Алматыдағы апат: сәбиді құтқарған полицей оқиғаның мән-жайын айтты - видео

3271
Әлеуметті желіде қызу талқыланған суреттің кейіпкері, полиция қызметкері Алматы түбінде болған ұшақ апаты туралы айтып берді

Жақсылық Сұлтанов – Алматы қаласындағы полиция департаменті патурульдік полиция полкінің аға лейтенанты. Ол 26 желтоқсан күні Түрксіб ауданында түнгі 12-де "Буран 292" экипажы қатарында қызметін атқаруға кіріскен. Кезекшілігін 27 желтоқсан таңғы сағат 8-де тапсыруы қажет болған. Бірақ аудандық полиция бөліміне бара жатқанда әріптесі екеуі әуе апаты туралы суық хабар алады. Олар оқиға орнынан бірнеше шақырым жерде болыпты.

"Біз оқиға орнына бара жатқанда не болғанын білген жоқпыз. Ондағы жағдайды көрген соң, есеңгіреп қалдық. Оқиға орнында полицейлер, төтенше жағдай департаментінің қызметкерлері, жедел жәрдем қызметі жұмыс істеп жатты", - дейді патурульдік полиция полкінің аға лейтенанты.

Оның айтуынша, апатқа ұшыраған ұшақтың айналасында заттар шашылып жатқан. Дәрігерлер мен құтқарушылар жолаушыларға ұшақ ішінен шығуға көмектесіп жатады. Осы уақытта шені жоғары қызметкерлердің бірі оған және екі полицейге үйдің айналасын қарап шығуға бұйрық берген.

"Шашылып жатқан жүктердің арасынан мен бір әйелді көріп қалып, жанына бардым. Жағдайын сұрап едім, ол маған жауап берген жоқ. Әйелдің үстінде куртка жатты. Мен оны жоғары көтерген соң, сәби екенін түсіндім. Бала жылап жіберді. Анасы орнынан тұрмақшы болды. Бірақ тұра алған жоқ, аяғы сынған екен. Мен оған қозғалмауға кеңес беріп, баласын жәдел жәрдемге апаратынымды айтым. Ол маған жауап берген жоқ - тек көзін бір жұмып, келісім берді", - дейді полиция қызметкері.

Тағы оқыңыз: Алматы түбінде құлаған ұшақтың командирі туралы ақпарат жарияланды

Жақсылық Сұлтанов ұшақ апатын көрген кезде шошып кеткенін жасырған жоқ.

"Иә, қорқып кеттім. Осы уақытта өзімнің бір жасар қызым бар екені есіме түсті. Батырмын ба? Жоқ. Нағыз батыр - әйел, ол соңында дейін баласын қолына ұстап, бауырына басып жатқан. Осының арқасында сәби аман қалды", - деді ол ағынан жарылып.

Сондай-ақ тәртіп сақшысы әлеуметтік желідегі танымалдылығына қатысты сұраққа қысқа жауап қайырды:

"Мұндайды күткен жоқпын. Бұл жай ғана жұмыс".

3271
Кілт сөздер:
видео, ұшақ апаты
Тақырып:
Алматы маңындағы ұшақ апаты (68)
Тақырып бойынша
Полиция Алматы түбіндегі ұшақ апатының үшінші себебін жария етті
Алматы маңындағы ұшақ апатына қатысты тың деректер шықты
"Жұрт дүрлігіп, жылады": ұшақта болған кәсіпкер апат кезінде не болғанын айтты
Ұшақтан адамдарды құтқарып жатқан кезде үйдің төбесі опырылып түскен
Ұшақ апатынан аман қалған ұшқыш қамауға алынған жоқ – ІІМ

Таулы Қарабақ: қақтығыстың ушығуына қатысты әлем елдері не дейді?

93
Таулы Қарабақта қарулы қақтығыс жалғасып жатқан кезде, әлемдік қауымдастық Әзербайжан мен Арменияның бейбіт келіссөздер жүргізуін талап етіп отыр

Тәуелсіздігін әлем мойындамаған Таулы Қарабақ республикасындағы ушыққан жағдайды БҰҰ, ЕО және Ресей бақылап отыр. Ал Түркия Әзербайжанды қолдайтынын ашық мәлімдеді. Толығырақ видеодан көре аласыздар.

93

Таулы Қарабақтағы қақтығыс: Әзербайжан мен Армения келісімге келе ала ма?

149
Таулы Қарабақтағы жағдай ушығып тұр. 27 қыркүйекте бұл аймақта қарулы қақтығыстар басталды. Қарсылас күштер – Әзербайжан мен Армения бірін-бірі арандатушылыққа барды деп айыптап отыр

Екі ел де қарсы тараптың шабуылға шыққанын, сондықтан, қарсы операцияға мәжбүрлі түрде барғанын мәлімдеді. Қарулы қақтығыстар әскери және бейбіт тұрғындардың өліміне әкеліп соғуда. Мұндай жанжал Қарабақта 1994 жылдан бері болмаған еді. Ашық қақтығыстар басылғанымен, шиеленіс жалғаса берді. Заңды түрде Таулы Қарабақ Әзербайжан жері, дегенмен 1991 жылы референдумның нәтижесінде республика өз тәуелсіздігін жариялады. Алайда, әлем Таулы Қарабақ Республикасының тәуелсіздігін әлі күнге дейін мойындаған жоқ. Негізінен Таулы Қарабақта армяндар көп қоныстанған. Даулы аймақтағы шиеленіс туралы видеодан көріңіз.

149
Махамбет Досмұхамбетов

Атырау облысының әкімі орынбасарының кінәсі дәлелденсе, қызметінен кетуге дайын

0
Әкімнің бірінші орынбасары мен құрылыс басқармасының бастығы 420 мың доллар көлемінде пара алды деген күдікпен ұсталды

НҰР-СҰЛТАН, 30 қыркүйек – Sputnik. Атырау облысының әкімі Махамбет Досмұхамбетов бірінші орынбасары Нұрлан Таубаев шынымен де кінәлі деп танылып, сот үкімі шықса, қызметінен кететінін мәлімдеді.

Әкімнің орынбасары мен құрылыс басқармасының бастығы 182 миллион теңге (420 мың доллардан астам) көлемінде пара алды деген күдікпен ұсталды, деп жазды "Ақ Жайық" басылымы.

"Заң бәріне ортақ. Егер тергеу аяқталып, сот оны кінәлі деп тапса, онда мен заңға сәйкес, отставкаға кетуге дайынмын. Оны қабылдай ма, жоқ па, президент өзі шешеді", - деді әкім Махамбет Досмұхамбетов.

Еске сала кетейік, 2019 жылдың қарашасында "Мемлекеттік қызмет туралы" заңға түзетулер енгізілді, оған сәйкес қарамағындағы қызметкердің кінәсі дәлелденіп, сот үкімі заңды күшіне енгеннен кейін басшы қызметінен кетуге міндетті.   

Оқи отырыңыз: Қазақстанда бірнеше әкім отставкаға кетуге өтініш берді 

Сыбайлас жемқорлыққа қарсы іс-қимыл агенттігі бұған дейін заң аясында қандай қызметкерлер тікелей бағынышты ретінде қарастырылатынын түсіндірген болатын.

0
Кілт сөздер:
отставка, әкім, Атырау облысы
Тақырып бойынша
Білім саласында жемқорлық неге көбейді?
Нұр-Сұлтанда әкім қызметінен кетті
Жезқазғанға жаңа әкім тағайындалды
Тоқаевтың тапсырмасы: облыс әкімінің орынбасары мен аудан әкімі отставкаға кетті