Ресей мен Түркия Сирияға қатысты маңызды шешімдер қабылдады видео

120
(Жаңартылды 21:01 23.10.2019)
22 қазанда Ресей басшысы Владимир Путин Сочидегі резиденциясында түрік әріптесі Режеп Тайып Ердоғанмен келіссөздер жүргізді

Ресей президенті мен оның түрік әріптесінің келіссөздері шамамен 7 сағатқа созылды, оның ішінде бірнеше сағат көшбасшылар бетпе-бет сөйлесті.

Бірлескен баспасөз мәслихатындағы келіссөздердің нәтижесі бойынша Владимир Путин Сирияның тұтастығы сақталуы керек, онда шетелдік әскерилер болмауы тиіс және Түркия мен Сирияның ортақ шекарасында бейбітшілік пен тыныштықты бірге қорғауымыз керек деді. 

Владимир Путин мен Режеп Тайып Ердоған арасындағы алты сағаттық келіссөздер нәтижесінде 10 тармақтан тұратын өзара түсіністік туралы меморандумға қол жеткізілді.

120
Кілт сөздер:
видео, Сирия, Түркия
Тақырып бойынша
Сирия бойынша келіссөздердің келесі раунды Сочиде өтеді
Қазақ жігіттерінің Сирияда немен айналысқаны әшкере болды
Нұр-Сұлтандағы Сирия келіссөздері аясында екі жақты кездесулер өтті
Сириядан оралған жігіт содырлар үш досын не үшін атып тастағанын айтып берді
Ресей Сирия үкіметінің Идлибтегі атысты тоқтату туралы шешімін құптады

АҚШ-тың мемлекеттік хатшысы Ресейге қоқан-лоқы жасады

23
АҚШ-тың мемлекеттік хатшысы егер Ресейдің тәлібтермен байланысы расталса, оның құны жоғары болатынын айтты

Бұл оқиға маусымда The New York Times басылымында шыққан мақаладан басталды. Америкалық газеттің авторлары Мәскеу АҚШ әскерилерін өлтіру үшін Ауғанстандағы террористерге ақша төлейді деп мәлімдеді. Алайда мақалада нақты дәлелдер болған жоқ. Тек аты аталмаған арнайы қызметтің ақпаратына негізделіп жазылған. Ресейдің сыртқы істер министрлігі The New York Times мақаласының жалған екенін айтып, АҚШ-тан дәлел келтіруін талап етті.

23

Абайдың 175 жылдығы: ұлы ақынның мерейтойы Мәскеуде аталып өтті видео

57
(Жаңартылды 18:05 13.08.2020)
Мәскеуде Абайдың 175 жылдығын атап өтті. Ресей астанасында ұлы қазақ ақынының мерейтойына арналған шара қалай өткенін Sputnik видеосынан көре аласыз

Мәскеуде қазақтың ұлы ақыны Абай Құнанбайұлының туған күнін атап өтті. 175 жылдық мерейтой аясында Абайдың суреті бейнеленген алып пазл құрастырылды.

Пазлдың бөліктерін Нұр-Сұлтандағы ЮНЕСКО мектебінің балалары салды. Барлығы екі жүзге жуық сурет шықты. Әрқайсысында ақын шығармаларының сюжеті бейнеленген.

Бас кезінде пазл Қазақстанда құрастырылады деген жоспар болған. Осы шара астананың орталық алаңында өткізілуі тиіс еді.  Алайда коронавирус пандемиясына байланысты жоспар өзгерді. 

Sputnik тілшісі шара ұйымдастырушаларымен бірге Чистопрудный бульварына барды.

Бірнеше бөліктен құралған Абайдың суреті қайда қойылады? Пандемияға байланысты қандай шаралар өтпей қалды? Абайдың қандай сөздері әлі күнге дейін аса өзекті?

Бұл сауалдардың бәріне Sputnik видеосынан жауап аласыз.

57
Кілт сөздер:
видео, Мәскеу, Абайдың 175 жылдығы, Абай
Тақырып:
Абайдың 175 жылдығы
Тақырып бойынша
"Абай айт­қан жал­қаулық жиі кездесетіні қынжылтады": Тоқаев мақала жариялады
Татарстан президенті Абай өлеңін қазақ тілінде оқыды
Пандемия кезінде Абай фильмі қалай түсіріледі – министр жауап берді
Тоқаев Абай мұрасын зерттеушілерді марапаттады
Қазақстандық балалар салған суреттен Мәскеуде Абай портреті құрастырылады
Ер адам, архивтегі фото

Күзде теңге тағы құнсыздана ма сарапшылар пікір білдірді  

77
(Жаңартылды 17:07 14.08.2020)
Brent мұнайының қазіргі бағасы теңгенің қатты құнсызданбауына негіз болып отыр. Дегенмен бәрібір ұзақ мерзімде ұлттық валютаға қысым түседі

НҰР-СҰЛТАН, 14 тамыз – Sputnik. Алдағы күз айларында коронавирустың екінші толқыны басталады деп болжанып отыр. Өйткені жыл сайын сол уақытта инфекциялық аурулар өршіп кетеді. Үкімет дайындық шараларына кірісіп кетті. Ал халық арасында күзде теңге тағы құнсыздануы мүмкін деген әңгімелер де тарап жатыр. Sputnik Қазақстан тілшісіне сұхбат берген сарапшылар ұлттық валюта бағамына қатысты пікір білдірді.

Еңбек өнімділігін арттыру керек

Қаржы кеңесшісі Расул Рысмамбетовтың пікірінше, Қазақстан коронавирустың екінші толқынын жеңіл еңсереді. Себебі төтенше жағдай кезінде мемлекеттік органдар да, жеке құрылымдар да біраз тәжірибе жинады. Банктер мен компаниялар қашықтан жұмыс істеуге үйренді. 

"Иә, жыл сайын күзде инфекциялық аурулар өршіп кетеді. Сондықтан тағы шектеу шаралары енгізіледі деп ойлаймын. Бірақ коронавирустың екінші толқыны біріншісіне қарағанда жеңілдеу өтеді. Сол кезде цифрлық экономиканы дамытуға жақсы мүмкіндік болады", - дейді Рысмамбетов.

Сарапшының айтуынша, теңге бағамына пандемия да, карантин де қатты әсер етпейді. Негізгі фактор – мұнай бағасы және осы шикізатқа тәуелді отандық экономика.

"Теңге бағамына карантин немесе пандемия емес, мұнайға тәуелді экономикамен өткізген бейқам жылдар әсер етіп отыр. Теңге карантинге қарамастан, әлсірей береді. Шикізаттық мемлекеттің тағдыры сол, ылғи девальвацияға ұшырап отырады. Бүгінде осы проблеманы валюталық одақтар арқылы шешуге болады деген ұсыныстар бар. Алайда олай ғана емес, экономиканың сапасын және еңбек өнімділігін көтеріп те шешуге болады", - деп атап өтті Рысмамбетов.

Теңге қатты құнсыздана ма?

Экономист Бауыржан Ысқақов та теңгенің бағамы көбінесе мұнайға байланысты екенін айтып отыр. Сондықтан осы шикізаттың қазіргі бағасы күзде түспесе, теңге бағамы анау айтқандай өзгермейді деп санайды.   

"Қазір Brent маркалы мұнайдың бір баррелі 44-45 доллардың шамасында тұр ғой. Бұл теңгенің қазіргі бағамын ұстап тұруға жеткілікті. Меніңше, күзде ұлттық валютамыздың бағамы әрі кетсе, 440 теңгеге барады. Бірақ бір кездері "500-ге дейін жетуі мүмкін" деп айтылды ғой. Оған себептер де болған. Бірақ қазір жағдай өзгерді", - дейді Ысқақов.

Сарапшының айтуынша, коронавирусқа қарсы шаралар, вакцинаның шығуы, карантинді жеңілдету және тағы басқа жағымды өзгерістер оң әсерін беріп жатыр.

Оқи отырыңыз: Досаев теңгенің не себепті әлсірегенін түсіндірді

"Сондықтан күзде теңге қатты құлдырап кетеді, девальвация болады деп айта алмаймын. Оған қоса үкімет дағдарысқа қарсы шараларды қолға алды. Ұлттық қордан біраз ақша бөлінді. Жалпы, осы саладағы шаралардың нәтижесі көріне бастайды. Бірақ коронавирустың екінші толқыны болса, қосымша қолдау шараларын қолға алу қажет. Экономиканы дамытпасақ та, осы қарқында ұстап қалу үшін тағы ақша құю керек болады", - деді Ысқақов.

Санкция теңгеге кері әсер етуі мүмкін

Ал GSB UIB бизнесті талдау орталығының сарапшысы, экономист Мақсат Халық ұлттық валютамызға оң әсер етіп жатқан қазіргі сыртқы факторды атады. Ол – доллардың құнсыздануы.

"Негізі қазірдің өзінде теңгеміз біраз құнсызданып кететін еді. Бүгінде АҚШ-тың федералды резерв жүйесі долларды көптеп басып, экономикасына салып жатыр. Ал ақша массасының өсуі доллардың әлсіреуіне себеп болды. Қазір доллар еуроға қарағанда, Швейцарияның франкіне қарағанда біраз құнсызданды. Демек, әлемдік валюталарға шаққанда доллардың өзі әлсіреп, теңгеміздің қатты құнсызданбауына септігін тигізіп тұр", - деп түсіндірді Халық. 

Экономистің айтуынша, санкциялық соғыстар теңгеге кері әсер етуі мүмкін. Мәселен, АҚШ-тың Ресейге қатысты санкциялары күшейтілетін болса, рубль біраз құнсызданады. Ұлттық валютамыз да әлсірейді. Ал мұнайдың қазіргі бағасы теңге бағамын ұстап тұр. Алайда уақыт өте келе, ұлттық валютамызға қысым түседі. 

"Brent маркалы мұнай бағасының 40 доллардан жоғары тұрғаны теңгеміздің қатты құнсызданбауына негіз болып отыр. Бірақ бәрібір ұзақ мерзімде ұлттық валютамызға қысым түседі. Өйткені экспортымыздың көп бөлігі осы шикізаттан тұрады. Ал экспорттан түсетін ақша азайса, теңгенің жағдайы қиындайды. Сондықтан ұзақ мерзімде ұлттық валютамыз қатты құнсызданбаса да, ақырын-ақырын құнын жоғалтуы мүмкін", - дейді Халық.

77
Кілт сөздер:
доллар бағамы, теңге бағамы
Тақырып бойынша
"Экономикалық ахуал күрделі": қаржы министрі алдағы жоспар туралы айтты
Brent мұнайының қымбаттауы теңгеге қалай әсер етті
Ұлттық экономика министрі келешегі бар салаларды атады
Тоқаев теңге бағамына қатысты бірқатар тапсырма берді