Видео

Әбілқасымова Астанадағы өрттен кейін бірінші рет БАҚ алдына шықты - видео

Жазылу
Қазақстанның еңбек және әлеуметтік қорғау министрі Мадина Әбілқасымова Астанадағы бес баланың қазасынан кейін бірінші рет БАҚ сұрақтарына жауап берді

Шенеуніктің айтуынша, қазір ведомство мұқтаж отбасылардың саны туралы ақпарат жинап, қолдау көрсетуді жетілдіру мақсатындағы ұсыныстарды қарастырып жатыр.

Мадина Әбілқасымова - Sputnik Қазақстан
Саясат
Әбілқасымова өзін отставкаға кетсін дегендерге жауап берді

Әбілқасымова отставкаға кетуі туралы да пікір білдірді.

"Ең күрделі мәселелер біздің министрлікке қарайтындықтан, сынды жиі естиміз. Ең бастысы, біз осы сыннан ой түйіп, қорытынды жасаймыз, жағдайды жақсартуға тырысамыз. Алдағы уақытта мемлекеттік саясаттың тиімділігін арттыру бойынша шаралар қабылданады", - деп сендірді ол.

Естеріңізге сала кетсек, бір отбасындағы бес баланың өмірін жалмаған өрт Астанада Көктал-1 ауданында болды. Апалы-сіңлілі бес қыз түнде үйде жалғыз қалған, ата-анасы жұмыста болыпты. Өрт салдарынан 2006, 2009, 2014, 2016 және 2018 жылдары туған бес бала көз жұмды.

үкімет отырысы - Sputnik Қазақстан
Қоғам
Астанадағы трагедия: бірнеше шенеунік қатаң сөгіс алып, біреуі қызметінен босатылды

Қайғылы оқиғаға қатты қынжылған халық тұрмысы нашар көпбалалы ата-ананың жас балаларын үйге тастап, жұмысқа шығуға мәжбүр болғанына еңбек министрін айыптап, отставкаға кетуін талап етті.

Ал Мадина Әбілқасымованың өзі қайғыдан қан жұтып отырған отбасыға сол күні барып, көңіл айтқан екен, бірақ ауырып жүргендіктен марқұм қыздардың жаназасына қатыспапты. Трагедиядан кейінгі алғашқы түсініктемені оның орынбасары Светлана Жақыпова жариялаған болатын. Министрлік басшысы 6 ақпан күні де үкімет отырысына келмеді.

Кейін орталық коммуникациялар қызметіндегі Мадина Әбілқасымова қатысуы тиіс брифинг басталар алдында кейінге қалдырылды.

Жаңалықтар
0