"Бақытты отбасы" бағдарламасы: 2%-пен қалай баспана алуға болады - видео

14394
Табысы төмен отбасыларға 2%-пен жеңілдетілген кредит алуға мүмкіндік беретін "Бақытты отбасы" тұрғын үй бағдарламасы іске асырыла бастады.

Арзан кредит көпбалалы отбасылар, толық емес және мүмкіндігі шектеулі баласы бар отбасыларға беріледі.

Жылдық мөлшерлемесі - 2%, бастапқы жарна мөлшері қарыз сомасының 10 процентін құрайды. Егер бастапқы жарнаны 10%-тен артық құйсаңыз, ай сайынғы төлем де аз болады.

Нұр-Сұлтан, Алматы, Шымкент, Ақтау және Атырауда қарыздың ең жоғары сомасы – 15 миллион теңге. Қалған қалаларда – 10 миллион теңге.

"Бүгінгі күні бізге 167 адам өтініш берді. Түгел құжаттарын жинап үлгергендер тапсырып жатыр. Қазіргі уақытта 135 миллион теңгеге 9 адамның өтініші мақұлданды. Банк мақұлдағаннан кейін тұрғындар үй іздей бастайды. Тапқан соң бізге келеді, біз кредит рәсімдейміз", - деді Sputnik Қазақстан тілшісіне "Тұрғын үй құрылыс жинақ банкі" АҚ орталық филиалының директоры Жансұлтан Матаев.

Бағдарлама бойынша жаңа салынған үйдегі пәтер, қолданыстағы пәтер немесе жер үй сатып алуға болады. Ол үшін тоғыз кезеңнен өту керек:

  1. Әкімдікте кезекте тұру;
  2. Тұрғын үй құрылыс жинағы туралы келісім жасау;
  3. Төлем қабілеттілігін дәлелдеу;
  4. Үй таңдау;
  5. Банк кредит алу туралы өтінішті мақұлдауы тиіс;
  6. Бастапқы жарнаны төлеу;
  7. Сатушымен сатып алу-сату шартын жасасу,
  8. Кредит алу;
  9. Жаңа пәтерге немесе үйге көшіп бару.
14394
Кілт сөздер:
видео, баспана
Тақырып бойынша
"7-20-25": ипотека алғандар айына қанша төлеп жатқаны белгілі болды
Қазақстандықтарға 2%-тік ипотека беріледі: министрлік шарттарын түсіндірді
"Қиын болды": ұлттық экономика министрі 10 жыл бойы ипотека төлегенін айтты
ТҮҚЖБ басшысы арзан ипотека алғысы келетіндерге кеңес берді
2%-пен беріледі: арзан ипотекамен үй алу үшін отбасының кірісі қанша болуы керек?

АҚШ Сириядағы жағдайға Ресей мен Иранды айыптады

75
АҚШ-тың БҰҰ жанындағы тұрақты өкілі Келли Крафт америкалықтар Сирияға көмек көрсету үшін миллиардтаған доллар жұмсап жатқанда, Мәскеу мен Тегеранның "қолы қанға боялған" деп мәлімдеді

Осылайша, ол Ресейдің БҰҰ жанындағы тұрақты өкілі Василий Небензяның АҚШ Сирия мұнай кен орындарын пайдаланып жатыр деген сынына жауап берді. Ресей Сирия мұнайының заңсыз саудасы мәселесін бірнеше рет көтерді, осыған байланысты Мәскеу мен Тегеран бірнеше рет дәлел келтірген еді.

75

Пентагон басшысы АҚШ әскерінің Германиядан шығарылатынын мәлімдеді

78
Вашингтонда өткен баспасөз конференциясында Пентагон басшысы Марк Эспер АҚШ Германиядағы әскерилердің санын азайтатынын мәлімдеді

Қорғаныс министрінің айтуынша, жақын арада Германиядан шамамен 12 000 әскер шығарылады. Олардың 6 мыңнан астамы елге оралады, ал қалғаны Еуропаның басқа елдеріне, атап айтқанда Италия мен Бельгияға жіберіледі. Германиядан әскерді шығару туралы жоспарды АҚШ президенті Дональд Трамп осы жылдың маусым айында айтты. Ол өзінің бұл шешімін НАТО-ның бұйрығына қарамастан Берлиннің қорғаныс шығындарын көбейтуге құлықсыздығымен түсіндірді.

78
ҰБТ кезінде аудиторияда отырған ата-аналар

Қазақстанда ата-аналар жиналысы өтеді премьер-министр тапсырма берді

0
Білім министрінің айтуынша, ата-аналар мен оқушылар үшін әдістемелік қолдау көрсетудің маңызы жоғары

НҰР-СҰЛТАН, 4 тамыз – Sputnik. Премьер-министр Асқар Мамин республикалық ата-аналар жиналысын өткізуді тапсырды, деп хабарлайды Sputnik Қазақстан тілшісі.

Үкіметтің бүгінгі онлайн отырысында жаңа оқу жылына дайындық мәселелері пысықталды. Осы орайда премьер-министр оқушылар мен мұғалімдердің дайындығына баса назар аудару қажеттігін атап, 25 тамызға дейін барлық дайындық жұмыстарын аяқтауға тапсырма берді. Иинтернет-платформаларда және теледидарда қажетті контент толық көлемде болуы шарт. Ал ата-аналар үшін республикалық жиналыс ұйымдастырылады.

"Оқыту әдістемесін толық пысықтап, 20 тамызға дейін алдағы оқу үрдісі туралы толық ақпарат бере отырып, онлайн режимде республикалық ата-аналар жиналысын ұйымдастыруды тапсырамын", – деді Мамин.

Білім және ғылыми министрі Асхат Аймағамбетовтың айтуынша, жаңа оқу жылына дейін ата-аналар мен балаларға үйде білім алу мәселелері бойынша арнайы сынып сағаттары да ұйымдастырылады.

"Ата-аналар мен оқушылар үшін әдістемелік қолдау көрсету өте маңызды. Біз бұны төртінші тоқсанның нәтижесінде көрдік. Сондықтан тамыз айында балаларға және ата-аналарға үйде қалай оқу керек, гигиена негіздері, кибермәдениет, интернет арқылы қалай оқу керек және дене жаттығуларының маңызы туралы бірыңғай сынып сағаттары, сондай-ақ, ата-аналар жиналыстарын өткізуді жоспарлап отырмыз", – дейді Аймағамбетов.

Оқи отырыңыз: Ата-аналар кірмейді: мектептерде "кезекші сыныптар" қалай жұмыс істейтіні белгілі болды

Оның сөзіне қарағанда, бүгінде алдын ала болжам бойынша биыл интернет мен  теледидар арқылы 2,6 миллион оқушы, кезекші сыныптарда 530 мың бала және шалғай ауылдарда штаттық режимде 157 мыңнан астам оқушы білім алады.

0
Кілт сөздер:
ата-аналар жиналысы, білім беру
Тақырып:
Төтенше жағдай және карантин
Тақырып бойынша
Алматылық ата-аналар Сағынтаевқа шағымданамын деп опық жеді
Бейсенбі күні республикалық ата-аналар жиналысы өтеді
Биыл әскери ант қабылдауға ата-аналар қатыса ала ма?
Ата-аналар қашықтан оқудың машақаты туралы айтып берді - видео
Қазақстандық ата-аналар 16 жасқа дейінгі балаларын үйден шықпай-ақ тіркей алады