28 желтоқсан - күнтізбе

Бүгін әлемде және Қазақстанда қандай мереке: 28 желтоқсан

202
Бұл Григориан күнтізбесіндегі 362-ші күн, жыл соңына дейін 3 күн қалды

28 желтоқсанда не болғанын білесіз бе?

Бұл күннің несімен есте қалғанын дерекқорынан оқыңыз.

28 желтоқсанда қандай қызықты оқиға болды

Бүгін  — Халықаралық кино күні. Статистикаға сүйенсек, әрбір адам бірнеше күннің ішінде кемінде бір фильм көреді, ал жарты ғасырда 18 мыңға жуық кинотуындыны тамашалайды, ал бұл 27 мың сағатқа тең. 1895 жылдың 28 желтоқсаны тарихқа енді, бұл күні Париждегі "Гранд-кафеде" ағайынды Люмьерлердің арқасында "Пошта пойызының келуі" деген алғашқы кинокартина көрерменге жол тартты. 

Испанияда бүгін аңқаулардың күні аталып өтеді. Бұл күні қорықпай туған-туысқандарыңды, достарыңды алдап, таныс адамдарыңмен әзілдесуге болады. Бұл мерекенің классикалық әзілдері бар, мәселен, қағаздан қиып алынған адамның "мониготе" (испанша monigote — құбыжық) мүсінін біреудің арқасына жапсырып қояды. Бұдан бөлек, испаниялық жігіттер ыдыстағы қанттың орнына тұз салады, сағаттың тілін кейінге шегеріп қояды немесе бүкіл отбасы жұмысқа кешігіп қалуы үшін оятқышты сөндіріп тастайды. Испания тұрғындары, сондай-ақ, қарызға ақша алғанды ұнатады, себебі бұл күні алған берешекті қайтармауға болады деп есептеледі. 

28 желтоқсанда әлемде болған тарихи оқиғалар

1869 жылы сағыз патенттелді;

1895 жылы Парижде тұңғыш кинокөрсетілім өтті;

2014 жылы Яван теңізінде Indonesia AirAsia әуе компаниясының Airbus A320 ұшағы апатқа ұшырап, 162 адам қаза тапты. 

28 желтоқстанда Қазақстанда болған тарихи оқиғалар

1934 жылы Солтүстік Қазақстан облыстық қазақ драма театры ашылды. Бүгінде Павлодар облыстық музыкалық-драма театрына Жүсіпбек Аймауытовтың есімі берілген;

1972 жылы "Медеу" мұз айдыны пайдалануға берілді; 

1992 жылы Алматыда Пәкістан елшілігі ашылды;  

2000 жылы Қазақстан президентінің жарлығымен Қазақстан Даму банкі құрылды; 

2010 жылы "Назарбаев университеті", "Назарбаев Зияткерлік мектебі" және "Назарбаев қорының" мәртебесі туралы" заң қабылданды; 

2011 жылы қазақстандықтарды жүз пайызын цифрлық теле-радио хабарларымен қамтамасыз етуді көздейтін "Теле-радио хабарларын тарату туралы" заң қабылданды.

28 желтоқсанда әлемде дүниеге келген танымал тұлғалар

1954 жылы америкалық актер және кинорежиссер Дензел Вашингтон дүниеге келді;

1965 жылы финдік музыкант, "Stratovarius" негізін қалаушылардың бірі Джон Виерве дүниеге келді;

1978 жылы америкалық әнші, тоғыз рет "Грэмми" сыйлығын алған Джон Ледженд дүниеге келді; 

1981 жылы америкалық актриса, дизайнер, модель Сиенна Миллер дүниеге келді. 

28 желтоқсанда Қазақстанда кім туды

1968 жылы белгілі қазақстандық хоккейші, қысқы Олимпида ойындары мен әлем чемпионаттарының қатысушысы  Александр Корешков дүниеге келді; 

1982 жылы қазақстандық волейболшы қыз, Қазақстан құрамасының және "Жетісу" волейбол командасының ойыншысы Ольга Наседкина дүниеге келді. 

Ай күнтізбесі

Ай Бикеш белгісінде орналасады. Бүгін денсаулығыңызға көңіл бөлгеніңіз жөн. Күні бойы әлсіздік сезініп, жұмысқа құлшынысыңыз болмауы мүмкін. Сондықтан массаж немесе SPA-салонға барып, өзіңізге демалыс ұйымдастырыңыз. 

202
Кілт сөздер:
танымал есімдер, мереке, тарихи оқиғалар, 28 желтоқсан, атаулы даталар, күнтізбе
Тақырып:
Бүгін қандай мереке: әр күнге арналған күнтізбе (361)
Теңге

Шілдеге берілетін 42 500 теңге: әлеуметтік төлемге қалай өтінім беруге болады

7535
(Жаңартылды 14:31 18.07.2020)
17 шілдеде екінші карантинге байланысты табысынан айырылған қазақстандықтарға ең төменгі жалақы – 42 500 теңге мөлшерінде әлеуметтік төлем алуға өтінім беру басталды

Әлеуметтік төлем кімге беріледі және төлем алу үшін өтінімді қалай беруге болатынын Sputnik Қазақстан материалынан біле аласыз.

42 500 теңгені кімдер алады:

  • жалақысыз еңбек демалысына шыққан жалдамалы жұмысшылар;
  • жеке кәсіпкерлер;
  • жеке практикамен айналысып жүрген тұлғалар;
  • азаматтық-құқықтық сипаттағы келісімшартпен істеп жүргендер;
  • бірыңғай жиынтық төлемін төлеп жүрген жеке тұлғалар.

Өтініш беруге арналған порталдар:

  • egov.kz – "электронды үкімет" веб-порталы;
  • 42500.enbek.kz порталы;
  • "Электронды үкімет" telegram-боты;
  • Aitu мессенджерінде 42500.enbek.kz қосымшасы;
  • екінші деңгейлі банктердің мобильді қосымшалары мен интернет-ресурстары.

Egov.kz арқылы өтінім беру

Өтінім Egov.kz порталында "электронды өтініш" қызметі арқылы онлайн қабылданады. "Қызметтер" бөлімінде "42 500 төлеу" қызметін басу керек. Қызметкерлер ЖСН, жұмыс берушілер БСН енгізеді. Әлеуметтік төлемді төлеу туралы немесе төленбейтіні туралы шешімді Egov.kz порталындағы жеке кабинеттен көруге болады, сондай-ақ, ұялы телефонға SMS-хабарлама келеді.

42500.enbek.kz порталы арқылы өтінім беру

Сайттың жеке бөлімі enbek.kz базасында бір реттік SMS-парольдің көмегімен ЭСҚ-сыз (электронды сандық қолтаңба) 42 500 теңге әлеуметтік көмек алуға өтінім беруге болады. Мұнда жеке кәсіпкерлерден басқа барлық кәсіпорынның жалдамалы қызметкерлері жүгіне алады.

  • 42500.enbek.kz порталына кіру;
  • "42 500 жәрдемақы алу" тетігін таңдау;
  • Өтініш берушінің аты-жөнін, ЖСН, IBAN немесе жұмыс берушінің БСН теріп, e-mail көрсетіп, үлгіні толтыру;
  • Толтырылған үлгіні жіберу;
  • Жүйе телефон нөмірін көрсетуді сұрайды;
  • Телефон нөмірін SMS-хабарлама арқылы жіберілген кодпен растау керек;
  • Өтінім жіберілді.

Жіберілген өтінім мен жеке дерек өңделгеннен кейін "Азаматтарға арналған үкімет" мемлекеттік корпорациясы" коммерциялық емес акционерлік қоғамында тексерілгеннен кейін өтінім беруші қабылданған шешім туралы SMS-хабарлама алады. Ақпарат төлем тағайындау және төлеу үшін МӘСҚ-ға беріледі.

Telegram-бот арқылы өтінім беру

  • Telegram-да @Help42500Bot ботын табу;
  • "42 500 төлеу" қызметін таңдау;
  • Жеке деректерді енгізу керек;
  • Өтінім "еңбек нарығы" ақпараттық жүйесіне келіп түседі, бір күн ішінде деректер тексеруден өтеді (бірыңғай жиынтық төлемді төлеушілердің өтінімдері тексеруден өтпейді);
  • Ақпарат бір күн ішінде өтінімді өңдеу үшін "Азаматтарға арналған үкімет" мемлекеттік корпорациясы" КЕАҚ-ға "Е-Макет" ақпараттық жүйесіне түседі;
  • "Азаматтарға арналған үкімет" мемлекеттік корпорациясы " КЕАҚ әлеуметтік төлем тағайындау және төлеу үшін МӘСҚ-ға өтінімді жібереді;
  • Telegram-бот төлем тағайындау туралы жауап жібереді.

Әрбір өңір бойынша жеке бот бар:

  1. https://t.me/NurSultan42500Bot
  2. https://t.me/Almaty42500Bot
  3. https://t.me/Akmol42500Bot
  4. https://t.me/Aqtobe42500Bot
  5. https://t.me/AlmaObl42500Bot
  6. https://t.me/Atyrau42500Bot
  7. https://t.me/ZKO42500Bot
  8. https://t.me/JambylObl42500Bot
  9. https://t.me/Karagandy42500Bot
  10. https://t.me/Kostanai42500Bot
  11. https://t.me/Qyzylorda42500Bot
  12. https://t.me/Mangystau42500Bot
  13. https://t.me/Turkistan42500Bot
  14. https://t.me/Pavlodar42500Bot
  15. https://t.me/SKO42500Bot
  16. https://t.me/VKO42500Bot
  17. https://t.me/Shymkent42500Bot

Аймақ бойынша ботты таңдаған соң, "start" тетігін басып, кім ретінде өтінім беріп отырғаныңызды көрсетіп, әрі қарай ЖСН (жеке сәйкестендіру нөмірі) теріп, 20 белгіден тұратын банк шотын (IBAN) теру қажет.

Айта кетейік, 42 500 теңге әлеуметтік төлем алуға өтініш 2020 жылдың 1 қыркүйегіне дейін қабылданады.

Өз қызметкерлеріне өтінім беретін жұмыс берушілер (заңды және жеке тұлғалар) үшін өтінім қабылдау 19 шілдеден басталады.

16 шілдеден бастап бірыңғай жиынтық төлемді төлеуші азаматтар үшін sms-хабарлама жіберу арқылы бір реттік төлемді тағайындау бойынша проактивті қызмет көрсетілді.

Қазақстанда қатаң карантин екінші тамызға дейін ұзартылды.

7535
Тақырып:
Төтенше жағдай және карантин
Тақырып бойынша
42 500 теңге: жұмыссыз азаматтарға не істеу керек?
Сарапшылар жәрдемақыны әр балаға төлеу жайлы: "42 500 емес, 73 000 болуы керек"  
"ЕСП" төлеп, 50 000 теңге ал": ақпаратқа қатысты түсініктеме берілді
42 500 теңге: өтінім сайт арқылы неге қабылданбай жатыр
42 500 теңгеден үміттілерге SMS жолданды: ақша қашан түседі
Кімдер 42 500 теңгеге өтінімді 19 шілдеден бастап береді?
Қазақстан туы, архивтегі фото

Тәуелсіздік жылдарындағы қайғылы оқиғалар 9 рет аза тұту күні жарияланды

1133
(Жаңартылды 12:02 13.07.2020)
Ұлттық аза тұту кезінде мемлекеттік ту аза тұту мерзімі аяқталғанша тутұғыр биіктігінің жартысына дейін түсіріледі  

Шахтадағы қайғылы жағдай

2006 жылдың 20 қыркүйегінде Қарағанды облысындағы Ленин атындағы шахтада метан жарылғаннан кейін Қазақстанда аза тұту күні жарияланды. Ол жерде өрт шығып, 41 кенші қаза тапқан болатын.

Жарылыс желдету құбырларын ауыстыру кезінде қауіпсіздік техникасының бұзылуына байланысты туындаған. Қайғылы оқиғадан кейін алты жұмысшы сотталды.

Метан жарылысы

Қарағанды облысы Абай қаласындағы шахтада 2008 жылдың 11 қаңтарында 30 шахтер қаза тапты.

Жарылысқа технологияның бұзылуы себеп болды. Төтенше жағдайды тексеру барысында өнеркәсіптегі қауіпсіздікті бақылауға жауапты екі шенеунік қызметінен айырылды.

Қарағанды облысында қаза тапқандарға үш күндік аза тұту күні жарияланды.

Қызылағаш бөгетінің бұзылуы

2010 жылдың 11 наурызында Қызылағаш бөгетінің бұзылуы қазіргі Қазақстан тарихындағы ең жойқын су тасқынының бірі болды. Қайғылы оқиға салдарынан 45 адам қаза тапты, оның ішінде 11 бала бар.

16 наурызда елде аза тұту күні жарияланды.

Қанды Арқанкерген

2012 жылы тұңғыш президент Нұрсұлтан Назарбаев "Арқанкерген" шекара бекетінде қазақстандық шекарашылардың қаза болуына байланысты 2012 жылдың 5 маусымында ұлттық аза тұту күнін жариялады.

Алматы облысы Алакөл ауданында "Арқанкерген" шекара бекетінде 14 шекарашы және қорықшы 28 мамырда шекара бекетінде қаза тапты. Бұл туралы жұртшылық оқиғадан екі күн өткен кезде білді. Қылмысқа сол оқиғадан жалғыз аман қалған шекарашы Владислав Челах кінәлі деп танылды.

Шымкенттегі ұшақ апаты

2012 жылы 25 желтоқсанда Шымкент үстінен ұшып бара жатқан АН-72 ұшағы апатқа ұшырады. Борт ішінде шекарашылар болған. Ұшақта барлығы 27 адам болды, оның жетеуі – экипаж мүшесі. Барлығы қайтыс болды.

Нұрсұлтан Назарбаевтың өкімімен 27 желтоқсанда ұлттық аза тұту күні жарияланды.

Алматы маңында жолаушылар ұшағы апатқа ұшырады

2013 жылдың 31 қаңтарында қаза тапқандарға ұлттық аза тұту күні жарияланды.

Алматы облысының Қызылту кентінде Көкшетау-Алматы рейсін орындаған Chellenger-200 ұшағы апатқа ұшырады. 16 жолаушы мен экипаждың бес мүшесі қаза болды.

Қазақстан президенті Ақордада құқық қорғау органдарының басшыларымен кеңес өткізу барысында әуе апатынан көз жұмғандардың отбасы мен туған-туыстарына көңіл айтты.

Ақтөбедегі теракт

2016 жылдың бесінші маусымында бір топ адам екі қару-жарақ дүкені мен Ақтөбе әскери бөліміне қарулы шабуыл жасады. Лаңкестердің шабуылынан сегіз адам көз жұмды, оның үшеуі – әскери қызметші.

Ақтөбе қаласында жасалған террорлық актінің салдарынан әскери қызметшілер мен азаматтық тұлғалардың қаза болуына байланысты Нұрсұлтан Назарбаев 2016 жылдың 9 маусымын Қазақстан Республикасында ұлттық аза тұту күні деп жариялады.

Bek Air ұшағының құлауы

2019 жылдың 27 желтоқсанында таңғы сағат  07:22-де Алматы әуежайынан Нұр-Сұлтанға ұшып шыққан Bek Air әуе компаниясының Fokker-100 ұшағы көп ұзамай Талғар ауданындағы елді мекенге құлады.

Ұшақ ішінде 93 жолаушы, бес экипаж мүшесі болған.

Президент Қасым-Жомарт Тоқаев 2019 жылдың 28 желтоқсанын Алматы маңындағы жолаушылар ұшағының апатқа ұшырауы кезінде адамдардың қаза болуына байланысты жалпыұлттық аза тұту күні деп жариялады.

Коронавирус құрбандарын аза тұту

2020 жылдың 13 шілдесі мемлекет басшысының өкімімен Қазақстанда коронавирус індетінен қайтыс болғандарды ұлттық аза тұту күні болып жарияланды.

Қандай жағдайда ұлттық аза тұту күні жарияланады

Қазақстанда ұлттық аза тұту күндері ірі қайғылы оқиғалар салдарынан қаза тапқандардың құрметіне жарияланады.

Қазақстанда ұлттық аза тұту күнін республиканың президенті жариялайды. Аза тұтуды жариялау үшін нақты талаптар жоқ, шешім нақты жағдайға байланысты қабылданады. Әдетте, адамдардың жаппай қайтыс болуы, теракт және басқа да қайғылы оқиғалар мен жоғары қызметтегі қайраткерлердің қазасына байланысты жарияланады.

Аза тұту бір және бірнеше күнге жариялануы мүмкін.

Қазақстанда аза тұту күндері мемлекеттік органдар мен жергілікті өзін-өзі басқару органдарының, шетелдік дипломатиялық мекемелердің ғимараттарындағы мемлекеттік ту түсіріледі. Ойын-сауық іс-шаралары мен телебағдарламалар тоқтайды.

1133
Кілт сөздер:
тәуелсіздік, аза тұту
Тақырып:
Коронавирус эпидемиясы
Тақырып бойынша
"Бұл неткен қасірет еді": Димаш Құдайберген желіде жазба жариялады
Қазақстандықтар коронавирустан қайтыс болғандарды аза тұтып жатыр
Назарбаев қазақстандықтарға үндеу жасады
Аза тұту күні: Қазақстанның барлық өңірінде Құран Хатым дұғасы оқылады
Тоқаевтың індеттен көз жұмғандарды қайда еске алатыны хабарланды
Астрахань облысындағы қазақ диаспорасы Атырауға гуманитарлық жүк жіберді

Астрахань облысындағы қазақ диаспорасы Атырауға гуманитарлық жүк жіберді

0
(Жаңартылды 08:03 06.08.2020)
Атырау госпиталіне 20 мың маска, 500 литр зарарсыздандыру құралы, 1000 инфузиялық жүйе, 1000 медициналық бинт, 300 қорғаныш костюмі және тағы басқа заттар жеткізілді

НҰР-СҰЛТАН, 5 тамыз – Sputnik. Ресейдің Астрахань облысынан Атырау облысына бір тоннандан астам медициналық жүк жіберілді. Бұл туралы Қазақстанның Ресейдегі елшілігі хабарлады.

 Астрахань өңірінің "Жолдастық" қазақ мәдениеті қоғамдық ұйымының мүшелері мен Қазақ мәдениетін дамыту қоры 20 мың медициналық маска, 500 литр зарарсыздандыру құралы, 1000 инфузиялық жүйе, 1000 медициналық бинт, 300 қорғаныш костюмі, жаялықтар, С дәрумені және тағы басқа заттар сатып алып, Атырау облысына жөнелтті.

Оқи отырыңыз: Ақорда Тоқаев пен Ердоғанның қандай келісімге келгенін хабарлады  

"Қазақстан Республикасының бауырлас халқына арналған гуманитарлық көмек жинауды бір апта бұрын бастадық. Осылайша "Жолдастық" қоғамының белсенділері мен мүшелері біздің губернаторымыз Игорь Бабушкиннің ең жақындағы көршілеріміз – Атырау облысына жаңа коронавирус инфекциясының таралуымен күресте көмек көрсету туралы шешімін қолдады", – деді Нұрлан Қандықов.

 Ол осы жүкті жинауға атсалысқан "Жолдастық" қорының белсенділеріне, серіктестер мен шет қалмаған қарапайым азаматтарға, қиын-қыстау мезетте қазақстандықтардың қасынан табылған баршаға алғыс айтты.   

"Әсіресе Астрахань облысындағы шешендер қоғамдастығының мүшелері мен Шешен Республикасы басшысының Астрахань қаласындағы уәкілетті өкілінің акцияға қатысуын ерекше атап өткім келеді", – деп түйіндеді Қандықов.

Ақшалай қаражат апта ішінде жиналып, Атырау госпиталімен қажетті дәрі-дәрмектің тізімі келісіліп, көлік мәселесы шешілген. Мұның бәрі жүкті жедел түрде жнақтап, ең қысқа мерзімде жіберуге мүмкіндік берді.

0
Тақырып:
Коронавирус эпидемиясы
Тақырып бойынша
Саратовтағы қазақ диаспорасы Оралға гуманитарлық көмек жіберді
Қазақстаннан көшіп кеткен кәсіпкер туған ауылына 30 мың доллардың дәрісін жіберді
"Шыбынша қырыла беруге болмайды": зиялы қауым өкілдері үндеу жасады
Қазақстан Ауғанстан мен Өзбекстанға гуманитарлық көмек көрсетеді
Министрлік Германиядағы қазақтардың наразылығына жауап берді