13 мың түлек тест тапсырды: ҰБТ-ның бірінші күні қалай өтті видео

939
20 маусым күні Қазақстан бойынша 13 мың түлек ұлттық бірыңғай тестілеуден өтті

Елордалық түлектер ҰБТ-ны Лев Гумилев атындағы Еуразия ұлттық университетінде тапсырды. Білім және ғылым министрі Асхат Аймағамбетов бұл жоғары оқу орнында 600 түлек емтихан тапсырғанын айтты.

Оның айтуынша, биыл Қазақстанда 117 242 түлек ҰБТ тапсырады.

Елімізде ұлттық бірыңғай тестілеу тоғыз күн болады. Осы жылы мемлекет бакалавриатқа 53 мың грант бөлген.

Тағы оқыңыз: Бәрі ұялы телефонмен келіпті: күзет қызметі түлектерді тәртіпке шақырды

ҰБТ-ның бірінші күні Асхат Аймағамбетов түлектерге сәттілік тілеп, емтиханға тыйым салынған заттарды алмау қажеттігін ескертті.

Осы орайда Sputnik Қазақстан тілшісі астаналық түлектерден ҰБТ-дан қалай өткенін, емтихан кезінде қандай тәртіп бұзушылықтардың болғанын сұрап көрді.

Толығырақ видеодан көре аласыз.

939
Кілт сөздер:
ҰБТ, түлектер, елорда
Тақырып бойынша
Биыл Қазақстанда қанша грант бөлінді?
Қазақстанда ҰБТ басталды: Тоқаев тапсырма берді
ҰБТ-2019: тест нәтижелерін қайдан білуге болады
Министр Аймағамбетов ҰБТ тапсырып жатқан түлектерге қолдау көрсетті - фото
Тест бойынша дайындалуға болмайды: ҰБТ-ны сәтті тапсыру жолдары қандай

Ресей Конституциясына түзетулер енгізу: шетелде дауыс беру қалай өтті

32
Ресейдің Конституциясына түзетулер енгізу бойынша жалпыресейлік дауыс беру 1 шілдеде аяқталды. Дауыс беру 25 маусымда басталып, көрші елдің тарихында алғаш рет бір аптаға созылды

Сайлау учаскелері бүкіл ел бойынша ашылды, сондай-ақ шет елдердегі Ресей азаматтарына, соның ішінде бұрынғы КСРО мемлекеттерінде дауыс беру мүмкіндігі жасалды. Коронавирус пандемиясына байланысты барлық жерде санитарлық бақылаудың қосымша шаралары қолданылды.

32

АҚШ cенатында Түркиядан С-400 кешендерін сатып алу ұсынылды

97
АҚШ cенатында Түркиядан ресейлік жаңа С-400 зениттік-зымыран кешендерін сатып алу ұсынылды. 2021 жылы АҚШ ұлттық қорғанысын бюджеттік қаржыландыру туралы заң жобасына тиісті түзетулерді республикашыл-сенатор Джон Тьюн ұсынды

Яғни, ресейлік кешендерді америкалықтар Пентагон бюджеті есебінен сатып алады. С-400 сатып алу АҚШ пен Түркия арасындағы дауға себепші болған еді. Вашингтон Анкарадан бұл келісімшарттан бас тартып, оның орнына америкалық Patriot жүйесін сатып алуды талап етті. Олай болмаған жағдайда америкалықтар Түркияға қарсы санкциялар қабылдап, Анкараға F-35 жойғыштарын сатуды кешеуілдетеміз немесе мүлде сатпаймыз деп қоқан-лоқы көрсетті. Түрік билігі бұған көнбеді.

97
Ресейдің СІМ ғимараты

"Бізге дәлел қажет": Ресей New York Times мақаласына баға берді

0
Таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады

АЛМАТЫ, 2 шілде – Sputnik. Ресейдің сыртқы істер министрлігі Ресейдің тәлібтермен "сөз байласқанына" қандай да бір дәлел бар екеніне қатысты түсініктеме берді. Ресей Федерациясы президентінің Ауғанстандағы арнайы өкілі, Ресей СІМ екінші Азия департаментінің директоры Замир Кабуловтың айтуынша, мақалада тек бос айыптаулар жазылған.

"Бізге дәлел қажет, ал олар жоқ. Бұл бос пайымдау ғана", - деп мәлімдеді Кабулов Sputnik радиосына. 

Ол сондай-ақ, мақалада есімі аталатын контрабандист Рахмат Азизи жайлы ешқашан естімегенін айтты. Басылымның мәліметі бойынша, ол екі тараптың арасында бас делдал болған.  

Сонымен қатар Кабулов мақаланы оқып отырған кезде жауаптан гөрі сұрақ көп туындайтынын атап өтті.

"Жалған дүниені де мұқият дайындау қажет",- деп толықтырды ойын Кабулов. 

Айта кетейік, таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады. Мақала авторының айтуынша, делдал – контрабандист Рахмат Азизи деген азамат.

Бұған дейін NYT басылымы атауы көрсетілмеген арнайы қызметтерге сілтеме жасап, Ауғанстандағы америкалық сарбаздарға шабуыл жасағаны үшін Ресейдің тәлібтермен байланысы бар жауынгерлерге сыйақы ұсынғаны жайлы мақала жариялады. Алайда мақалада ешқандай дәлел көрсетілмеген.

"Талибан" қозғалысының өкілі Забиулл Муджахид америкалық басылымның бұл сөзін жоққа шығарды. Ал Трамп бұл мақаланы тапсырыспен жазылған болуы мүмкін деп бағалады.

0