Қазақстандық бүлдіршіндердің айтысы жұртты күлкіге қарық қылды видео

1162
Әлеуметтік желілерде балабақшада айтысқан бүлдіршіндердің видеосы қызу талқыға түсті. Кішкентай айтыскерлер 21 мың теңге мен кредит тақырыбын көтерді

"Соңғы кезде елімізде көп жаңалық, саясаттар болып жатыр таңғаларлық. 21 мың теңгені әр балаға төлеп беріп, аналарға табыс болды қуантарлық", - деді Айзере есімді кішкентай айтыскер.

Бүлдіршіндер сөз додасында кредит тақырыбын да қозғады.

"Әңгімесі кредиттің гулеп кетті. Бір кредит өтелсін деп жарлық шықты. Бір кредитінен құтылған жеңешем, орамалын желпілдетіп билеп кетті", - дейді екінші балақай.

Тағы оқыңыз: Тойда күйеуін қызғанған әйелдің әрекеті жұрттың ішек-сілесін қатырды – видео 

Желі қолданушылары оларға кішкентай "Балғынбек пен Айнұр" деп ат қойған (Балғынбек Имашев және Айнұр Тұрсынбаева – қазақтың танымал ақындары).

Бүлдіршіндер қазақстандықтарға бейбітшілік тілеп, сахнаға қайта оралуы мүмкін екенін жеткізді.

Қазақстандықтар Жаңа жылда мерекелік көңіл-күй сыйлағаны үшін балабақша тәрбиешілеріне алғыс білдірді.

1162
Кілт сөздер:
бүлдіршіндер, видео, балабақша, айтыс
Тақырып бойынша
"Күлкі етеді" Танымал режиссер неге қазақша сөйлемей жүргенін айтты
Үлкен қызға қырындаған оқушының биі жұрттың ішек-сілесін қатырды – видео
Қалыңдық гүлін қағып алған қыздың жігіті жұрттың ішек-сілесін қатырды – видео

АҚШ Сириядағы жағдайға Ресей мен Иранды айыптады

112
АҚШ-тың БҰҰ жанындағы тұрақты өкілі Келли Крафт америкалықтар Сирияға көмек көрсету үшін миллиардтаған доллар жұмсап жатқанда, Мәскеу мен Тегеранның "қолы қанға боялған" деп мәлімдеді

Осылайша, ол Ресейдің БҰҰ жанындағы тұрақты өкілі Василий Небензяның АҚШ Сирия мұнай кен орындарын пайдаланып жатыр деген сынына жауап берді. Ресей Сирия мұнайының заңсыз саудасы мәселесін бірнеше рет көтерді, осыған байланысты Мәскеу мен Тегеран бірнеше рет дәлел келтірген еді.

112

Пентагон басшысы АҚШ әскерінің Германиядан шығарылатынын мәлімдеді

86
Вашингтонда өткен баспасөз конференциясында Пентагон басшысы Марк Эспер АҚШ Германиядағы әскерилердің санын азайтатынын мәлімдеді

Қорғаныс министрінің айтуынша, жақын арада Германиядан шамамен 12 000 әскер шығарылады. Олардың 6 мыңнан астамы елге оралады, ал қалғаны Еуропаның басқа елдеріне, атап айтқанда Италия мен Бельгияға жіберіледі. Германиядан әскерді шығару туралы жоспарды АҚШ президенті Дональд Трамп осы жылдың маусым айында айтты. Ол өзінің бұл шешімін НАТО-ның бұйрығына қарамастан Берлиннің қорғаныс шығындарын көбейтуге құлықсыздығымен түсіндірді.

86
Архивтегі фото

Ордабасы ауданында коронавирус жұқтырған соңғы науқас жазылып шықты

0
Ауданда коронавирус инфекциясын жұқтырған 158 науқас тіркелген. Оның екеуі қайтыс болды. Қалғаны ауруханадан шыққан

НҰР-СҰЛТАН, 5 тамыз – Sputnik. Түркістан облысында Ордабасы аудандық орталық ауруханасының коронавирус инфекциясын жұқтырғандарға арналған инфекциялық бөлімі қазір бос тұр. Мұнда емделген соңғы науқас ауруынан толық сауығып шыққан.

"Парламент мәжілісінің депутаты Нұржан Әлтаев бастаған республикалық "Қоғамдық бақылау" өкілдері аудандық ауруханада болып, жағымды жаңалыққа куә болды", - деп хабарлады облыс әкімінің баспасөз қызметі.

Ордабасы аудандық орталық ауруханасы 120 мың халыққа қызмет көрсетеді. Ауданда коронавирус инфекциясын жұқтырған 158 науқас тіркелген. Оның ішінде 2 азамат қайтыс болды. Емделушілер толық жазылып шыққан. Пневмония ауруы да азайып, провизорлық госпитальдың төсек-орын саны 40 орынға қысқарған. Қазір аталған індетпен 21 науқас ем қабылдап жатыр.

Оқи отырыңыз: Мамин коронавирус пандемиясының жаңа толқыны туралы айтты 

Аудандық аурухана 9 жасанды тыныс алдыру аппараты және 70-тен астам оттегімен қамту жабдығымен қамтамасыз етілген. Жеке оттегі жеткізу орталығы орнатылған. Дәрі-дәрмек қоры жеткілікті. Бір ай бұрын құрылған 17 мобильді топ мыңға жуық науқасқа үйлеріне барып, ем көрсеткен.

"Қоғамдық бақылау" өкілдері аурухананың инфекциялық және провизорлық бөлімдерін аралап, жедел-жәрдем көлігімен және зертхана жағдайымен танысып шықты.  

0
Кілт сөздер:
Ордабасы ауданы, коронавирус
Тақырып:
Коронавирус эпидемиясы
Тақырып бойынша
Маска тақпағандарға 79 мың теңге айыппұл салынады
Қазақстанда коронавирустан қанша адам қайтыс болғаны айтылды
Билік коронавирустан қайтыс болғандардың нақты санын жасырып отыр ма?
Денсаулық сақтау министрі бетперде тағуға қатысты соңғы өзгерісті жариялады
Ақорда бірнеше қылмыстық істің қозғалғаны туралы ақпарат таратты