Депутат үш дәрежелі Даңқ ордені иегерінің өмір жолы туралы әңгімелеп берді

116
Сержант-артиллерист Сүлейменов  Беларусьтің Гродно қаласы түбінде жау әскерін жойғаны үшін алғаш рет III дәрежелі Даңқ орденін алды

Мұташ Сүлейменов Ұлы Отан соғысы кезінде үш рет жараланды. Беларусь пен Польшаны азат ету кезіндегі шайқастардағы ерлігі үшін үш дәрежелі Даңқ орденімен марапатталды.

Соғыстан кейін 40 жылдан астам уақыт ауыл мұғалімі болып жұмыс істеп, Қарағанды ​​қаласының құрметті азаматы атанды. Жеңістің 75 жылдығы қарсаңында өзінің туған жиені, Қазақстан парламенті мәжілісінің әлеуметтік-мәдени даму комитетінің төрағасы Бейбіт Мамраев "Фронтовая перекличка" жобасын қолдап, батырдың өмір жолы туралы әңгімелеп берді.  

Мұташ Сүлейменов Қарағанды ​​облысының Кертінді ауылынан шыққан. 1942 жылы 20 жасында Орск қаласында әскери дайындықтан өтіп, майданға аттанды. 114-атқыштар бригадасында соғысты.

"Біздің отбасымыз үшін үш дәрежелі Даңқ орденімен марапатталған Ұлы Отан соғысының ардагері Сүлейменов Мұташ ағамыз әрқашан үлгі-өнеге болды. Оның балалары, біз, туысқандары және ауыл тұрғындары оны мақтан тұтатын. Ол таңғажайып адам еді", - дейді халық қалаулысы.

Сержант-артиллерист Сүлейменов 1943 жылдың ақпанында және 1944 жылы сәуірде екі рет жоғары сарбаз марапаты – "Ерлігі үшін" медалімен марапатталған. Ол Беларусьтің Гродно қаласы түбінде жаудың екі атыс нүктесі мен жау әскерін жойғаны үшін өзінің алғашқы III дәрежелі Даңқ орденін алды.

Сержант Сүлейменов Польшаның Кнышин қаласы аумағында жаудың үш пулемет нүктесін жойып, ондаған фашисті жер жастандырғаны үшін II дәрежелі Даңқ орденімен марапатталды.

1945 жылы ақпанда оның басшылығындағы әскери бөлім Мариенфельд елді мекеніне шабуыл жасау кезінде ерлік пен батылдық танытып, жаудың артиллериялық қаруын, бірнеше пулемет нүктесі мен жау әскерін жойды.

"Бұл шайқаста ол жараланды, бірақ ұрыс алаңын тастап кетпеді, сарбаздарымен бірге қалды. Олардың ерлігі жоғары бағаланып, І дәрежелі Даңқ орденімен марапатталды, осылайша Даңқ орденінің толық иегері болды", - деп атап өтті Мамраев.

Жауынгерге сондай-ақ Қызыл Жұлдыз орденімен, I Отан соғысы, "1941-1945 жылдардағы Ұлы Отан соғысында Германияны жеңгені үшін" медалі табысталды.  

Мұташ Сүлейменов Жеңісті 1945 жылы қарсы алып, 1945 жылы 24 маусымда Қызыл алаңдағы тарихи Жеңіс парадына қатысты. Осыдан кейін ол Мәскеудегі Жеңіс парадтарына бірнеше рет – 1985, 1995, 2005 жылдары қатысты.

Соғыстан кейін бұрынғы майдангер жоғары педагогикалық білім алып, өзі туып-өскен Кертінді ауылында 40 жылдан астам уақыт мұғалім болып жұмыс істеді. Жерлестері мен туыстарына қарапайымдылық пен әдептіліктің үлгісі болды.

"Ол тарихтан, алғашқы әскери дайындықтан сабақ берді. Біз, балалар одан мылтықпен дәл атуды, шаңғымен жүгіруді, волейбол ойнауды үйрендік. Бүгінгі таңда ол жұмыс істеген мектеп Мұташ Сүлейменовтің атымен аталады", - дейді кейіпкердің жиені.

Мұташ Сүлейменұлының бейбіт замандағы еңбегі бірнеше рет мемлекеттік наградамен – "Тың жерлерді игергені үшін" медалімен, 2003 жылы "Құрмет" орденімен марапатталды. Педагогикалық қызметтегі жетістіктері үшін "Қазақ КСР халық ағарту үздігі", "КСРО ағарту үздігі"төсбелгілерін алды. 1994 жылы Қарағанды ​​қаласының Құрметті азаматы атанды. 2006 жылы дүниеден озды.  

116
Тақырып бойынша
Назарбаев: Қазақстандықтар ерен ерліктің жарқын үлгісін көрсетті
"Мақтан тұтамын": Даниал Ахметов соғысқа қатысқан әкесі туралы айтып берді 
Тараздықтар соғыс ардагерлерін ерекше құттықтады – видео
Ұлы Отан соғысы: қазақ жауынгері мен оның қызметтік иті туралы қызықты әңгіме   
(4:48 / 56.63Mb / )

Жоғары Еуразиялық экономикалық кеңес қалай өтіп жатыр трансляция аяқталды

98
(Жаңартылды 15:32 19.05.2020)
Кестеге сәйкес саммит 19 мамырда Минскіде өтеді деп жоспарланған, дегенмен COVID-19 коронавирус пандемиясына байланысты бірқатар ел өз шекарасын жауып, карантин шараларын қабылдады

Бұған дейін Минскіде ЕАЭО лидерлерінің келіссөздерін бейнебайланыс арқылы өткізу мүмкіндігі қарастырылып жатқаны хабарланған болатын, алайда Беларусь басшысы көзбе-көз кездесуді қолдайтынын мәлімдеді.

Лукашенко сонымен қатар, ЕАЭО басшыларының жеке кездесуін өткізу үшін эпидемиологиялық жағдайға байланысты саммит кейінге қалдырылуы мүмкін екенін жоққа шығармады.

Еуразиялық экономикалық одақ – 2015 жылдың 1 қаңтарынан бастап жұмыс істейтін халықаралық интеграциялық экономикалық бірлестік. Одаққа Қазақстан, Ресей, Армения, Беларусь және Қырғызстан мүше. 2020 жылы ЕАЭО органдарына Беларусь төрағалық етеді.  

98

Нұр-Сұлтанда мешіттер мен дәмханалар ашылды видео

281
Елордада мешіттер мен шағын тамақтану орындары ашылды. Алайда барлық жерде қатаң санитарлық шаралар сақталады

Sputnik Қазақстан тілшілері мешіттер мен дәмханаларды аралап, карантиндік жағдайда жұмыс жасау тәртібімен танысып қайтты. 

Үш құлшылыққа рұқсат

"Әзірет Сұлтан" мешітіне бетпердесіз кіруге болмайды. Бұдан бөлек, имамдар қолғап киіп келуге кеңес береді. Ал мешіттің өзінде әзірше тек үш құлшылыққа ғана рұқсат етілген. Бас имам Ерболат Нұрылдаұлының айтуынша, біріншіден, намаз оқуға болады. Бірақ жеке құлшышыққа ғана рұқсат бар.

"Адам жеке құлшылығын 15 минуттың ішінде орындап шығып кетуі керек. Жамағатпен құлшылық жасалынбайды, яғни тек жеке құлшылыққа ғана рұқсат. Екінші құлшылықтың түрі - құран оқыту, адамдар арнайы бөлмеге кіріп, ата-бабаларына құран бағыштай алады. Ал үшінші құлшылық – некелесу. Некеге рұқсат бар, бірақ жас жұбайлар екі куәгермен ғана келуі керек", - дейді мешіттің бас имамы.

Құран оқытуға арналған бөлмеге 10 адамнан ғана кіргізеді. Орындықтардың арасын да ашып қойған. Келген адам бірінші бөлмеге сыймаса, қосымша бөлмеге баруға болады. Онда да имам құран оқиды.

Жамағаттың қуанышында шек жоқ

Мешіттің жұмыс уақыты белгіленген. Таңғы сағат 7:00-ден кешкі 20:00-ге дейін келуге болады. Бүгін таң атқаннан бері мешітке жасы да, кәрісі де келіп жатыр. Араларында 80-90 жастағы қариялар да аз емес.

"Мешітке садақа берейін, әруақтарға құран оқытайын деп келдім. Құран оқыттым, садақамды бердім. Соған ризамын", - дейді қала тұрғыны Күлзада апа.

Ал Алмас Пернебеков жамағатпен бірге намаз оқуды асыға күтіп жүр.

"Қуанышымызда шек жоқ, жалпы өзіміздің жұмысымызда да он-он бес шақты жамағатымыз бар. Қуанып жатырмыз. Мешіттің аты мешіт қой, Алланың үйі. Мешітке келіп, үлкен жамағат болып оқығанға не жетсін", - дейді Пернебеков.

"Карантин бітсе, бір ай үйге бармаймыз"

Бүгіннен бастап астанада шағын дәмханалар мен мейрамханалар да ашылды. Ондай қоғамдық тамақтану орындарының сыйымдылығы 50 адамдан аспауы қажет. Ал бір уақытта тек 30 адамға ғана отыруға рұқсат етіледі. Астаналықтар кофеханалардың ашылғанына қунып жүр. 

"Бүгін бір тойға келгендей болып отырмыз. Үйден кәдімгідей қобалжып шықтық. Шынын айтсақ, үйден шаршап кеттік, тамақ жасаудан шаршап кеттік. Қалада тұрғаннан кейін бір жерге кіріп, кофе ішіп тұруға үйренгенбіз ғой. Қуаныштымыз. Өзіміз жасамай, біреудің қолынан ішіп-жеп, қонақ болып деген сияқты. Үйге кеткіміз келмей отыр. "Карантин бітсе, бір ай үйге бармаймыз" деген болайын деп тұр ғой", - дейді қала тұрғындарының бірі. 

Ал қала әкімдігі тиісті санитарлық талаптар сақталмаса, қатаң карантин енгізілетіні туралы ескертті.

281
Кілт сөздер:
дәмхана, видео, мешіт
Тақырып:
Төтенше жағдай және карантин
Тақырып бойынша
Ресей әлемде COVID-19 жұқтырғандардың саны жағынан екінші орынға шықты
Алматыда 25 мамырдан бастап қандай сауда орталықтары жұмыс істейді
Министрлік үш өңірде коронавирус жұқтырғандар неге артып жатқанын түсіндірді
Қазақстан өңірлері вирус жұқтыру өсімі бойынша үш топқа бөлінді
Коронавирус сынамасын жүргізу

Атырауда үш жасар қыздың коронавирусты қалай жұқтырғаны анықталды

0
(Жаңартылды 11:34 25.05.2020)
Қазіргі кезде вирус жұқтырған науқастар жұқпалы аурулар ауруханасына жатқызылып, оларға тиісті емдеу шаралары жүргізілуде

НҰР-СҰЛТАН, 25 мамыр – Sputnik.  Жедел штаб өкілдері үш жастағы бүлдіршіннің Covid-19 вирусын тасымалдаушымен тығыз байланыста болғанын айтып отыр, деп хабарлайды Sputnik Қазақстан.

Өткен тәулік ішінде аймақта коронавирус инфекциясын жұқтырудың 12 жағдайы тіркелді. Міндетті тексеру жүргізу нәтижесінде Теңіз кен орнының 9 жұмысшысы анықталды.

"Тағы үш науқас Исатай ауданының тұрғыны. Оның бірі 24 жастағы Атырау қаласының тұрғыны болса, екіншісі 53 жастағы Құлсары қаласының тұрғыны. Ал үшіншісі үш жастағы бүлдіршін қыз. Оның вирус жұқтырған адаммен тығыз байланыста болғаны анықталды", – делінген жедел штаб хабарламасында.

Қазіргі кезде барлық науқастар жұқпалы аурулар ауруханасына жатқызылып, оларға алгоритм бойынша емдеу жүргізілуде. Инфекция ошағы мен байланысатын адамдар шеңбері де анықталды.

Айта кетейік, бүгінгі таңда облыста Covid-19 вирусын жұқтырғандар саны 891 адамды құрайды. Ал жазылып шыққандар – 226.

Оқи отырыңыз: Атырауда коронавирус жұқтырған екі әйел босанды

0
Кілт сөздер:
инфекция, коронавирус, Атырау
Тақырып:
Коронавирус эпидемиясы
Тақырып бойынша
"Көзге көрінбейтін дұшпан": Вирус жұқтырған шенеунік желіде жазба жариялады
"Бұл вирус бізбен ұзақ уақыт болады": ДДҰ басшысы мәлімдеме жасады 
"Туыстары түсінгісі келмейді": Өзіне қол салған адамнан вирус табылды
Дәрігерлердің жаппай вирус жұқтыруына кінәлі басшылар жауапкершілікке тартылады
Қазақстан өңірлері вирус жұқтыру өсімі бойынша үш топқа бөлінді