір ай бұрын құрылған 17 мобильді топ мыңға жуық науқасқа үйлеріне барып, ем көрсеткен.

"Қоғамдық бақылау" өкілдері аурухананың инфекциялық және провизорлық бөлімдерін аралап, жедел-жәрдем көлігімен және зертхана жағдайымен танысып шықты.  

0
Кілт сөздер:
Ордабасы ауданы, коронавирус
Тақырып:
Коронавирус эпидемиясы
Тақырып бойынша
Маска тақпағандарға 79 мың теңге айыппұл салынады
Қазақстанда коронавирустан қанша адам қайтыс болғаны айтылды
Билік коронавирустан қайтыс болғандардың нақты санын жасырып отыр ма?
Денсаулық сақтау министрі бетперде тағуға қатысты соңғы өзгерісті жариялады
Ақорда бірнеше қылмыстық істің қозғалғаны туралы ақпарат таратты