"Мақтан тұтамын": Даниал Ахметов соғысқа қатысқан әкесі туралы айтып берді 

266
Қазақстанның мемлекеттік қайраткері, Шығыс Қазақстан облысының әкімі Даниал Ахметов "Фронтовая перекличка" жобасын қолдап, соғысқа қатысқан әкесі туралы айтып берді

"Менің әкем 1939 жылы қыркүйекте 18 жасында Қызыл Армияның қатарына шақырылды. Ал 1941 жылы қыркүйек айында ауыр жарақат алды. Қайта даярлау курстарынан кейін оған лейтенант шені берілді", - деп еске алады Ахметов.

Кенжетай Ахметов Курск шайқасында және Берлин түбінде тағы екі рет жарақат алған. Алғашқы наградасы - "Ерлігі үшін" медалі. 

"Менің әкем басқарған миномет батареясы фашистердің екі миномет батареясын тоқтатты. Одан кейін шабуылдаушы жаяу әскер ротасының құрамында неміс басқыншыларының ротасын тоқтатуға атсалысты. Осылайша, алғашқы наградасы - "Ерлігі үшін" медалін алды. Оны, көбінесе, жауынгерлерге тапсыратын. Бірақ менің әкем офицер болса да, қатардағы сарбаздармен бірдей тойтарыс пен шабуылға қатысқан. Сол себепті оған да медаль берді деп ойлаймын", - деді Ахметов.

Бұдан бөлек, Кенжетай Ахметов "Берлинді алғаны үшін", "Ұлы Отан соғысында Германияны жеңгені үшін", "Варшаваны азат еткені үшін" медальдары мен Отан соғысы орденімен марапатталған болатын.     

"Мен әкемді мақтан тұтамын. Үйімізде әкеміздің жауынгерлік жолына арналған бұрыш бар. Сол жерге барлық фото мен награданы жинап қойдық", - дейді Ахметов.

Соғысқа Даниал Ахметовтың атасы – Сары Ахметов та аттанған. Ол да әскери наградалар алды. 

"Әкем мен атамның өмірі – табандылық пен қиындықты еңсерудің үлгісі. Соның арқасында жеңімпаз болып шығасың", - деп атап көрсетті әкім.

Ахметов Ұлы Отан соғысына қатысқан әрбір адамның елдің мақтанышы екенін ерекше атап өтті. 

"Жеңіс кеңес халқының ұлы рухын көрсетеді. Бұл – интернационализм рухы, жеңімпаздардың рухы. Бұның барлығы сол кездегі тамаша ұрпаққа тән. Бірнеше күннен кейін біз Ұлы Жеңістің 75 жылдығын атап өтеміз. Бұл – кеңес халқының жеңісі, барша адамзаттың жеңісі. Мен біздің соғыс ардагерлеріміздің алдында бас иемін. Денсаулық пен бақыт тілеймін! Жеңіс күні құтты болсын!" – деп атап көрсетті Даниал Ахметов.

"Фронтовая перекличка" - Sputnik баспасөз орталықтарының дәстүрлі жобасы. Ұлы Жеңістің 75-жылдығы қарсаңында Беларусь, Абхазия, Қырғызстан, Армения, Молдова, Грузия, Әзербайжан, Қазақстан мен Оңтүстік Осетияның Sputnik редакциялары соғысқа қатысқан сарбаздар мен офицерлердің ұрпақтары айтқан естеліктерді жариялайды. 

"Фронтовая перекличка" жобасы аясында отбасылық естеліктер ұлы әскери шежіреге қосылып, әлемді фашизмнен азат еткен халықтардың ерлігін ұмытпауға мүмкіндік береді.

 

266
Кілт сөздер:
жеңіс, соғыс, әкесі, Даниал Ахметов
Тақырып бойынша
Нұр-Сұлтандағы үйдің қабырғасында Бауыржан Момышұлының суреті пайда болады
"Әйеліме беріңіздер": жауынгердің 75 жыл бұрын жазған хаты табылды - фото
Бүгін Қасым Қайсеновтің туған күні: қазақтың қас батыры туралы қызықты деректер
"Айыбым – тірі қалғаным" "Түнгі мыстан" атанған Хиуаз Доспанова туралы не білеміз?
17 жасында майданға аттанған Әлия Молдағұлова туралы қызықты деректер
(4:48 / 56.63Mb / )

Жоғары Еуразиялық экономикалық кеңес қалай өтіп жатыр трансляция аяқталды

98
(Жаңартылды 15:32 19.05.2020)
Кестеге сәйкес саммит 19 мамырда Минскіде өтеді деп жоспарланған, дегенмен COVID-19 коронавирус пандемиясына байланысты бірқатар ел өз шекарасын жауып, карантин шараларын қабылдады

Бұған дейін Минскіде ЕАЭО лидерлерінің келіссөздерін бейнебайланыс арқылы өткізу мүмкіндігі қарастырылып жатқаны хабарланған болатын, алайда Беларусь басшысы көзбе-көз кездесуді қолдайтынын мәлімдеді.

Лукашенко сонымен қатар, ЕАЭО басшыларының жеке кездесуін өткізу үшін эпидемиологиялық жағдайға байланысты саммит кейінге қалдырылуы мүмкін екенін жоққа шығармады.

Еуразиялық экономикалық одақ – 2015 жылдың 1 қаңтарынан бастап жұмыс істейтін халықаралық интеграциялық экономикалық бірлестік. Одаққа Қазақстан, Ресей, Армения, Беларусь және Қырғызстан мүше. 2020 жылы ЕАЭО органдарына Беларусь төрағалық етеді.  

98

Нұр-Сұлтанда мешіттер мен дәмханалар ашылды видео

281
Елордада мешіттер мен шағын тамақтану орындары ашылды. Алайда барлық жерде қатаң санитарлық шаралар сақталады

Sputnik Қазақстан тілшілері мешіттер мен дәмханаларды аралап, карантиндік жағдайда жұмыс жасау тәртібімен танысып қайтты. 

Үш құлшылыққа рұқсат

"Әзірет Сұлтан" мешітіне бетпердесіз кіруге болмайды. Бұдан бөлек, имамдар қолғап киіп келуге кеңес береді. Ал мешіттің өзінде әзірше тек үш құлшылыққа ғана рұқсат етілген. Бас имам Ерболат Нұрылдаұлының айтуынша, біріншіден, намаз оқуға болады. Бірақ жеке құлшышыққа ғана рұқсат бар.

"Адам жеке құлшылығын 15 минуттың ішінде орындап шығып кетуі керек. Жамағатпен құлшылық жасалынбайды, яғни тек жеке құлшылыққа ғана рұқсат. Екінші құлшылықтың түрі - құран оқыту, адамдар арнайы бөлмеге кіріп, ата-бабаларына құран бағыштай алады. Ал үшінші құлшылық – некелесу. Некеге рұқсат бар, бірақ жас жұбайлар екі куәгермен ғана келуі керек", - дейді мешіттің бас имамы.

Құран оқытуға арналған бөлмеге 10 адамнан ғана кіргізеді. Орындықтардың арасын да ашып қойған. Келген адам бірінші бөлмеге сыймаса, қосымша бөлмеге баруға болады. Онда да имам құран оқиды.

Жамағаттың қуанышында шек жоқ

Мешіттің жұмыс уақыты белгіленген. Таңғы сағат 7:00-ден кешкі 20:00-ге дейін келуге болады. Бүгін таң атқаннан бері мешітке жасы да, кәрісі де келіп жатыр. Араларында 80-90 жастағы қариялар да аз емес.

"Мешітке садақа берейін, әруақтарға құран оқытайын деп келдім. Құран оқыттым, садақамды бердім. Соған ризамын", - дейді қала тұрғыны Күлзада апа.

Ал Алмас Пернебеков жамағатпен бірге намаз оқуды асыға күтіп жүр.

"Қуанышымызда шек жоқ, жалпы өзіміздің жұмысымызда да он-он бес шақты жамағатымыз бар. Қуанып жатырмыз. Мешіттің аты мешіт қой, Алланың үйі. Мешітке келіп, үлкен жамағат болып оқығанға не жетсін", - дейді Пернебеков.

"Карантин бітсе, бір ай үйге бармаймыз"

Бүгіннен бастап астанада шағын дәмханалар мен мейрамханалар да ашылды. Ондай қоғамдық тамақтану орындарының сыйымдылығы 50 адамдан аспауы қажет. Ал бір уақытта тек 30 адамға ғана отыруға рұқсат етіледі. Астаналықтар кофеханалардың ашылғанына қунып жүр. 

"Бүгін бір тойға келгендей болып отырмыз. Үйден кәдімгідей қобалжып шықтық. Шынын айтсақ, үйден шаршап кеттік, тамақ жасаудан шаршап кеттік. Қалада тұрғаннан кейін бір жерге кіріп, кофе ішіп тұруға үйренгенбіз ғой. Қуаныштымыз. Өзіміз жасамай, біреудің қолынан ішіп-жеп, қонақ болып деген сияқты. Үйге кеткіміз келмей отыр. "Карантин бітсе, бір ай үйге бармаймыз" деген болайын деп тұр ғой", - дейді қала тұрғындарының бірі. 

Ал қала әкімдігі тиісті санитарлық талаптар сақталмаса, қатаң карантин енгізілетіні туралы ескертті.

281
Кілт сөздер:
дәмхана, видео, мешіт
Тақырып:
Төтенше жағдай және карантин
Тақырып бойынша
Ресей әлемде COVID-19 жұқтырғандардың саны жағынан екінші орынға шықты
Алматыда 25 мамырдан бастап қандай сауда орталықтары жұмыс істейді
Министрлік үш өңірде коронавирус жұқтырғандар неге артып жатқанын түсіндірді
Қазақстан өңірлері вирус жұқтыру өсімі бойынша үш топқа бөлінді
Коронавирус сынамасын жүргізу

Атырауда үш жасар қыздың коронавирусты қалай жұқтырғаны анықталды

0
(Жаңартылды 11:34 25.05.2020)
Қазіргі кезде вирус жұқтырған науқастар жұқпалы аурулар ауруханасына жатқызылып, оларға тиісті емдеу шаралары жүргізілуде

НҰР-СҰЛТАН, 25 мамыр – Sputnik.  Жедел штаб өкілдері үш жастағы бүлдіршіннің Covid-19 вирусын тасымалдаушымен тығыз байланыста болғанын айтып отыр, деп хабарлайды Sputnik Қазақстан.

Өткен тәулік ішінде аймақта коронавирус инфекциясын жұқтырудың 12 жағдайы тіркелді. Міндетті тексеру жүргізу нәтижесінде Теңіз кен орнының 9 жұмысшысы анықталды.

"Тағы үш науқас Исатай ауданының тұрғыны. Оның бірі 24 жастағы Атырау қаласының тұрғыны болса, екіншісі 53 жастағы Құлсары қаласының тұрғыны. Ал үшіншісі үш жастағы бүлдіршін қыз. Оның вирус жұқтырған адаммен тығыз байланыста болғаны анықталды", – делінген жедел штаб хабарламасында.

Қазіргі кезде барлық науқастар жұқпалы аурулар ауруханасына жатқызылып, оларға алгоритм бойынша емдеу жүргізілуде. Инфекция ошағы мен байланысатын адамдар шеңбері де анықталды.

Айта кетейік, бүгінгі таңда облыста Covid-19 вирусын жұқтырғандар саны 891 адамды құрайды. Ал жазылып шыққандар – 226.

Оқи отырыңыз: Атырауда коронавирус жұқтырған екі әйел босанды

0
Кілт сөздер:
инфекция, коронавирус, Атырау
Тақырып:
Коронавирус эпидемиясы
Тақырып бойынша
"Көзге көрінбейтін дұшпан": Вирус жұқтырған шенеунік желіде жазба жариялады
"Бұл вирус бізбен ұзақ уақыт болады": ДДҰ басшысы мәлімдеме жасады 
"Туыстары түсінгісі келмейді": Өзіне қол салған адамнан вирус табылды
Дәрігерлердің жаппай вирус жұқтыруына кінәлі басшылар жауапкершілікке тартылады
Қазақстан өңірлері вирус жұқтыру өсімі бойынша үш топқа бөлінді