Онлайн-ауызашар: карантин кезінде мешіттер қалай жұмыс істеп жатыр - видео

907
Қазақстанда төтенше жағдай режимі ұзартылды. Ал карантин шараларын жеңілдетіп жатыр. Дегенмен, мешіттер әзірше ашылмайды. Мүфтият діни рәсімдерді онлайн режимде атқарып келеді

Соның ішінде құран бағыштау, уағыз-насихит, Құран хатым мен діни дәрістер бар. Тіпті, ауызашарға да онлайн түрде тапсырыс беруге болады. Sputnik Қазақстан тілшісі астанадағы "Әзірет Сұлтан" мешітінде болып, діни қызметкерлердің онлайн-жұмысын көріп қайтты.  

"Батамен ел көгерер"

"Әзірет Сұлтан" мешітінің бас имамы Ерболат Нұрылдаұлының айтуынша, карантинге байланысты жамағатпен бірге намаз оқуға мүмкіндік болмаса да, батаға онлайн режимде қосылуға болады. Мәселен, Instagram желісіндегі muslim.kz парақшасы арқылы имамдар әрбір он бес минут сайын құран бағыштап, дұға жасайды. Халық онлайн режимде қосылып, іштен қайтыс болған туған-туыстарын атай алады.

"Әрбір мұсылман садақа бергенде құран оқылып, дұға бағышталғанға үйренген ғой. Біз осы олқылықтың орнын толтырып, еліміз дұғасыз, батасыз қалмасын деп, онлайн "Батамен ел көгерер" деген үлкен жобаны қолға алдық. Діни басқармаға қарасты Hikmet TV арқылы асыр намазынан кейін Құран хатым оқылады", - дейді Нұрылдаұлы.  

Бұдан бөлек, "30 күнге – 30 уағыз" жобасы аясында күніне үш рет имамдардың дәрістері ұйымдастырылады. Оны мүфтияттың Youtube арнасынан және  Instagram парақшасынан көруге болады.

Ауызашар қалай ұйымдастырылады?

Төтенше жағдайға байланысты мешітте бұрынғыдай көп адам жинап, ауызашар ұйымдастыруға болмайды. Дегенмен, тапсырысты онлайн түрде беруге мүмкіндік бар. Онымен "Әзірет Сұлтан" мешітінің жанындағы "Sharapat" еріктілер орталығы айналысады. Оған наиб имам Естай Айтуғанұлы жетекшілік етіп жүр. Айтуынша, ауызашар тағамдары тегін таратылады. Осы жұмысқа 50 ерікті тартылып отыр.

"Әрине, бұның барлығы – демеушілердің көмегі. Олар өздері хабарласып, осыншама адамға ауызашар тағамдарын таратайын деп тапсырып береді. Бір пакеттің бағасы – 1 800 теңге. Біз әрбір ауызашар тағамын мешітімізде тіркелген және ауыз бекіткен адамдарға таратып отырамыз", - дейді Айтуғанұлы.

Оның сөзіне қарағанда, "Рамазан шуағы" қайырымдылық акциясы аясында ауызашар тағамдары көпбалалы отбасыларға, мүгедектер мен зейнеткерлерге де таратылады.

"Көптеген демеушілер біздің акциямыз туралы енді-енді естіп жатыр. Қазір хабарласып жатқандардың саны күн сайын артып келеді. Соған қарағанда, айдың ортасына қарай немесе аяғына қарай мыңдаған отбасына таратамыз", - деп атап көрсетті Айтуғанұлы.

Биыл қасиетті Рамазан айы төтенше жағдаймен сәйкес келді. Осыған байланысты жұқпалы індеттің алдын алу үшін мешіттерде жұма, тарауық, күнделікті жамағат намазы уақытша оқылмайды. Сонымен қатар, мешіт пен қоғамдық орындарда ауызашар берілмейді. Ал пітір садақаның мөлшері 370 теңге деп бекітілді. Оны онлайн түрде аударуға болады.

Бас мүфти Наурызбай қажы Тағанұлының айтуынша, ораза кезінде антисептікті қолдануға болады. Себебі елімізде төтенше жағдай жарияланған. Ал антисептиктің құрамында спирт болса да, адамның денсаулығын қорғайды. Шариғат бойынша адамның денсаулығын қорғайтын заттарды қолдануға болады. Одан ораза бұзылмайды. Ал ауызашарды жасаудың бірнеше жолы бар.

"Ауыз бекіткен жандарға азық-түлік жеткізіп берсеңіз де, ауыз аштырғанның сауабын аласыз. Тіпті, көмекке мұқтаж отбасыларға ауызашарға кететін шығынды беріп, қаржылай қолдау көрсетсеңіз де, мол сауапқа кенелесіз. Осы ретте барша отандастарымды көмекке мұқтаж отбасыларға жан-жақты қолдау көрсетуге, еліміздегі мешіттер арқылы ораза тұтқан отандастарымызға ауызашар тағамдар таратуға шақырамын", - дейді Тағанұлы.

Оқи отырыңыз: Ораза кезінде орындайтын 10 амал

907
Кілт сөздер:
видео, мешіт, Ораза, ауызашар
Тақырып:
Рамазан айы - 2020 (36)
Тақырып бойынша
Имам ораза ұстауға мүмкіндігі жоқ адамдарға кеңес берді
Бас мүфти кімдерге ораза ұстамауға рұқсат етілетінін айтты
Ораза кезінде антисептик қолдануға бола ма – мүфтият жауабы
"Суды көбірек ішу керек": бас санитар ораза ұстайтындарды сақтандырды
Рамазан - 2020: Ораза кестесі

АҚШ ядролық сынақтарға тыйым салу туралы шарттан шығуға дайындалып жатыр Захарова

96
Ресей сыртқы істер министрлігінің ресми өкілі Мария Захарова АҚШ Ядролық сынақтарға жалпыға бірдей тыйым салу туралы шарттан шығуға дайындалып жатқанын мәлімдеді

Захарова, сондай-ақ, америкалық тарап іс-қимыл алгоритмін бірнеше мәрте пысықтағанын атап өтті: "Алдымен, басқалардың атына ойдан құрастырылған айыптаулар айтылады, кейін әкімшілік нақты қадамдар жасайды".

Мария Захарованың айтуынша, осылайша қоғамдық пікір АҚШ билігінің шешім қабылдауына дайындалады. Еске сала кетсек, Ядролық сынақтарға жалпыға бірдей тыйым салу туралы шартқа 1996 жылы қол қойылған болатын. Бірақ, Ресейден айырмашылығы, бірқатар мемлекет, соның ішінде АҚШ және ҚХР шартты ратификациялаған жоқ.

Тағы оқыңыз: Орталық Азия мен Кавказдағы биозертханалар: көзделген мақсат пен мүдде қандай?

Ядролық қаруы бар мемлекеттер өздеріне сынақ жүргізбеу туралы міндеттеме алды.

Бұған дейін Washington Post газеті АҚШ президентінің әкімшілігінде 1992 жылдан бергі алғашқы ядролық сынақ өткізу мүмкіндігі талқыланып жатқанын хабарлаған еді.

96

Лавров Батысты коронавирус індетін өз мақсатына пайдаланғаны үшін сынады видео

37
Ресей сыртқы істер министрлігінің басшысы Сергей Лавров батыс елдерінің коронавирус пандемиясына көзқарасын сынға алды

Сыртқы істер министрі қытайлық Global Times газетіне арналған мақалада жазғандай, олар өздері қырын қарайтын үкіметтерді жазалау үшін жағдайды пайдаланып қалуға тырысуда, індеттен зардап шеккен елдерге Ресейден гуманитарлық көмек алуға тыйым салып отыр.

Бірақ Батыстың өзі коронавируспен күрес мәселесінде ізгілік қағидаттарына сүйенуге асықпайды.

Батыс елдерінің екіжақты стандарттары туралы толығырақ – біздің видеода.

37
Кілт сөздер:
коронавирус, Ресей
Рахман Омар

"Алып шыға алмайтынымды сездім": актер Рахман Омармен сұхбат

0
(Жаңартылды 17:00 31.05.2020)
Театрда комедия, драма, трагедия деген үш бағыт болса, үшеуінен де құралақан емес актер астарын ашып, психологиясын жеткізу күрделі рөлді ойнағанды ұнататынын айтты

АЛМАТЫ, 31 мамыр – Sputnik, Айгерім Таубай. Қазақстанның еңбек сіңірген қайраткері, театр актері, көпшілікке тележүргізуші ретінде танымал Рахман Омар 26 жылдан бері Мүсірепов атындағы мемлекеттік театрда еңбек етіп келеді. "Мың бір мақал, жүз бір жұмбақ", "Қызық екен" секілді бағдарламалар арқылы көрермен көңілінен шыққан азамат театрда қандай рөлді сомдағысы келетінін Sputnik Қазақстан тілшісіне берген сұхбатында айтты.

Ең бастысы – театр

"Басты мамандығым – театр актері екенін біреу білсе, біреу білмейді. Көбі тележүргізуші ретінде таниды. 1993 жылдан бері Ғабит Мүсірепов атындағы театрда жұмыс істеймін. Үлкенді-кішілі 60 шақты рөлді сомдадым. Телеарна саласында бірнеше жобада жүргізуші болдым. "Мың бір мақал, жүз бір жұмбақ" бағдарламасын ел аузында әлі күнге дейін жүр. Барлық арнада қызмет атқардым", - деп бастады әңгімесін актер.

Посмотреть эту публикацию в Instagram

Публикация от Рахман Омар (@rakhmanomar)

Айтуынша, игермеген саласы кино, алайда Досхан Жолжақсыновтың "Құнанбай" фильмінде эпизодта ойнаған.

"Құнанбай" фильмінде тілмаштың рөлін сомдадым, көркем фильмге түскенім осы болды. Эпизодтағы шағын ғана рөл болды. Одан бөлек телехикаяларға шақырады, алайда қандай фильм екеніне қарап, бас тарттым. Өйткені қайталау көп. Мен үшін ең бастысы – театр", - дейді Омар.

Түрік және корей телехикаялары жаулап алды

"Телеарнада 1-2 жылға жоспарларланған жобаларға қатысып тұрамын. Соның бірі – "Қызық екен", "Кім білгір" секілді интелектуалды бағдарламалар. Бір жылға жоспарланған "Қызық екен" бағдарламасы көрерменнің сұрауы бойынша екі жылдай жүрді. Қазір де сұрайды.

Өйткені қазір телеарнада интеллектуалды бағыттағы бағдарламалар өте аз. Кезінде "ХХI ғасыр көшбасшысы" секілді бағдарлама болды. Қазір қай арнаны қоссақ та, қойыртпақ дүние көп, телеарнаның барлығын түрік және корей телехикаялары жаулап алған. Артында қомақты қаржы тұрған шығар, ол жағы маған беймәлім. Арнаның ішкі асханасына қол сұқпаймын", - дейді ол.

Посмотреть эту публикацию в Instagram

Публикация от Рахман Омар (@rakhmanomar)

Рахман Омардың айтуынша, телеарнада басшы ауысқан сайын қызметкерлер құрамы да ауысады. Мұндай жағдайда еңбегі сіңген кісілердің өзі қызметін босатуы қажет.

"Әр басшы келген сайын өз командасын алып келу үрдіске айналған, соның зардабын тәжірибелі мамандар да көріп жатады. Әсіресе, техникалық жағында 30 жыл қызмет еткен кісіге жаңа басшы келгенде орнынан кетуге тура келеді. Ал ол адам студияның әр шегесінің қайда қағылғанын біледі. Біз де солардың қатарына жатамыз. Жаңа басшының талғамына қараймыз",- дейді Омар.

Сонымен қатар телеарнада өткен ғасырдың соңында көрсетілген бағдарламаларды қайтадан көрсету жайлы ұсынысын да айтты. Бұл ескілікті аңсау емес, телеарнаның нағыз майталмандарын насихаттау деп түсіндірді сөзін.

"Өзінің өткенін ұмытқан, болашақтың наласына қалады" деген қанатты сөз бар. Кестені толтыру үшін күнделікті болмайтын бағдарламалар көрсетіп жатады. Соның орнына неге осы ретро, архивтегі дүниелерді көтеріп, өскелең ұрпаққа телеарнаның не екенін, оның сүрлеуі мен даңғылды дара жолынан, тарғыл жолымен өткен нағыз майталмандардың көрсетпеске деп ойлаймын. Сағат Әшімбаев, Шерхан Мұртаза ағаларымыз 70-80 жылдары телеарнаның басы-қасында жүрген кезде тұщымды дүниелер көп болды. Қазақтың руханияты, салт-дәстүр, әдетіне байланысты дүниелер шықты", - дейді Омар.

Жағымсыз образды ойнау ұнайды

Театрда комедия, драма, трагедия деген үш бағыт болса, үшеуінен де құралақан емес актер астарын ашып, психологиясын жеткізу күрделі рөлді ойнағанды ұнататынын айтты.

Актер үш жанрды да тең деңгейде меңгеруі қажет. Кей актердің ыңғайы комедияға келіп, драмаға нашарлау болады, біреуінде керісінше. Маған осы үш жанрда да рөл бұйырды. Жаныма жақыны "Қозы Көрпеш-Баян Сұлудағы" Жантықтың бейнесі. Гамлетті армандадым деп өтірік айтпай-ақ қояйын, Гамлетті ойнайтын актер көп. Маған астарын ашатын рөл, жағымсыз образ қатты ұнайды", - дейді Рахман Омар.

Отыз жасында Жантықтың рөлін алып шығатынына сенімді болмаған актер бірнеше жыл өткен соң ғана образды ашуға дайын болғанын, сол себепті ең сүйікті рөлі ретінде сақталғанын айтты.

"Театр актері "бұйыртқан рөл" деп сөйлейді. Отызға толмаған шағымда режиссер Балтабай Сейітмамытов "Қозы Көрпеш" қойылымын қойды. Сонда маған екінші құрамда Жантықтың рөлін берді. Бірінші құрамда Сағат Жылгелдиев ойнады. Мен өз шамама қарап, алып шыға алмайтынымды сездім. Рөлді Сағат ағам өзі ойнап кете берді. Мен дайын болған жоқпын. Араға біраз жыл салып, жасым қырыққа таяған шағымда режиссер Жанат Қажиев "Қозы Көрпешті" қайта қойды. Сол кезде Жантыққа дайын болдым", - дейді ол.

Кемел Абайды сомдағысы келеді

"1994 жылы Жүргенов атындағы өнер академиясында диплом жұмысымыз Шәкен Аймановтың сценарийі бойынша "Желсіз түнде жарық ай" қойылымын қою болды. Ол жерде Абайдың жастық шағын ойнаймын. Институтты бітіріп, театрға қабылданған кезде сол қойылымды Нұрқанат Жақыпбаев Мүсірепов театрында қойды. Институттан келген дайын Абай ретінде сол рөлді сомдау бақытына ие болдым. Ол Абайдың 150 жылдық мерейтойы болатын",- дейді ол.

Посмотреть эту публикацию в Instagram

Публикация от Рахман Омар (@rakhmanomar)

2020 жылы Абайдың 175 жылдық мерейтойы қарсаңында ақынның кемелденген шағын сомдағысы келетінін айтты.

"Абайдың пәлсапалық ойлары қырық жастан асқан соң шыға бастаған. Қазір Абайдың сол бір шағын ойнағым келеді. Құнанбайұлының образы өте күрделі образ, екінің бірі ойнамайды. Сырт келбеті жағынан да ұқсастық бар: бетім домалақ, орта бойлы. Ішкі жан дүниесін, арпаласын алып шығу актер үшін өте қызық. Қазір Абайды сомдасам қалай болар екен деймін. Кім білсін, он жылдан кейін "Король Лирді" ойнағым келетін шығар", - дейді Рахман Омар.

 

 

0
Кілт сөздер:
телеарна, театр, сұхбат
Тақырып бойынша
"Жанымды жегідей жейді" Азамат Сатыбалды ешкімге айтпаған сырымен бөлісті
Дулыға Ақмолда: Актер деген мамандықты төменге түсіріп жібердік...
"Түрімді ұмытып қалды" Назарбаевтың рөлін сомдаған актер көрген қиындықтары туралы айтты
"Тревога" десе, үй киімімен барасың": арнайы жасақтағы қыздар ашық сұхбат берді
Театр үздіктері анықталды