"Субботний вечер" сахнасында, бірегей дауыс иесі, жаңа жұлдыз – Димаш Құдайбергенов", — деп таныстырды Димашты танымал шоудың жүргізушісі, әнші Николай Басков.
Димаштың әні телебағдарламадағы ең соңғы, яғни шарықтау шегі болғанын атап өту керек. Көрермендер қуанышын жасырмай, ұзақ уақыт бойы қол шапалақтады.
Еске сала кетейік, дүйсенбі, 19 қараша күні Лондонда өткен Димаш Құдайбергеннің шоуына 4,6 мыңға тарта көрермен жиналды. Қазақ әншісінің жанкүйерлері бірнеше сағат бұрын келіп, кезекке тұрды, Indigo at the O2 концерт залы лық толды. Шоу барысында көрермендер Adajio, Дайдидау, Сағындым және тағы басқа әндерді тыңдады.
