Лавров Sputnik пен RT-ні жақтап сөйледі

52
(Жаңартылды 23:49 15.08.2019)
Ресей сыртқы істер министрі Сергей Лавров "Территория смыслов" бүкілресейлік жастар білім беру форумында Ресейдің халықаралық алаңдарда болуын ұлғайту керек деп мәлімдеді 

Ресей СІМ басшысының айтуынша, шетелде ресейлік екі БАҚ қана жұмыс істейді.

"Russia Today мен Sputnik екі жақтап, оларды "Батыстағы қоғамдық пікірге басты қауіп" деп атайтындай жағдай туғызды", - деді Лавров.

Ол жақында Лондонда БАҚ бостандығы жөніндегі жаһандық конференция өтіп, оған RT мен Sputnik шақырылмағанын атап өтті.

Еске сала кетейік, "Россия сегодня" ХАА мен RT арнасының бас редакторы Маргарита Симоньян өзінің Telegram аккаунтында RT мен Sputnik агенттігін БАҚ бостандығы жөніндегі конференцияға тіркемей қоюына қатысты пікір білдірді.

Сондай-ақ, "Журналистерді қорғау комитеті" халықаралық үкіметтік емес ұйымы RT және Sputnik-ті аккредиттеуден бас тартуына байланысты алаңдаушылық танытты.  

52
Тақырып бойынша
Guardian Sputnik-ке жала жапқаны үшін кешірім сұрады
Лондонда Sputnik пен RT-ны аккредитациядан өткізбеді: ЕҚЫҰ өкілінің пікірі
Журналистерді қорғау комитеті Sputnik пен RT-ға қолдау білдірді
Лондон Sputnik пен RT-ны аккредитациядан өткізбеді: Симоньян мән-жайды түсіндірді

Қолжетімді баспана: Тұрғын үй құрылыс жинақ банкінің онлайн-брифингі

90
(Жаңартылды 11:20 01.10.2020)
Sputnik Қазақстан мультимедиялық баспасөз орталығында Қазақстанда үй кезегінде тұрғандарды баспанамен қамту жолдарына арналған брифинг өтіп жатыр. Сауалдарға Тұрғын үй құрылыс жинақ банкінің өкілдері жауап береді

Мемлекет басшысы Қасым-Жомарт Тоқаев Қазақстан халқына жолдауында баспана кезегі проблемасын жедел шешуді тапсырған болатын.

Кезекті азайту, мұқтаж жандарға баспананы қолжетімді ету бойынша қандай шаралар қолға алынған? Кезекті қалыптастыру үрдісін реформалау жоспары қандай? Бұл сауалдарға "Тұрғын үй құрылыс жинақ банкі" АҚ орталық филиалының басшысы Жансұлтан Матаев жауап береді.

Онлайн-брифинг трансляциясы Sputnik Қазақстан сайтында және YouTube-каналда көрсетіледі.

90
Кілт сөздер:
баспана, Тұрғын үй құрылыс жинақ банкі

Таулы Қарабақ: қақтығыстың ушығуына қатысты әлем елдері не дейді?

105
Таулы Қарабақта қарулы қақтығыс жалғасып жатқан кезде, әлемдік қауымдастық Әзербайжан мен Арменияның бейбіт келіссөздер жүргізуін талап етіп отыр

Тәуелсіздігін әлем мойындамаған Таулы Қарабақ республикасындағы ушыққан жағдайды БҰҰ, ЕО және Ресей бақылап отыр. Ал Түркия Әзербайжанды қолдайтынын ашық мәлімдеді. Толығырақ видеодан көре аласыздар.

105
Көзілдірік пен қағаздар

Сенат депутаты үкіметке ауыл ата-аналарының өтінішін жеткізді

0
(Жаңартылды 12:33 01.10.2020)
Депутаттардың пікірінше, қоғамдық көлікті қажет етпейтін елді мекендерде оқушылар санитарлық талаптарды қатаң сақтай отырып, бірнеше ауысым арқылы штаттық режимде оқи алады

НҰР-СҰЛТАН, 1 қазан – Sputnik. Сенаттың бір топ депутаты 600 адамға дейінгі контингенті бар, оқушылар саны бір сыныпта 15 баладан аспайтын ауыл мектептерін дәстүрлі оқыту форматына ауыстыруды сұрады.

Қашықтан оқыту мәселесін көтерген депутат Алтынбек Нухұлы сауалын премьер-министрдің орынбасары Ералы Тоғжановқа жолдады.

Сенатор қашықтан оқыту форматы ауыл мен қала мектептері арасында білім сапасын одан әрі алшақтатып жіберуі мүмкін деп санайды. Себебі ауыл мектептерінде оқу жабдықтары жеткіліксіз әрі интернет сапасы да төмен.

Айтуынша, қыркүйектен бері депутаттарға барлық өңірден 5-тен 11-сыныпқа дейінгі оқушыларды дәстүрлі оқытуға жіберу туралы ұсынысхаттар түсуде.

"Соның бір дәлелі – депутаттардың Семей қаласы мен Абай ауданына жұмыс сапары кезінде мектеп мұғалімдері мен ата-аналар санитарлық норманы сақтай отырып, барлық ауылдық мектепті дәстүрлі оқуға көшіруді ұсынды. Ауылдағы балалардың қарым-қатынасы қалаларға қарағанда қауіпсіз деп отыр. Олар ауылдың тыныс-тіршілігі мен табиғи ортасын ескеру керегін атап өтті. Біз бұл ұсынысты үкіметке жеткізуге уәделестік", – деді Алтынбек Нухұлы. 

Ол сенат депутаттарын ауылдарда орналасқан, қашықтан білім алатын контингенті 181-ден 600 адамға дейінгі мектептерге қатысты мәселе алаңдататынын жеткізді.

Депутаттардың пікірінше, қоғамдық көлікті қажет етпейтін елді мекендерде оқушылар санитарлық-эпидемиологиялық талаптарды қатаң сақтай отырып, бірнеше ауысым арқылы штаттық режимде оқи алады.

"Денсаулық сақтау министрлігінің ақпаратынша, оқу жылы басталғалы 104 оқушы COVID-19 жұқтырған. Оның ішінде үйде отырып, қашықтан оқитын балалар арасында 71 жағдай, мектеп қабырғасында кезекші сыныпта оқитын 33 балада анықталды. Яғни, дәстүрлі оқитын балалардың саны үйде отырып, қашықтан оқитындарға қарағанда екі есе аз", – деп атап өтті ол.

Оқи отырыңыз: ДДҰ басшысы бүкіл әлемдегі мектептердің ашылуы туралы ойын айтты

Сенаторлар үкіметтен ауылда білім беру сапасын жақсарту мақсатында 181-ден 600 адамға дейінгі контингенті бар, оқушылар саны бір сыныпта 15 баладан аспайтын, ауылдарда орналасқан мектептерді кезең-кезеңмен штатты режимде жұмыс істеуге көшіруді сұрады.

0
Кілт сөздер:
білім беру, ата-аналар, депутат
Тақырып бойынша
Есеп комитеті білім және ғылым министрлігін тексереді
Сенатор үйден оқып жатқан оқушыларды тегін интернетпен қамтамасыз етуді талап етті
Бас санитар дәрігер: мектептегі оқуды қалпына келтіру жоспары бар
Қазақстанда екі білім беру платформасы біріктіріледі
Сенаторлар қашықтан оқытуға байланысты мектептерде қосымша сабақ енгізуді ұсынды