Жақсылық Үшкемпіров

"Он мың қазақ отырғандай көрінді": Үшкемпіров ең тартысты жекпе-жегі туралы айтты

726
(Жаңартылды 15:15 22.07.2020)
Sputnik Қазақстан 1980 жылы Мәскеуде өткен жазғы Олимпиаданың қырық жылдық мерейтойына орайластырылған материалдар топтамасын жариялауды жалғастырады

АЛМАТЫ, 23 шілде– Sputnik, Ербол Қайыров, Айгерім Таубай. Оқырман қауымға Олимпиада ойындарындағы тұңғыш қазақ чемпион және өз отанының мақтанышына айналған грек-рим күресінен Олимпиада чемпионы, еліміздің атақты спортшысы Жақсылық Үшкемпіров туралы қызықты деректерді ұсынамыз.

Мәскеуге сапар

Спортшыны құрама сапынан екінші рет алып тастағысы келгендер болған. Үшкемпіров Мәскеуде  өнер көрсетпеуі де мүмкін еді. Жақсылық Әмірәліұлы 1976 жылы Монреальда өткен Олимпиада алдында дәл осындай жағдаймен бетпе-бет келген болатын. Сол кезде басымдық Алексей Шумаковқа берілді. Шумаков жаттықтырушылары мен функционерлерін ұятқа қалдырмай, Олимпиада чемпионы атанды.

Жаксылык Ушкемпиров
© Photo : из личного архива Жаксылыка Ушкемпирова
Спортшыны құрама сапынан екінші рет алып тастағысы келгендер болған

Дәл осындай әділетсіздік Жақсылық Үшкемпіровтің бір жыл бұрын КСРО чемпионатының чемпионы болғанына, оны айқын басымдықпен жеңгеніне қарамастан, екінші рет қайталануы мүмкін еді. Олимпиада құрамасын жаңарту барысында бапкерлер кеңесінің таңдауы жас Темо Казарашвилиге түседі. Сол кезде әділетсіздік Үшкемпіровтің тәлімгері, КСРО-ның еңбек сіңірген жаттықтырушысы Вадим Псарев пен КСРО спорт комитеті төрағасының орынбасары Анатолий Колесовтың арқасында жүзеге аспады.

Жоғары лауазымды шенеунік Жақсылық Үшкемпіров Олимпиадада жеңіліс тапса, қызметінен кететінін мәлімдеді. Жерлесінің мүддесін республиканың басшысы болып тұрған Дінмұхамед Қонаевтың өзі қолдағаны да айтылып жүр. Алайда бұл әңгіменің шын-өтірігі белгісіз. Ал Үшкемпіров алғашқы және соңғы Олимпиадасына абыроймен барып келді.

"Он мың қазақ отырғандай көрінді"

- Таңертең 8-ден 9-ға дейін салмақ өлшеді. Осыдан кейін жеребе тартып, маған 13-ші нөмір – сол кездегі әлем және Еуропа чемпионы, жеңілмеген румындық балуан Константин Александр түсті, - деді Жақсылық Әміралыұлы Мәскеудегі күндерін еске алып Sputnik Қазақстан тілшісімен әңгімелесу кезінде.

- Барлығы оның жеңіске деген құштарлығын білді, қоржынында тек Олимпиада чемпионы медалі ғана жоқ еді. Шын мәнінде мен үшін Олимпиадағы бірінші жекпе-жек тартысты болды. Команда бойынша жаттықтырушылармен серіктестер мені барынша қолдап, Александрды жеңе алатынымды айтты. Сол кезде еңсемді көтеріп, өзіме сендім. 

Жаксылык Ушкемпиров
© Photo : из личного архива Жаксылыка Ушкемпирова
"Еңсемді көтеріп, өзіме сендім"

Айтуынша, ол аренада халықтың қолдауын сезініп, содан шабыт алған.

- Жаттығудан кейін залға шығып, мінберге көз салдым, адам лық толы екен. Маған ол жерде он мың қазақ отырғандай көрінді, -деп жалғастырды әңгімесін Жақсылық Әмірәліұлы. - Гонг естілді, біз күресуге кірістік. Бірінші секундтан-ақ бар күш-жігерімді осы айқасқа салып, қарсыласымды бапкерім Вадим Псарев үйреткен "ілмек" әдісін қолданып ұстауға тырыстым. Осы әдіспен оны ұстау қолымнан келді. Александрдың оқиғаның осылай өрбуіне дайын болмағаны анық байқалды. Мен оны 6:2 есебімен ұттым. Сол жекпе-жек мен үшін Олимпиададағы ең қиын күрес болды.

Қымыздың қасиеті

- Сол жекпе-жектен кейін маған министрлер кеңесінің төрағасы Бәйкен Әшімов келіп, қиын жекпе-жектен кейін қолдау көрсетті. Ол не қажет екенін сұрады, мен бір кесе қымыздан бас тартпайтынымды жеткіздім. Ол күліп, көмекшілерін сусын алып келуге жіберді, - деп еске алды балуан.

Александрды жеңгеннен кейін Жақсылық Үшкемпіровтің айы оңынан туды. Сол күні кешке поляк Роман Кирпачпен алаңға шықты. Үшкемпіровтің ол спортшымен өз есебі болған көрінеді, ол Еуропа чемпионатында қазақстандық спортшыдан басым түсіп, финалда жеңіп кеткен. Үшкемпіров алдыңғы сәтсіздіктің орнын толтыру үшін барын салды. Нәтижесінде 13:10 есебімен жеңіске жетті. Есептің өзі жекпе-жектің тартысты болғанын көрсетіп тұр.

Жаксылык Ушкемпиров
© Photo : из личного архива Жаксылыкаа Ушкемпирова
"Олимпиадада жеңімпаз атануға бұдан басқа мүмкіндік болмайтынын сездім"

- Финалға жетер жолда Олимпиадада жеңімпаз атануға бұдан басқа мүмкіндік болмайтынын сездім. Сол жылы мен 29 жасқа толдым. Уақыттың зымырап өтіп жатқанын, менің де есейіп жатқанымды түсіндім. Сол себепті әр жекпе-жекте соңғы рет алаңға шыққан адамдай күрестім, - дейді Жақсылық Әмірәліұлы.

Үшкемпіровтің келесі қарсыласы мажарлық Ференц Шереш болды. Ол тартыста қазақ чемпион 17:6 есебімен жеңіске жетті. Олимпиада чемпионының айтуынша, ол осы жекпе-жектен кейін үйге алтын медальмен оралатынына еш күмәнданбаған.

Қарсыласына мүмкіндік бермеді

Көптен күткен финалға да жетті. Үшкемпіровтің қарсыласы – оған жақсы таныс болгар Павел Христов. Үшкемпіров олимпиада алдындағы жарыстарда жеңіп жүрген.

- Болгар бапкерлері оның бұл жолы да мені жеңе алмайтынын түсінді. Сол себепті менен Христовты ұпай бойынша жеңуімді сұрады, осылайша оның жүлделі орынға ие болатынын айтты. Нәтижесінде мен оны 7:1 есебімен жеңіп, Олимпиада чемпионы атандым, - деп аяқтады әңгімесін Үшкемпіров.

Бір жылдан кейін Жақсылық Үшкемпіров Ослода әлем чемпионы атанды. Соның арқасында КСРО құрамасы жалпыкомандалық ұпай бойынша бірінші орынға ие болды. Даңқ шыңында спортшы мансабын аяқтаймын деп шешеді. Спортшының есімі қазақ және әлем спортында мәңгіге алтын әріппен жазылып қалды.

Жақсылық Әмірәліұлы – Олимпиада тұғырына көтерілген алғашқы қазақ. Табанды жігіт жеңіске қажырлы еңбегінің арқасында жеткенін дәлелдеп, шенеуніктердің шиеленісіне қарамастан, чемпионның жолы қандай болатынын көрсетті.

 

726
Тақырып бойынша
Қырық жыл бұрын Жақсылық Үшкемпіров Олимпиада алтынын қалай жеңіп алды
Олимпиада чемпионы Жақсылық Үшкемпіров туралы не білеміз?
Батагөйлер арасында чемпион атанған ақсақал бата берудегі басты кемшілікті атады
"Мәңгі сақталады" Аяқ-қолынан айырылған чемпион Назарбаевқа арманын жеткізді
Чемпион атанған Ибрагим Ескендір Бекболат Тілеуxанға алғыс айтты – видео
Зілтемір

400 килограмдық зілтемірді көтермек болған спортшы екі аяғын сындырды видео

989
(Жаңартылды 14:39 13.08.2020)
Спортшы алдағы екі ай бойы ешбір қозғалыссыз жатып, содан кейін жүруді қайта үйренетінін айтады

НҰР-СҰЛТАН, 13 тамыз – Sputnik. Ресейлік спортшы Александр Седых Мәскеуде өткен Дүниежүзілік пауэрлифтинг федерациясының Еуропа чемпионатында өнер көрсетіп жатып, қос тізесін бірдей жарақаттап алды, деп хабарлайды Lad Bible.

Спортшы зілтемірді иығына қойып отырып-тұру тапсырмасын орындау керек болған. Қалақшаларымен қоса есептегенде зілтемірдің салмағы 400 келіні құрады. Бастапқы кезде Седых тепе-теңдікті сақтап, өзіне ыңғайлы кезде сәтті отырды.

Алайда, орнынан тұрып жатқанда, спортшының қос тізесі салмақты көтеруде шыдас бермеді. 

Жан дауысы шығып, алға ұмтыла құлаған атлетке дәрігерлер бірден көмекке келді.

Кейіннен ауруханаға жеткізілген спортшыға қос тізесінің буыны тайып, аяқ бұлшық етінің екі тұсы жарылған деп диагноз қойылған.

Алты сағатқа созылған операциядан кейін Седых өзіне тағайындалған емдеу процесі туралы айтты.

"Енді екі ай бойы ешбір қозғалыссыз жатып, содан кейін қайта жүруді үйренетін боламын", – деді ол.

Ауыр атлет мансабын қайта жалғастыра ма, ол жағы әлі белгісіз.

989
Кілт сөздер:
зілтемірші, спортшы
Тақырып бойынша
Ауруханаға түсіп қалған Илья Ильин видео жариялады
"Қазасы қабырғама батты": президент желіде жазба жариялады
Спорттағы карьерасын аяқтаған Ильин қандай қызметке тағайындалды
Атыраулық чемпионның өліміне қатысты тың дерек шықты
Бекман Сойлыбаев: Ломаченкомен жұдырықтасатын күн алыс емес
Архивтегі фото

Қазақстан ескекшілері "Үлкен Мәскеу регатасына" қатысады

34
Ресей ескек есу федерациясы Қазақстан спортшыларының қандай талаптарды орындауы тиіс екенін хабарлады

НҰР-СҰЛТАН, 5 тамыз – Sputnik. Қазақстан спортшылары "Үлкен Мәскеу регатасы-2020" сайысына қатысатынын растады. Ресей ескек есу федерациясының президенті Алексей Свирин Sputnik Қазақстанға ұлттық құраманың ескекшілері өз елінде коронавирусқа тест тапсыратынын айтты.

Жарыс 7-9 тамыз аралығында Крылатское есу каналында өтеді. Үлкен Мәскеу регатасына ресейліктерден бөлек, Қазақстан, Молдова және Беларусь спортшылары қатысады.

"Біз барлық талапты жібердік, жарысқа қатысатындар оны орындауы тиіс. Олар өз елінде тест тапсырады", - деп мәлімдеді Свирин.

Ол шетелдік құрамалардың мүшелері тест тапсырғаннан кейін көп ұзамай Мәскеуге жететініне сенім білдірді.

"Бұл туралы ешқандай сұрақ туындамайды. Барлық құрама Есу каналында, бір жерде тұрады", - деп атап өтті Свирин.  

Сайыстар кезінде ұйымдастырушылар спортшылар мен делегация мүшелерінің денсаулығына күнделікті мониторинг жүргізіп, дене қызуын өлшеп тұрады. Егер күдік болса, шара қолданады.

34
Архивтегі фото

Қостанайда жас қызға анайы ұсыныс жасаған ер адам іздестіріліп жатыр

0
(Жаңартылды 15:10 13.08.2020)
Қостанайлық ерлі-зайыпты бейтаныс ер адамның қызға жақындап барып, онымен сөйлесіп тұрғанын байқаған

АЛМАТЫ, 13 тамыз – Sputnik. Қостанайда полиция жас қызға тиіскен белгісіз ер адамды іздеп жатыр. Қала тұрғындары WhatsApp арқылы күдіктінің фотосын таратып, сақ болуды сұрады, деп хабарлады өңірлік "Алау" басылымы.

Басылымның хабарлауынша, қостанайлық ерлі-зайыпты бейтаныс ер адамның қызға жақындап барып, онымен сөйлесіп тұрғанын байқаған.   

"Оқиға қаланың дәл орталығында болды. Шамамен 13 жастағы қызбен сөйлескен ер адамды байқап қалдық. Сырт көзге әдеттегі жағдай сияқты көрінді, алайда әйелім бұл жерде шикілік бар екенін байқады. Жанына жақын барып тоқтадық, ер адамның қызға сұлу екенін айтып, өзін сүюін сұрағанын естідік. Мен бірден қыздың жанына барып, ер адам жайлы сұрадым. Қыз оны танымайтынын айтты. Сосын оны бірден қуып жібердім, - дейді оқиға куәгері болған ер адам.

Қостанай облысының полиция департаменті қазіргі уақытта барлық жеке құрам осы ер адамды іздестіріп жатқанын хабарлады.

"Полиция бұл адамды тауып, оқиғаның мән-жайын анықтау үшін шаралар қабылдап жатыр. Бағдар полиция жасағына жіберілді", - деп хабарлады Қостанай облысы полиция департаментінің баспасөз қызметі.

Оқи отырыңыз: Оралда оқушының соңынан үйге кірген қаскөй күтпеген жағдайға тап болды - видео

Құқық қорғаушылар облыс орталығының тұрғындарынан осындай оқиғаның куәгері болып жатса, бірден 102 нөміріне хабарласуын сұрады. 

0
Кілт сөздер:
педофил, Қостанай
Тақырып бойынша
Әкесі 13 жасар қызына тиіскен ер адамды жұрттың көзінше піштірді
Атырауда балаға қол жүгірткен ер адам ұсталды – видео
Алматы облысында қыз балаға қол жүгірткен жігіт табылды
Екібастұздағы лифтіде педофил қаршадай қызды зорламақ болды
Аялдамада қызға тиіскен жігіт ажал құшты