Әйелінің хаты оқтан құтқарды - әнші атасының майдандағы оқиғасын еске алды

231
(Жаңартылды 19:13 03.05.2020)
Жеңістің 75 жылдығы қарсаңында Sputnik арнайы жобаны қолға алды. Оның аясында белгілі адамдар, саясаткерлер, бизнесмендер мен мәдениет қайраткерлері майдан шебінде болған туыстарының оқиғаларын айтып береді

"Город 312"  тобының солисі Светлана Назаренко Sputnik жобасында атасының соғыс кезінде бастан кешірген оқиғасын бөлісті.

Оның айтуынша, атасының үйіне жазған хатында кеңестік және неміс жауынгерлерінің әскери жинақылығын салыстырған. Мұны оқыған адамдар оны ату жазасына кеспек болыпты. Алайда түнде ол түс көрген. Түсінде әйелі қолынан ұстап, шұңқырдан шығарыпты. 

Ал таңертең Светлана Назаренконың атасын командир шақырған. Ол жауынгерді әйелі құтқарғанын айтыпты. Әйелі өз хатында: "Кузьма, сен фашистермен қасық қаның қалғанша дейін күресетініңді жаздың. Мен мұнымен толықтай келісемін. Сен нағыз азамат, патриот секілді әрекет ету керексің. Бірақ сенің үйге аман-есен оралуыңды қалаймын", - деп жазған.

Светлана атасы соғыстан аман оралғанын айтады. 

"Біз, балаларымыз бен немерелеріміз соғыс деген не екенін ешқашан көрмесек екен деп тілеймін. Аталарымыздың ерлігін есімізде сақтап, әрқашан құрметтейік", - деді әнші.

"Фронтовая перекличка" — таяу шетелдегі Sputnik баспасөз орталықтарының жобасы. 2020 жылы шара осымен үшінші рет өткізіліп отыр. Бұл жолы коронавирусқа байланысты түрлі редакцияларды біріктіретін видео байланыс болмайды.

231
Кілт сөздер:
ерлік, оқ, хат, әйел, Жеңіс күні

Карантин пошта жұмысына қалай әсер етті "Қазпошта" басшысымен онлайн-брифинг

20
(Жаңартылды 17:06 28.05.2020)
Sputnik Қазақстан халықаралық ақпарат агенттігі мен радиосында "Қазпошта" АҚ басқарма төрағасы Сәкен Сәрсеновтің қатысуымен онлайн-брифинг өтті.

Сәкен Сәрсенов онлайн брифингте қазақстандықтар мен бизнеске ыңғайлы болу үшін қызметтерді одан әрі жаңарту және автоматтандыру жоспарлары, пошта бөлімшелері карантин кезінде келушілерді қалай қабылдағаны, қауіпсіздік пен қызметті жақсарту үшін қандай жағдайлар жасалғаны жайлы айтты.

Карантин кезінде "Қазпошта" АҚ жұмысын жалғастырды. Зейнетақылар мен жәрдемақыларды үйге жеткізіп, төтенше жағдай кезінде табысынан айырылғандарға 42 500 теңге әлеуметтік көмек төлеу үшін виртуалды карталар шығарды.

Өңірлерде жедел әрекет ету штабы құрылды, көптеген қызмет онлайнға ауыстырылды, байланыссыз жеткізу әдістері ұйымдастырылды.  

20
Кілт сөздер:
онлайн режим, "Қазпошта"

Тоқаевтың қатысуымен өтіп жатқан ұлттық кеңестің отырысы видеотрансляция

654
(Жаңартылды 11:29 27.05.2020)
Мемлекет басшысы Қасым-Жомарт Тоқаев Ұлттық қоғамдық сенім кеңесінің үшінші отырысын онлайн форматта өткізіп жатыр. Толығырақ тікелей эфирден көріңіздер

Президенттің кеңесшісі Ерлан Карин бұған дейін хабарлағандай, ұлттық кеңес мүшелері Қазақстандағы адам капиталын дамыту және білім беру мәселелерін талқылайды.

"Алдағы отырыс онлайн форматта өтеді, басқа аймақтардан қосылу мүмкіндігі қарастырылған. Ұлттық кеңес мүшелерінің ұсынысы бойынша, алдағы отырыс адам капиталын дамытуға арналады. Атап айтқанда, білім беру саласын дамыту мәселелері қаралады", - деп жазды Қарин Telegram каналында.

Қазақстан президенті Қасым-Жомарт Тоқаев 2019 жылы қызметіне кіріскеннен кейін Ұлттық қоғамдық сенім кеңесін құру туралы бастама көтерді. Маусымда кеңес құру туралы Жарлыққа қол қойды.

Тоқаев ұлттық кеңестің мүшелері неге ауысқанын түсіндірді

Тоқаев атап өткендей, жаңа орган билік пен қоғам арасында диалог құру үшін құрылды.

Кеңестің бірінші отырысы 2019 жылы 6 қыркүйекте, екінші отырысы 20 желтоқсанда өтті.

Кеңестің негізгі мақсаты – қоғам, саяси партиялар, азаматтық қоғам өкілдерімен мемлекеттік саясаттың өзекті мәселелері бойынша ұсыныстар мен ұсынымдарды кеңінен талқылау.

Ұлттық кеңестің құрамына мемлекеттік қызметшілер, қоғам қайраткерлері, журналистер мен саясаттанушылар кірді. Кеңесті мемлекет басшысы басқарады. 

654
Кілт сөздер:
білім, Қасым-Жомарт Тоқаев
Тақырып бойынша
Тоқаев билік кез келген оң өзгерістерге дайын екенін мәлімдеді
"Билік тізгінін соларға тапсырамыз": Тоқаев кеңес отырысында маңызды мәселені көтерді
Қазақстанда парламенттік оппозиция институты пайда болады
Аз ба, көп пе: Тоқаев жарты жылда не тындырып үлгерді?
"Мен ондай адам емеспін": Арман Шораев ұлттық кеңестен неге кеткенін айтты
Бойжеткен, иллюстративті фото

Америкалық отбасы асырап алған қыз Қазақстандағы ата-анасын іздеп жатыр видео

0
(Жаңартылды 20:06 28.05.2020)
Азия Бергер Флорида штатында Диснейлендтен бес минуттық жерде тұрады. Лекси, Ари деген бір әпке, бір сіңлісі бар. Колледжде өнер саласында оқиды

АЛМАТЫ, 28 мамыр – Sputnik. Азия Бергерді 2001 жылы америкалық отбасы асырап алған. Қазақстанның Семей қаласында туған бойжеткен биологиялық ата-анасын тапқысы келеді. Бұл жайында ол Facebook қолданушысына берген сұхбатында айтты.

Азияның айтуынша, биологиялық ата-анасы Құралай және Қуат Ашқановтар есімді жұп. Бойжеткен 2000 жылы дүниеге келген, 2001 жылы америкалық отбасы асырап алған.

"Аты-жөнім – Asia Berger. Бұл есімді Америкадағы ата-анам қойған. Шын есімім – Салтанат Ашқанова. Мені Қазақстанның Семей қаласынан 16 ай кезімде асырап алған. Өзімнің биологиялық ата-анамды табамын деп шешім қабылдадым. Тегім – Бергер, бірақ біз неміс емеспіз. Әкемнің ата-бабасы, туыстарының неміске қатысы болуы мүмкін", - дейді бойжеткен сұхбатында.

Азия Флоридада тұрады, отбасында екі бауыры бар. Колледжеде өнер саласында оқиды.  

"Мен Флоридада Диснейлендтен бес минуттық жерде тұрамын. Ол жерге бала кезімде баратынмын. Лекси, Ари деген бір әпкем, бір сіңлім бар. Үйде ортаншы баламын. Колледжде өнер саласында оқимын. Біз бір-бірімізбен өте жақын араласамыз, бірге қыдырамыз", - деді ол отбасы жайлы.

Айтуынша, америкалық ата-анасы асырап алғанын жасырмаған.

"Мені асырап алғанын сұрастырып білген жоқпын. Оны бұрыннан білетінмін. Әкем Нью-Йоркте Бруклинде туып өскен. Анам Орталық-батыста туған. Анамның шашы сары, көздері көк. Сырт келбетімізде айырмашылықтар байқалатын. Ата-анам асырап алғаны жайлы жасырған емес", - дейді ол.

Азия сұхбат барысында үйінде Қазақстан жайлы кітаптың көп екенін айтты.

"Барлық жағынан ашық сөйлесе білеміз. Әкем туған жерін білуді маңызды деп санайды. Әсіресе, үйімізде Қазақстан жайлы кітап көп. Қай жерден екенімді біле бермеймін, алайда ата-анамның маған көмек көрсетіп жатқаны үшін ризамын", - дейді бойжеткен.

"Қазақстан жайлы ешқашан жаман пікірде болған емеспін. Себебі туған ата-анамның өз қиындығы болған шығар. Одан бөлек асырап алынған барлық баланың атынан да сөйлей алмаймын, әр адамның өз қиындығы, өмір тәжірибесі бар. Сол туралы ойлаған кезде туған ата-анама деген өкпе-реніш те, сағыныш та жоқ, - дейді ол.

Бойжеткен биологиялық ата-анасының өткен өмірін білмей тұрып, оларды талқылай алмайтынын айтты.

"Менің америкалық ата-анам көп саяхаттайды. Әртүрлі елді, мәдениетті көрген кезде бірден үйренісе алмайды. Мен де Қазақстанға барсам, дәл солай мәдени шок алуым мүмкін", - дейді Азия Бергер.

0