Шахмет Құсайынов атындағы қазақ музыкалық-драма театры

Шахмет Құсайынов атындағы қазақ музыкалық-драма театры туралы не білеміз?

133
Алматыдағы Т.Жүргенов атындағы өнер академиясының бір топ жас түлегі театрды ашуға сеп болған

Театрдың құрылуы

Театр өз шымылдығын 1996 жылы 6 наурыз күні Ғабит Мүсіреповтың "Ақан сері – Ақтоқты" спектаклімен ашты. Қоюшы режиссері – Қазақстанның еңбек сіңірген қайраткері Жақып Омаров.

Қазақстанның еңбек сіңірген қайраткері Мұратбек Оспанов театрды ашуға Алматыдағы Т.Жүргенов атындағы өнер академиясының бір топ жас түлегін бастап әкелген.  

2004 жылы театрға облыстық бюджет есебінен жаңа ғимарат салынды.

Шахмет Құсайынов атындағы қазақ музыкалық-драма театры
Шахмет Құсайынов атындағы қазақ музыкалық-драма театры

Театр репертуары

Бүгінде театр репертуарында 106 қойылым бар. Олардың ішіндегі классикалық қойылымдардан У.Шекспирдің "Король Лир", Ш.Айтматовтың "Ғасырдан да ұзақ күн", С.Жүнісовтың "Абылай", А.Камюдің "Калигула", драмалық қойылымдардан Ә.Оразбековтың "Бір түп алма ағашы", О.Бөкейдің "Атау кере", комедиялық қойылымдардан О.Бодықовтың "Үйленгім келмейді", С.Ахмадтың "Келіндер көтерілісі", Б.Әлімжановтың "Құдалық" спектакльдерін атап өтуге болады.

М.Ізімов қойған Ш.Құсайыновтың "Анамның ақ көйлегі" драмасының театр репертуарында алатын орны бөлек.

Театр ұжымы

Театрда 125 адам қызмет етеді. Оның 44-і шығармашылық қызметкерлер. 30 жасқа дейінгі 35 актер бар. Мұратбек Оспанов пен Құмарбек Қалқатаев Қазақстанның еңбек сіңірген қайраткері атағына ие. Театрда сахнаға тікелей қатысы бар 8 өндірістік техникалық шеберхана жұмыс істейді. Олардың өнімділігі мен сапасы бүкіл шығармашылық үдерісте үлкен рөл атқарады. Театр актерлерінің орташа жалақылары - 82 482 теңге.

Шахмет Құсайынов атындағы қазақ музыкалық-драма театры
© Photo : Театрдың әлеуметтік желідегі парақшасынан алынды
Шахмет Құсайынов атындағы қазақ музыкалық-драма театры

2018 жылы Б.Абдрахманов Татарстанның Қазан қаласында өткен V Халықаралық түркі тілдес мемлекеттерінің "Науруз" театр форум-фестиваліне қатысты. Режиссер Ф.Қанафин Ресейдің Новосібір қаласына С.Н. Афанасьев жетекшілігімен режиссерлік зертханаға тәжірибе алмасуға барды.

Ф.Қанафин мен Б.Әбдірахманов шетел шеберлерінің қатысуымен өткен театр өнері қайраткерлерінің республикалық практикумына қатысып, сертификат иеленді. 2019 жылы қаңтар айында Жалпы коллегия барысында театрдың дарынды актрисасы Маржан Бөкешқызы ҚР "Мəдениет саласының үздігі" төсбелгісімен және музыка бөлімінің меңгерушісі Медет Мұхамедин Мəдениет министрлігінің "Құрмет грамотасымен" марапатталды.

Өнер ошағының жетістіктері

2001 жылы Мысырда өткен әлемдік театр фестивалінде Г.Мерғалиеваның "Конвейері" 5 жүлденің біреуін иеленді. Осы жылы әйгілі қаламгер Сәкен сері Жүнісовтің мерейтойына орай Аймақтық театр фестивалі ұйымдастырылды.

Театр ұжымы 2 жүлделі орынға ие болды. "Ең үздік сценография үшін" аталымын театрдың бас суретшісі, ҚР Мемлекеттік сыйлығының лауреаты Мұрат Мақсұт иеленсе, "Ең үздік режиссура" аталымында ҚР еңбек сіңірген қайраткері Мұратбек Оспановтың еңбегі еленді.

2006 жылы театрдың 10 жылдығы аталып өтті. Театрдың жетекші актерлері Ж.Қалдаров, Т.Қонбай, Ж.Құсайынова, Қ.Қалқатаев, А.Жүнісова, Қ.Мырзаболатовтарға "Қазақстан Республикасының Мәдениет қайраткері" төсбелгісі берілді.

2007 жылы театр ұжымы гастрольдік сапармен Қытай Халық Республикасында болып, Іле қазақ автономиялық облысының 4 ауданы мен Құлжа қаласында өнер көрсетті.

2011 жылы "ТМД және Балтық елдері жас театр қайраткерлерінің байқауы" аясында Қазақстан театрлары жас режиссерлері  жұмыстарының ішінен 2 қойылым таңдап алынды. Соның бірі - театр репертуарындағы С.Раевтың "О, қыздар!" драмасы (режиссері - Ф.Қанафин).

Шахмет Құсайынов атындағы қазақ музыкалық-драма театры
© Photo : Театрдың әлеуметтік желідегі парақшасынан алынды
Шахмет Құсайынов атындағы қазақ музыкалық-драма театры

2011 жылы театр Антикалық өнердің ХІІІ "Боспорские агоны" халықаралық театр фестиваліне А.Камюдің "Калигула" тарихи трагедиясымен (режиссері - Қ.Қасымов) қатысты. Қойылым "Классиканы жоғары дәрежеде сахналағаны үшін" аталымын және "Ника Боспорская" мүсіншесін жеңіп алды.

2012 жылы Қостанай қаласында өткен І.Омаровтың 100 жылдығына арналған Республикалық театрлар фестиваліне А.Камюдің "Калигула" қойылымымен қатысып, гран-при жүлдесіне ие болды.

2012 жылы театр актері Елтай Мұстанов Қарағанды қаласында өткен Оперетта орындаушыларының І Халықаралық Досstar байқауына қатысып, жүлделі бірінші орынды жеңіп алды.

2013 жылы театр ұжымы Татарстанның Қазан қаласында өткен "Ремесло+" жас режиссерлердің халықаралық театр фестиваліне И.Лаузундтың "Офис" қойылымымен қатысып, дипломант атағына ие болды.

Шахмет Құсайынов атындағы қазақ музыкалық-драма театры
© Photo : Театрдың әлеуметтік желідегі парақшасынан алынды
Шахмет Құсайынов атындағы қазақ музыкалық-драма театры

2015 жылы өнер ошағының ұжымы ТМД, Балтық және Грузия мемлекеттерінің жас театр қайраткерлерінің II Халықаралық театр форумына қатысты. Режиссер Болат Әбдірахманов Т.Уильямстің "Құштарлық трамвайы" қойылымын сахналады.

2016 жылы театр ұжымы Ақтөбе қаласында "Айтқыштар Ақтөбеде" VII Республикалық әзіл-сықақ фестиваліне қатысты. Төлеубек Көңбай "Үздік актер" аталымында жеңімпаз атанды.

2017 жылы Ақтөбеде өткен Қазақстан драма театрларының II Республикалық "Балауса" эскперименталды қойылымдар фестиваліне қатысып, "Ізденісі үшін" дипломымен марапатталды.

2018 жылы талантты жас драматург, театрдың әдебиет бөлімінің меңгерушісі Хыдырбай Манарбек IX Республикалық байқауда "Тұман" пьесасының авторы ретінде "Үздік пьеса" номинациясы бойынша дипломға ие болды.

133
Кілт сөздер:
фото, театр, Көкшетау
Тақырып:
Қазақстан театрлары (80)
Тақырып бойынша
Облыстық Махамбет атындағы академиялық қазақ драма театры
Арқалық қазақ жасөспірімдер театры
Қызылорда облыстық Нартай Бекежанов атындағы қазақ музыкалық драма театры
Маңғыстау облыстық қуыршақ театры
Тұрсынбек Қабатовтың комедия және сатира театры
Астанадағы "Аттракцион Плэйхаус" тәуелсіз театры
Теңге

Шілдеге берілетін 42 500 теңге: әлеуметтік төлемге қалай өтінім беруге болады

7496
(Жаңартылды 14:31 18.07.2020)
17 шілдеде екінші карантинге байланысты табысынан айырылған қазақстандықтарға ең төменгі жалақы – 42 500 теңге мөлшерінде әлеуметтік төлем алуға өтінім беру басталды

Әлеуметтік төлем кімге беріледі және төлем алу үшін өтінімді қалай беруге болатынын Sputnik Қазақстан материалынан біле аласыз.

42 500 теңгені кімдер алады:

  • жалақысыз еңбек демалысына шыққан жалдамалы жұмысшылар;
  • жеке кәсіпкерлер;
  • жеке практикамен айналысып жүрген тұлғалар;
  • азаматтық-құқықтық сипаттағы келісімшартпен істеп жүргендер;
  • бірыңғай жиынтық төлемін төлеп жүрген жеке тұлғалар.

Өтініш беруге арналған порталдар:

  • egov.kz – "электронды үкімет" веб-порталы;
  • 42500.enbek.kz порталы;
  • "Электронды үкімет" telegram-боты;
  • Aitu мессенджерінде 42500.enbek.kz қосымшасы;
  • екінші деңгейлі банктердің мобильді қосымшалары мен интернет-ресурстары.

Egov.kz арқылы өтінім беру

Өтінім Egov.kz порталында "электронды өтініш" қызметі арқылы онлайн қабылданады. "Қызметтер" бөлімінде "42 500 төлеу" қызметін басу керек. Қызметкерлер ЖСН, жұмыс берушілер БСН енгізеді. Әлеуметтік төлемді төлеу туралы немесе төленбейтіні туралы шешімді Egov.kz порталындағы жеке кабинеттен көруге болады, сондай-ақ, ұялы телефонға SMS-хабарлама келеді.

42500.enbek.kz порталы арқылы өтінім беру

Сайттың жеке бөлімі enbek.kz базасында бір реттік SMS-парольдің көмегімен ЭСҚ-сыз (электронды сандық қолтаңба) 42 500 теңге әлеуметтік көмек алуға өтінім беруге болады. Мұнда жеке кәсіпкерлерден басқа барлық кәсіпорынның жалдамалы қызметкерлері жүгіне алады.

  • 42500.enbek.kz порталына кіру;
  • "42 500 жәрдемақы алу" тетігін таңдау;
  • Өтініш берушінің аты-жөнін, ЖСН, IBAN немесе жұмыс берушінің БСН теріп, e-mail көрсетіп, үлгіні толтыру;
  • Толтырылған үлгіні жіберу;
  • Жүйе телефон нөмірін көрсетуді сұрайды;
  • Телефон нөмірін SMS-хабарлама арқылы жіберілген кодпен растау керек;
  • Өтінім жіберілді.

Жіберілген өтінім мен жеке дерек өңделгеннен кейін "Азаматтарға арналған үкімет" мемлекеттік корпорациясы" коммерциялық емес акционерлік қоғамында тексерілгеннен кейін өтінім беруші қабылданған шешім туралы SMS-хабарлама алады. Ақпарат төлем тағайындау және төлеу үшін МӘСҚ-ға беріледі.

Telegram-бот арқылы өтінім беру

  • Telegram-да @Help42500Bot ботын табу;
  • "42 500 төлеу" қызметін таңдау;
  • Жеке деректерді енгізу керек;
  • Өтінім "еңбек нарығы" ақпараттық жүйесіне келіп түседі, бір күн ішінде деректер тексеруден өтеді (бірыңғай жиынтық төлемді төлеушілердің өтінімдері тексеруден өтпейді);
  • Ақпарат бір күн ішінде өтінімді өңдеу үшін "Азаматтарға арналған үкімет" мемлекеттік корпорациясы" КЕАҚ-ға "Е-Макет" ақпараттық жүйесіне түседі;
  • "Азаматтарға арналған үкімет" мемлекеттік корпорациясы " КЕАҚ әлеуметтік төлем тағайындау және төлеу үшін МӘСҚ-ға өтінімді жібереді;
  • Telegram-бот төлем тағайындау туралы жауап жібереді.

Әрбір өңір бойынша жеке бот бар:

  1. https://t.me/NurSultan42500Bot
  2. https://t.me/Almaty42500Bot
  3. https://t.me/Akmol42500Bot
  4. https://t.me/Aqtobe42500Bot
  5. https://t.me/AlmaObl42500Bot
  6. https://t.me/Atyrau42500Bot
  7. https://t.me/ZKO42500Bot
  8. https://t.me/JambylObl42500Bot
  9. https://t.me/Karagandy42500Bot
  10. https://t.me/Kostanai42500Bot
  11. https://t.me/Qyzylorda42500Bot
  12. https://t.me/Mangystau42500Bot
  13. https://t.me/Turkistan42500Bot
  14. https://t.me/Pavlodar42500Bot
  15. https://t.me/SKO42500Bot
  16. https://t.me/VKO42500Bot
  17. https://t.me/Shymkent42500Bot

Аймақ бойынша ботты таңдаған соң, "start" тетігін басып, кім ретінде өтінім беріп отырғаныңызды көрсетіп, әрі қарай ЖСН (жеке сәйкестендіру нөмірі) теріп, 20 белгіден тұратын банк шотын (IBAN) теру қажет.

Айта кетейік, 42 500 теңге әлеуметтік төлем алуға өтініш 2020 жылдың 1 қыркүйегіне дейін қабылданады.

Өз қызметкерлеріне өтінім беретін жұмыс берушілер (заңды және жеке тұлғалар) үшін өтінім қабылдау 19 шілдеден басталады.

16 шілдеден бастап бірыңғай жиынтық төлемді төлеуші азаматтар үшін sms-хабарлама жіберу арқылы бір реттік төлемді тағайындау бойынша проактивті қызмет көрсетілді.

Қазақстанда қатаң карантин екінші тамызға дейін ұзартылды.

7496
Тақырып:
Төтенше жағдай және карантин
Тақырып бойынша
42 500 теңге: жұмыссыз азаматтарға не істеу керек?
Сарапшылар жәрдемақыны әр балаға төлеу жайлы: "42 500 емес, 73 000 болуы керек"  
"ЕСП" төлеп, 50 000 теңге ал": ақпаратқа қатысты түсініктеме берілді
42 500 теңге: өтінім сайт арқылы неге қабылданбай жатыр
42 500 теңгеден үміттілерге SMS жолданды: ақша қашан түседі
Кімдер 42 500 теңгеге өтінімді 19 шілдеден бастап береді?
Қазақстан туы, архивтегі фото

Тәуелсіздік жылдарындағы қайғылы оқиғалар 9 рет аза тұту күні жарияланды

1130
(Жаңартылды 12:02 13.07.2020)
Ұлттық аза тұту кезінде мемлекеттік ту аза тұту мерзімі аяқталғанша тутұғыр биіктігінің жартысына дейін түсіріледі  

Шахтадағы қайғылы жағдай

2006 жылдың 20 қыркүйегінде Қарағанды облысындағы Ленин атындағы шахтада метан жарылғаннан кейін Қазақстанда аза тұту күні жарияланды. Ол жерде өрт шығып, 41 кенші қаза тапқан болатын.

Жарылыс желдету құбырларын ауыстыру кезінде қауіпсіздік техникасының бұзылуына байланысты туындаған. Қайғылы оқиғадан кейін алты жұмысшы сотталды.

Метан жарылысы

Қарағанды облысы Абай қаласындағы шахтада 2008 жылдың 11 қаңтарында 30 шахтер қаза тапты.

Жарылысқа технологияның бұзылуы себеп болды. Төтенше жағдайды тексеру барысында өнеркәсіптегі қауіпсіздікті бақылауға жауапты екі шенеунік қызметінен айырылды.

Қарағанды облысында қаза тапқандарға үш күндік аза тұту күні жарияланды.

Қызылағаш бөгетінің бұзылуы

2010 жылдың 11 наурызында Қызылағаш бөгетінің бұзылуы қазіргі Қазақстан тарихындағы ең жойқын су тасқынының бірі болды. Қайғылы оқиға салдарынан 45 адам қаза тапты, оның ішінде 11 бала бар.

16 наурызда елде аза тұту күні жарияланды.

Қанды Арқанкерген

2012 жылы тұңғыш президент Нұрсұлтан Назарбаев "Арқанкерген" шекара бекетінде қазақстандық шекарашылардың қаза болуына байланысты 2012 жылдың 5 маусымында ұлттық аза тұту күнін жариялады.

Алматы облысы Алакөл ауданында "Арқанкерген" шекара бекетінде 14 шекарашы және қорықшы 28 мамырда шекара бекетінде қаза тапты. Бұл туралы жұртшылық оқиғадан екі күн өткен кезде білді. Қылмысқа сол оқиғадан жалғыз аман қалған шекарашы Владислав Челах кінәлі деп танылды.

Шымкенттегі ұшақ апаты

2012 жылы 25 желтоқсанда Шымкент үстінен ұшып бара жатқан АН-72 ұшағы апатқа ұшырады. Борт ішінде шекарашылар болған. Ұшақта барлығы 27 адам болды, оның жетеуі – экипаж мүшесі. Барлығы қайтыс болды.

Нұрсұлтан Назарбаевтың өкімімен 27 желтоқсанда ұлттық аза тұту күні жарияланды.

Алматы маңында жолаушылар ұшағы апатқа ұшырады

2013 жылдың 31 қаңтарында қаза тапқандарға ұлттық аза тұту күні жарияланды.

Алматы облысының Қызылту кентінде Көкшетау-Алматы рейсін орындаған Chellenger-200 ұшағы апатқа ұшырады. 16 жолаушы мен экипаждың бес мүшесі қаза болды.

Қазақстан президенті Ақордада құқық қорғау органдарының басшыларымен кеңес өткізу барысында әуе апатынан көз жұмғандардың отбасы мен туған-туыстарына көңіл айтты.

Ақтөбедегі теракт

2016 жылдың бесінші маусымында бір топ адам екі қару-жарақ дүкені мен Ақтөбе әскери бөліміне қарулы шабуыл жасады. Лаңкестердің шабуылынан сегіз адам көз жұмды, оның үшеуі – әскери қызметші.

Ақтөбе қаласында жасалған террорлық актінің салдарынан әскери қызметшілер мен азаматтық тұлғалардың қаза болуына байланысты Нұрсұлтан Назарбаев 2016 жылдың 9 маусымын Қазақстан Республикасында ұлттық аза тұту күні деп жариялады.

Bek Air ұшағының құлауы

2019 жылдың 27 желтоқсанында таңғы сағат  07:22-де Алматы әуежайынан Нұр-Сұлтанға ұшып шыққан Bek Air әуе компаниясының Fokker-100 ұшағы көп ұзамай Талғар ауданындағы елді мекенге құлады.

Ұшақ ішінде 93 жолаушы, бес экипаж мүшесі болған.

Президент Қасым-Жомарт Тоқаев 2019 жылдың 28 желтоқсанын Алматы маңындағы жолаушылар ұшағының апатқа ұшырауы кезінде адамдардың қаза болуына байланысты жалпыұлттық аза тұту күні деп жариялады.

Коронавирус құрбандарын аза тұту

2020 жылдың 13 шілдесі мемлекет басшысының өкімімен Қазақстанда коронавирус індетінен қайтыс болғандарды ұлттық аза тұту күні болып жарияланды.

Қандай жағдайда ұлттық аза тұту күні жарияланады

Қазақстанда ұлттық аза тұту күндері ірі қайғылы оқиғалар салдарынан қаза тапқандардың құрметіне жарияланады.

Қазақстанда ұлттық аза тұту күнін республиканың президенті жариялайды. Аза тұтуды жариялау үшін нақты талаптар жоқ, шешім нақты жағдайға байланысты қабылданады. Әдетте, адамдардың жаппай қайтыс болуы, теракт және басқа да қайғылы оқиғалар мен жоғары қызметтегі қайраткерлердің қазасына байланысты жарияланады.

Аза тұту бір және бірнеше күнге жариялануы мүмкін.

Қазақстанда аза тұту күндері мемлекеттік органдар мен жергілікті өзін-өзі басқару органдарының, шетелдік дипломатиялық мекемелердің ғимараттарындағы мемлекеттік ту түсіріледі. Ойын-сауық іс-шаралары мен телебағдарламалар тоқтайды.

1130
Кілт сөздер:
тәуелсіздік, аза тұту
Тақырып:
Коронавирус эпидемиясы
Тақырып бойынша
"Бұл неткен қасірет еді": Димаш Құдайберген желіде жазба жариялады
Қазақстандықтар коронавирустан қайтыс болғандарды аза тұтып жатыр
Назарбаев қазақстандықтарға үндеу жасады
Аза тұту күні: Қазақстанның барлық өңірінде Құран Хатым дұғасы оқылады
Тоқаевтың індеттен көз жұмғандарды қайда еске алатыны хабарланды
Жүк көлігі

Жүк көлігі самокат мінген жігітті басып кете жаздады видео

0
Полицейлер жол-көлік апаты бойынша арыз түспегенін айтады. Ал әлеуметтік желі қолданушыларының басым бөлігі самокат мінген жігітті сынап жатыр

НҰР-СҰЛТАН, 4 тамыз – Sputnik. Алматыда самокат мінген жігіт жүк көлігінің бүйіріне соғылып, доңғалақтың астына түсіп кете жаздады, деп хабарлайды Sputnik Қазақстан тілшісі.

Әлеуметтік желіде тараған видеоға қарағанда, жол-көлік оқиғасы Әйтиев пен Гоголь көшелеренің қиылысында болған. Самокат мінген жігіт қатты жылдамдықпен жаяу жүргіншілер жолағымен өтіп кетпекші болған.

Бірақ алдынан жүк көлігі шығып қалды. Осы кезде ол аяғын жерге тіреп, жылдамдықты барынша тежеуге әрекеттенеді. Бірақ тым кеш болды. Самокат мінген жігіт бетімен көліктің шанағына соғылып, бір айналып етбетімен құлады. Бірақ көп ұзамай, тұрып кетті. Ал самокаты көліктің астында қалып қойды. Жүк көлігінің жүргізушісі оны байқаған да жоқ, бұрылып кете берді. 

Посмотреть эту публикацию в Instagram

Публикация от @kris_p_almaty +21 | kz 🇰🇿 (@kris_p_almaty)

Полиция осы жол-көлік апаты бойынша арыз түспегенін хабарлады. Ал әлеуметтік желілерде қолданушылардың басым бөлігі самокат мінген жігітті сынап жатыр. Себебі, жол ережесі бойынша жаяу жүргіншілер жолағынан жаяу өту керек.

"Самокат мінген жігіт тоқтап, түсуі керек. Сөйтіп, жаяу жүргіншілер жолағынан өтуі тиіс еді. Жалпы, самокат пен велосипед мінгендер жолда абай болыңдар! Жол жүру ережесі қанмен жазылған, бұл жолы сәттілік серік болды. Осыдан ой түю керек", – дейді желі қолданушыларының бірі.

Оқи отырыңыз: Батыс Қазақстанда жеті жүк көлігі соқтығысып қалды – видео

0
Кілт сөздер:
Алматы, оқиғалар
Тақырып бойынша
Нұр-Сұлтанда жүк көлігі мен микроавтобус соқтығысты: 11 адам зардап шекті  
Алматыда жүк көлігі қарт кісіні қағып, 300 метрге сүйреп әкетті - фото
Made in Russia: Ресейдің жүк көлігі Қазақстан нарығын қалай жаулап алды
Жүк көлігі бораннан қорықпайтын жүргізушілердің жолын бөгеді
Тежегіші істен шыққан: Алматыда жүк көлігі алты автокөлікті соғып кетті