Селфи, олимпиада

"Оңай емес": танымал қазақстандық спортшылар Олимпиадаға қатысты пікір білдірді 

138
Sputnik Қазақстан тілшісі танымал спортшыларымызға хабарласып, төтенше жағдай кезінде бос уақытты қалай өткізіп жатқанын білді. Токио Олимпидасын кейінге қалдыруға қатысты пікірлерін де жазып алды

НҰР-СҰЛТАН, 27 наурыз – Sputnik. Әлемде коронавирустың кеңінен таралуына байланысты көптеген шараларды өткізуге тыйым салынды. Ал Токио Олимпиадасын бір жылға шегеруге тура келді. Дегенмен, осы додаға жолдама алған қазақстандық спортшылар дайындықты үй жағдайында жалғастырып жатыр. 

Спортшыға үйде отыру оңай емес  

Рио Олимпиадасының күміс жүлдегері, дзюдошы Елдос Сметов өз жолдамасын рейтингпен алып отыр. Спортшы жарыстарға жиі барып үйренген. Енді, сақтық шараларына байланысты үйде отырған оңай емес. 

"Біз үйде көп отырмаймыз ғой. Шетелге жиі шығамыз, оқу-жаттығуларға қатысамыз. Сөйтіп, көп жүріп, ары-бері шығып үйренгеннен кейін қиындау болып жатыр. Ең бастысы, осы індеттен аман-есен құтылсақ, бәрі дұрыс болады деп ойлаймын. Дегенмен, жаттығуларды үйде де жасауға болады. Мысалы, мен мүмкіндігінше барлық жаттығуларды орындауға тырысамын. Форманы сақтау керек. Арасында кітап оқимын, әке-шешемізбен көбірек әңгімелесеміз", - дейді Сметов.

Беслан Мудранов (Россия) и Елдос Сметов (Казахстан) в финальном поединке соревнований по дзюдо в весовой категории до 60 кг на XXXI летних Олимпийских играх, архивное фото
РИА Новости
Сметов осы індеттен аман-есен құтылсақ, бәрі дұрыс болады деп ойлайтынын айтты

Спортшы Токио Олимпиадасын бір жылға шегеруге қатысты өз ойын да білдірді.   

"Бұның бәрі жай нәрсе емес қой. Қауіпті індет кеңінен таралып кетті. Содан бүкіл әлем бір шешімге келді. Сондықтан біз ол шешіммен келісеміз. Құдай қаласа, Токио Олимпиадасы 2021 жылы өтеме ме, басқа бір шешім бола ма, біз әрқашан дайын болуымыз керек. Негізі, "соңғы Олимпиадам" деп дайындалып жатқан спортшыларға қиын болуы мүмкін. Мысалы, 30-31 жастағы спортшылар бар. Мен өзім 27 жастамын. Құдай қаласа, келесі жылы 28-ге келсем, бабымда боламын", - дейді Сметов. 

"Амал жоқ..."

32-ден асқан боксшы Василий Левиттің көңіл-күйі жоқ сияқты. Телефон арқылы жауап берген спортшы Олимпиаданың кейінге шегерілуіне қатысты пікір білдіруден бас тартты. Алайда өз шешімінің себебін түсіндірді. 

"Меніңше, қазір коронавирус пен Олимпиада туралы ақпарат тым көп. Бүкіл жерде сол ғана. Мен бірдеңе айтсам, ақпарат тағы көбейіп кетеді. Сондықтан ештеңе айтпай-ақ қояйын. Мен өзім үйдемін. Жаттығуларымды жасап жүрмін. Амал жоқ, тағы бір жыл күтеміз. Сол...", - деді Левит.

Ал 1980 жылдағы Мәскеу Олимпиадасының чемпионы Жақсылық Үшкемпіров отандық спортшыларға мойымауға кеңес беріп отыр. Себебі бір жылдан кейін де жоғары нәтиже көрсетуге болады. 

Жаксылык Ушкемпиров (в центре)
© Sputnik / Юрий Сомов
Жеңімпаздарды марапаттау, Жақсылық Үшкемпіров, XXII жазғы Олимпиада ойындары, ЦСКА спорт сарайы, 25.07.1980

"Біздің кезімізде Олимпиаданы кейінге шегеру болмаған. Енді, қазіргі жағдай қиын қой. Қайтеміз, көнбеске шара бар ма? Оған ешкім қарсы тұра алмайды. Дегенмен, мойымау керек. Мысалы, мен 29 жасымда Олимпиада чемпионы болдым. Ал бір жылдан кейін әлем чемпионы атандым. Сондықтан дайындық болса, бір жылдан кейін де жоғары нәтижеге жетуге болады", - деп атап көрсетті Үшкемпіров.

"Тәжірибе жинауға мүмкіндік бар"

Боксшы қыздардың ішінде әзірше 19 жастағы Надежда Рябец қана жолдама алып үлгерді. Спортшы бір жылдың ішінде тағы тәжірибе жинақтай аламын деп отыр. 

"Шынымды айтсам, бас кезінде көңілім түсіп кетті. Дегенмен, артынан осы шешімнің де оң тұстары бар деген байламға келдім. Мысалы, мен бір жылдың ішінде тағы тәжірибе жинақтап, өмірімдегі басты спорт додасына үлкен дайындықпен бара аламын. Оған дейін коронавирус та тоқтайды деп сенеміз. Олимпиадаға көрермен де көп жиналады", - дейді Рябец.     

Қазіргі кезде боксшы қыз Қостанайда өз үйінде жүр. Ал дайындық шараларын далада өткізеді.

"Қостанайда коронавирус тіркелмеген. Дегенмен, спорт залдары жабық. Сондықтан біз далада жаттығу жасап жүрміз. Үйде демаламыз, ұйықтаймыз. Ертесінде тағы жаттығуға кірісеміз", - деп атап көрсетті Рябец.

138
Тақырып:
Коронавирус эпидемиясы (846)
Тақырып бойынша
Карьерасын аяқтаған танымал қазақстандық спортшылар қазір қайда жүр?
Зал шулап кетті: Левит төрешілердің шешіміне аң-таң болды – видео
"Егер оған адам шыдаса...": Елдос Сметов өміріндегі қиындықтар жайлы айтып берді
Олимпиада чемпионы Жақсылық Үшкемпіров туралы не білеміз?
Боксшы жекпе-жекте қарсыласын емес, төрешіні нокаутқа түсірді - видео
Әділбек Ниязымбетов

Әділбек Ниязымбетов қазір немен айналысып жүргенін айтты

1317
(Жаңартылды 16:25 22.05.2020)
Ниязымбетов Токио Олимпиадасында 81 келі салмақта сайысқа түсетін Бекзат Нұрдәулетовке сенім білдірді

АЛМАТЫ, 22 мамыр – Sputnik, Айгерім Таубай. Қазақстанның еңбек сіңірген спорт шебері, "Құрмет" орденінің иегері, Олимпиада ойындарының жүлдегері Әділбек Ниязымбетов қазір Олимпиадалық дайындық орталығында әдіскер болып жұмыс істейді. Ол жас спортшылардың құжаты мен билетіне жауап береді. Спортшы Sputnik Қазақстан тілшісіне карантин кезінде немен айналысқанын, қолғабын шегеге ілгеннен кейін өмірінде қандай жаңалық болғанын және Токио Олимпиадасы жайлы ойын айтты.

"2019 жылдың қыркүйегінен бастап астанада Олимпиадаға дайындау орталығында методист болып қызмет етемін. Карантин кезінде елордада болдым. Үйде кітап оқып, үй шаруасына көмектестім. Үйдің шаруасы ешқашан бітпейді. Көктем кезінде аула тазалаудан бастап, гүл отырғызып, ағаш ектік. Уақыт осылай өтіп кетті",- деді Ниязымбетов.

Айтуынша, Олимпиада орталығында құжаттармен жұмыс істейді. Жас спортшыларды жарысқа жіберер кезде құжаттарын жинап, жол жүру билеттеріне дейін түгендеп отырады.

"Кезінде өзіміз спортшы ретінде жарыстарға барған болсақ, қазір қағаз жағына жауап беремін, әдіскермін. Ол бапкердің көмекшісі деген сөз. Жас спортшыларды сайыстарға жіберетін кезде құжаттарын, жол жүру билеттерін, неше күнге баратынын реттеймін. Оның алдында жинақтау жұмыстары жүргізіледі, ол жерде қандай құжат қажет екенін реттеп, соған жауап беремін", - дейді ол.

Спорт алаңынан кабинеттегі жұмысқа ауысу процесінің қалай жүргенін сұрадық. Ниязымбетов әр істің өз қиындығы бар екенін алға тартты.

"Ештеңе оңай келмейді. Спорт болсын, спорттан тыс жұмыстың да өз қиындығы бар. Қиындыққа төзу керек. Үйренісу қажет. Менде де дәл солай", - деді спортшы.

2018 жылы спорттан кеткен соң бапкер болудан бас тартқан Ниязымбетов әлі күнге дейін ол ойынан айнымағанын жеткізді.

"Жас кезімнен бастап бапкер болуды армандаған жоқпын. Әлі де болғым келмейді. Қазір өзімнің жұмысым бар. Ал бапкер болу үлкен жауапкершілік, өз балаңды қалай тәрбиелесең, алдыңа келген жас жеткіншекке де дәл солай қамқорлық жасап, өз балаңның жетістікке жеткенін қалай қаласаң, дәл солай жанкүйері болуың қажет. Ал бұл көпшілік ойлағандай оңай жұмыс емес, жауапкершілігі де жоғары",- деді ол.

Оқи отырыңыз: Карьерасын аяқтаған танымал қазақстандық спортшылар қазір қайда жүр?

Бала күнінен футболды жақсы көретін спортшы қазақ футболына көңілі толмайтынын жеткізді.

"Қазір де футбол ойнаймын. Ал қазақ футболына көңілім толмайды. Біздің мықты-мықты футбол ойнайтын жақсы спортшыларымыз бар, оларды құрамаға алмайды. Жоғарыда отырған бапкерлер алғысы келмейтін сияқты. Бұрынғыға қарағанда енді дамып, жақсы ойнап келе жатыр. Ішінде қазақ жігіттердің аз болғаны намысқа тиеді", - деді ол.

Сол футболды маған берсе өзім ақ көтерер едім, деп әзілдеді спортшы.

Ал бокс саласында аяқтан тарту, мүмкіндігің, кәсібилігің жетіп тұрса, сайысқа жібермеу, аренаға шығармау деген жоқ, дейді ол.

Айтуынша, бір спортты жақсы меңгерген адам басқа саланы да жетік меңгере алады.  

"Спортшы қай спорт түрімен айналысқанына қарамастан, сол саланың қиындығын, дайындығын көреді. Үлкен аренаға шыққан адамдар қай спорт болса да алып кете алды. Футболға қатты берілемін, бірақ бір құраманың қатарына қосылып, сол салаға ауысамын деп айта алмаймын", - деді Ниязымбетов.

Токио Олимпиадасы 2021 жылға кейінге қалдырылды, дей тұрғанмен спортшылар дайындығын тоқтатпай, өз қалпын сақтап қалатынына сенім білдірді.

"Токиода біздің спортшылардың біршама табысқа жететініне сенемін. Ал өзім алаңға шыққан 81 келі салмақта Олимпиадада сайысқа түсетін Бекзат Нұрдәулетов есімді спортшыны ерекше атай аламын. Жас та болса бокста үлкен жетістікке жетіп жүр, қанжығасына Олимпиаданың алтынын байласа деген тілегім бар", - деді ол.

Посмотреть эту публикацию в Instagram

Публикация от Adilbek Niyazymbetov (@niyazymbetovadilbek)

Спортшының әлеуметтік желісіне шолу жасап, ол жақтан елорда әкімі Алтай Көлгіновтің, мәдениет және спорт министрі Ақтоты Райымқұловамен бірге түскен фотоларын байқадық. Спортшы бұл әрекетінің лауазымды қызметке орналасу үшін жасалып жатпағанын айтты.

Посмотреть эту публикацию в Instagram

Публикация от Adilbek Niyazymbetov (@niyazymbetovadilbek)

"Жоғары жақтан бізге тапсырма келеді. Болып, өтіп жатқан іс-шараларға жібереді. Ол фотолар сондай шаралар кезінде түсірілген. Жалпы ұсыныс түсіп жатса, басшылық қызметке неге бармасқа?! Алайда бұл жағымпазданып, "мені көтерсінші" деген ойдан туып отырған жоқ. Тек жұмыс соны талап еткен соң жасалып жатыр", - деп түсіндірді ол.

2019 жылдың күзінде Әділбек Ниязымбетов "Екі жұлдыз" ән байқауына қатысқан болатын. Айтуынша, бұл сайысқа да басшылықтың тапсырмасымен қатысқан, алайда сахнада ән салу өзіне ұнағанын жеткізді.

"Спортта жүрген кезде бізге мұндай шараларға қатысуға рұқсат жоқ, өзіміздің де уақытымыз болмайды. Дауысым болмаса да, сахнаға шықтым. Маған ұнады. Ал сахнаға шығып ән айту мен алаңға шығудың арасы жер мен көктей", - деп түйіндеді сөзін спортшы.

1317
Кілт сөздер:
Токиодағы Олимпиада, Әділбек Ниязымбетов
Тақырып бойынша
"Оның бәрі - сатқындық" Әділбек Ниязымбетов кімді кешіре алмайтынын айтты
Қазақстандық төрт боксшы Венгрияда өтіп жатқан турнирдің финалына шықты
2019 жылғы Қазақстанның ең үздік спортшысы әскер қатарына алынды
Қазақстандық боксшылар Азия чемпионатында 6 алтын медаль жеңіп алды
Өткен жылы карьерасын аяқтаған қазақстандық танымал 10 спортшы
Нұрдәулетовтен жеңілген Хулио Ла Крус күтпеген мәлімдеме жасады
Геннадий Головкин

Головкиннің келесі қарсыласының есімі ресми түрде жария етілді

1312
Өткен жылы Головкин мексикалық Сауль Альвареспен үшінші рет жұдырықтасқысы келетінін айтқан. Алайда бұл жекпе-жек ұйымдастырылмады  

НҰР-СҰЛТАН, 20 мамыр – Sputnik. DAZN платформасы ресми түрде қазақстандық боксшы Геннадий Головкиннің келесі қарсыласының есімін атады.  

Matchroom Boxing промоутері және DAZN платформасының менеджері Эдди Хирн поляк боксшысы Камил Шеремета (21-0, 5 КО) қазақстандық Геннадий Головкинмен (40-1-1, 35 КО) жекпе-жек өткізу туралы келісімшартқа отырғанын мәлімдеді, деп хабарлайды Prosports.kz.

Оқи отырыңыз: Головкин "Канеломен" қыркүйекте жекпе-жек өткізуден бас тартты

"Өткен жылы Madison Square Garden-дағы Стив Роллсқа қарсы жекпе-жектен кейін Головкин Альвареспен жұдырықтасқысы келетінін айтқан. Алайда бұл жекпе-жек ұйымдастырылмады. Содан кейін Головкин мен DAZN алдымен Сергей Деревянченкомен жұдырықтасып, содан кейін Камил Шереметаға қарсы белбеуді қорғауды жоспарлап қойды. Бұл жекпе-жектің екеуіне де қол қойылды. Шеремета Головкинмен жекпе-жек өткізу туралы қол қойылған келісімшартты алды", - деді Хирн.

Головкин мен Альварес арасындағы үшінші жекпе-жек жыл соңында өтуі керекдеп түйіндеді ол.

1312
Кілт сөздер:
кәсіпқой бокс, Геннадий Головкин
Тақырып бойынша
"Канело" Головкинмен үшінші жекпе-жегіне қатысты мәлімдеме жасады
Головкин жарақат алып қалды
Эдди Хирн Головкиннің келесі жекпе-жегі Қазақстанда өтуі мүмкін екенін мәлімдеді
Головкинді әлем чемпионы жекпе-жекке шақырды
Майк Тайсон бокс тарихындағы ең ұлы боксшыны атады
Архивтегі фото

Ресейлік танымал актриса коронавирус жұқтырды

0
Алена Бабенко әлеуметтік желіде COVID-19 індетін жұқтырғанын және денсаулығының нашарлағанын хабарлады

НҰР-СҰЛТАН, 24 мамыр – Sputnik. Ресейдің еңбек сіңірген әртісі Алена Бабенко коронавирус диагнозымен  ауруханаға жатқызылды. Бұл туралы актриса өзінің Instagram парақшасында хабарлады.

Посмотреть эту публикацию в Instagram

Публикация от Алена Бабенко (@alena_babenko_official)

Алена Бабенко сырқат екенін сезген бойда "Танцы со звездами" шоуынан кетіп, өзін оқшаулағанын атап өтті.

"Мен өз денсаулығыма ғана емес, достарым мен әріптестерімнің денсаулығына да жауаптымын. Өкінішке қарай, бұл әлгі коронавирус болып шықты", - деді актриса.   

Бабенко аурудың дене қызуының көтерілуі, әлсіздік секілді белгілерін байқаған. Қазір ол ауруханада емделіп жатыр, жағдайы біршама жақсарған.

Ресейлік актриса Алена Бабенко кинода, театрда және телехикаяларда ойнайды. Актриса ондаған рөлді сомдаған. 2013 жылы ол режиссер Ермек Аманшаев пен Георгий Шенгелияның "Параллель әлемдер" Қазақстан-Ресей мелодрамасында ойнады.

24 мамырдағы мәлімет бойынша Ресейде COVID-19 індетін жұқтырған 344 481 адам тіркелді.

0
Кілт сөздер:
актриса, коронавирус
Тақырып бойынша
"Басқаша түсініп қалды": Нұрлан Еспанов коронавирус туралы айтқан сөзін түсіндірді
Әйгілі Голливуд актері әйелі екеуі коронавирус жұқтырғанын мәлімдеді
Коронавирус індеті: COVID-19 жұқтырған танымал адамдар - фото
Танымал қазақстандық әнші төтенше жағдайға байланысты әскерге шақырылды – видео