"Қымбатқа түсті": елордаға алғашқы карантиндік рейс ұшып келді - видео

2091
Бірінші мамырдан бастап Нұр-Сұлтан мен Алматының арасында әуе рейстері ашылды. Алайда ұшақтардың саны шектеулі және барлық санитарлық-эпидемиологиялық ереже қатаң сақталады

Sputnik Қазақстан тілшісі Нұр-Сұлтанға Алматыдан ұшып келген бірінші карантиндік рейсті қарсы алып, жолаушылармен сөйлесіп қайтты.

Тәртіп қатаң сақталады

Нұрсұлтан Назарбаев халықаралық әуежайында жолаушыдан гөрі полицейлер мен күзетшілер көп. Барлығы санитарлық-эпидемиологиялық тәртіпті қадағалап жүр. Әуежайдың ішіне тек жолаушыларды ғана кіргізеді. Залда кіретін және шығатын аймақты арнайы лентаман қоршап қойған. Ол шекарадан шығуға болмайды. Санитар дәрігерлер әрбір жолаушыны жіті тексеріп отырады.

"Біз ең алдымен жолаушының дене қызуын өлшейміз. Одан кейін COVID-ке тапсырған тест анықтамасы мен жеке құжаттарын тексереміз. Барлығы дұрыс болса ғана өткіземіз. Тесттің анықтамасы жолаушының өзінде қалады", - дейді санитар Маржан Төлтаева.

Ал жолаушыларды күтіп алатын және шығарып салатын адамдарға ішке кіруге рұқсат жоқ. Тіркеуге дейін шығарып саламын десең, анықтама болу керек. Сонда ғана әуежайға кіргізеді. Бірақ алдымен санитар дәрігерлердің тексерісінен өту қажет.

Жол ақысы қымбатқа түсті 

Алматыдан шыққан алғашқы карантиндік рейс астанаға таңғы сағат 8:40-та ұшып келді. Жолаушылардың көбісі сұхбат беруден бас тартты. Ал пікір білдірген адамдар жол ақысының қымбатқа түскенін айтып отыр. Себебі билеттен бөлек тестке де біраз ақша шығару қажет. 

"Мысалы, мен билетті 55 мың теңгеге алдым. Оған тестке кеткен 20 мыңды қосыңыз. Әрине, қымбат. Енді, маған астанадан ары қарай Қарағандыға жету керек. Мысалы, қазір блок-бекетке дейін таксиге тапсырыс беріп жатырмын. 3-5 мыңдай шығып отыр. Ал блок-бекеттен Қарағандыға дейін бұрын бір салонға 12 мың алатын. Қазір 25-30 мың дейді. Сонда Алматыдан Қарағандыға жету үшін 100 мыңдай кетеді", - дейді жолаушылардың бірі.

Ал жас бір келіншек кішкентай сәбиге де тест тапсырғанын жеткізді.

"Тестпен бірге қымбат, кішкентай сәбиге де тест тапсырдық. 97 мыңдай билет және 37 мың тестке кетті. Қымбат, қарапайым халыққа қымбат", - дейді ол.

Тағы рейстер ашылады

Ұшаққа бетпердесіз кіргізбейді. Ішінде санитарлық ереже қатаң сақталады. Үш орындықтан тұратын қатарда бір ғана жолаушы отырады. Сөйтіп, барлығын шахмат тәртібімен отырғызады. Жолаушыларды ұшақтан шығармай жатып,  дене қызуын тексереді.

Оқи отырыңыз: Нұр-Сұлтан мен Алматы арасында ұшатын жолаушылардың мәліметі базаға енгізіледі

Айта кетейік, мемлекеттік комиссия 1 мамырдан бастап  Нұр-Сұлтан мен Алматының арасында әуе рейстерін ашуға шешім шығарған болатын. Мәселен, бүгін Алматыға төрт рейс жоспарланған. Ал 4 мамырдан бастап осы екі қаладан тағы төрт қалаға ұшақтар қатынайды бастайды, олар - Семей, Өскемен, Қызылорда және Петропавл.

2091
Кілт сөздер:
видео, карантин
(4:48 / 56.63Mb / )

Жоғары Еуразиялық экономикалық кеңес қалай өтіп жатыр трансляция аяқталды

98
(Жаңартылды 15:32 19.05.2020)
Кестеге сәйкес саммит 19 мамырда Минскіде өтеді деп жоспарланған, дегенмен COVID-19 коронавирус пандемиясына байланысты бірқатар ел өз шекарасын жауып, карантин шараларын қабылдады

Бұған дейін Минскіде ЕАЭО лидерлерінің келіссөздерін бейнебайланыс арқылы өткізу мүмкіндігі қарастырылып жатқаны хабарланған болатын, алайда Беларусь басшысы көзбе-көз кездесуді қолдайтынын мәлімдеді.

Лукашенко сонымен қатар, ЕАЭО басшыларының жеке кездесуін өткізу үшін эпидемиологиялық жағдайға байланысты саммит кейінге қалдырылуы мүмкін екенін жоққа шығармады.

Еуразиялық экономикалық одақ – 2015 жылдың 1 қаңтарынан бастап жұмыс істейтін халықаралық интеграциялық экономикалық бірлестік. Одаққа Қазақстан, Ресей, Армения, Беларусь және Қырғызстан мүше. 2020 жылы ЕАЭО органдарына Беларусь төрағалық етеді.  

98

Нұр-Сұлтанда мешіттер мен дәмханалар ашылды видео

274
Елордада мешіттер мен шағын тамақтану орындары ашылды. Алайда барлық жерде қатаң санитарлық шаралар сақталады

Sputnik Қазақстан тілшілері мешіттер мен дәмханаларды аралап, карантиндік жағдайда жұмыс жасау тәртібімен танысып қайтты. 

Үш құлшылыққа рұқсат

"Әзірет Сұлтан" мешітіне бетпердесіз кіруге болмайды. Бұдан бөлек, имамдар қолғап киіп келуге кеңес береді. Ал мешіттің өзінде әзірше тек үш құлшылыққа ғана рұқсат етілген. Бас имам Ерболат Нұрылдаұлының айтуынша, біріншіден, намаз оқуға болады. Бірақ жеке құлшышыққа ғана рұқсат бар.

"Адам жеке құлшылығын 15 минуттың ішінде орындап шығып кетуі керек. Жамағатпен құлшылық жасалынбайды, яғни тек жеке құлшылыққа ғана рұқсат. Екінші құлшылықтың түрі - құран оқыту, адамдар арнайы бөлмеге кіріп, ата-бабаларына құран бағыштай алады. Ал үшінші құлшылық – некелесу. Некеге рұқсат бар, бірақ жас жұбайлар екі куәгермен ғана келуі керек", - дейді мешіттің бас имамы.

Құран оқытуға арналған бөлмеге 10 адамнан ғана кіргізеді. Орындықтардың арасын да ашып қойған. Келген адам бірінші бөлмеге сыймаса, қосымша бөлмеге баруға болады. Онда да имам құран оқиды.

Жамағаттың қуанышында шек жоқ

Мешіттің жұмыс уақыты белгіленген. Таңғы сағат 7:00-ден кешкі 20:00-ге дейін келуге болады. Бүгін таң атқаннан бері мешітке жасы да, кәрісі де келіп жатыр. Араларында 80-90 жастағы қариялар да аз емес.

"Мешітке садақа берейін, әруақтарға құран оқытайын деп келдім. Құран оқыттым, садақамды бердім. Соған ризамын", - дейді қала тұрғыны Күлзада апа.

Ал Алмас Пернебеков жамағатпен бірге намаз оқуды асыға күтіп жүр.

"Қуанышымызда шек жоқ, жалпы өзіміздің жұмысымызда да он-он бес шақты жамағатымыз бар. Қуанып жатырмыз. Мешіттің аты мешіт қой, Алланың үйі. Мешітке келіп, үлкен жамағат болып оқығанға не жетсін", - дейді Пернебеков.

"Карантин бітсе, бір ай үйге бармаймыз"

Бүгіннен бастап астанада шағын дәмханалар мен мейрамханалар да ашылды. Ондай қоғамдық тамақтану орындарының сыйымдылығы 50 адамдан аспауы қажет. Ал бір уақытта тек 30 адамға ғана отыруға рұқсат етіледі. Астаналықтар кофеханалардың ашылғанына қунып жүр. 

"Бүгін бір тойға келгендей болып отырмыз. Үйден кәдімгідей қобалжып шықтық. Шынын айтсақ, үйден шаршап кеттік, тамақ жасаудан шаршап кеттік. Қалада тұрғаннан кейін бір жерге кіріп, кофе ішіп тұруға үйренгенбіз ғой. Қуаныштымыз. Өзіміз жасамай, біреудің қолынан ішіп-жеп, қонақ болып деген сияқты. Үйге кеткіміз келмей отыр. "Карантин бітсе, бір ай үйге бармаймыз" деген болайын деп тұр ғой", - дейді қала тұрғындарының бірі. 

Ал қала әкімдігі тиісті санитарлық талаптар сақталмаса, қатаң карантин енгізілетіні туралы ескертті.

274
Кілт сөздер:
дәмхана, видео, мешіт
Тақырып:
Төтенше жағдай және карантин
Тақырып бойынша
Ресей әлемде COVID-19 жұқтырғандардың саны жағынан екінші орынға шықты
Алматыда 25 мамырдан бастап қандай сауда орталықтары жұмыс істейді
Министрлік үш өңірде коронавирус жұқтырғандар неге артып жатқанын түсіндірді
Қазақстан өңірлері вирус жұқтыру өсімі бойынша үш топқа бөлінді
Архивтегі фото

Ресейлік танымал актриса коронавирус жұқтырды

0
Алена Бабенко әлеуметтік желіде COVID-19 індетін жұқтырғанын және денсаулығының нашарлағанын хабарлады

НҰР-СҰЛТАН, 24 мамыр – Sputnik. Ресейдің еңбек сіңірген әртісі Алена Бабенко коронавирус диагнозымен  ауруханаға жатқызылды. Бұл туралы актриса өзінің Instagram парақшасында хабарлады.

Посмотреть эту публикацию в Instagram

Публикация от Алена Бабенко (@alena_babenko_official)

Алена Бабенко сырқат екенін сезген бойда "Танцы со звездами" шоуынан кетіп, өзін оқшаулағанын атап өтті.

"Мен өз денсаулығыма ғана емес, достарым мен әріптестерімнің денсаулығына да жауаптымын. Өкінішке қарай, бұл әлгі коронавирус болып шықты", - деді актриса.   

Бабенко аурудың дене қызуының көтерілуі, әлсіздік секілді белгілерін байқаған. Қазір ол ауруханада емделіп жатыр, жағдайы біршама жақсарған.

Ресейлік актриса Алена Бабенко кинода, театрда және телехикаяларда ойнайды. Актриса ондаған рөлді сомдаған. 2013 жылы ол режиссер Ермек Аманшаев пен Георгий Шенгелияның "Параллель әлемдер" Қазақстан-Ресей мелодрамасында ойнады.

24 мамырдағы мәлімет бойынша Ресейде COVID-19 індетін жұқтырған 344 481 адам тіркелді.

0
Кілт сөздер:
актриса, коронавирус
Тақырып бойынша
"Басқаша түсініп қалды": Нұрлан Еспанов коронавирус туралы айтқан сөзін түсіндірді
Әйгілі Голливуд актері әйелі екеуі коронавирус жұқтырғанын мәлімдеді
Коронавирус індеті: COVID-19 жұқтырған танымал адамдар - фото
Танымал қазақстандық әнші төтенше жағдайға байланысты әскерге шақырылды – видео